瀛豐放題料理專門店

營業中

休息中

#christine開飯日記 食放題都有魚子醬？你冇睇錯啊，真係有成碟魚子醬俾你食😍仲有好多海鮮任食㗎！我琴日就去咗位於銅鑼灣駱克道京都廣場-「瀛豐放題料理專門店」位置都好方便好易搵到。而且地方好闊落。有好多都係卡位，坐得都幾舒服㗎，幾啱同一大班朋友一齊去食飯。🌟晚市放題+升級套餐（$448）佢晚市放題呢已經包咗基本嘅刺身啦、壽司、日式料理。仲有唔同款式嘅泰式美食。我哋仲加咗$148食升級套餐。咁呢？佢就包括咗啤酒任飲、海膽帶子同埋海鮮拼盤。淨係個海鮮偏盤單叫都要三百幾蚊㗎，所以加埋呢一個升級套餐呢都真係幾抵🌟海鮮拼盤-蟹腳、鮑魚、海螺、魚子醬、青口、海蝦。款式種類都幾多。而且每一款都幾新鮮😍，鮑魚特別爽口👍🌟啤酒-啤酒任飲佢就有兩款嘅，Hoegaarden同Stella,而且呢好夠氣👍啱晒同朋友啤啤佢🌟海膽帶子-佢嘅海膽帶子呢係由一個珍寶帶子夾住海膽啦，咁食落都好鮮甜嘅，淡淡嘅海膽味加埋帶子嘅鮮甜味呢，原來都幾夾🌟串燒-我就試咗佢幾款串燒嘅，包括係鹽燒雞腎、串燒雞肉同埋串燒牛柳仲有燒菠蘿。佢嘅串燒唔會燒得太乾身，啱啱好。所以食落呢都幾唔錯。真係要點佢嘅燒菠蘿，好甜好Juicy。😍😍🌟

今晚做完運動特別肚餓黎食放題，9點黎到餐廳都仲幾多人wor。個蟲草花湯超級好飲，好足料，用左唔少龍眼肉煲所以特別清甜。叫左帶子海膽-d帶子好厚肉新鮮。升級版極品海鮮拼盤 - 好高質wor 有食酒店凍海鮮嘅感覺。有魚子醬，青口，長腳蟹，鮑魚，螺，蝦。全部都新鮮。特別鍾意長腳蟹啖啖肉。刺身拼盤-多款肥美刺身。雖然都知道呢個係放題飽肚策略，不過佢都幾新鮮，算佢啦。個人覺得最正係蝦，大大隻厚肉。食完有d飽已經。出面有d前菜例如海草沙律，八爪魚。味道正常發揮。 另外qr code 落單，個list 好長。由於有d飽只係叫左d 泰式野試下。最有驚喜係飛天通菜。有wok氣，惹味。甜品都有唔少選擇，有d自製蛋糕果d。仲有雪糕，豆腐雪糕唔錯。

食日式放題就食得多，泰式放題都試過原來係銅鑼灣有間放題料理專門店可以一次過試到超過 180 款港日泰美食仲要可以升級食到極品海鮮拼盤同埋海膽帶子刺身，鐘意食海鮮同刺身既朋友仔又點可以過餐廳裝修糅合西日元素，簡約時尚設有大量梳化卡位，枱面非常大，就算放到成枱美食都無問題，放工同朋友聚餐定家庭聚會都非常合適放題除左有刺身、創作壽司、炸物和和食之外，仲有泰式小炒、燒物、芝士焗原隻生蠔食物方面 :最強升級優惠：可以任食松葉蟹腳、凍鮑魚、凍角螺、凍青口、凍蝦，仲有最受歡迎既海膽帶子刺身都係任食，每兩位升級仲送一盒魚子醬，再加埋Hoegaarden、Stella 生啤都係任飲，真係可以飲飽食醉刺身類 : 有珍寶赤蝦、三文魚腩、赤貝、油甘魚、希靈魚、角螺、馬刀貝、醬油吞拿魚、白玉貝，刺身新鮮，款式非常多，當中珍寶赤蝦一定係回本之選壽司類 : 除左有多款單點壽司，多款配搭既花之戀，原條鰻魚壽司、仲有松葉蟹杯，千祈唔好錯過燉湯 : 今日係桂圓蟲草花燉雞湯，湯水味道清甜，健脾滋潤自助小食區 : 有多款日泰小食，芝麻八爪魚、味付螺肉、中華沙律、泰式鳳爪、麻辣帶子裙沙律，連瀨尿蝦仔都有，小食都好豐富天婦羅 :

