瀛舍 (已結業)

本來想去食韓燒，點知韓舍轉為瀛舍。重諗住韓舍之前咁好味，轉日本嘢應該都ok喇！但真係超失望，日本嘅最重要係刺身，但連三蚊壽司都不如😤我未曾食過燒雞翼及羊扒係完全冇味的。其他嘢唔再講了……浪費時間……總之超失望，真的冇下次。。。

本來今晚去一間以為之前韓燒係一流的， 現在轉型為日式放題應該也不會太差。 但事實令我感到非常失望…… ……日式放題中最重的刺身， 可能是我只有兩位去食超細超迷你。。。第一次食油甘魚會覺得有腥味😧天婦羅炸粉太厚😵枝豆竟然冇落鹽😥燒雞翼及燒羊扒竟然可以完全冇味道😨日式燉蛋太鹹😬牛乳海鮮鍋 只是將三文魚鮫兩隻扇貝放落去😑甜品尚算可以， 全場最好食的是芝士蛋糕😤但用這價錢去食芝士蛋糕完全不值得。。。

又來到荃灣區搵食, 要數最多餐廳匯集的商場, 非大鴻輝中心莫屬.一整幢的大廈, 主要以食市為主,就連 附近大大小小的餐廳都有不少.今次主要是為了瀛舍而來, 上網見到很多人都說新開的瀛舍佔地全層面積, 而且款式多樣化. 所以就相約於荃灣返工的老公一齊試下餐廳面積相當大, 座位有幾十張枱, 當晚去到是滿座.侍應講解某些食物是自取的, 飲品、沙律、小食、熱食或甜品都可以到吧枱自取, 比較有彈性.而我坐的位置就接近飲品雪櫃和吧枱, 所以相對方便很多.餐廳有提供熱茶及酒類飲品, 都是自取的. 而清酒更可以無限量添飲.而沙律區有各式各樣的蔬菜及醬料提供自由配搭小食區就有中華沙律、粟米、味付螺肉、八爪魚等等, 供應很充足, 侍應不時會refill.先點了刺身開開胃, 三文魚新鮮肥美, 甜蝦很不錯, 而唯獨八爪魚比較韌, 其他刺身味道也很不錯.蒸蛋是我喜愛食品之一, 這個蒸蛋味道真的很不錯, 有冬菇及蟹柳有提鮮作用. 如果蛋再滑一點會更好味.壽司方面也叫了好幾款, 每款都是細細一件,食完也不會令人太飽.比較推介火炙左口魚群邊及火炙三文魚, 魚肉入口有即溶效果, 魚油甘香濃郁.牛油粟米及牛油炒雜菌都是每

跟屋企人上星期日在荃灣逛街，平時比較少在荃灣搵食，只知千色店附近有一棟商廈，好像有不同食肆, 晚上就到來覓食.  看到瀛舍晚市放題 這天星期天(7時後入座) 每位 $248, 跟出面一般的西餐也是每位差不多價錢, 又有不同款式任君選擇.  在openrice看到這裡有個特色, 就是有自助沙律, 甜品吧. 還有像酒店式的DIY甜品自由創作~  吸引了我們~這天就不想選擇, 一於食放題樣樣有滿足大家要求! 座位頗多, 且格局舒適, 前身是韓式店, 所以椅下有櫃子可供放隨身物品.  店員帶我們入座時, 已被擺出來的甜品架, 沙律吧吸引!!  放題沙律吧, 看到食材都頗新鮮, 且大大盆, 未食完 店員已沿沿不絕添加! 我們都先吃些蔬果打打底.  沙律菜很脆綠, 個人很喜歡~ 放題首訣: 刺身: 款式大眾化的都有.點了 三文魚, 甜蝦, 北海道帶子, 鮑片, 冰山貝 (北寄貝):擺佈夠睇頭; 三文魚厚切豐腴; 甜蝦相對的出色, 較大隻, 而且非常鮮甜漿膩, 肉質沒有霉. 帶子亦飽滿沒有雪藏味.鮑片略帶韌; 而北寄貝中規中矩, 肉質夠爽. 壽司:黑松露三文魚壽司: 這個不錯, 黑松露味很香

