潮陣 (已結業)

2019年5月10日星期五今晚約咗老婆睇戲老婆話想食東大街潮陣嘅牛丸。5:30前到達係下午茶時段。牛丸可連嘢飲一個人61蚊。價錢尚可接受質素亦都唔錯老婆就揀咗河粉我就揀咗米粉一碗牛丸可有四粒牛丸每一粒牛丸都好大粒。味道非常唔錯

今日黎到筲箕灣附近見客 見完客就搵左間粉麵店食 裝修幾精緻😯感覺係種新式粉麵店。每款粉麵都有配料，而且係另上，隨我地自己落🤓😚稔左陣都未稔到食咩，於是店員推介牛丸，所以就叫左碗極上牛丸，配幼麵 $65，極上牛丸好大粒，有6粒而且牛丸食得出係手打，粒粒都彈牙多汁，真係好好味，充滿牛味之外，仲食到鮮甜味。仲叫左個炸墨魚丸，香脆可口🤭仲叫多左杯蜂蜜熱情果梳打特飲飲落幾有特色，清甜帶點酸味。🙊🙊🥰作為午餐黎食，真心一流

元朗有條又新街,筲箕灣有條東大街,作為一條出名既食街,呢度乜野食都搵到,西菜,小食,中菜,日本菜,麵包店乜都有。今次黎到一間幾有口碑既一間麵店-潮陣,呢度招牌菜係牛魔王,牛三寶魚三寶,今次這簡左後者加兩道小食試下。魚三寶湯米粉-魚三寶有魚蛋,魚片頭,魚皮餃,魚蛋口感彈牙,魚片頭入口爽滑,充滿魚味,魚皮餃口感Q彈,而且啖啖肉,鮮味十足。炸墨魚丸-墨魚味道很好,本身口感不會很粉,比較彈,炸得挺香口,配上泰式辣醬,味道酸酸辣辣。鹵水豆腐-豆腐口感偏綿韌,吃起來感覺不會很軟,入面收乾水,所以豆香味特別濃郁。

今日閒日,但係琴晚太夜訓,同公司請假沒返工,有D肚餓,落去附近東大街搵野食,求其搵左間麵館叫潮陣。自己一個,入到去,叫左碗豬手麵,豬手大大件,一碗有三件,每件有掌心咁大,豬手爽滑有咬口,配料有蔥花,香菜,芽菜,佢地都係分開上,鐘唔鐘意加可以隨便選擇。麵底份量算多, 一個人絕對夠食。然後是炸魚皮,然皮香脆且無腥味,食落鬆脆可口,不過相信炸魚皮無論在那一間餐廳食,落差都唔會太大。最後是手打牛丸,因為是手打的關牛丸,牛丸果然口感彈牙,入面有不同種類的肉味,牛太每粒都有兩個乒乓球咁大,算係幾抵食。

每逢假日,只有我一得閒,都會去筲箕灣東大街果邊搵野食,呢條街就是一條食街,琳琳種種各式各樣既小食餐廳麵包店都會係呢條街搵得到。今次就入去呢間叫潮陣既麵食店試下佢地既野食。牛魔王湯麵-呢個係其中一道招牌菜,牛魔王有牛爽腩,極上牛丸,牛筋,牛肚,牛爽腩肉味香濃,牛丸口感彈牙,有嚼勁,大大粒,相信同牛丸是手打有關,牛筋牛肚炆得腍滑,唔會好難咬,湯麵不過不失。蒜香炸雞翼-雞翼一式四件,雞翼外皮香脆,帶有蒜香,雞肉去掉了平時常見既雪味。凍檸茶-最後叫了兩杯凍檸茶少冰,檸檬給了五片,份量算多。

筲箕灣東大街一向係條食街,呢條街入面咩類型既餐廳同菜館都搵到,今次就試下呢間新開既潮州麵館潮陣。一入到去店面唔算大,不過裝修算別緻。睇左陣菜單,我地叫左幾樣野食。首先是牛三寶米線,牛三寶有牛腩牛筋牛肚,牛腩肉質肥美,牛筋我怕會咬唔斷,不過呢個唔會,炆得好腍,牛肚爽滑,三樣送都好好,米線口感爽滑。之後到蒜香炸雞翼,雞翼一碟四件,雞翼炸得很香脆,雞翼外皮鋪滿滿滿既蒜蓉,蒜香味很香。最後再來一份蠔油菜心,菜心翠綠,口感爽脆,蠔油味突出。總結呢間店食物質素不錯。

