潮陣 (已結業)

你要型，就唔係話唔比，型唔型得起，就要睇你自已。最緊要唔好型過籠，型到世界便是…知咩事啦。但我講過你聽，有啲野就型就一定要既，呢間「潮陣」直程唔係型咁簡單，去到潮既境界。連普通一碗牛腩麵都可以咁有style，不如睇埋王晶拍藝術片？👇📌潮 陣 粉 麵 - ▪️ 牛 魔 王 粗 麵 - $68▪️ 潮 陣 五 寶 米 粉 - $65▫️ 黎得呢到一定要嗌碗招牌「牛魔王·粗麵」，先試左個湯底先，一入口非常濃而不膩，牛筋爽滑帶少少黏性，口感唔錯；牛爽腩煮得非常腍滑入味；金錢肚爽彈有咬口，唔會好韌，咬極都唔爛果種；最有驚喜係個牛丸，表面好結實，但咬落裡面瞬間爆汁，真係好似瀨尿牛丸一樣，正，配搭埋芫茜、蔥花、芽菜，呢碗粗麵果然一絕；我朋友嗌左「潮陣五寶·米粉」一次過食勻牛丸、貢丸、鯪魚球、雲吞、魚蛋，雲吞餡料夠哂豐富，絕對唔係Hea你，誠意十足。📌潮 陣 招 牌 拼 盤 - ▪️ 招 牌 滷 水 拼 盤 - $88▫️ 試埋個「招牌·滷水拼盤」，佢地個豬手調味一流，肉質腍身，炆到夠哂離骨，無得頂；豬大腸夠彈牙，肥美肉厚，唔錯；五花腩咬口十足，層層脂肪包圍住，食落相當滿足，加埋滷水蛋就完美啦。📌小 食 類 -

本來打算去東大街很出名的食肆吃牛腩麵，可惜太多人等位，東大街大把食肆，周圍行吓睇吓有冇其他選擇，經過潮陣，被他的門面和餐牌吸引了，於是入去試試。巨峰提子梳打，跟餐$10 熱香橙熱情果蜂蜜紅茶，跟餐$8 香橙和熱情果味濃，估唔到咁好飲。咖喱滑蛋豬扒撈伊麵，$64賣相一流，滑蛋真係炒到好滑，豬扒炸得好香脆，味道好。咖喱味好香唔係好辣，伊麵吸收哂啲咖喱汁，不會好淋，反而好爽口。好食😋極上牛丸（淨食）$63淨食都只得6粒，大約$11 一粒，我覺得有啲貴。但咬落彈牙多汁，有牛味，好食。炸雞翼$28，炸得香脆多汁，不會太乾。總結：本來想吃同一條街嘅著名牛腩撈麵，估唔到這間小店的咖喱撈伊一啲都唔輸蝕，$64 大大碗，好食又抵食。我會為這碗撈伊再次光顧。

本來想落嚟筲箕灣食碗魚蛋粉、可惜夜已深😴行過呢間舖頭、空無一位客人！都真係幾嚇人！胆粗粗入去問下店小二仲有冇堂食、佢話有、即刻衝入去坐低啦！個餐牌期實都有好多選擇、但我最後都點咗“方魚肉碎粥”。個粥嚟到、喺燈光之下顏色金黃、份外吸引！講真、碗粥除咗真係多飯之外、料真係唔多。但你唔好理、反而有驚喜！湯頭濃郁滋味、方魚香脆、啲飯吸晒啲湯汁、真係正😋#筲箕灣 #方魚肉碎粥 #Foodie2046

食過好多次都好食，直到上一次食，唔知係鹼水冇整走乾淨定點，碗麵好多泡，食到反胃🤢呢啲情況都唔知換唔換好，新嘅侍應態度又差過以前見過嘅好多，希望佢可以變返以前咁。

有事嚟筲箕灣一次，點知delay要等。就搵間多台d，有吉位可以坐耐d嘅餐廳。呢度一位大概$80 蚊左右落樓，以食碗粉嘅心態的話略嫌貴。我第一次嚟，點咗牛魔王粉，入面有牛肚牛腩牛丸，好似仲有其他嘢唔記得哈哈。想話入面所有料，牛丸係最好食！真係好有牛味。如果唔係之後有嘢做，真係買急凍牛丸帶走~ 以前吃過覺得味道也很不錯的潮州牛丸，係細粒d多啡色d彈牙但係實d，這裡係不同style，無咁啡色，睇落去手工d，食落去係爽，唔會實篤篤。杯凍奶茶就麻麻地，茶唔多濃郁，偏甜。牛麵嚟講，整體唔錯！

