澳門茶餐廳 (已結業)

久聞呢度既豬扒包出名, 所以帶美國返既姨媽黎試下下午茶入到去, 見最入面有卡位便走去坐下, 點知侍應忙不迭走過黎話唔坐得唔坐得? 點解唔坐得? 佢無解釋, 只係不斷叫我地坐第二度好啦, 算了, 佢好堅持, 費時同佢嗌, 坐佢指果張枱, 枱面仲好污糟, 就叫佢幫我地清理佢應左之後叫我地等陣, 之後入左去就無左影! 唯有睇住食野先, 想食豬扒包同葡撻想搵侍應落單, 其實成間野客人唔多, 但侍應就好似好忙咁行黎行去, 偏偏就唔理我地揮左好耐手先有人黎serve我地, 點左野食之後, 又叫佢抹乾淨張枱那侍應帶著單走開了... 仍然無抹過張枱! 最後捉住左一個經過既侍應, 忍不住問佢: "你地係咪好忙好唔得閒?" 那人唯唯諾諾著, 終於幫我地清理好野食等了好一會才上來, 侍應大力"劈"在桌上, 便頭也不回走左去! 豬扒飽: 個包只是暖暖地, 一d都唔脆, 咬落去"un"的! 洋蔥好稔, 豬扒肉質尚可, 但味道就太甜, 好怪葡撻: 蛋黃既香味ok, 不過個撻底唔掂, 完全做唔到酥皮果種鬆脆感, 7蚊個, 搵笨!凍咖啡既冰甚多, 入口味道已很淡, 放夕一陣冰溶了更是淡而無味, 另一搵笨之作!食食下

上星期四晚返學, 6:20pm到了上環, 未食過這區的澳門茶餐廳, 故入來試吓與其他店有否不同. 環境及座位真的好茶記, 無康山及尖沙咀店咁舒服, 餐牌都幾唔一樣, 而且全部a la carte, 無所謂, 揀來揀去都係食咖喱, 心想穩陣的, 叫得招牌賣到$58都應該唔會差吧, 而且理應不用等太久, 因為咖喱通常是煮定的等了十分鍾, 落單的侍應無理過我, 更加唔會主動催單, 終於由部長端上一個瓦煲的咖喱牛腩, 另白飯一碗, 急不及待食件牛腩先, 靭的, 切得幾大件, 好在有一半是牛筋且比較淋身, 咖喱汁帶較重酸味, 可能是加了洋蔥煮汁而帶出過多酸味, 薯仔五件無食過, 牛腩同汁都未達水準, 況且又不是即滾咖喱, 唔明點解要等十分鍾. 埋單無論收銀及經過經理身旁都無人會講句多謝, 不用再去.

同同事12:55去到..rush hour..勁爆多人等左半粒鐘先入到去食左鮮茄牛柳粒焗飯,葡式咖哩雞翼 2個lunch + 2件葡撻葡撻個皮好厚.....不過個蛋底好好味但如果要$7一個的話.倒不如到泰昌買一個新鮮又大又抵食的蛋撻~咖哩雞翼辣到過哂火...跟餐白飯仲要未熟!!!!!!這個真的很差個牛柳粒飯都幾ok~總括黎講佢又貴過出面茶餐廳, 食品質素又唔係好過出面........大家都係試一試好喇..

早排同屋企人去澳門玩臨上船去左澳門茶餐廳食個早餐叫左個早餐A一個火腿牛油豬仔包 加 一碗蕃茄紅蘿蔔牛腩薯仔通心粉個豬仔包好香好脆可惜唔夠熱如果唔係應該會跟波蘿油有異曲同工之妙碗通心粉真係幾足料唔會話多多薯仔,幾舊牛腩咁款個湯底都好甘甜飲得出係足料煲的但係D waiter 木口木面好似岩岩訓醒咁實在係美中不足

記得好幾年前吃過豬扒飽, 好正好鬼脆; 但今天再來吃的豬扒飽無咁脆之餘帶點奀, 而且豬扒偏甜, 無左那種咸咸香香的風味了!