以前食日式放題, 多數選旺角,尖咀, 貪佢平靓正, 食物多款式, 加上交通方便, 這些就是優點, 但缺點係日式放題的食肆環境, 異常擠迫, 下下要等服務員攞野比你食, ("等"是沒問題的, 但不要等太耐, 但繁忙時間, 就......不斷追........追),相當被動, 所以都有一段時間沒去旺角,尖咀食日式放題第一次係荃灣區食日式放題, 感覺跟以前不同, 這裡地方闊落, 完全沒有壓迫感, 視覺及感覺上已覺得很舒適 服務員帶位時, 經過沙律吧, 甜品吧, 規模真不少, 甜品蛋糕款式多, 相當吸引飲品框除了本地常見的汽水外, 還有韓國飲品, 啤酒, 不喜歡本地汽水的我, 可以任飲韓國汽水, 異常興奮 未試過有放題的餐廳, 有鯛魚人形燒機比客人自制人形燒, 呢D真係叫做有得食有得玩, 很欣賞間餐廳老西, 有這種構思及想法 須然製成品外貌不是很吸引, 味道不是很美味, 但這種體驗, 都好開心 ＤＩＹ心太軟, 又是令一嘗試, 估唔到心太軟自己也可自制, 跟住流程指示咁做便可, 但超甜的甜品DIY, 就留返比D女士, 小朋友做喇 還有,爆谷機, 不過就唔係自制喇, 太可惜了還有, 一大

今日去試完真係有被騙的感覺，首先我以前完全唔寫評價，不過今次遇到甘黑既黑店真係唔寫驚其他人又上當，我係午市去，全場後面空哂，得５分１座位有人，D落單紙上可點既同我係圖片區見到既完全唔同，我估計係有午市晚市之分，因為我見就收場時D侍應收哂D紙，其他放題都無甘度縮，午市晚市基本上唔會有分別，Ｅ間真係前所未見差，少到甘都算啦，點知落單又慢，又漏野，最慘係Ｄ熱滿野居然仲要停？？無野下話，星期六都甘樣，星期一至五仲得了既？真係頓時想爆佢粗，金姑肥牛卷點左兩次10件最後只有5件，再落第3次又漏了，吉列蠔芝士豬扒停埋無供應，甘仲可以食咩？出面得返少少蛋糕之類，Ｄ熱盤位全空，全場只係得返三文魚刺身同埋羊架之類可以食下甘，真係無咩可以比我點，正常果Ｄ八爪魚仔炒雜菜等等前菜都無，全部加埋應該不超過３０種類，同其他放題比頂多得３分１，最後埋單一位$168加一，呢間野永久黑名單。唔好睇開飯Ｄ客對佢評分好似正常，我一開始都係相信左個評分先去試，點知差成甘，如果你仲覺得我係刻意抹黑佢，你可以搵日去試下，但如果有同感，希望你地出來講返句真心說話，以免其他brother受害。

見到評价，以為都可以去一試，点知真的中伏了貪佢入座先至計兩个钟，时间可以自己控制，唔駛趕住食頭圍或餓住得第二round7点左右去到，人流都唔少，但未full哂全場，一坐底，當然点刺身先刺身-三文魚唔新鮮，又唔肥美，又唔係厚切，帶子又细粒，又腥，鮑片简直係薄切，又硬，魚類刺身係冇味，蝦刺身还可以，從未試过叫左1 round刺身後，係唔会再叫第2 round壽司- 種類唔多，勝在舊飯係細，味道还可天婦羅- 炸皮有d厚粉，还可接受串燒類欠奉炸類選擇多，但不能夠食得太多，太熱氣了出面有炒烏冬，炒飯，唔熱既蒸蛋- 咸过咸蛋唯一吸引只係甜品区，有多款糕品揀，見人整鯛魚机，從冇人成功完整做一條出黎，紅豆甜到爆，軟雪糕又係甜到爆，所謂自制心太軟，完全唔係果回事，失敗總括來説，食物唔多款，味道偏咸，甜品偏甜，地方坐得舒服，衛生都可以，服務一般，唔会再去，因以$238再加一，好多地方都食到，質素一定比佢好

