澳門翠苑餐廳

營業中

休息中

一打開openrice旺角版,第一位係這間店,想來了試一下這裡的咖哩包好耐,今日終於試到,不過這是令人失望的一次!!!而且一個包的價錢都不便宜.....$43一個.....點了豬頸肉農夫包+牛柳農夫包,第一下點了咖哩食農夫包面時,都覺得ok,但越點那個咖哩就越咸......最後都無點到那些咸咖哩而就咁食.....真係扣晒分......至於那個包真係麻麻.....它的賣點只不過是大的"豬扒包"的包而已.....我就覺得好普通啦....豬頸肉都不錯,反而牛柳真係好差.....一食落口好大陣梳打粉味.....好難食.....最後那個蕃茄湯都ok,只是普通的蕃茄湯.......香港大部份人都只愛脆跟咸的食物,我個人不會推仲這間店,因為試過一次,真係好難有第二次.........

好好吃!!今天去食咖哩牛腩農夫包見咁多人話好所以同咩咩一起去, 2個人吃都好飽不過其實43蚊都唔算平, 尤其當你見週圍既碟頭飯一般都係22蚊左右牛腩係入味and 好味, 不過好似少左少少咩咩話佢0的咖哩汁就勁多, 雖然個包ok大但都不足以點晒佢成碗既咖哩汁下次再食真係好有衝動自備白飯, 佢0的咖哩普通得黎都幾好味既不過, 我最surprise係佢0的薯仔, 係先制過做炸薯角既, 不過唔知係咪0的薯角賣唔晒咁用呢, haha, 不過我覺得好味, 炸過再加入咖哩煲好入咖哩味咖啡方面千祈唔好加糖, 超甜!!不過,它本質係好飲, 好過好多快餐店!仲有佢個牛腩餐湯,又幾好飲好奇怪, 又食咖哩又食味僧湯但一0的都唔口喝

今曰特登黎試個農夫包試完一個字"" 掂 !!!!!!!!!!!!!!!!我叫左個咖哩牛腩農夫飽 ..個農夫包真係好脆好好食 ...外脆內軟..d牛腩又好淋好入味 ,,加埋佢r咖哩汁真係一流 ..咖啡ok ..但係個湯就好稀,麻麻地..

個人認為農夫包一定要試,仲要趁熱食!咖哩偏甜小辣,好多人都岩食,D雞都唔錯不過如果係女仔既話最好同人share,因為真係勁大個-_-牛腩通係唔錯,但係冇咩特別,有興趣先試下la 豬仔包外脆內香,好食!招牌咖啡都一定要飲!味道一流!埋單都只係$73! 兩個餐包野飲!D呀姐既服務態度都好好,我想要d咩佢都比到我

睇中呢間餐廳好耐..雖然好近屋企 但係一直都無試..今日終於同個朋友去試左..我同朋友叫左2個農夫包餐..食唔哂 真係勁大個,,,朋友要左個咖喱雞,,我要左個豬頸肉,,包既外皮好脆..包入面既咖喱唔係好多 唔會浸到個包"林"哂..咖喱好香 不過唔係好辣,,值得一提既係佢杯咖啡...個人覺得好好飲！！可以一試　哈哈,,,個湯我無飲 所以唔知咩味 = =如果下次去食都係2個人share會好d..

見到呢間餐廳成日都名列前茅~實在係想試左好耐~但係次次都找佢唔到~~~終於經過一論明查暗訪~原來原來在地下一出朗豪(對住朗豪酒店的出口)抬頭一望~已經到左啦~~~講番d野食~~有多種農夫包選擇~我地好保守咁試左一個咖哩雞農夫包餐~個餐$43~主菜: 農夫包~成個頭咁大~外面脆脆的~但如果可以再熱一點~就真係perfect la~ 包中雞~可能怕個包淋~只有小小咖哩汁~但係雞肉都醃得幾好吃~ 咖哩汁~香而唔太spicy,我的最愛~加埋個包~絕配 凍朱古力(=$2)~好濃的朱味又唔太甜~~~唔錯~ 薯仔紅湯~唔係我飲~唔知咩味~~~~~我地兩個女仔吃~吃完已經有飽肚感~超平超正!!!!!!!!!!! 聽講新出左個芝士汁~好想一試~

