澳門茶餐廳 (已結業)

話說今天和朋友看戲後..不知道去那食飯的時候..忽然看到一間門面不錯的澳門茶餐廳..己經晚上時刻客人的數目也不少.加上食物價格比同類餐廳為貴..以為這間餐廳的食物會不錯..我們叫了澳門炒飯和什麼京都骨焗飯.2杯奶茶好"鞋"炒飯賣相很差..味道一個"咸"字...焗飯50元size和廟街的煲仔飯差唔多..但味道和賣相都好差..骨多過肉..飯上的汁味道不太好..最後只食了數口就埋單走人..太古城那邊多餐廳為什麼還有人去...

前果排吉之島大減價我同奶奶去掃貨三點半左右咪入去tea一tea客人唔算多坐得幾舒服奶奶叫左個炒飯我係咖哩薯仔米小食沙甸魚<--麻麻地再加三個葡撻<----我食兩個唉！又話出名個皮淋既又唔翠,好鬼失望

晚餐有多款選擇,我們點了澳門咖哩雞飯和牛柳粒焗飯. 咖哩雞飯味道不俗,也很有賣相;牛柳粒焗飯也不錯,肉汁與飯配合得剛剛好. 另外欣賞餐湯忌廉湯裡加有適量的粟米粒,是"名符其實"的忌廉粟米湯;不會像其他餐廳般只有一兩粒粟米.看到其他食評太多對康怡這間舖的服務很不滿,可幸我這次沒有遇到任何不快事,很滿意.

我是在附近工作的，有好多時都會到這間澳門茶餐廳食早餐，講味道，時咸時淡，有一次真的很小湯，我就示意了位侍應生過來，問她取多小小湯，我看著那位侍應生行過去問那位肥肥地女人，個肥肥地女人一開聲就已經好大聲，我隔了四五張都聽到她的聲音，還要越來越大聲，似在鬧人多些，不過那位肥女人這樣大聲鬧人我都不是第一次聽，佢鍾意鬧人不要緊，但我在食早餐亦聽得很清楚她在鬧人，簡直係噪音。她被鬧完之後就回來跟我說…唔好意思唔倒，我就問點解，那位侍應只說唔好意思，還好似眼有淚光，我都不想再講了，見她只是幫我小小湯亦給那個肥女人鬧到一面屁，我亦有點不好意思。我只係想小小湯都咁難，莫非湯真係咁貴……

因為ot關係order左d外賣點知送到黎食左一大半同事先發現佢杯檸茶送左隻蚊我打去投訴佢啦個亞嬸玩野「凍檸茶…凍檸水…」係咁repeat扮聽唔明咁之後我同事再打去搵個經理又係個亞嬸接佢開頭話經理唔o向度之後又懶係黯住個電話同個經理講︰頭先有人投訴杯凍檸茶有隻蚊呀，而家要搵經理呀，咁點算呀？撞佢個鬼個亞嬸明耍我…都唔知乜野服務態度…

2008年1月1日新年第一餐本來唸住食MOS, 但係去到先知佢地除夕收得夜, 1月1號要12點先開, 無辦法啦! 響附近是但攪掂.要左豬扒包餐, 味道OK, 一般茶餐廳水準, 價值有少少貴, 不過都可以接受. 當然第二個選擇下次一定唔會ENCORE, 因為無驚喜.

我同朋友去澳門茶餐廳吃午餐，澳門茶餐廳的服務態度很差，以後都不想再去。話說朋友仔先落單，哥哥仔無俾單我地，只係自己落佐單就算~~後來我再加單，阿叔問︰「你張單呢？？」我說︰「無喎，頭先個哥哥仔都無俾單我。」阿叔︰「咁你問返個哥哥仔俾返張單你啦，你無單，我係唔會同你落單o架！！」咁係咪無單就唔駛幫襯先？！豬扒飽黎佐，凍ge~~咖喱魚片米粉，個朋友話辣到阿媽都唔認得，咩味都食唔到。d食物質素真係拍得住美國唐人街d唐餐。如果真係想食好野，都係去澳門食好過，正如好多香港人都唔會特登去美國叫唐餐。

08年第一餐原本想去試MOS的熱狗早餐，上次遲了吃不着，所以今次9點幾便去到，誰知店外貼上告示，聲稱除夕開得夜，所以元旦要延遲至10點才開門，真是100個?????? 唯有轉到對面的澳門茶餐廳。喜歡這裏的早餐選擇不少且有點特色：番茄通粉有餐肉，還要加上牛腩，食落感覺更加豐富美味，配搭的牛油火腿包不用方包，而是用脆口的豬仔包，自然討好得多。豬扒包是招牌貨，包本身仍有水準，反而塊豬扒嫌略為乾硬，幸好配搭的炒蛋做得一絲不苟，頗嫩滑。連咖啡及奶茶也夠香夠濃滑，總算是個好開始。

早餐款式小, 份量一般, 價錢相對貴咗D. 叫咗份早餐, 脆脆飽真係有水準, 其他嗰D就唔係好得.