🙋🏻‍♂️餓底探員今日去咗筲箕灣調查呢間潮式麵店🥩🍜牛魔王撈粗麵 $84📸表示見到個撈麵嚟到好搞笑，啲餸同個麵係同一個tone，好似有保護色咁😂😂😂其實佢係有牛爽腩，牛筋同牛肚，仲有唔同tone嘅極上牛丸🙋🏻‍♂️表示個粗麵口感軟硬適中，值得一讚係完全無梘水味，牛爽腩，牛筋同牛肚都鹵得好軟腍，鹹香味好濃，極上牛丸口感彈牙，食落有少少麻油香味，整體嚟講算唔錯📈吃貨指數😋好味度 7.5/10🔙返啅度 8/10

個撈麵根本都未煮熟， 硬膠膠。 我同個待應哥仔講， 佢仲要重複兩次話"我哋啲麵係咁㗎， 喺硬㗎！" 跟住啲麵咸到同撈咗成支豉油冇分別，食咗兩啖已經頂唔順，兼且胃痛。真係唔係俾人食。呢個時勢我都知道生意難撈， 正常我都冇寫劣評， 最多下次自己唔幫襯。 今次真係不知所謂真係會食壞人， 所以一定要寫出嚟。 大家想挑戰地獄料理你哋就去試下啦！唯一可以讚下嘅係佢杯熱奶茶， 都有一般茶餐廳嘅水準， 如果純粹想買杯奶茶飲嘅你可以去嗰度買外賣嘅。

今日約咗一大班人行山行龍脊喺筲箕灣出發筲箕灣東大街係本人熱愛嘅 餐飲熱點 東大街有好多著名食肆豉油雞魚蛋粉雞煲之前朋友推介呢間 麵食剛啱中午飯出發前大夥兒十多人去咗呢度食麵朋友係筲箕灣地膽，每次去筲箕灣食飯都會搵佢，今次因為行山所以搵佢推介lunch地點店員推介牛丸及牛三寶麵食 朋友食咗牛魔王 撈麵， 我點咗牛丸加梅菜扣肉飯牛丸應該是自家製的同一般麵店 買現成牛丸有好大 分別 應該係自家用牛肉 手工製作的朋友的牛 魔王撈粗麵賣相一流我的梅菜扣肉飯份量十足 環境唔錯附近有兩間著名老字號麵店其中一間魚蛋粉我已光顧超過25年， 當然有情意結啦嗰間魚蛋粉我平均消費300因為經常泊車被抄牌。。。。但以環境服務及食品質素計算這間性價比更高

晚上已經回家吃飯, 午餐盡可能也待在家, 但如果需要外出工作, Working Lunch儘量去一間不用排隊, 也不會坐得太擠擁的餐廳, 更重要是菜式簡單, 可以減少待在餐廳的時間, 而這家餐廳說是潮州餐廳, 主打粉麵正符合我的要求. 她其中一道最出名的是牛魔王撈麵, 也就是鹵水牛腩, 牛肚和牛筋撈粗麵, 還附上一碗上湯牛丸. 先說牛丸, 口感不是純粹的彈牙, 實在而帶點筋性, 應該是自家手打的, 一咬下去有爆汁的感覺, 的確有點驚喜呢! 至於撈麵的麵底帶點梘水味, 但不如之前安利大排檔般多, 鹵水汁平均掛在麵身, 只是汁量有點多, 似乎浸面多過似撈麵. 金錢肚夠爽, 牛腩表現正常, 而牛筋則不夠腍, 鹵水帶一點清甜而不死咸. 以八十多元定價來說, 質素不差, 但有點Overprice就是.

