澳門茶餐廳 (已結業)

去澳門之前黎左lee度食左個葡式早餐....有牛油火腿豬仔包+蕃茄薯仔通心粉.....好好食wo....尤其係個包.....個通心粉亦好唔錯......酸酸地好開胃.....食完個早餐好飽.....lee個價錢- $21,比起一般茶餐廳既早餐確實係抵食同好食好多.....

早前和家人到珠海旅行，見這裏離入閘比較近，便來這裏食。我們各有各叫了一個早餐，包括餐包、西煎雙蛋、脆皮腸通粉和熱奶茶。西煎雙蛋- 煎得幾好，唔會太熟。脆皮腸通粉- 比較粗身的通粉，但煮得太腍，味道麻麻；脆皮腸就一般啦。熱奶茶- 想不到都唔錯，茶味幾夠，奶味又唔會太濃。但侍應的服務態度就真係好有問題，她竟然大大聲的說：，當時有好多大陸客在，可能真係太多工作做，但這樣說，又真係幾過份；唔知她老闆如聽到，又會怎樣想呢！

星期日晨咁早走左去食早餐, 係得呢度緊係食豬扒飽餐啦!叫左一陣就到啦, 比以前當然係細左好多啦, 以前個塊豬扒係走晒出黎架, 而家不但飽細左, 塊豬扒都係縮係入面, 不過而家個飽好似比以前軟熟左, 烘少左, 食落無咁熱氣, 話雖如此, 個豬扒都重係好好味!! 不過食完張枱佈滿飽碎, 嘻嘻....我諗呢間澳門都係咁多間之中, 坐得最舒服個間啦, 起碼唔會背頂背個隻啦!!

2005年12月31日，約定男友同細妹去時代廣場，睇住大屏幕&蘋果倒數~ 是夜晚餐於此~　三個人坐六人卡位，就環境而言都幾舒服，當然冇得同西餐廳比~ 叫左個精選二人套餐，有燒乳鴿，馬介休炒芥蘭，特色炒飯同自選菜式x1，我o地係點左茄子香燒牛仔骨鍋o既~ 另外細妹想食自己，所以再散叫豬扒飽+飲品~ ;p　澳門菜特色係多油偏咸，如果你係食慣o清淡o既，依度口味唔o岩你~ 對我而言，幾款小菜都好食，尤其乳鴿肉唔多卻夠滑，仲有芥蘭炒得入味，正!此外，依度飲品都唔錯，我好滿意我杯菊蜜o既甜度~　臨走時，發現餐廳門口勁多人，好彩去得早~ 不過都趕唔切去時代廣場，此乃後話...(下年真係要下就去排定隊.!!)

早幾日收工,同事話無時間同我食飯,請食早餐都殺.唔知點解,呢度d早餐慨加價,又減份量,有無攪錯?平時可以選葡tart或者火腿豬仔包,依家變成餐包,$20加一蚊.蕃茄湯通粉:味道濃郁,有好多好多薯仔,比通粉仲要多,本末倒置,碗就大,得七成左右滿,唉!餐包:細細個,半隻手掌大,幾軟綿,唔錯.不過份量太少啦,我真係要食兩個至夠飽!

呢個所謂唦嗲。。。得個醎字，肉又係，醬又係食到我爆血管咁點計呀?$8一碌

星期六早上，在回公司途中，同事就叫我不要買早餐，話佢已經買了。點知返到公司一看，就知衰了。因為她買了個蕃茄牛腩湯餐肉通粉早餐給我，但我不食牛的。所以只食了其餘的，牛油火腿豬仔飽和杯熱咖啡。個豬仔飽幾好味，牛油的味道都不錯，不過塊火腿就細了些。杯熱咖啡就非常濃，濃到苦，就算加了成包糖都好苦。其實這裡的飲品，只有凍飲才適合我飲。同事就因為我不食主餐，又飲都苦口苦面，所以就不好意思收錢了。不過我會在下個返工的星期六請回她的，因為怪只怪自己口味與眾不同哪。