平時我最愛食生冷野，老公就鍾意食熟食，所以日式放題餐廳真係最啱我地去撐檯腳🫶🏻 早幾日老公放工，去左附近的瀛豐港日泰放題，$259任飲任食兩小時。食完真係要大讚大推下！首先講下我最鍾意的生冷野部分😂 D刺身每款都勁新鮮！如果加$148升級個凍海鮮拼盤，凍海鮮仲係任食‼️真係好誇張‼️淨係個海鮮拼盤同升級凍海鮮拼盤，已經回哂本同值100分💯特別推介：✨️赤蝦：勁大隻！啖啖肉😋✨️海膽帶子：海膽好新鮮！配埋帶子一齊食好夾！有口感又鮮甜！！✨️三文魚腩：好肥美🤤而老公就大讚入座時送上的蟲草花燉雞湯，勁足料又清甜‼️ 個冬蔭公湯佢都話要大推，又熱又足料又味道勁好！佢自己一個飲左兩大碗😂甜品櫃的甜品都好驚喜❣️我地差唔多每款都試，發現款款都整得好好食！特別推介Tiramisu同木槺布甸，真係非常出色❣️呢間放題食物質素好高，座位又舒服闊落，同老公都一致同意一定會再黎😋

銅鑼灣瀛豐放題，舖頭環境夠寬敞，平日夜晚都坐無虛席，刺身、海鮮、天婦羅、壽司同埋熟食，自助區仲有飲品櫃、甜品櫃，各樣食物都高質、2個小時食到回本！ （$239+10%服務費）△ ▽ △ ▽ △ ▽ △ ▽ △ ▽ △ ▽△ ▽ ▽ △ ▽ △ ▽△🔹◉+$148升級極品海鮮拼盤 （凍海鮮任食）海鮮拼盤包括松葉蟹腳、凍螺、凍鮑魚、凍蝦 、凍青口，賣相一流，回本之選當然係松葉蟹腳，夠清甜！🔹◉海膽帶子任點！清新的帶子，再加上濃郁海膽，坊間比較少見！仲可以無限追加。🔹◉ 魚子醬 好抵食！放題仲有魚子醬，有恰到好處、天然海鮮微鹹，正！🔹◉蟲草花燉雞湯 燉湯絕對有驚喜！湯料十足，鮮甜至極！🔹◉泰國特色超多泰國菜式！包括飛天炒通菜、炒金邊粉？冬陰功湯、豬頸肉、串燒等等，夠豐富地道！除此之外，仲有天婦羅、壽司、多款雪糕同埋甜品，絕對係豐富的港日泰美食！瀛豐放題料理專門店銅鑼灣駱克道491-499號京都廣場10樓

