潮陣 (已結業)

東大街作為食街，生存既店舖都一定有返咁上下質素!今次就試下潮州野! 潮州牛丸出名係人都知!呢間都唔例外，牛既食品係最出名最多人食，佢既極上牛丸湯麵仲限每日50碗添嫁! 所以今日我就試佢另一款大熱選擇!豬魔王撈粗! ($78) 無論餸定麵份量都超多!粗麵彈牙又唔重鹼水味!兩塊豬腩肉，一舊豬手，兩粒豬肉丸，兩塊扎肉，5，6舊豬大腸，足足5樣餸!豬手勁淋勁多骨膠原，豬大腸洗得超乾淨又有嚼頭，丸超彈牙，雖然本身見到餐牌都有一下覺得貴貴地，但食完就覺得好抵，因為真係好食，食得出食材係新鮮同埋有質素! 飲品點左佢餐牌推薦既蜂蜜熱情果梳打!(跟餐+$12)所有梳打佢都隻杯加晒料之後另上一支泰國梳打自己添我覺得佢有雪凍到隻杯，或者隻杯真係好夠保凍，同埋真係見到熱情果肉同籽同埋蜂蜜，撈勻真係好夠甜，加埋泰國呢隻高質梳打(我超鍾意飲)，成餐好滿足好飽!另外，佢有各式調味料，都幾豐富!炸蒜幾正!

今日去開筲箕灣見到有一間舖頭好似幾吸引，所以我同朋友入去食下先坐低後，店員推介鋪頭嘅極上牛丸，因為牛丸係用牛嘅大腿肉來做所以味道特別香濃，值得一試。貪心嘅我梗係唔止叫牛丸咁簡單啦😏另外炸雲吞係另一推介牛魔王湯河，牛腩汁湯底好香，牛筋好大條但都煮得好𣺉，牛肚好入味，牛腩肥瘦適中，牛味好香，極上牛丸係鋪頭嘅王牌，食落去牛味好濃，而且勁大粒炸雲吞，蝦肉好多，好彈牙，豬肉餡肥瘦適中，好juicy，因為炸得好香脆，就咁食已經好好味，點埋泰式辣醬就好開胃滷水豬腸，豬腸洗得好乾淨，只有少許肥膏，唔油膩，煮得好入味、好𣺉，味道好香。鍾意食豬腸的人一定要試🤤凍飲-香橙粒熱情果紅茶，跟河粉可以加$12配一杯，熱情果嘅酸味同香橙嘅酸中帶甜，再加埋紅茶嗰個香味，真係好夾、好Fresh 👍🏻👍🏻👍🏻👍🏻👍🏻

筲箕灣東大街基本上係一條食街, 周圍都係餐廳,今次就黎左潮陣試下!餐廳裝修走工業風，燈光柔和,係用左黃燈,佢再播啲輕快既音樂,令到整個進餐過程都放鬆,另外餐牌制作都好用心， 介绍左好幾個必食之選。而我就叫左一個必食之選(牛爽腩),配左個河粉做我當日既下午茶!!河粉好滑好幼, 湯底有牛腩汁 夠味而又唔會太咸,岩岩好, 爽腩咬落肉質吾會硬,但又好有口感, 上面有層薄薄既脂肪,岩岩好半肥瘦,食落口真係好正,味道係會係口裡面久久不散

今日中午諗住求其搵間粉麵醫下肚，經過見到於是就入左嚟潮陣食午餐，點知好有驚喜😊😚餐廳裝修好精緻又光猛，比人既感覺係新式既粉麵店🍲。空間感都十足，坐喺度悠悠閒食個下午茶都不知幾嘆~~~我見哩度都好多人點 牛魔王撈麵 同 湯麵，咁我就估係哩度既招牌菜，所以我都點左個牛魔王撈粗試試佢🤤🤤 一上菜就見到啲餸非常多，好似食極都食唔完咁👍嘻嘻~ 份量都幾多，食完真係好飽！入面既牛筋同牛肚都好夠軟腍，而牛爽腩就非常爽口，全部都整得好入味💕 再加上牛丸清湯，牛丸一咬就爆汁，口感彈牙👍👍👍

行筲箕灣東大街經過發現呢間粉麵店，本身諗住食清淡啲；就入左潮陣是是但但食下；但點知發現呢間餐廳原來一啲都吾簡單；真係要食過佢啲牛丸就知道呢間野一啲都吾普通；我就叫左呢碗極上牛丸湯麵,有河粉、米粉、米線麵款可以選擇😍要讚既係服務員會好細心，問埋你需吾需要加蔥之類，但我就吾需要了，因為加蔥花先夠惹味。牛丸超彈牙又多汁，呢款真係爆汁牛丸啊!超好食的🤤🤤一碗有五粒咁多😵不過想食牛丸既朋友就要早啲去喇，因為每日限定五十碗，仲有不得不提佢地既辣椒油都好出色!!🤤🤤