繁忙的星期四，和同事到荃灣與客戶商談合作事宜，馬拉松式會議令人頭昏腦脹，我建議食餐放題輕鬆一下，選擇了這間在大鴻輝中心的瀛舍。我們七時到達，一踏入餐廳座位區，已被偌大的甜品櫃吸引著，粗略一算，甜品種類至少有十餘款，絕對不比自助餐甜品吧遜色哦。但既然是來食放題，當然重點是吃刺身壽司，暫且先忍一忍口，這裡座位極為寬敞，卡座更可遠佻荃灣夜景飲品櫃共有三個，飲品選擇眾多，可樂是Coca-cola 刺身選擇有九種，壽司亦很多很有特色第一round已點齊所有款式，奉上桌時有厚厚的冰墊底，慢慢吃也可以保持溫度，刺身大部份都很新鮮，推介三文魚夠晒肥美，黑烏貝和冰山貝爽口無渣。炸物點了多款，天婦羅蝦肉夠彈牙，炸粉如脆口一點就更好，燒物點了雞翼和燒蝦，雞翼燒得夠香，味道很好。圍繞座位側邊有多款中式熟食，如不太好魚生者，也有其他選擇2nd round, 三文魚比之前更肥美，大滿足食完主菜，當然係甜品時間，一口氣吃左十多款甜品，不是跨張，質素絕對比酒店自助餐有過之而無不及，更有軟雪糕機可自助使用，特別推介草莓大福和芒果；香芋兩款布甸吃飽想消消滯，可吃一些沙律菜經過接近兩小時大吃大喝，肚子都脹到不能再脹，埋單歸

我同細佬星期日陪媽咪契媽去完千色店買東西，就帶她去吃放題，孝敬一下她們！我們去了大鴻輝中心的瀛舍準備大吃一餐！我們吃的時段是6點，時間尚早，但已經有一半位置滿了！位置很闊落，坐得很舒服，椅子還是儲物箱來的，可以用來放血拼戰利品，實在太貼心了吧！先坐得舒舒服服，才可以吃得盡情嘛！沒有記錯的話，這裡應該有兩個大飲品櫃，很口渴，所我先去拿飲品，有各款汽水、茶。還有熱茶、清酒！有個沙律吧，沙律菜很新鮮，契媽說最喜歡！刺身賣相真的不錯呢！有點可惜沒有我最愛的希靈魚！三文魚很肥美，帶子也有鮮味，比較驚喜的是油甘魚，吃得出魚的油脂，很甘香。細佬說鮑片很甜很好吃！第二round(還有3,4 round的)再點了一些壽司，有焦糖玉子、海膽蝦、黑松露三文魚、和牛等，海膽蝦很可愛，一元般的大小，一啖一粒！另外，和牛壽司也是推介之選，有燒過的香味，入口有點溶化的感覺，牛味濃！芝士焗蠔配料有煙肉和菇，芝士和白汁香濃，蠔也不算很細！旁邊的是牛舌，煮很很稔很入味，有黑椒味，很惹味！燒物推介羊扒，肉很嫩很入味！燒菠蘿也很甜，我一個人吃了十件菠蘿！我比較喜歡蟹腳天婦羅，在別的放題比較少見！外面很脆很香口！芝士年糕很大件