瀛豐放題料理專門店是日放假想跟媽咪大食特食，所以決定到瀛豐食放題！中午12點至15點，每人$229，加$148還可以任食海鮮！餐廳環境不算很大但枱與枱之間有適當的空間所以不會十分擠迫大部份食物用QR落單沒有漏單情況前菜，甜品及飲品可以到靠近門口的位置拿取刺身拼盤-珍寶赤蝦，三文魚，油甘魚，希靈魚，八爪魚， 鮑片，馬刀貝，北海道角螺，赤貝 個人最喜歡珍寶赤蝦，三文魚及油甘魚。 珍寶赤蝦如其名，有成隻手般大！ 海鮮拼盤-拼盤奉上時好細心附有食蟹用的剪刀 不得不提食放題好少看到有魚子醬 但這裡是整盒魚子醬奉上，味道稍有鹹鮮味帶子海膽刺身-帶子每粒都好大隻，裡面夾著海膽 帶子爽口又夾著海膽的味道！前菜-中華沙律，芝麻八爪魚，海蜇，手撕雞等，有多款可以選擇作開胃之用辣椒膏炒蜆-微辣，非常惹味青木瓜沙律-普普通通，但作為開胃作用可以一試飛天炒通菜-想不到飛天炒通菜幾有驚喜，個人推介！泰式鳳爪-酸酸辣辣串燒牛柳-不錯~~燒菠蘿-推介推介！我們翻點了很多次！！芝士鰻魚卷-因為已近8成飽，所以只點了這款壽司嘗試，味道尚可芝麻炸雞翼-雞翼相當大隻！而且即叫即炸！泰式燒生蠔-蒜蓉焗生蠔，很重香蒜味，

朋友生日原本諗住食自助餐但係朋友話這一間放題比自助餐仲要正就試一試價錢都幾公道 ，食物選擇都幾多, 都有啲高級食材可以選一開始就先落咗刺身先刺身都幾新鮮，三文魚厚切，油香濃甜蝦超大隻，新鮮彈牙仲有兩隻蟹腳，仲跟埋較剪好貼心完全估唔到放題都有魚子醬可以食今次係第一次食魚子醬海膽帶子刺身， 海膽好新鮮冇腥味帶子大大隻鮮甜放題有好多泰式熟食可以揀生菜包味道香濃， 夠辣又唔會太辣，生菜新鮮質素不會比平時餐廳泰式餐廳差雞軟骨上菜時熱辣辣蟲草花圓肉燉湯， 足料好味松葉蟹杯，好可愛，有一隻蟹鉗，細細杯飯，份量唔會太多最尾自己揀咗個燒菠蘿做甜品， 燒得剛剛好，微微焦香飲品選擇都多，有無糖可樂，又有好多唔同嘅無糖茶，仲有青檸梳打甜品都有唔少選擇整體覺得這間放題質素唔差，拍得住食自助餐，可惜今日我哋自己人少，可以食嘅選擇唔多，下次多啲人嚟食會再開心啲

日泰式料理、海鮮冷盤刺身、前菜、串燒、各種各樣的甜品和飲品，性價比高！推薦加購$148海膽帶子和海鮮拼盤，有鮑魚、青口、松葉蟹腳、翡翠螺和珍寶赤蝦，仲有放題選擇實在是難得一見既魚子醬！不過我口味唔啱！刺身推介三文魚腩、馬刀貝，壽司種類多，尤其火炙壽司做得好！熱食推介蟲草花瑤柱燉雞湯，香氣令人垂涎欲滴！如果你喜歡泰菜，炒椰菜苗、木瓜沙律、泰式生蝦、冬蔭公燒菠羅，仲有豬牛雞串和炸豆腐，都要試！員工上菜的態度好，整體服務好，用餐體驗都滿意。

今日去左食喺銅鑼灣嘅瀛豐放題專門店，佢地之前喺10樓，搬到3樓後裝修坐得舒服。同市面其他一般放題有啲分別，可以加錢升級任食凍海鮮，如果鐘意食凍海鮮的話可以考慮一下。坐低左就比左個燉湯我地，都幾足料，味道幾好。之後上檯嘅刺身都有好多唔同種類，超大隻嘅牡丹蝦，同埋唔少貝類，不過其後再order嘅刺身就薄身啲。另外加錢升級嘅凍海鮮都有好幾款，不過凍蟹腳要快啲食，如果唔係會比溶左嘅冰水浸到無哂味，凍蝦係幾唔錯，魚子醬就唔洗有太大期望。我下次可能淨係升級個海膽帶子，呢個好似兼回本之選。另外仲有自助嘅食物區，有日式八爪魚同中華沙律果啲，另外仲有泰式風味嘅沙律同手撕雞。佢地嘅熱食水準都合格嘅，不過個人覺得燒物差少少，叫左個豬頸肉，乾到有啲似豬肉乾。另外值得一提嘅係有好多飲品嘅選擇，甜品就自助型式。總結，食物質素中規中矩，坐得舒服，升級選擇就海膽帶子比較推介，凍海鮮就一般。