好間唔中都會來食lunch,其實食物就覺得一般啦,唔算好好而且都偏油膩,但就很喜歡飲呢度既特色凍咖啡. 今朝返公司趕工前又來買了一杯,其實除左面頭有些咖啡粉外,唔知有咩特色可言,但咖啡香濃夠冰凍又大杯,的確係比一般茶記高兩班,尤其夏天飲真係透心涼! 推介~

o尋晚同兩個老去友食飯，夜晚冇中午咁虛，完全唔駛等位，仲有好多吉tim。其中一老友一坐低立即話要豬扒包同BB鴿，豬扒包冇以前咁好食，個豬仔包唔夠脆，豬扒鬆化唔錯。隻鴿真係好似剛剛出世的BB，勁細隻，冇肉可言，但兩個老友都讚D皮燒得卜卜脆。我負責點了咖哩雞同馬拉盞西蘭花，咖哩雞D汁幾咸，雞肉就一定係雪藏的，味道同肉質都可以，但係醃尖老友話勁差。西蘭花好細碟，收40蚊好唔抵，不過整得好爽口好夠味。仲有一碟馬拉盞海鮮炒米粉，食慣馬拉盞炒菜，第一次食馬拉盞炒米粉，味道幾特別好野味，所謂海鮮只食到蜆肉、魷魚等，而米粉就炒得太碎。每人各叫了一杯凍飲，埋單$210 都可接受。

朋友於上環返工, 見佢無乜心機, 費時佢行咁遠, 來揀呢度就就佢.一點左右到, 要排隊, 見前面都成十幾人, 斷估都要排番咁上下, 點知入面的食客好合作, 食完就走, 好快我地都有位.要左午餐甲同丙, 甲就係我個串燒雞球, 雖然話係葡式, 但唔覺有乜關係, 只係普通雞肉串加辣汁, 幸好雞肉唔太趕身, 加埋個辣辣地的汁都唔錯, 比午餐丙好好多, 皆因午餐丙的葡式牛腩好韌, 好"頂胃", 個汁又無味, 唔掂, 唯一可取係份量好夠.食食下, 見到收銀處擺左一盤細盒提子汁俾客人, 但最好點半前埋單, 因為送完即止.

第一次係度食早餐,好彩夠開揚,有人食煙都唔太焗,先黎一個蕃茄牛腩湯餐肉通粉,酸酸地好開胃,份量又夠,跟住一個豬仔飽夾火腿牛油,雖然外皮好硬,但依然好有麵飽味,再加杯涷檸茶,醒晒!

約左個在信德工作的朋友食飯，兩個人無謂諗，就來了吃。呢度都算利害，幾時午市都係咁多人的，以上星期五為例，到下晝點半，人龍仍然咁長，沒有消減的跡象，所以兩個人是必定要搭檯。叫了葡國咖哩牛腩煲跟飯，雖云是葡國咖哩，仍是以往一般的辣及油底，但就好味，汁多亦好送飯，不錯；牛腩少牛筋多，正合個人口味。牛筋煮得腍，又不失咬口，都唔錯。朋友叫了豬頸肉米線，幾細碗，佢係女仔就勉強夠飽，如果是男的就一定不能了。埋單六十七蚊算幾平又幾好食，比較附近幾間食肆已算不錯，唔怪知得咁多人。

星期四在這裡買了兩個蛋撻，一個蛋黃一個蛋白外賣。回公司後先食蛋黃那種，皮因為暖了所以淋了一些，味道都不錯。跟著下午茶時候就食蛋白，今次叻了，因為先去微波爐叮熱先食。望著個爐叮，叮到地皮脹起。取出後食皮又脆，裡面的蛋白一粒粒很得意。食落幾甜，不過都好好味。順帶一提記得在蛋撻底放一張抹手紙，哈哈吸油呀嗎。

i tried their pork chop bun today. the bun is very crispy. the pork chop is not very tasty. quite small. HK$15. not cheap

靚女秘書小姐生日，當然不會單是食舊蛋糕就算，大家決定在呢度買外賣回公司吃。雖說是下午茶，但十幾人叫東西吃，再加飲品，都要兩個人送了四盤外賣來。除了葡撻及豬扒包，還有皇子乳鴿，同幾件多士，單是這個陣容又係幾誇張的。已寫過，呢度的葡撻應是本地剩下少數有水準的葡撻了，蛋黃好食過淨蛋白，所以我們全部都要蛋黃的。當然係比一般蛋撻油膩，吃完看看手指就知；豬扒包亦不錯，由整起至送到手，經過至少十五分鐘，但都算熱辣辣，當然新鮮堂吃是最好；皇子乳鴒例牌一開四，乳鴿雖然細隻肉亦頗薄，但骨硬，麻麻地。連十多杯飲品，埋單六百幾，單以外賣下午茶計，不算便宜。