今日朋友帶我黎食晚飯話呢間野好出名~於是就黎試下點知就咁出事啦首先搵位再輪流出去買野食見到好多人都買農夫包餐但見到咁大個自己又食唔晒於是就叫左個金菇雞柳炆伊麵落單時個哥哥仔仲好心咁問我坐邊度陣間會有人拎俾我咁話返番去個位度坐住等啦望住同一張枱既人都轉左兩round我都仲未有得食！講緊既都有30分鐘有多同行既朋友已經食完........但我見到隔離的情侶同我差唔多時間買都未有於是就乖乖再等下點知等..等..等...我諗都有45分鐘都無得食已經餓到想退錢~朋友就幫我出去睇下咩野事點知個阿姐聽都唔聽下講咩就淨係識話"等下啦"話佢聽等左好耐啦！佢又話:送左去啦~check都唔check下argue左好耐先至話唔見左張飛即刻整番結果兩分鐘~完成左味道都ok既但服務態度好差好差咯！落完單可以唔見左張單真係食完都成肚氣呀！唔通食農夫包餐個d先係客咩？！真過份！！！！！！

兩分share 1個都夠飽既農夫包套餐40幾蚊, 有個農夫包, 餐飲, 餐湯 ,咖哩汁10分超值 是次吃了咖哩豬頸肉農夫包個農夫包內有數件豬頸肉d肉都好入味好爽口但件數較少... 反而見隔離"木台"果個牛柳就多好多個包蓋好脆!但本人較喜歡吃軟綿綿既包所以包"碗" suits my needs ;]撕1小塊面包, 再點上咖哩汁吃很有風味呢=]不過咖哩可以辣1點除番開兩個人既價錢, 22.5, 就有1餐飽飽的lunch但美中不足.. 上菜10分慢.. 而且果度好難搵位建議先落單再搵位搵到就有得食la整體黎講這個熟食市場都比想像中清潔

好友帶我來熟食中心試吃。真好，可由朗豪坊穿過去！叫了凍咖啡，鮮茄牛腩粒通粉，同咖哩牛腩農夫飽。咖哩牛腩農夫飽好大個，外脆內軟，配上咖哩汁一流~D牛腩係個農夫飽裏面，分量都不少。吃來吃去也吃不完。鮮茄牛腩粒通粉，鮮茄味很濃，湯都有牛的味道，牛腩粒不多，喝多會覺得咸。凍咖啡，加上冰后仍然香濃，不會沖淡咖啡味道~

又係因為睇完食評, 先去試農夫包買o左份咖哩雞包餐食, 個包用錫紙包住, 拆開時包身夠熱, 打開個蓋, 咖哩汁滿得滯, 流o左一d出o黎 雞肉有味, 不過唔係咖哩味, 係醬油炒過的味道, 都oko既只係因為個包而o黎食, 就比較單調了, 其實無咩特別, 以為個包會有特別味道, 其實只係一個巨型豬仔餐湯味道都一般, 要再o黎食, 除非有另外的特色啦!