好耐冇食過放題，今次去銅鑼灣搵咗間高質放題！平日6-8，只係$259,仲加左$148升級放題,海鮮任叫！有長腳蟹,蝦,鮑魚,翡翠螺，仲有帶子海膽。兩個人仲會送一次一盒魚子醬，性價比非常高。甜品，餐前小食，飲品雪糕雪條都係自助出去拎。飲品櫃我諗都有20種以上嘅飲品裏面仲包埋兩款啤酒，如果想飲生啤先至需要另外加錢。甜品每款都細細款，啱曬樣樣都可以試。今次試咗提拉米蘇，榴槤糯米糍都一樣好好食（榴槤肉超多）。一坐低就上一個非常吸精，插花有乾冰嘅刺身拼盤，裏面已經有齊三文魚腩，赤蝦，油甘魚等等。仲上咗個燉湯，燉湯清甜無味精。食物種類除左日式，仲有泰式，好多款。有燒物，刺身,炸物，主食，壽司，天婦羅等等。試左燒三文魚鮫好好食，我地仲encore!仲有我最鍾意嘅芝士年糕，榴槤波波一樣新鮮熱辣！驚喜仲有辣酒煮花螺，一口豆腐，泰式豬頸肉，泰式魚餅。每樣食物都可以跟件數叫，唔怕叫多食唔哂。落單上菜好快，食左兩小時已經好飽！

4月是風先生的生日月，當然要帶風先生四出食好西，今回試一試銅鑼灣「瀛豐」 $259 港日泰任飲任食2小時放題，另加$148 試埋升級版。由於有超過百款美食，包括：刺身、壽司、卷物、手卷、天婦羅、燒物、炸物同港、日、泰式料理，超過30款紙包或罐裝飲品，選擇太多，只能重點為大家作［必食推薦］入座即為每位客人送上一盅蟲草花燉雞湯，非常足料，雞湯清甜，暖一暖胃便開始刺身盛宴前菜 ［掠拌海蜇絲］ -放題中較少見，爽脆［麻辣帶子裙邊］ -香辣花椒油，爽辣刺身 -新鮮高質［三文魚］ -超肥美［赤蝦］ -手掌般長、肉質［白玉貝］ -爽脆升級版 +$148除魚子醬為每兩位奉送一盒，其餘均無限供應；［松葉蟹腳］-鮮甜滿肉，略帶海水咸鮮［海膽帶子］-厚肉帶子夾着新鮮海膽，超級美味［冰鎮鮑魚］-爽彈不韌還有青口、翡翠螺、海蝦及Hoegaarden, Stella 任飲壽司 ［火炙左口魚魚邊］-肥美帶魚油香［火炙和牛］炸物［榴槤波波］ -脆炸外皮，包超香榴槤流心醬［芝士年糕 ］-年糕軟糯，內含流心芝士料理-非常出色［麻辣小龍蝦］-香濃麻辣小龍蝦，超級惹味，大愛追加［辣椒膏炒蜆］ -夠穫氣，辣一點更好榴槤迷有福，

非常高質高性價比放題! 講求質素支持本地消費的朋友絕對值得一試! 刺身比我早2天尖沙咀某居酒屋還要好! 單吃刺身已經回本! 還有多款冷盤熟食 壽司 天婦羅，泰式燒物料理亦很出色! 推薦燒芝士蠔!燒元貝! 鹹蛋黃炒薯條 炭燒豬頸肉 沙嗲串 一口牛 辣椒膏炒蜆 辣酒煮花螺 肉碎包 泰式炸蛋。。 多款特色甜品雪糕飲料。。另外強推加$148升級，有拼盤刺身(可encore!除CAVIAR魚子醬得一罐)海膽、長腳蟹腳， 、鮑魚等..都超好食! 花螺拆埋出黎超大隻新鮮。。仲有新式自fill任飲Stella、Hoegaarden， 係新鮮draft beer! 好似仲有清酒。。絕對值得升級一試!

