澳門茶餐廳 (已結業)

昨晚六人去吃晚飯，點了澳門炒河，澳門炒飯，咖哩牛腩飯，馬介休炒菜，三串串燒和葡達．澳門炒飯，馬介休炒菜和串燒均十分鹹，葡達亦沒捨特別（好像ＫＦＣ的更好吃），咖哩牛腩飯質素一般．但六個人埋單只是２１０元許，不貴．

今日下午叫了個雞扒豬仔飽碰薯條下午茶，價錢不貴只要$18元。個飽不大又不細，雞扒剛剛同個飽一樣大，整體都幾好。但個薯條就非常不好了，又濕又軟，又多油，重好似炸過幾次咁，有幾條黑色的薯條，見到都不想食。所以下次記得不要在這間叫薯條食了，要食過對面麥記好Ｄ。

農曆年間呢度曾裝修過，一直都無再幫襯，今日又同兩個同事來吃。裝修過後其實都好似無咩分別，除左個門面好似執過，同多左個plasma電視之外，其他檯椅同佈置，以至餐牌同價錢都無變，人亦是一樣咁多，直到一點半都仲係排緊隊。今日食左個蜜汁豬頸肉拉麵，個碗幾大，但份量又不是很多；蜜汁豬頸肉幾好食，肉質鬆軟又有蜜味，唔錯；拉麵是中式拉麵，亦淥得過腍。連熱飲個拉麵餐32蚊，唔算貴，不過就似乎仍是咖哩好食D。

第一次黎食,覺得好唔自在,因為基本上呢間澳門茶餐廳0係半開放式,外面d人行過,唔單止可以睇你食咩,仲可以拎走你d食物...哈哈..講笑即,但好近架,可以從外面跳入去囉,好唔鐘意...仲衰過左街邊檔佢呢間又好多人食,次次都要等,d員工態度唔太好囉,叫極都冇人黎,落單又好求其,態度唔好老皮...地下都几污糟..野食方面,呢間都几好食0既,d咖哩雞飯好香辣,d雞好入味,煮到好爛,d咖哩汁都好開胃. 另外,我覺得佢d豬扒飽硬左d,仲話招牌貨...不過其他小菜都唔錯,媽媽食過佢個濕炒河好夠獲氣,柑桔檸檬都好好飲~好開胃~

嗲d外賣買返屋企, 叮熱後加白飯撈埋一齊食, curry夠辣, 羊肉淋淋o地, 好正!!

都唔係你講得咁差啫,個場咁旺,d服務當然差d la,(茶記啫)do野食幾好a....

剛剛今日星期五至食完，不過觀感就同以上食評有所不同。又同個同事去食，排好長龍，兩個人要搭檯都等左十五分鐘。午餐ABC要左B的焗豬扒飯同C的咖哩牛筋。焗豬扒飯一貫風格用煲仔上，剛剛焗起仲滋滋聲，豬扒已切一舊舊，先用蛋煎再加炒飯入煲仔焗，味道唔錯；咖哩牛筋一貫有水準，咖哩冶味又好送飯，牛筋同牛腩都炆得入味，飯另上，份量不少。兩杯奶茶一個要多奶，一個要走奶，送得快又無差錯。佢又係35蚊，算抵食，又難怪咁多人排隊，到一點四仲有十多人的人龍。如真係食垃圾的話，唔會長期都咁多人卦，始終消費者的舌頭是雪亮的！

小弟係上環返工，間唔中都會比同事屈去幫親呢間野，老實講，係度真係食垃圾，去左兩次，第一次叫既係豬扒麵，味精湯不在話下，D豬扒硬到好似石頭．．．真係．．而餐跟的麵包比石頭還要硬，擲下街真係會責死人架！今日第二次去，本來想叫魚蛋麵，點知個waiter黑口黑面兼好惡死咁同我講：「無魚蛋呀！叫其他啦！」，媽的咁算係乜態度呀？！如果唔係有同事係度，我真係會同佢嘈！結果還是叫了碗牛丸河，等左半個鐘先上菜，等得耐不但至，D牛丸好重雪味，明顯未係雪左好多日，D河未入口已經溶化！淋到死！而湯底又係味精煲成的！咁既垃圾餐廳打死我都唔會再去！最後要講既係佢地的環景差到無淪！D垃圾桶隨處擺不單至，更時常有人係我背效將D垃圾桶推來推去，對著D咁既垃圾桶叫人點食得落呀！

午市套餐食得多，在同事推薦下吃了乾免治牛肉飯。所謂乾免治牛肉，其實是切短了的炸薯條，加洋蔥同免治牛肉再炒，加一隻煎蛋和午?肉一塊，白飯另上。幾冶味，用來撈飯唔錯。38蚊唔係貴，但因炸薯條及午餐肉皆高油高膽固醇之食物，怕肥又或者怕膽固醇的千祈米試。我就一於唔理咁多，照食可也。另同事叫了新近推出的咖哩雞扒拉麵，就反而無咩特別。32蚊包飲品唔算太貴。

午飯時間真的超多人。<br />四女子點了:<br />1.蜜汁焗銀鱈魚飯2.星州炒米3.牛肋骨4.馬介休通菜<br />只有蜜汁焗銀鱈魚飯好一點。(但紅螞蟻更好吃。)<br />其他太油了。<br />而牛肋骨太多筋，好"un"，一口也吃不下。<br />每人around $45，ok 啦。

平日大排長龍今日唔使3分鐘就有位，已經算係幾淡淨。叫了焗豬扒飯，原煲上，豬扒夠軟熟，加上炒底的飯及茄汁都好食，有水準。最得意就係唔知係唔係非典型肺炎的關係，平日呢度派生果，今日竟然派益力多，遲下唔會派漂白水同口罩卦？

個市無咁旺，好多時都會同D同事行過信德呢邊食晏。呢度每日推出ABC餐，其中以焗飯類最值得推介，因為人流多，所以即叫即焗熱辣辣又足料，正！其次咖哩類都好耍家，連入面D薯仔都炆得好出入味，食到大汗疊細汗之餘仲想叫多個飯來撈埋D咖哩。35蚊個餐都幾抵，仲有飯後果送tim，不過好快派完成日都拿不到。葡撻6蚊一個，分蛋黃和蛋白兩種，個人認為有蛋黃的香好多。反而好似幾熱門的豬排包同皇子乳鴿就來左咁多次都未試過，搵次夜晚來試試先！

【開飯喇☆老友記】<br>全新推介 柑柑地!十五大大杯,D冰重唔會溶添,一啖咖喱,一啖柑桔梳打..會有出人意表昇華,咁抽象,一定要親自試過至知喇。<br>肥佬佬至愛..咖喱牛腩飯,試過加多兩碟白飯,都面不改容!唉!話知你叫我肥肥佬佬。<br>星洲炒貴刁都不錯,係華美達酒店地庫的新店,重用個砵仔上,好有特式,有鑊氣,上檯時D粉重跳下跳下!<br>叫埋主打BB皇子鴿,【減肥?明天開始罷喇☆老友記】

哩款飲品值得推介,大家不妨一試,有下火功效o架.價錢唔算太貴,HK$16就有交易.

茶餐廳一間, 所以要求唔高就ok 啦! 但出名食物反而唔出色! 豬扒包，乳鴿, 煲仔翅都平平無奇, 我反而中意果度D 通心粉, 好食! 全力推介早餐個牛尾湯通心粉!