一直唔知原來有個 FOOD COURT在朗豪坊隔離, 見呢間食店長期在 openrice 榜上有名, 上星期五專登叫朋友帶我一試, 結果如下:-光顧時間:2009年6月26日下午約 7時環境:感覺乾淨, 燈光明亮. (順帶一提, 收到政府 govfreewifi, 等人等食物時可以上網)食物:叫左個咖哩雞農夫包餐, 等左15分鐘, 送來一大盆野, 有湯, 有舊大鍚紙, 有可樂 同埋一碗咖哩汁. 先發現碗咖哩汁入面乜都無, 原來d雞係個包中間, 不過得 4粒雞肉; 打開鍚紙, 個包好大個, 但同時好輕, 好像風一樣, 外脆內軟, 用來送汁 or 湯都很好. 所以成 set 野最重要係個咖哩汁 or 湯:-農夫包 – 好大個好輕, 未發大前應該只有一個豬仔包既份量. 仲熱0個時外脆內軟, 過了約 15分鐘會變實, 無味.雞肉 - 雞肉味道不錯, 得 4粒, 約1/3 – 1/2 份雞扒既份量咖哩汁 – 微辣, 無什麼特別湯 – 牛尾湯, 真係無味精, 淡而無味, 牛尾未唸. 飲水好過服務:服務很好, 有送餐, 不用呆等總結:初頭食0個5分鐘仲脆仲軟都 ok, 外脆皮配牛尾湯, 包內軟包芯配

所以, 叫了個晚餐a, 即係香椒豬扒飯.跟餐的仲有個中湯.好特別的係會送餐俾你的~都係5分鐘有得食, 好快手, 姐姐也好快找到我們.一看, 咦, 其實係炸豬扒飯+ 茄汁味一般.豬扒唔炸得太乾, 都仲有肉汁, 好采!但d汁好像 茶餐廳feel.少許辣, 係好少辣.d飯幾ok.中湯反而幾好飲廿幾蚊, ok 啦. 但除了咖哩包, 其他晚餐好像比了下去...

睇左咁多篇食評, 遇o岩約左幾個舊同事出mk搵食...就去依間朝聖下la 開頭都要搵一段時間, 後尾先知原來朗豪坊有條路直通過去熟食中心= ="一入去第一間已經係, 好多人企o係度買~~~原本諗住食新出果個芝士架, 點知晚市先有供應 Orz最後揀左咖哩牛柳同咖哩豬頸肉o既農夫包餐!!等左大約半個鐘左右, 不過搵位都用左唔少時間...所以計落都係坐定一陣有得食d人好勁, 我地連牌仔都無但都認得係我地嗌, 利害@@朋友的咖哩牛柳好入味呀, 份量都幾多下~~~而我地o既豬頸肉相對就少d, 豬頸肉唔係爽而係林..不過味道都唔錯!麵包就真係一流, 脆到呢~~~撕開佢時d碎碎好似頭皮咁跌落黎 (好似形容得核突d~haha)點汁食真係無得彈, 好好味呀!!!!!!! 飲左杯奶茶, 但就麻麻地....唔夠茶味奶味....普普啦下次都係試朱古力or咖啡^^

今晚要試佢個新菜式,晚餐才有得供應的芝士海鮮農夫包連紅豆冰今日可能是星期日,等咗個包半個鐘終於有得食,芝士味夠濃,但魚柳得一塊,因為芝士本身較咸,所以鐘意食清淡的人會覺得咸咗少少,羅宋湯就有好香牛肉味,紅豆冰的紅豆夠林,好咪如果講味道,我會覺得包咖喱牛腩農夫包好味D,牛腩較香同林,豬扒包都好味緊記千奇唔好選擇葡汁蔬菜黃金綿盒,佢D蔬菜似煮完拿去局,個包好似出咗水,個包林咗唔好味

今日特登去試下呢個巨包，我揀咗咖哩牛腩配個農夫包，果然味道係唔錯，咖哩夠香、個包夠脆，牛腩都夠"林"，但係個包裡面D麵包肉唔夠多，實在有點失色。呢個包包係餐嚟嘅，($45) 配—杯凍咖啡、及羅宋湯。另外再叫咗個常餐，有豬扒包、牛腩蕃茄米線、凍檸茶($33)，豬扒包夠香脆，但個米線湯底較淡，唔夠味。Summary: 呢間鋪頭係Foodcourt裡面唯一一間有人會為你送上食物嘅店鋪，唔駛自已攞。