瀛舍講平，瀛舍不是最平，最好食又不夠某酒店的自助餐，但講性價比和好食款式多，就係呢度啦！二百零蚊食兩個鐘放題，食物種類都好多，出面有好多類似西餐既前菜生果，蛋糕甜品可以自行拎，另外仲可以沖茶同自制心太軟都幾得意，點既食物都好多，刺身，甜蝦同三文魚都十分新鮮，馬刀背夠爽口，帶子都可以接受壽司方面，細細件，可以一次過多食幾款也不怕頂肚，蟹捧同火炙牛肉都唔錯，幾好味，尤其是黑松露三文魚和海胆蝦壽司，黑松露三文魚上面的黑松露非常香濃，想不到這個組合可以如此出色；至於海胆蝦壽司，賣相很別緻，一啖一口，每一口都充滿海胆和蝦的鮮味。麻醬烏冬十分爽口同充滿住芝麻味。！，蟹粥粥都算綿，充滿住蟹肉味，但若果蟹多Ｄ會更好。海鮮牛乳鍋，牛乳味都夠，有帶子同蝦，仲有三文魚腩。熟食方面雞翼燒得最好，火喉剛好，調味亦足夠。另外，芝麻雞翼都想得好味，雞腎有點左咖哩汁，爽口得黎幾特別。海蝦同芝士蠔都十分新鮮。

下個禮拜就係父親節，為咗唔想同人逼，所以我提早一個禮拜同爸爸慶祝。以前不嬲都係食開中菜，今次就特別d，食下日式放題由於呢日下午我地去荃灣探一個親戚，所以就睇下荃灣有邊間放題可以試下，我地行過沙咀道同眾安街，跟著係一個十字路口見到一大大個招牌寫著日式放題，叫做瀛舍，就二話不說，即刻上去食啦。一入到去見到裝修幾新幾靚，第一時間就經過個甜品bar，好吸引呀，之後一坐底就即刻落order。我地第一round叫咗d刺身同熟食。刺身食後感：三文魚冇渣，好新鮮；鮑片丶甜蝦同帶子都ok天婦羅食後感：炸蝦個外皮略嫌唔夠脆；相反，蟹腳個外皮就脆卜卜。牛舌和蠔食後感：牛舌出奇地稔；蠔就冇乜特別。清酒煮蜆食後感：d蜆完全冇沙，好鮮味，推介！第二round我地就叫咗d壽司同其他熟食。壽司食後感：四款壽司都係熱辣辣架，新鮮跟order整，和牛壽司好稔、炙燒三文魚丶蟹腳丶壽司蛋壽司也好好味，再加埋個黑松露三文魚，好滿足呀！燒和牛粒食後感：雖然d和牛幾稔，但係鹹咗小小。除咗食d基本野之外，呢度竟然有關東煮丶三文魚炒飯同炒烏冬，好特別呀！食完正餐，就到甜品時間！我拎咗鮮果果凍丶一口士多啤梨丶斑蘭蛋糕同綿花糖。其中我要推

上到黎先知無燒烤都算～完全就係不知所謂，玉子刺身係硬既，一入口就要吐返出黎，甜品好睇唔好食，沙律一d都唔新鮮，全部都係剩到好少無人換，連隔離台食完走都話無下次唔會黎再食

刺身種類唔多，貝類又無味唔緊要，熱食嘅食物全部都係唔熱都唔緊要，居然連串燒同天婦羅都係唔熱嘅！應該最夠熱嘅係鍋物…不過D菜係苦嘅！總括嚟計D嘢食係唔好食.....仲係原全唔掂果種！最不幸中之大幸就係D嘢飲夠凍！所以我唔會有下次囉！

午市放題，俾錢唔緊要，但俾番D 質數啦！， 刺身帶子暗啡色，甜蝦冇味，仲要苦的😯燒蝦，沒燒過，只有微熱，還要白色😣， 甜紫薯，又乾又都硬，可以掟死狗金菇肥牛，咸到食唔到，好明顯是隔夜食物😬又第一次落單，等到第四次落單都唔嚟到，問侍應又不願意跟單，仲要黑面(只有一位略肥胖侍應願意做)，最不明白是其他人只在傾偈。

刺身放既位置 無趟門，近睇仲有水點點刺身，就算有冰 我都唔覺得佢凍食落口係暖既 值得一讚熟食天婦羅 ：從未食過既味 真係食一次真夠哂飽牛柳粒 ：好重牛騷味，仲有雪藏原味 真難得牛油粟米：簡單得黎 又真係唔想再食呢間既野食 嗌一次就夠哂 唔洗再嗌第2round 食唔夠一個鐘 就都參觀個廁所兩次真係好乾淨搵日去參觀個門口算數