澳門翠苑餐廳

營業中

休息中

行經MK老媽說夜了...不煮晚飯想起她很喜歡吃面包 (最近甚至常常唔煮飯...買Delifrance 幾個$10包for成家人當晚餐)帶了她來吃農夫包咖哩雞, 咖哩牛腩各一份牛腩比雞好吃得多農夫包很脆..很新鮮...咖喱也很香...而不辣反而個紅湯麻麻好少可出街食飯...她會說遲d再去光顧而這間店...辦到了

今日有D工事要去旺角一轉．還掂都要食，就出發前睇左一下旺角有D咩好食．就簡左呢間餐廳D飽，好似都Ok下．黎到一入門口，第一間已經係佢．唔洗諗，即叫左個好多人食既農夫飽． 羅宋湯味道就有啦，不過無乜餸食，好似飲水咁．咖哩牛腩農夫飽牛腩味道不錯，咖哩味都好好，個飽真係大，入面軟，出面脆，點埋咖哩汁食，Nice．天下間好食既嘢，就一定係唔健康．（大部份啦．．嘻）咖哩汁真係油，不過要有味道，就緊係油．其實時間唔係好夠，食完就即刻去做公司嘢，仲算無白行．Very Good．

食過好多次, 但一次比一次差, 經過琴晚果餐之後一定一定唔會再幫襯!琴日依舊叫左農夫包, 點知一打開個包蓋就發現成條煙灰係入面,拎去問老細, 佢話佢地果度無人食煙喎...咁唔通我放落去架咩!

今朝同左個fan去左呢呢到食早餐,成個場得呢間店開,好啦,早餐其實間間都差唔多,就食呢間啦.呢間店o既早餐其實唔係話特別好食,佢好o既地方係用心去做,我地一人叫左個沙爹牛麵加蒜蓉包加杯奶茶,沙爹牛麵d牛肉係有咬口o既,而且有朕好香o既沙爹味,塊蒜蓉包好厚,除左蒜蓉之外,竟然加左香草,出面邊間茶餐廳有?熟食中心就更加冇,如果你大家到朗豪坊附近,真係不妨一試!!

因為要去旺角, 但又吾知食什麼, 所以在 openrice 做吓 resecrch 囉.....找到依間 澳門翠苑茶餐廳 就同屋企人試下~~我叫左個咖喱朱柳農夫包, 加柸金牌咖啡..... 等左大約 20分鐘, 熱騰騰的金屬紙內包住剛剛焗起的包包出現了; 附有一碗咖喱汁, 加送一個羅宋湯, 一切開個包, 內藏有朱柳片, 加上脆面的包及咖喱汁, 一個字...正!! 重有柸咖啡, 都幾好味, 吾差.... overall... 值得推介~~~提醒一下, 因為個包都叫大個, 細食嘅朋友, 建議 share..

今晚由於係謝師宴，所以呢幾日都keep住唔食咁多野，想盡量瘦d.... 但係今日真係幾肚餓呀，原本想咩都唔食忍到夜晚，但都真係唔得，所以俾媽咪迫左一齊黎食lunch，不過我都唔敢食太多野，只係叫左份腿蛋治咋。我好耐無食D咁清既野做午餐，哈哈，好難用好唔好食去形容佢，因為就係一份比較普通既腿蛋治。個麵包都算軟熟既，火腿幾薄下，反而蛋既份量幾多，不過無咩味，如果佢鹹少少就好啦。為左謝師宴，唯有忍耐埋今晚啦。 =)

去完op之後一夥人去左mk食飯,因為周圍都絛位,所以就去左熟食中心一博!聽到有農夫包即刻急不及待要一試!聽就聽得多但真係未食過!結果我叫左1個牛柳農夫包不過有少少失望,好少牛柳,同d curry汁係分開的=3=唔係係包入面流出黎不過餉包好好食,好脆好鬆軟!仲好hot!佢仲會有專人送個餐黎比你,算係唔錯啦=]成個餐有農夫包,湯,同1個野飲!dinner我都覺得ok既=]可以1try!

大家到澳門翠苑都只會order "咖喱大包"餐, 你們有否留意他們都有其他餐呢?今次到訪特地不叫"例牌"咖喱, 而order了被眾人遺忘的配角 ~ 奶油多士, 它一樣多吸引, 比起旺角人來人往的茶餐廳大大件, 厚厚的多士, 烘得剛剛好, 多士還配上飲品, 凍咖啡.雖然這個下午茶餐通街都是, 但這裡坐得舒服, 沒有伙記趕你走, 份量剛剛好, 不會太細份令你覺得不值, 絕對是歎下午茶的好地方.

