澳門翠苑餐廳

營業中

休息中

農夫包人氣不絶，長据 OR 旺角榜首，自然要去朝聖一番 兩個傻人一睇在熟食市場，以為在旺角街市樓上，去到見水牌唔對路，打去一問，先知可以在朗豪坊行冷氣天橋入去，唉~~白出一身汗了 雖然七點去到都好像無咩位，其實只係二人霸左四人枱的假象，如果肯坐大圓枱，還是很易有落腳的地方。叫一個咖哩牛柳農夫包，再加一個什扒鐵板比夾住號碼飛的夾仔你，焗好有人送到枱上～真係估唔到有咁好 service wor ~等左 15 mins，包包黎到～一開，um 熱辣辣～個皮脆卜卜bf 立即開左個蓋，meet d 包黎食～好軟熟～咖哩汁係港式那種，香得來不會太辣 (不過食左幾啖都覺得其實幾辣～)可能因為一黎到我地就開哂 d 鍚紙，又食左 d 內邊到尾個包都係脆卜卜的不過熱食時就鬆脆，凍左當然硬 d la ~什扒鐵板算足料，有豬、牛、雞翼、火腿、腸仔、菜心兩條～只係掙在落汁時無滋滋聲～不過咁既價，咁足料～絕對叫得上抵食。招牌菜固之然無令人失望，羅宋湯就更令人喜出望外～唔會太辣，又好鮮味（應該係牛吧），入邊的菜煲得冧又溶入湯中濃而不俗～正！下次再去朗豪坊，唔一定去食商場的大連鎖食店可以再黎尋找隱世美食啦

第一次去呢間食, 又係因為見好評多而去試既! 同個FD share黎食( 否則一定食唔哂...)。我地叫左咖哩雞農夫飽餐。咖哩雞 : 好味, 唔鞋, 但其實無咩特別....而且份量好少,少過一般咖哩雞飯。農夫飽 : 好大個!! 飽身外脆內軟, 口感OK, 但唔算特別香, 不過因為熱食, 所以比較好味! 牛腩湯 : 一般啦, 無咩特別感覺....咖哩汁 : 好香濃!! 甜甜地!! 辣度適中!! 好好味!!!! 不過有D"溜"...飽同雞點佢黎食一流!!!個飽真係幾大, 兩個人share啱啱好!總括講黎, 其實個餐唔係有咩特別, 但係佢個咖哩汁係成個餐既精髓, 就係佢令到一個平平無奇既農夫雞飽變得好好味!!!! 所以我同個FD都一致認為, 下次黎食會試下其他咖哩餐, 重要既係有個個咖哩汁, 唔一定要食農夫飽餐~~不過用農夫飽呢個idea都幾得意,幾好玩既~~搣黎食~

今日同男友出嚟旺角食嘢我吔好耐無食過農夫包原本食牛柳,點知男友叫錯咗牛腩囉無計~ (事先叫咗佢做脆d個包)所以個包好脆,好好味呀但牛腩就很四件,好少囉味道就ok, 但就太硬呀咖啡, 依然好味呀最近出咗大雜會,同芝士味道, 下次再試過

久違了的農夫包，已一段長時間沒吃了，心癮起，於是走去回味那脆脆的大麵包。這次點了新的咖喱豬頸肉農夫包套餐，依舊有一杯凍飲、牛尾湯和一大碗咖喱汁。咖喱豬頸肉農夫包 + 一碗咖喱汁：包一到，急不及待就拿起「麵包蓋」蘸咖喱汁吃，好好味，「麵包蓋」與從前的一樣脆，咖喱汁仍然出色，咖喱味濃，內裡的「唯一」薯仔非常淋和入味，再撕下包身再追吃一口之際，怎料~~外皮沒「麵包蓋」的脆，而且有點靭，好失望，慶幸是麵包內仍然鬆軟，吸了咖喱汁非常好味；豬頸肉份量多，味道亦不錯，不會煮得太硬；牛尾湯：味道沒從前的出色，番茄味頗重，喝後有點口渴；凍奶茶(少甜少奶)：少甜後仍然偏甜，不過喝到茶味。整體比從前差了，重點的麵包不夠脆，只得「包蓋」脆，使整餐失色，不過份量仍然多，咖喱汁水準仍然不錯，挽回一點分。希望這次是偶爾失手，否則便少了一間有外脆內軟農夫包提供的餐廳了。

早前睇到呢度好多好評,家住旺角,當然去試下啦.去過1次之後發覺原來呢度好多野食,而且平靚正,所以就經常黎喇 =]琴日同老公又黎食野喇,老公叫左個咖哩雞包.個人覺得豬頸肉最好食 ...而且份量都多.另外佢d常餐都幾好食嫁,個忌廉鴨胸通粉好味牙 ..係忌廉湯黎嫁. =]仲可以加$5配豬扒包,加埋都係$31 ..抵牙 ..佢個豬扒包都好好味嫁,又係脆卜卜,我覺得食呢個抵過農夫包.1個餐都夠哂2個人食 ...

