澳門茶餐廳 (已結業)

d侍應個個目口目面, 個男經理惡到死, d野食都幾貴, 無一個人的餐叫

早上與朋友到"有名" 的澳門茶餐廳吃早餐，要了個澳門式早餐──豬扒包配粟米炒蛋連熱飲，價錢$20 不算"吸引"，卻令人大大失望~服務員態度非常差，叫好多次都不瞅不睬，之後又將碗碟不客氣的"放" 在我面前。全碟食物冷冰冰，要凍飲變熱飲，咖啡一點都不好喝... 縱使忙也應該顧及customer service 嘛！朋友說得對：服務態度如此差，真不明為何如此多人排隊？！

首先update番D資料先；呢度個電話係：2569-6820，英文名：Macau Restaurant；唔該晒！o黎呢度食晏；價錢都幾貴，一個午餐閒閒地都要三十幾蚊。我地散叫o左一客$28燒乳鴿，一個$15豬扒包，一碟五香肉丁炒公仔麵，提子梳打(即係利賓納梳打)同凍奶茶；埋單居然要成百幾蚊，嚇親添！講番D食物先；隻燒乳鴿真係唔錯，好嫩滑。豬扒包個包都幾好食，又冇大利來記果個咁硬；不過件豬扒當然冇咁香，也細件得多。炒公仔麵就麻麻地，太過油之餘，D麵又太淋~~飲品方面，杯奶茶幾香滑，唔錯o播！不過差不多成杯都係冰o黎，好似幾o厄錢。相中就係乳鴿同豬扒包。

只係叫左兩樣野, 兩樣都唔好食, 第一次黎, 唔會再有下次!!!1. 鵝腸撈麵- 鵝腸見到都驚, 每條既肥膏多到跌出來, 好嚇人, 見到已經唔開胃. 從未見過咁多肥膏既鵝腸@_@ $262. 焗咸豬手飯- 好甜, 甜到唔似食飯, 完全冇咸味, 個汁"傑"得很, 完全冇配菜, 一舊蕃茄都冇@_@ $40

幾個同事來食晏，雖然星期六，但都有唔少人。原來呢度星期六、日及公眾假期是沒有午市套餐供應的，所以便散叫了葡國雞、沙爹牛肉炒河及咖哩牛腩。葡國雞呈現一片螢光黃色，雖然味道是沒有問題，但單看賣相是幾嚇人的；沙爹牛肉炒河幾夠辣，治味非常，真係辣到標汗，唔食得辣記住要吩咐要少辣；咖哩牛腩始終係最好食，椰汁味不太濃而辣勁十足，幾好送飯，我就數過有五舊牛腩，連埋大大舊薯仔同其他料，都唔算碟頭太細。要左特色涷咖啡，但坦白講除左幾甜之外，實在好似無咩特色。等位果度係不是太舒適，無可否認是日曬雨淋，但我們在曬太陽等位時佢地D職員一人派了一小杯汽水，算是一點補償。員工態度唔錯，雖然好忙碌，都唔覺好黑面。埋單一百六十幾，都唔係平，似乎係平日來經濟好多。

住附近，見新開，又多人排所以去試左幾次。初初覺得OK喇！但一次比一次差！千其吾好叫咖喱牛腩只係得兩三舊，去一次少一次吾知係吾係吾夠貨！所謂澳門炒河仲離譜，隔夜燒肉加甜醬成pag咁仲要成三十幾蚊，垃圾滿地飛，侍應個個木無表情，等位好似乞依哩，好天曬落雨打仲要齊人先有得入，不知所謂！

真的想不到晚上十點多還有這麼多人光顧想必有他們的過人之處說真的食完也不覺得有什麼澳門特色不過份量真的十足可能與他們的收費並非大眾化有關吧

開張都有成個月, 全香港又唔係得呢到有澳門茶餐廳, 日日都有人排隊, 而且仲講明唔齊人唔會比檯你, 問你吹漲未? 阿媽問有咩咁好食, 就同老人家食一次, 排隊排左半個鐘, 不過餐廳方面都好識做, 不時有侍應比飲品出面門口排隊既人飲, 因為天氣熱呀, 有杯細細地但勁冰凍既可樂飲。媽咪唔食乳鴒,佢話唔好食, 叫其他啦; 葡式炭燒原條鯖魚, 蜜糖燒排骨, 馬介休炒時菜, 澳門炒米粉, 仲有三杯凍飲, 全部都係餐牌上推介之食品, 先講蜜糖燒排骨, 我覺得似金沙骨, 味道同賣相一樣, 一客$42, 馬介休炒時菜$40, 我覺得係澳門食既馬介休好食好多, 葡式炭燒原條鯖魚,最好味, 條魚都幾有鮮味, 唔錯可以一吃; 澳門炒米$40, 同中國人食既廈門炒米無分別, 酸酸地, 都係一樣材料, 有蝦仁,火腿, 雞絲, 洋蔥絲, 青椒絲等等, 橙橙地色, 水準一般, 你可以當佢係廈門炒米, 咁樣可能會好食d。另外仲有三杯凍飲, 柚子檸蜜$16, 咸檸檬雪碧$16, 柚子檸檬梳打$16, 成餐晚飯二百幾蚊, 真係唔知食左咩澳門菜。又無澳門特色小食, 炸馬介休球, 全部都係港式茶餐廳食物, 唔值收咁貴同咁多人

已經結業現在是一間澳門茶餐廳請更新