潮陣感覺係一間新式而又幾正宗既越南餐廳我點左個小食，尖椒皮蛋，見到啲皮蛋有雪花圖案，因為有尖椒既關係麻辣味好夠，好好食。之後點左個豬魔王，係一碗有豬手、腩肉、扎肉、豬大腸、豬肉丸既湯麵，不過叫豬魔王真係好貼切，大大隻豬手，梅花間入口即溶既腩肉，豬肉丸好彈牙多汁，豬大腸都清潔得好乾淨好好食，加上濃郁既湯底，配上粗麵索滿晒湯汁真係一流，雖然係同朋友兩份食的,但份量都幾多。而野飲我就點左杯熱柚子蜜同凍檸茶，凍檸茶就同出面既一樣，冇咩特別，熱柚子好清好潤，好岩女仔飲

聽講潮州既粉麵好好食,雖然冇時間去潮州食,但都可以去潮陣試下。呢到既裝修好新,而且感覺好衛生,吾好好似舊式既麵店咁,但佢有啲位置都做得幾懷舊復古,就例如收銀位,新式得黎又不失香港風味。秘製撈麵魚孖寶秘製醬汁好惹味,但又吾會太咸,麵質陣牙爽口,魚蛋亦非常彈牙,個魚蛋湯清清地幾好飲,吾好有味精既感覺。蒜香炸雞翼,炸得外面非常香脆,但入面啲肉好滑,份量方面有四隻,雞翼既表面有極多既炸蒜蓉,蒜香味很香,加埋一齊好夾,都醃得太好入味

上星期放假全日冇約,晏晝自己一個去左筲箕灣屋企附近既潮陣食午餐😸呢到主要係食麵為主既,每款粉麵都可以都好貼心咁免費揀要唔要配料,而我就當然要多蔥😸😸😸我就點左一個牛魔王湯麵,其實佢重有得揀撈麵的😼 呢個牛魔王湯麵淨係個名已經好犀利,入面有牛爽腩、牛筋、牛肚同3粒極上牛丸😻😻😻 牛丸口感好彈牙,一咬落去極多汁,湯底有好重牛味,但又吾會好咸。再點了炸雲吞王, 炸雲吞脆卜卜,入面非常足料,有完隻既鮮蝦係到同甜酸醬好夾😽😽

有時候冇咩胃口食飯，間中都會想求其食碗麵填飽肚子，今日亦唔例外。去左東大街搵食，見到呢間潮洲粉麵店裝修同一般嘅有啲分別所以就入嚟試一試，叫咗一碗牛魔王米粉，裏面有牛爽腩、極上牛丸、牛肚、牛筋，食物都很有質素！😍特別是極上牛丸😋口感超正👍勁彈牙多汁！牛筋入口即溶🤤就連米粉都很幼細🥰飲品方面可以加錢當套餐計，點了一杯香橙熱情果蜂蜜紅茶🍹好味又解渴 味道唔會太甜剛剛好🤩下次再帶老公來食😋😋牛丸要encore!

約左朋友去港島食飯，果晚好大雨，就近就去左呢間食。外面望，以為係間普通茶餐廳，入去估唔到主要食面既餐廳，裝修別緻，睇得出有心搞好間餐廳，環境唔錯、幾舒服，坐低睇菜牌，諗左好耐，因為太多選擇，樣樣都好好食咁😂。由於唔太肚餓，所以點左d比較輕食既，最後點左蘿蔔、祕製撈面同香蒜雞翼。蘿蔔夠晒入味，非常鮮甜，湯非常鮮味，完全超出出面一般餐廳既水準，而祕製撈面醬汁均勻，面質唔會過林，軟硬剛好，雖然係淨面，但有配大大條菜，岩晒女仔🤭至於雞翼，外皮香脆，沒有厚炸粉，鋪滿我最愛既香蒜，一個字：正。我同朋友異口同聲：下次一定要再黎食啦！

