澳門茶餐廳 (已結業)

唔想去大家樂或美心, 原來呢度下午茶亦不貴, 茶餐葡撻2件, 茶餐豬扒包配炒蛋共$41無加一, 豬扒包可以說是高水準, 炒蛋又滑, 下午茶不像lunch要排隊, 大把位, 好過食快餐.

次次行過都見人龍....今次見人少少...排左5分鐘就有位...自己食左個烚去皮雞柳金菇卷配粟米飯...呢個係金菇牛肉卷既變奏...出黎既效果唔錯...唔油膩...又飽肚...好鐘意果個粟米飯...好得意....睇佢好似好細碟咁..但係食哂都好鬼飽....埋單$35....臨走仲攞左個蘋果仔走作飯後果....

星期日果日同阿媽行完街就帶佢去食澳門茶記喇入到去~人好多叫左個萄tart餐~$22蚊連熱飲另叫一個豬扒飽~+一杯可樂先講個tart~無蛋黃唔講~送左黎就算=.=豬扒飽~唔多識欣賞~都幾難食~阿媽整仲好過佢埋單~$74$22+$17+$?(再加一)=$74?杯可樂究竟幾錢?點計到$74呢次次都係甘~實收多既...

5月1號晚,同媽咪兩個亂打亂撞入咗呢間茶餐廳,全場爆滿呀,好彩兩個人都容易搵位,餐牌入面有好多嘢食,一時間諗唔到食咩,叫返啲出名o既咖哩就最好啦1)咖哩羊肉+大碗飯(啲羊肉幾"林"、幾羶,超正,仲好多料,咖哩少辣,飯就非常大碗)2)柱候牛腩麵(牛腩幾"林")3)蠔油生菜二人共消費: $89

某日跟幾位朋友到此相聚,當時叫了柱侯牛腩河,以為可以享受一碗我喜愛的食物,誰不知卻令我們大失所望,簡直是強差人意!牛腩色澤淺淡,像清湯腩似的毫無牛腩味,真失望.我們於是要求餐廳加少許牛腩汁,但服務員態度極差,我們叫了很久他才施施然走過來,而且告訴我們沒牛腩汁!這合理嗎?炆牛腩沒汁還怎炆出來?我們向他詢問,他竟說要另加錢才給我們汁!我們不是吃其他食物要求加牛腩汁,我們是在吃牛腩河呢!加少許汁竟要加錢?!此外,此餐廳的洗手間更可怕!太髒了,地面滑,而且滿是污積!最後那朋友沒去餐廳的洗手間,而是匆匆吃完牛腩河,到對面的吉之島找洗手間.

之前成日行過都見人等位，見今日唔洗等就入去試下。點知一試已經唔洗再去!服務態度奇差，好似想趕客咁!! 入到去完全冇人理，個個waiter唔想做咁款!!!我完全唔覺自己係客，而係入去送錢仲要受氣既傻瓜!有被虐傾向者必到!!!(平心而論，食物OK，但食完背脊骨落!!去唔去自己揀!)

完全同意CRYSTAL & 憤怒王子! 呢間野都唔當客人係客! 不只d員工差,連個經理都係咁!!! 都唔知佢地點做生意既. 投票支持佢地入十大劣評!!

7月和8月各食過一次, 一次散叫, 一次係2人餐, 食物沒太大問題, 只是大部份員工和經理級的個人質素有問題!他們的卡位枱, 枱邊會有個內藏櫃仔放餐具, 有D女員工開了櫃仔拿餐具後, 會好大力(仲好大聲)推埋, 完全不會顧及食客感受, 仲不只一次. 有好多時又會好大力掟D碗碟落個大盤到, 這種噪音騷擾, 令我感到好煩好反感, 已經唔會再考慮這間, 真係要再培訓!!!!