行過見到呢間麵館幾吸引咪入去試試，食物是不錯，但就真係貴左d呢個人地段都要買咁貴！有點眼凸今次食左呢個「秘製撈麵魚孖寶」$65秘製汁算ok唔會太喊麵質都彈牙無鹼水味魚旦彈牙入味！

常常都在不同的茶餐廳吃牛腩，加河粉最好吃，聽說潮州粉麵好吃，於是去了筲箕灣潮陣試一試。這間裝潢跟茶記沒什麼分別的餐廳，燈光比較猛，桌椅也很乾淨，所以可以坐久一點。點了一碗牛魔王配河粉，裡面有牛肚，牛筋，牛丸跟牛爽腩牛爽腩通常比一般牛腩爽口點，亦不會油膩，不過切法也就需要注意，直紋切還是不夠好。牛筋不算炆到很軟稔，牛肚入口煙韌，牛丸超大顆，份量也不少，質素是合格了。配牛腩必定是河粉，這搭配味道實在不俗。

星期六無節目， 和朋友遊電車河由跑馬地遊到來筲箕灣電車總站。筲箕灣東大街基本上是一條食街，林林種種的餐廳都可以在這條街搵到,  例如茶餐廳、小食、串燒、打冷、小食、西餐廳、粉麵店、麵包店和糖水等應有盡有。 我們見時間尚早又有小小餓， 不如食碗牛腩河頂下肚。街口有一間平價粉麵鋪， 另一間是潮洲粉麵   朋友話反正來到梗係食好啲，佢請客，就跟佢搵食，去 開餐 這裡裝潢摩登而簡潔， 用上黃色烏絲燈泡,  感覺較為柔和。  餐牌製作也用心， 介紹了必食之選， 我們也有這幾款必食中選出了心水。本來一心唸住食碗麵既我， 點了 $63聲稱自己唔太好牛肉的朋友，選了  $78 我的 先上枱，份量夠一個女仔。 咖喱汁另上，咖喱質感適中， 唔會太稀，富椰奶香味、偏辣相當惹味，付上兩粒炸薯仔， 配飯一流。牛三寶是牛爽腩、牛筋和牛肚。 平時我只會食牛筋, 因為知道牛筋補骨膠原， 而且口感滑，所以經常食。 這碟飯一次過可以試齊三款牛元素， 牛筋是我的首選，條條牛筋原整,  大小也均一，保留小許咬口，富膠質感；牛肚採用了女金錢肚部位，所以口感特別爽，而且滲出陣陣五香料芳香，好味。至於半肥瘦牛爽腩以清湯方法炆

行經筲箕灣東大街發現呢間粉麵店，想食得清淡點，就入左打算是是旦旦食下，但發現呢間潮陣原來都唔普通，真係要食過下佢個粒牛丸就知間野唔普通我叫左呢碗「極上牛丸湯麵」$65有河粉、米粉、米線麵款可選！服務員很細心會問埋你需唔需要走蔥花，但我就唔需要了，因為加蔥花食先夠惹味！牛丸超彈牙又多汁，呢款真係爆汁牛丸呀！超好吃的，一碗有五粒咁多，想食牛丸就要早小小去啦！因為每日限定50碗咋！仲有最出色既就係佢地自己炒既辣椒油同埋自家做既燈籠辣椒，愛辣人士一定鐘意食，超惹味又夠辣！

夜晚嚟到筲箕灣揾食💕 揾到間裝修幾靚嘅潮陣！原來係食手打牛丸、牛腩、豬手等等🐷🐷.樣樣都好似好好食，所以就揀左個招牌牛魔王試下！要左撈粗的，價錢為78蚊😍😍包左手打牛丸、牛腩同金錢袋等。先講牛丸，非常好食真心！一咬就爆汁啦😍又夠彈牙，個湯好特別，飲落小小辣🐷🐷另一個係滷味撈粗🐷🐷🐷豬腩肉非常厚身，又好淋，食落油脂超香❤️有d豬肚都好正，食落香口又夠淋✌️配料仲有豆腐同滷蛋😍 粗面味道剛好🐽加上d蒜粒口感更豐富🐥 叫左個龍鳳檸樂，同撈粗好夾🐯🐯 #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#hkfoodigers