原本約左朋友食飯，但落起大雨... 朋友又未放工... 只好獨自去搵食先...去了東大街睇睇，咁多間食店，點都會搵到間想食的😌行到潮陣門口，就被門口吸引了！就食潮式野啦😆見到有位，店舖整齊乾淨就入去了潮式野的店鋪裝修都幾新穎Menu都好多圖片，望了一番，就決定點碗河粉，選了個自家牛三寶，貪佢有齊晒想吃的牛筋、牛肚同牛腩😆 心思思又點埋滷水豆腐同清湯蘿蔔太肚餓了，邊食邊等朋友仔🤣牛三寶河粉好快上，個湯底好有牛味，牛筋好軟軟好入味，牛肚就好彈牙好爽，牛腩半肥瘦的，肉嫩同都幾軟身，河粉都不錯，不是碎濕濕的👍🏻至於個滷水豆腐，賣相都唔錯，每件都沾了滷水汁，又不會好咸，味道適中，好耐都食到呢款豆腐清湯蘿蔔好大碗的蘿蔔好鮮甜，浸滿了個湯的味道朋友來到只是叫了個撈麵就夠了🤭不錯的晚餐😉

筲箕灣東大街一向都都知道是食街多類型選擇，不過晚上又怕排得久隊,，所以同朋友決定中午走個圈吃飯，看到這間店環境不錯地方還好乾淨就進去吃下這裡的粉面店。自家秘製紅燈籠椒、黃燈籠及辣椒醬味道有比較辣的，亦另有自家牛三鮮米線(崩沙腩, 牛筋, 牛肚) 。店里地方非常乾淨燈光夠明亮，店員服務細心而且態度友善，所以吃得開心服務都幾重要。小編就喜歡吃豬手面，一定要叫。來到真的驚喜平時吃的豬手沒禁大隻，一碗裡還有3只，差不多有手掌心大一點禁大。配料有蔥花、芽菜、香菜都是分開上，不過小編本身喜歡吃所以再多也不夠。真心大隻和軟軟有拗口豬手的皮夠爽滑，細麵好爽口。 炸墨魚丸 - $28 墨魚丸即點即炸，爽口彈牙。中間熱辣辣咬開中多汁唔會覺得乾，配有泰式辣椒醬。整體覺得還不錯, 味道、食物水準、服務都挺滿意。如果覺得貴中午下午茶也值得去吃的

好耐冇過黎東大街搵食，今日行開入左陣試下！我叫左牛三鮮米粉，有牛肚、牛腩、同埋牛筋。牛肚好腍入味，牛腩淋味道算濃，牛筋很軟滑煙靱，配米粉一流。坐得好舒服。由於用豬骨雞熬湯底，湯非常鮮味，我連湯都飲埋，食完都唔覺口渴。不過如果係牛骨會更好！ 正當選擇小食時，店員介紹左我地滷水豬耳，同埋期間限定鹵水雞翼。滷水豬耳，入口香脆柔韌，味道鮮香不膩。滷水雞翼，滷水入味又滑嫩。 雖然價錢稍稍貴d 下午茶大約💲48起連熱飲但始終佢嘅麵食真心係高質，有機會去筲箕灣不妨試下呢間用心嘅小鋪

咁啱響筲箕灣出沒下午茶時間🙂 自家牛三鮮牛腩、牛筋、牛肚$60 崩沙五花肉質爽、牛味香濃；牛筋口感淡、嫩滑不膩、軟得有咬口，還含有豐富的膠原蛋白質；牛肚有豐富鮮味、爽口有彈性，咬進去牛肚汁很入味，個湯底真係幾好飲，飲得出無加味精，結果我成碗湯飲哂👍🏻 太快手開餐，相都唔記得影🤫襯朋友未開動，補影佢個牛腩飯😋😛炸香蒜雞翅膀 $28 雞翅膀即點即炸，皮香脆可口，淡淡的蒜香略帶焦香令人垂涎，非常好食！整體覺得還不錯，味道、食物水準、服務都挺滿意。價錢適中，味道唔錯，中午下午茶也值得去吃的

同閨蜜行街shopping食飯梗係想食啲好食快手又簡單嘅正野啦😍朋友佢話食潮州粉麵😛我當然ok啦😘到左發現原來係新餐廳，主打潮州牛丸墨魚丸之外，仲有牛三鮮🐄及豬三鮮🐖令我最喜歡嘅就係呢度嘅裝修🥰帶有文青feel得黎又不失港式風味💗牆上價錢仍用以前嘅花碼🌟呢種配搭真係新潮有趣🤗同食車仔麵一樣，我哋自己係點菜紙選擇想食嘅嘢😋店員推介手打牛丸👍🏻用牛後腿肉，打出黎既牛丸特別彈牙👍🏻我點左牛丸王河粉, 朋友叫左牛三鮮米粉😋飲品就齊齊飲鹹檸梳打🍋鹹檸梳打，係用泰國獅子牌梳打，夠氣唔甜, 唔係普通嘅7up扮梳打😆牛丸王河粉，配料有冬菜、蔥花、芫茜分開上，牛丸咬落，爽脆不起渣，口感脆爽，有彈性，牛味恰到好處👍🏻河粉順滑，質感細緻下次一定要試埋個豬三鮮😜