好耐之前係信德中心食過, 諗住d野幾好食就入去. 我地兩個人要搭枱,點知想落單叫左幾次都冇人理!!! 後來見有架位諗住轉, 又話人地想坐! 佢地都係兩個人?!唔通生得斯文d就好蝦d??? 之後轉左第二張枱, 架位搭枱, 由於之前有兩個人坐係裏面位食緊, 我地就係開面對坐.食左一陣, 坐裏面兩個人食完走左, 過左陣個waitress 話要執野有人要坐. 大姐, 我係度食到一半, 你有乜理由將d碗碗碟碟係我頭頂飛過!!!唔通我重要行開等你執野!!!前前後後都好多兩個人坐緊架位0者, 叫佢地坐埋d都得喇!!洗唔洗玩雜技呀!!!!嬲嬲地同個呀姐理論, 點知佢一聲好呀就打開個櫃桶拿紙巾黎掟!!!有冇攪錯?! 今時今日可以咁樣對客. 大乜晒牌! 食餐飯食到火都黎埋!!!幾好食都係假!!!right?P.S.個set lunch重細過份兒童餐!!!

相比尖沙咀和信德, 這間澳門茶餐廳都算最差果間, 不論食物或是店員的服務態度, 真的有待改善. 至於輪候時間, 大約等十分鐘左右吧

比想像中好好食呀.. 1.水蟹粥$48.正..好多肉.好好味呀2.炸蝦餅$22 正.好好味呀..好有泰式風味3.芝士焗西蘭花.正.熱辣辣...好香芝士味4.日底煎餃子.普通佐d 因為叫佐太多野食..2個人食唔哂...浪費佐d西蘭花..唉

之前聽屋企人大力推介呢間澳門茶餐廳，但次次都因為要等位而冇去試。難得放長假冇野做，一支公睇完戲又肚餓餓，正值o的唔三唔四時間(4點9)，見冇人。於是走入去試試，睇o下點樣好食法。間鋪除o左真係好大同光猛之外，真係冇乜特別。野食o既價錢超貴是預料之中，還好個豬扒飽茶餐價錢還可以接受。於是決定要豬扒包拼炒蛋加熱檸茶，點知呆等了五分鐘，才有個侍應走來問我叫o左野未......果然好服務炒蛋係即炒的，上碟時仍見到蛋漿漏出來！豬扒飽，包是硬的，扒又冇豬扒味，失敗。好在杯檸茶還可以...如果連杯檸茶都做唔好，不如叫佢執o左佢好過。其實真係唔明點解呢間野又有乜特別同好食地方，除o左貴之外，我真係諗唔到囉。

20041219 3.30pm做完o野同個朋友響度食tea.要o左個葡撻餐($20/2件撻+ 加$2轉凍奶茶), 再加多個凍鴦.葡撻都幾好味,不過埋單成$36, 都幾貴.

星期一和同事再到這店午飯。分別叫了咖喱牛尾和吉列排骨咖喱牛尾：咖喱味道保持，同時保留那可怕的肥油。牛尾，要用刀叉來食，因太硬了-全不火路>m<!吉列排骨：橙紅色，乾如肉乾。價錢平了，但食物真的退步了！伙計態度未有改善，淋濕同事的褲，sorry 都冇一句。

星期一和今天都在這店午飯，分別要了圍扎肉湯米線和咖喱薯仔石班意粉。星期一太座霸位坐非吸區，泠氣涼。我要了圍扎肉湯米線：湯底鮮甜。米線：失敗因為有骨(未完全浸淋)。太座要了咖喱薯仔雞飯：咖喱汁香辣，但太油。薯仔：淋和入味。雞：入味和有咬口，據說是鮮雞，但我相信是冰鮮。星期四和同事再來，不幸要坐吸區，又熱又焗。餐單變了，同事要了什扒和咖喱牛肉飯，我要了咖喱石班配意粉。什扒：賣相一般，有半條腸和極白豬扒。咖喱牛肉和石班一樣多油，同事笑說咖喱汁像滷水汁一樣，一桶過，所以一樣多油！意粉：太淋和多水。題外話：我們投訴太熱和要求開大泠氣，店員竟說因為我們要熱飲，所以覺熱！