個個包大大個一份餐夠二個人食得飽飽咁真係好正~~~個咖哩汁好濃同好香~~真係唔識用第二個字講啦~~咖啡都係好香濃~~不過奶就多左少少~~不過都ok的~~奶茶好香茶味~好滑奶同茶的分量剛剛好~~~而且個服務態度都好好~~我未去過熟食中心佢係會送餐到你面前的~~真係直得一讚~~~個餐重要係43蚊~~超值~~

睇到呢到咁多個笑面梗要試試呢到既農夫包鐘意食芝士當然叫左個新餐等左10MINS左右已經有得食親自送到台面芝士味夠份量亦足不過魚柳既份量就少左D同埋飲凍飲TOTAL $50貴左少少

公司在澳門翠苑付近, 食返個靚早餐先返工. 我叫了雪菜米餐, 友人叫了牛肉面餐. 好快就有專人遞上, 先黎個多士. 係蒜蓉多, 又厚又脆,我鍾意. 米粉同面的湯底都夠味, ok呀. 最愛佢杯咖啡, 會sum d 唔知係朱古力定咖啡粉o係面, 好香. 我鍾意飲佢多過starbucks! ^^

下班跟男朋友一起在旺角逛逛~特地慕名而來試試出名的農夫包。去到的時候，真的蠻多人排隊，其他店倒是小貓幾隻而已…因為食評都說一個餐可以足夠２個人吃，所以我們點了一個咖哩牛柳農夫包餐。還好找到位置坐。之後…等呀等…等呀等…等呀等…足足等了４５分鐘…，等太久了吧。期間去追問２次，都說正在焗最後終於可以吃了～！麵包皮很脆！內裡的麵包很軟～再沾上他們的咖哩，配合起來的味道是不錯～而且咖哩的份量剛好可以吃完一個農夫包。味道值得一試。只是價錢上太貴，$45元(凍飲+$2)，分開來算，是一個農夫包，一個羅宋湯，一杯凍飲，一碗咖哩汁。如果算起來，我想約$30-$35元左右才合理。

今日出mk同baby睇戲!一直都好想試下個農夫包!!!!!!!!終於可以試下la!!!!yo!!!叫左個咖哩豬頸肉農夫包!!!個包好脆, 入面軟身!D汁好香濃, 成個林上去點D汁食,真係好好味D豬頸肉又係好林身, 咬口好好baby話杯咖啡好好飲!但我飲唔出= ="但FEEL到好奶~好濃^^

去咗長期入選openrice 10大食肆的澳門翠苑茶餐廳吃佢地最出名的咖哩農夫飽,上年吃過真係好正,今次點了咖哩雞農夫包,Ah四要了咖哩牛柳農夫包...(各$45份)最大驚喜是羅宋湯進步了,好香蕃茄薯仔味,又唔『乸』喉嚨,証明煲湯都用heart!個農夫包好似個沙田柚咁大,熱辣辣包皮又鬆脆,雞肉嫩,另上的咖喱汁好香..總知好味唔怪得之平日夜晚都坐無虛席,order咗都要等半粒鐘才有得食!

星期五去左試個咁出名既農夫飽叫左個雞既 味道都ok 既加多杯凍啡 唔錯食完真係好飽但係要成45 蚊 好似貴左小小不過試下都ok 既

咖喱牛腩農夫飽和一個ｔｅａ　ｓｅｔ：鮑片豬頸肉米線米線先上，男朋友說一般般，但我覺得米線淋左ｄ等左十分鐘先上個包包，不過真係好熱辣辣呢～蘸多點咖喱汁，勁濃的香味，滿溢左成個口呀～而且配上一個紅湯，一個女仔真係未必食得晒男朋友說凍奶茶不苦，但我覺得有點呢，而且茶味很濃～

第一次寫食評,因為我已來過很多次幫襯的旺角no.1,每次和d friend去都會點的農夫飽,今次我去時本想食常餐的,但看一看餐牌後,工作的阿姐和我及友人說有個芝士海鮮農夫飽,當初我都不太理會,因之前食過什會農夫,成六十元無乜特別呢個連凍飲要五十元,但友人又想吃,最後被友人講服一試,我地叫了一個常A加芝士飽,今次都等好耐二十分鐘左右個飽終於到,我看一看後便把一匙芝士汁食落口幾好味喎,兜芝士汁有d海鮮同香草及蟹柳不錯,我友人見我食得幾滋味就搶來食最後我地食晒d汁,本來想影相post上來,下次吧.by the way杯凍咖啡依然is the best..芝士農夫飽我一定再會食多次

雞肉農夫包----$43!!!!不值，不值!!咖喱味道一般，甚至比快餐店的還差，如何服眾？或者我要求過高，但43一個包，到底重點在那裹？ 對於一個味道一般的咖喱包，價錢過高，名大於實，不會再回頭。