東大街向來美食匯聚，發現這間高質麵店，價錢不貴，食物水準卻讓人有驚喜。環境寬敞，裝修清新文青風，坐得舒適。11點半就到達，所以人客不多。牛丸彈牙juicy, 吃得出用料新鮮，讓我忍不住一口一口吞下。我還追加了一隻滷水蛋。吃完飽飽，開展繁忙的一天。

小編雖然住在港島，但很少去筲箕灣覓食～今次經地膽朋友介紹，來到東大街搵食，不過就不是食串燒、雞蛋仔，而是去食牛丸呀！——————————🔹牛魔王撈粗麵 $78整個撈麵份量非常多！牛筋、牛肚和牛腩煮得入味軟腍；醬汁用上豉油和腩汁，香濃惹味，調味剛好不會太鹹👍朋友沒介紹錯，最正的真是牛丸！附贈的湯中有幾顆牛丸，看似平凡，但入口彈牙又充滿肉汁，的確必食！🔸咖哩豬三寶飯 $63  豬三寶相對失色，不過質素還是不錯～紮肉、豬肉丸和豬腩肉味道偏淡，但咖喱汁香濃，重椰香之餘，帶點微辣；整體拌勻混吃，剛好平衡！🔹香蒜炸雞翼$28雞翼炸至金黃色，單看已經超吸引！吃起來香脆，炸蒜味超濃，不過可能醃得太久，稍鹹！

今晚約左朋友係筲箕灣，就一於係出名食肆多嘅東大街度覓食，行過見到呢間新開嘅麵店就入去試試，估唔到有驚喜！😍餐廳裝修走工業風，燈光柔和配上輕快音樂，坐落都幾舒服☺️一打開Menu，好多食物選擇，令人花多眼亂！侍應向我們推介好受歡迎嘅極上牛丸湯麵（有5大粒極上牛丸），但每日限定50碗，晚上已經冇晒嚕！😢唔緊要！我地仲可以揀牛魔王湯麵或撈面（入面有牛爽腩、牛筋、牛肚同3粒極上牛丸），聽個名都好霸氣，岩哂我呢個鐘意食牛嘅人！🤤🍀牛魔王撈粗 ($78)牛丸連清湯上，一咬落去，啲汁唔小心標左出來，爆汁得來又有嚼口兼帶好重牛味，同普通牛丸真係好大分別😍！牛爽腩，牛筋同牛肚夠哂入味又夠腍，配埋個撈粗，十分惹味！🍀魚三寶湯米粉 ($55)大大碗好抵食，魚蛋魚片頭彈牙得嚟又有鮮魚味，清清地唔錯到小食方面，我地叫左🍀炸雲吞王 ($50)炸雲吞熱辣辣，非常香脆可口，點埋甜酸醬好夾，而雲吞入面都好足料，有大大粒鮮蝦🍀是日油菜 ($28)油菜我地點左蠔油菜心，清清地中和返🍀香橙熱情果蜂蜜紅茶 (單叫熱飲$2/跟餐$8)見佢幾特別就叫左杯來試，好香喎！茶上有幾片鮮橙，飲落新津解渴，味道好特別！🍀黃金蜂蜜梳打特飲 (單

行經東大街搵食，見到潮陣門口裝修特別吸引，絕非一般的牛腩粉面茶餐廳，店員推介牛魔王，果然，牛魔王好足料，有牛肚，牛爽腩、牛丸、牛筋、牛爽腩特別出色，咬入口有牛咁香味，牛筋夠諗，牛肚好入味，牛丸夠爽口，湯底都幾濃郁，飲完又唔覺口渴，另外滷水拼盤都好出色，特別係豬手，豬手皮有少少爽口，豬軟骨部份充滿骨膠原，豬腸已經清理所有肥膏，食完冇咁罪惡感😂，五花籃好香滷水味，蜂蜜熱情果梳打特飲真係酸酸地，夠醒胃，其實仲想試極上牛丸，因為見到街坊來買生的外賣，可惜極上牛丸今日一早已售罄，下次一定要試