瀛豐放題料理專門店

今晚做完運動特別肚餓黎食放題，9點黎到餐廳都仲幾多人wor。個蟲草花湯超級好飲，好足料，用左唔少龍眼肉煲所以特別清甜。叫左帶子海膽-d帶子好厚肉新鮮。升級版極品海鮮拼盤 - 好高質wor 有食酒店凍海鮮嘅感覺。有魚子醬，青口，長腳蟹，鮑魚，螺，蝦。全部都新鮮。特別鍾意長腳蟹啖啖肉。刺身拼盤-多款肥美刺身。雖然都知道呢個係放題飽肚策略，不過佢都幾新鮮，算佢啦。個人覺得最正係蝦，大大隻厚肉。食完有d飽已經。出面有d前菜例如海草沙律，八爪魚。味道正常發揮。 另外qr code 落單，個list 好長。由於有d飽只係叫左d 泰式野試下。最有驚喜係飛天通菜。有wok氣，惹味。甜品都有唔少選擇，有d自製蛋糕果d。仲有雪糕，豆腐雪糕唔錯。