見佢曾經係openrice十强就去試吓。正值lunch hour，都幾多人，所以即刻order完揾位坐。因為喺foodcourt，預咗要搭枱。我叫咗咖哩牛腩農夫包&凍檸茶，嘩！午餐食咗$45。嗰場唔夠冷氣，有D熱。大概10幾分鐘，食物就有人送到，唔錯。首先飲啖湯，咦，冇渣嘅羅宋湯，仲冇味，不如唔好俾啦，拉低哂D分！好彩個包真係好脆，咖哩牛腩都OK。總括而言，如果平少少，就perfect嘞！

在這兒看到。意見有很大的分歧！就一試吧`。１〕交通尚算方便，容易搵到２〕冷氣不太夠，我覺得很焗！　　因此可能多小昆蟲飛飛飛。３〕等食，大概十分鐘左右　　服務都ｏｋ．４〕我食的．是咖喱豬柳農夫包。　　而他的是金菇雞柳炆伊麵。　　他說他的不太好吃。　　　　我的豬柳農夫包，包包的裡裡外外都是熱熱的，皮就是脆脆的。　　但是．咖喱汁不是很好．味不夠．香不夠．　　豬柳就失敗少少，好硬......ＰＳ：我覺得．不是很差不是很好。不妨一試。　　　但價錢...或者這個價錢我可以揀更好的。　　　不值這個＄＄....　　　下次會去與否．我有所保留

咁啱出旺角...咦...呢度十大喎.....試....企到腳軟至有位...愈企得耐,對呢個農夫包既期望愈大.......咖哩雞包餐...咖哩汁係好香...但太咸喇...係鹽味果種咸....雞肉同咖哩汁係分開 serve 既...雞肉本身已經醃過,有咸味....所以,你一係...: 1,用一啖雞肉,'送'一啖麵包黎食....乾 d 都無辨法一係就...:2,一啖麵包,點少少咖哩汁黎食....如果你麵包+咖哩汁+雞肉一啖啪哂入口...實咸死與其佢挖空個包塞 d 肉入去,....我寧願佢成個麵包俾我...等我多番 d 包黎'送' d 汁!!!!!!!個人覺得...呢個咖哩農夫包,一定要同朋友一齊食,一人三兩啖,少食多嗞味...如果一個人獨食哂...個腎會好辛苦朋友叫呢個米線餐...佢遲黎,見我咸到眉頭打結...就話不如share 食...一試之下...完全冇味既?唔通俾 d 咖哩整死左我條...脷???飲兩啖凍啡'浪'下口,然後再試........真係冇味禾....啱喇...用 d 雞肉黎'送'米線一樣太咸...一樣太淡......相信個厨已經被勝利充昏左.......唔再試味!!!!

平時在旺角, 真係唔認為有咩餐廳 OR 食肆係叫特別好食及配合旺角既平民價架WOR(唔計FISH BALL NOODLES果D及什麼甜品店), 點知見到咁多人話好食, 又說是40幾蚊一個SET, 便好想去試下, 原來我老公去過, 他說在朗豪坊有條橋行過去, 點知行上了一層, 去了通往酒店個條橋, 跟住我地嘗試在酒店落回一層, 點知是唔可行既, 最終也是落回地下,我同老公兩個人再上去.老公叫了一個下午茶餐是火腿蛋豬頸肉公仔麵$22, 唔知係米肚餓, 好食BOR...我一心來到, EVEN是下午茶餐, 點都要試個在家唔會咁EASY整到既牛腩, SO我就叫左個此42既咖哩牛腩農夫飽, 我拿住個牌搵了一個位坐, 等了十分鍾, 有專人帶住笑容送到來你面前, 先說個湯, 味道剛好, 不會太酸, D牛腩都諗, 食落OK, 咖哩也是港人既口味, 幾OK, 個包配埋D汁, 由我老公撕開一份份, 外皮是脆既, 食落好特別, BUT就唔可以叫好好食$42算是一個正常茶餐價, BUT當然比起環境, 是真正一間茶餐廳好D啦, 但地方以大排檔來說衛生算是唔錯, 值得一試既...

我同老公兩個人見到咁多人話好食, 而且又真係好似幾得意咁, 所以去左呢到食. 真係柳暗花明又一村, 原來係咁近, 有天橋過去, 幾方便.叫左個咖哩雞柳農夫飽, 真係幾可愛, D雞柳食落都OK, 咖哩都OK, 但係問題就係出到個包到,唔知係個包既問題定係我地既問題, 個包真係好硬, 好似D外國人食個D包, 太硬好難整黎食,又好難咬. 其實除左個包之外其他野都OK, 極好食又唔會, 但係真係幾新鮮幾得意, 值得一試既...反而我地覺得其他個間 食手"施"雞幾好...而且又平...

出旺角午餐唔知食乜好,試下呢間十大食肆先~一去到整個咖哩豬頸肉農夫包餐,上枱豪不含糊,大到我個頭咁食落味道OK,迎合到香港人口味,分量亦大,但食到好麻煩,而且都唔覺值得入十大喎反而個湯得得地,酸酸地夠開胃~因為現場乃food court,唔多夠冷氣,食完出晒汗叫晒救命.....小心

見openrice咁多人話呢間好食就專登去試吓,點知一個字"差".我同老公叫咗咖喱牛柳農夫包餐同干炒豬扒一叮,嗰包同咖喱凍,一啲都唔熱,咖喱汁又咸,湯唔熱但又唔係特別差,但真係冇其他人所講咁好囉,而那個干炒豬扒一叮更不用一提比咖喱牛柳農夫包更差,我哋只可以講唔會有下一次!!!!!