澳門茶餐廳 (已結業)

之前聽屋企人大力推介呢間澳門茶餐廳，但次次都因為要等位而冇去試。難得放長假冇野做，一支公睇完戲又肚餓餓，正值o的唔三唔四時間(4點9)，見冇人。於是走入去試試，睇o下點樣好食法。間鋪除o左真係好大同光猛之外，真係冇乜特別。野食o既價錢超貴是預料之中，還好個豬扒飽茶餐價錢還可以接受。於是決定要豬扒包拼炒蛋加熱檸茶，點知呆等了五分鐘，才有個侍應走來問我叫o左野未......果然好服務炒蛋係即炒的，上碟時仍見到蛋漿漏出來！豬扒飽，包是硬的，扒又冇豬扒味，失敗。好在杯檸茶還可以...如果連杯檸茶都做唔好，不如叫佢執o左佢好過。其實真係唔明點解呢間野又有乜特別同好食地方，除o左貴之外，我真係諗唔到囉。