回到信德已是10點多, 一出閘, 衝落樓下....MX關門....轉戰去食牛肉飯, 也關了門, 想食完野先回家, 只有澳門茶餐廳.夜晚呢個時候, 只有佢同當當獨市, 冇計, 唔係人人想食澳門茶餐廳都要go go go!!4個人, 要搭檯, 細看了餐單, 想了很久才道出幾味菜來..... 咖喱牛腩飯, 澳門海鮮炆鴛鴦麵, 同一個魚蛋湯麵.澳門人口味, 始終比較濃, 咖喱辣了少少, 鴛鴦麵味道很濃, 其實不合當宵夜咁食, 姐說對脹胃不好......魚蛋湯麵...媽說普通.服務.......基本上服務員不足...可能沒有預備10點後一樣full house吧, 又忘記執檯, 叫佢幫我拿紙巾又拿錯俾第二檯.....位阿姐因為服務不佳, 仲要俾一班疑似江湖中人兇......中午打晒蛇餅...以為好野.....失望

過完大海番香港, 都已經六點半, 諗住求其食d嘢啦~~ 行云成個信德中心都冇乜嘢食, 咁就求其選咗呢間, 但只此一次, 下次寧願食對面美心MX好過.......呢間嘢可能唔休做, 入到去又冇人理, 又冇乜嘢食好選, 連最基本的"是日晚餐" 都冇, 跟本迫你食貴嘢, 一打開餐牌, 只不過係例牌茶餐廳的食物, 仲要係比人少.......咁我地好難咁選咗3樣嘢, 雖然我地好肚餓, 但唔代表乜都好食.....西炒飯--- 好濕, 冇乜料澳門炒米--- 落單果陣問佢有乜料炒, 個伙計答有吊片同燒肉, 點知嚟到同西炒飯冇分別, 只係飯變左做米粉, 燒肉變咗雞肉, 吊片變咗蝦仁, 但D雞同蝦仁係冇味的, 又冇醃, 又冇本身的鮮味, 因為全部係雪料焗豬頸肉飯--- 叫做最好味, 但D飯只有一飯碗咁少, 份量只有炒飯的一半, 但價錢一樣.......總知呢間嘢又貴又唔好食啦~~

今日要去上環攞嘢, 順手去食個早餐, B餐:鮮茄牛腩湯餐肉通心粉+鮮油火腿豬仔包+熱飲($24), 豬仔包依然香脆, 個鲜茄通湯底好濃----正但服務唔得, 人手嚴重不足, 我坐中間圓枱, 等咗成5分鐘, D待應都好似睇我唔到, 終於有人落單, 落單到收碟+收銀可以一句說話都無講, 至少收碟都問句'仲要唔要呀?'都無>.<

大年初一，晚飯時間，附近好多茶餐廳未開，便來到呢閒。食物味道ok,但是買單時，發現比我自己計算的多咗十幾蚊，睇過單先知，waiter寫個不是我order的嘢，我話你地落錯order,一個好似領班樣的，穿粉紅色衫,眼睛好大，身材好瘦的男人，語氣好差同我講：你已經食咗，上菜時又不講，是你錯。我話我好少來呢度食，上來個嘢的内容同我order的又差不多，我真係分辨不到，真係以爲上來的就是我order，根本沒料到錯咗。個男人態度好差地講：係你錯，呢地係你的問題，可能你order時講錯。其實十幾蚊好小事，味道都ok，如果好好解釋同埋say sorry,真係無所謂，但是個態度真係太差，又係過年，忍不到，我只好都好硬氣講：你態度好差，點解呢樣講嘢，我又唔係唔比錢。個男人見我不高興，即可道歉，好典型的欺軟怕硬，呢樣的服務態度真係唔掂。

尋日係聖誕節正日，難得我同我的小公主都放假，生活悠悠食無憂，決定出去輕鬆巡遊一天，目的地係南丫島，由於地點方便，所以中午順理成章地在乘船附近的澳門茶餐廳解決，因為我知道小公主開始有點掛住這裡的辣辣咖哩，上一次又食得唔係咁自在，一於再食過。一坐低，未到下午茶餐2.30，但又等唔切，所以唔理咁多，逐樣奠叫，最後點左一個咖哩牛腩飯，一個豬扒包，兩個蛋黃葡撻，一杯凍檸蜜，一杯凍奶茶。咖哩牛腩個味其實真係幾香，唔係椰香，係香料果種香，我見佢落左小小辣油o係個汁度(其實我都覺得應該唔係普通辣椒油)，不過我本人唔食得辣，但對正常會食小小辣既人黎講應該幾野味，腩比較小，筋比較多，薯仔仲多，呢個可以改善下，如果個汁再"傑"返小小會仲好。豬扒包個包真係幾脆口，裡面有浸牛油，可惜真係比較細個，個圓周仲細過M記漢堡，裡面有洋怱，唔食這個的人要小心。豬扒尚算有汁，未算乾，味道就夠哂。蛋黃既葡撻味道比較甜，比起蛋白，我個人較喜歡這個，蛋槳很香，皮亦鬆，唯獨比較油膩，個蛋撻紙有一堆油係底，不過都值得推介推介。凍奶茶味道都可以，不過茶味略微偏苦，但比起很多不傳統的茶餐廳已優勝，冰粒很碎，很快溶，快小小飲哂佢為妙。小公