朋友介紹我食呢間餐廳，佢話呢間放題好特別，係泰國MIX日本😱，所以我哋就嚟試吓！泰國同日本嘅放題組合係唔常見嘅！可以一次過試到唔同地方嘅美食，絕對係一個吸引人嘅概念。有機會一次過品嚐到泰國嘅香辣風味同日本嘅清新口感，絕對會係一個難忘嘅用餐體驗。一入到嚟都見到有自助前菜吧，飲品及甜品吧。自助前菜除咗有我哋平時見到嘅中華沙律八爪魚，螺肉等等之外，佢哋仲加入咗泰國嘅元素，有泰式沙律同雞絲，俾我哋有更加多嘅選擇！飲品同甜品吧選擇雖然唔係太多，但係已經足夠因為接下落嚟嘅食物已經甜飽咗我嘅胃。海膽帶子是一道極具精緻的日本料理，結合了海膽的鮮甜和帶子的鮮美，絕對是海鮮愛好者的最愛。海膽帶子以新鮮的帶子搭配鮮甜的海膽，口感絲滑，散發著淡淡的海洋風味，令人回味無窮。帶子的鮮甜和海膽的濃郁完美結合，每一口都充滿著豐富的海洋味道，絕對是值得一試。海鮮拼盤絕對是海鮮愛好者的最愛，入面有長腳蟹、鮮蝦、鮑魚和黑魚子等等，每一樣都是來自海洋的珍饈美饌。長腳蟹肉質鮮甜，鮮蝦鮮嫩彈牙，鮑魚鮮美豐腴，而黑魚子則散發著濃厚的海洋風味。刺身拼盤結合了超級肥美的三文魚腩、煙吞拿魚、極大隻的鮮蝦以及性價高的象拔蚌和油甘魚等美味海

同朋友銅鑼灣Shopping 太高興😳發覺4點仲未食午餐～好肚餓好想大吃大喝～又想坐得舒服可以傾下計😂最後決定食放題🍽首先坐底眼前就出現左兩盤刺身拼盤🤩岩哂兩個午餐都未食既我倆👅一坐底就甘驚喜～刺身我最中意食牡丹蝦🦐呢到既牡丹蝦好甜呀👍🏻然後又黎左海膽帶子🌟厚厚帶子夾海膽🌊帶子入口軟滑海膽即溶系口～真系食下食下就食左好多隻😂回哂本啦另外火炙壽司都值得一試😋壽司飯細細件🍣食多幾件都唔怕～仲有就系呢到仲有泰國料理可以叫架🐘飛天炒通菜🥬串燒🍡冬陰功🍲等等～味道都唔錯👍🏻飲品同甜品方面有極大量選擇🤤企系個大飲品櫃前即刻出現困難症😂😂😂因爲樣樣都好想試呀～

刺身新鮮肥美，另加$148升級海膽帶子和極品海鮮任食，多吃幾件都已經回本了。😋除了一般日式放題的刺身創作壽司、炸物和和食之外，還有泰式小炒，泰式燒物，是罕有的日泰放題。🥳芝士年糕我超愛 😋❤️ 外脆內軟，芝士味超濃郁。❤️🫶🏻向店員查詢後，店員會為我們送上泰式辣醬，沾上雞軟骨和泰式蝦餅，可以大快朵頤。 😋甜品方面，有我最喜歡的黑加侖子果凍😋❤️餐廳採用二維碼下單，上菜速度快，而且沒有漏單，服務有效率，店員有禮。