今日我同呀媽去左呢間咁不知所謂既差餐廳食晚飯.服務態度差就唔在講, 因為呢類咁既價位既"連鎖式"差餐廳唔知點解d態度係差得黎囂張d.好勒, 算勒, 咁坐低嗌野食啦, 因為我同呀媽都唔係食得好多野, 就衹係嗌左兩樣.1. 澳門炒飯- 咸到好似豉油撈飯咁, 再加一舊舊大肥肉!!!!唔知加黎做乜!!! 好難食! 係真係係好"漏"!! 未食過咁咸咁油膩既炒飯! 仲要係難食添!!! t.t 好難食! 真係好難食!2. 西腸煨雞(個名咁上下唔太肯定, 裏面有半隻雞仔, 兩三片香腸同埋重頭戲:伴碟, 英文名大慨係portuguese sausage with chicken 咁) 點解話伴碟先係重頭戲呢? d雞其實就過得去既, 雖然唔係好食但起碼唔似碟飯咁樣, 但係呢, 我呀媽食d伴碟既菜啦, 有蕃茄仔咁.咁我呀媽平時就好客氣唔多會出聲既, 咁之但係一食舊蕃茄仔落口, 我呀媽喊咁口咁滯話粒蕃茄仔係*叔*既! 好難食好想嘔! 咁好啦, 本來我都唔想出聲, 但係咁岩有過侍應行過, 我呀媽都忍唔住出聲同個侍應投訴, 因為真係眹味好恐怖, 同埋最緊要係, 做生意要有商業道德呀? 點解會賣壞既野俾人? 個老細

星期五同朋友仔做完運動行埋吉之島已經十點幾, 本來諗住食隔離越南野, 但朋友仔見呢度有電視睇, 就立即改變主意來呢度xx炒河($43) - 忘記叫咩名, 料有雞絲, 火腿, 蝦, 芽菜等, 味其實都OK, 但食完個咖哩後就會立即比下去咖哩牛腩麵($23) - 差唔多食完碟河先來, 催伙計又真係會幫手跟, 算有交帶. 咖哩面好多油, 牛真係腩位連住膜, 炆得幾腍, 而筋位亦幾爽口, 仲有好腍既薯仔, 份量真係幾多. 而咖哩味幾香濃同幾辣, 下次應該叫河粉就可吸多D咖哩既精華鹹檸檬雪碧($19) - 有原個鹹檸檬切開, 食完咖哩飲最好

呢間餐廳的食物其實幾貴，咁價錢貴自不然就會expect好的食物或好的服務。可是，我媽飲完杯怪味奶茶後，肚痛了一個下午。而那些服務員，哭喪著臉；那個收銀員，更令我覺得自己是來討飯吃的!唉~~~

昨晚去這間澳門茶餐廰,其實在太古城附近真的十分少的選擇.不知是不是有獨賣的心態,所以服務態度十分差.事緣我與一位朋友約好,我先到,那安排了坐位,後來我見到有一CAR位的客人準備走,我問其中一服務員可否轉過去,她說可以,我咪等那客人走了便轉過去,我坐下待應清理完桌後,帶位那個先生(地中海帶眼鏡)望住我揮動他的食指,我感受到他指意我坐下是錯的,我便說我問了才過來,然後他怒氣沖沖走過來說他已安排了其它客人坐這裏,我跟他解釋了我是問了你的同事才過來坐的,不是自己私自過來,我居然說唔得,佢話佢比客罵(當時態度非常惡),我心諗莫非我不是你是客人嗎,我都有少少怒氣跟他說,我已經坐下,你想點.他居然轉身走用他拿住的MEUN大力拍張桌子.事件講完,我仍然在這裏吃,我叫了他們的宵夜飯餐,沙嗲串燒沙飯,都幾乾身,而且沙嗲汁幾好味,整體都OK.不過幾好食都無用,服務態度咁差,真係搵鬼去!

今次已經係第3次係依間食晚飯啦....我覺得食物既味道一般...太多油..今次我地叫左一個咖哩薯仔撈麵同埋乾免治牛肉飯..個咖哩薯仔撈麵幾好味..不過好辣...我都算幾食得辣既人...但食到一半..都食唔到落去....而個乾免治牛肉飯就好一般....感覺好油...果度比較抵食會係二人餐, 百幾蚊就會有個炒飯, 炒菜, 同2個主菜, 仲有兩杯野飲tim。

公司重要飯堂之一，N過餐廳而不入的店，是晚餓得腳步浮浮，沒什麼選擇下這裡總好過樓上$20的鐵板燒．．．吃什麼？其實也沒什麼好選擇，套餐中只有魚湯飯似樣，再差也總好過同事的墨魚丸米吧？這碗魚湯也簡單得很，青瓜粒、菇粒、蘿蔔粒及醃豬扒粒，白飯泡在魚湯，說穿了其實是泡飯，湯也沒怎樣，是90%味精及少量魚、肉煮成的湯，喝了半羹也再吃不下去，襯大家的主菜未上，忙著將魚湯分與同事，大家吃完也沒怎樣，是偶太敏感？其實魚湯也不難煮，薑、油、魚、大火就是了，為什麼這裡收$50卻弄出一碗肉非肉、魚非魚的味精湯？由有記憶起，未試過喝過這麼差的魚湯，現在想起也打了打冷震。