去完澳門食得太多小食..食唔落晚飯..於是番香港先..最後都係食番澳門野兩個人叫左..澳門地道茄腩通粉&招牌咖喱牛腩飯&油菜&凍檸樂~~每樣野都好好味喎~~ 個通粉撈埋類似羅宋湯加午餐肉加腩肉粒一齊食..幾好味!!之後個咖喱牛腩飯仲好味~..牛腩用另外一個沙煲熱騰騰咁上... 個汁好杰..好濃..有d辣..撈飯食..連我唔係好食飯0既人都食0左好多飯。d牛腩好入味..有好多舊添~~ d薯仔都係大大塊，一d都唔吝嗇~~~ 如果碟白飯可以大碟d就更好...食完個肚暖暖咁離開~

其實好內之前都來試過巳覺得唔好味。但係前幾日因諗唔到食乜而再來試一次。結論同上次一樣：唔好味。今次order左豬扒包+炒蛋&鹹豬手焗飯。豬扒包ok,係唯一一樣係到ok嘅嘢食。鹹豬手焗飯完全唔掂最初為係完隻鹹豬手加些gravy係個焗飯上面。點知一上枱就知道唔方好食。鹹豬手唔係完隻上，而係有5薄塊肥肥地類似腿嘅肉片。而成個飯就有一層紅橙色而味道同大家樂嘅焗豬扒飯一樣嘅汁淋係上面。難食到暈。如果下次再來，都只會食豬扒包&葡撻。

20071006三個人從山頂下來已經九點多，饑腸轆轆，不知是否這個原因呢，好像碟中之物也美味起來：）平時最怕這裏晚市等上菜時間超長，服務生又超惡，誰知今天OK喔~ 主動幫我們轉電視卡位元，菜來的也快，十幾分鐘已經齊了。招牌炒飯：餐盤上的賣相吸引，就被騙了，一端上來已經知道不同，最後剩的最多的一道；海鮮炒米：看起來配料不多，不過米粉本身炒得很入味，又不會油淋淋，比想像中好，當然那些所謂的蝦仁，就還是沒什麼味道；咖哩牛尾跟白飯：每一件牛尾的體積都頗大，統共五六件的樣子，薯仔倒與牛尾的分量差不多，一副一定塞飽你的架勢，都頗辣；乳鴿：這一味就真的顯示出招牌風範啦，皮脆而薄，肉質嫩滑甘美，不會太鹹，略帶一點甜，一隻不夠喉，追加一隻。第二天，朋友還在掛念，昨晚那只乳鴿：）

本來以為服務態度係個別問題，但原來信德呢間都係咁>.<"評價如下:銅鑼灣:本想食晚飯，人客只有一半，都有人招呼，之後，想叫野食，佢地掛住傾計，叫左三次都冇人理，結果冇食走人...信德:二個人食早餐，叫左起碼5次先有人埋黎寫單都算，仲要好似我地阻住佢做野咁，俾我的感覺係"食咩呀，講快d啦"咁樣...唉，早餐時間，你忙，我都趕時間啦...杯凍檸茶仲要係我食晒d野先黎，仲要轉外賣杯拿走，各自返工，尖沙咀個間仲忙啦，都係食早餐，但都唔會咁樣，到下午，食左個lunch冇幾耐，肚谷谷，頂住頂住，傾開，原來朋友都有呢個問題，冇理由一齊唔舒服，如果夜晚個餐有問題的話，朝早都已經出事，唔會等到下午(經驗所得)....真想投訴，仲要食到人肚痛。食物水準仲keep得住，但服務態度真係唔得...

20070910不管什麼餐廳都要做早市生意，尤其是寫字樓裏面，所以見到隔壁的“吉野家”早上也照賣牛肉飯不誤，至於這裏，我摯愛的通粉餐也是全日皆有，同樣都是那些東西，早上寫早餐，晚上寫晚餐，真不知道為什麼它不學學茶餐廳算了，寫一個“常餐”了事，大家方便。作為早餐來說，份量頗大，一碗牛腩粒餐肉番茄湯通粉，一個火腿牛油豬仔包加一杯飲品，24元，兩個人share就剛剛好。早上的動作快很多，味道卻保持得住，不錯：）見到其中一個早餐選擇是兩件葡撻加一杯飲品，賣21元，心想晨早流流能這樣吃下去的一定非等閒之輩……