睇到有 blogger介紹呢間食牛腩撈麵，介紹話好食過同街無人不知魚蛋牛腩名店wor。。。星期日下午茶時間，得2檯客，原來無下午茶，唔怪得啦！睇睇餐牌，食碗麵50幾蚊，唔包飲品，真係一 d都唔平，已經覺得有 d伏伏地~豬三寶河粉($59) ：正常，因為材料係入貨返黎~爽腩撈麵($68) ：叫幼麵黎左粗麵，唔緊要 la, 照食~撈麵無味，既無豉油味亦無鹹味，加辣椒油，辣椒油無辣味，落左3羹都唔辣，只有少少香味；粗麵：太淋，唔彈牙，沒有口感；爽腩好肥，有少少膻味。凍奶茶(+$5):一般啦，唔算好飲。舖頭環境係相當舒服，但係食物味道相當一般，價錢相當唔值。要喺東大街繼續生存，唔該比多 d心機，睇下人地名店點解咁多人。

早排為左見兩個契女😍😍，又專登去打攪攸桐媽，上去前，我地約左係筲箕灣等，順便食個tea先上去，去到筲箕灣個個都會諗到好出名又老字號果間粉麵，我哋當然都係啦！但去到，嘩！超過30人等緊，我哋都唔理，行埋去攞飛仔順便問佢仲有幾多張先到我哋啦！姐姐就答，起碼廿幾張，我聽到都嚇左一跳，咁當然我哋唔等啦！咁就邊行邊搵食。🤤🤤🤤我哋就行咗冇幾遠，就見到潮陣，佢門面裝修乾淨企理，我地當時都3、4點，所以唔洗等位，咁我地決定去試下。🤔🤔🤔講真，佢好食過老字號果間，冇咁鹹，最重要食完唔口渴，佢既服務好，地方又乾淨，坐得又舒服，唔洗同人迫，佢下午茶包埋野飲，價錢同老字號果間差唔多，所以我一定會再幫襯。👍👍👍潮陣 Chill house 筲箕灣東大街 牛魔王撈麵 🐮🐮🐮（牛爽腩，極上牛丸，牛筋，牛肚）麵好爽口，唔會好重鹼水味，佢既秘制撈麵汁好好味，又唔會太多攪到成碟都係汁，啱啱好每條麵都吸收晒，牛爽腩超爽，肥瘦適中，牛丸好彈牙，好實，牛筋同牛肚啱啱好，唔會過硬或過淋。魚魔王撈麵 🐟🐠🐟（鯇魚片，魚旦，魚片頭，炸魚皮）麵就唔再多講，鯇魚片好滑，魚旦同魚片頭好彈牙，炸魚皮好脆，唔會太厚。佢仲有二種特式醬料係枱上

「筲箕灣東大街」最近年半以來，有些食店在香港欠缺穩定的環境之下宣佈結業，但是同時又有新人加入市場，在「筲箕灣東大街」新開張營業，是名副其實的「有人辭官歸故里，有人漏夜趕科場」。例如新開張的潮州菜餐廳「潮陣」就是年半以來，在「筲箕灣東大街」新開張營業的食店之一。「潮陣」雖然屬於潮州菜餐廳，但是「潮陣」裡面的裝潢絕對沒有老氣橫秋的感覺，反而很多年輕人經營的新派潮州菜感覺。而且「潮陣」裡面也有專門負責製作手調台式飲品的水吧，儘管「潮州」水吧沒有製作例如「水蜜桃紅茶」，但是還有手調的「香橙熱情果蜂蜜紅茶」飲品，只是飲品沒有水蜜桃，所以我最後沒有選擇享用它。由於「潮陣」屬於年輕氣息比較濃厚，而且風格偏向新派的潮州菜食店，所以我沒有發現到有「潮陣」有「潮州打冷」冷盤食品，反而有一般咖喱飯食品，滿足到我個人想食碟頭飯晚餐的需求。例如「潮陣」的晚餐有「皇牌飯類」食品，但是「潮陣」「皇牌飯類」裡面的飯，食材主要以牛肉跟豬肉為主。至於雞肉就只能夠轉往「潮陣」裡面的小食那一頁，繼續努力去尋找。結果我在「潮陣」餐牌裡面選擇了，享用一份味道比較濃厚，而且有口感預計比較爽脆的「咖喱牛爽腩飯」。「咖喱牛爽腩飯」價錢

夫人：牛丸好食；先生：魚蛋好食要食好西，大家都會懂得去東大街。今次夫人說要試新東西，於是就在街裡頭逛，看看有什麼我們未品嚐過的好野。我印象中，潮陣這間食店是近一兩年進駐東大街。要在東大街開食店，就似在佛山開武館一樣，若不是有一兩樣看家絕活，你就別在其他行家面前獻醜。一街都是食店，不吃你的，就吃別的，能做下去的店都不會差。潮陣是吃潮洲粉麵，看家絕活是自製牛丸，潮洲滷水鵝。牛丸河粉 - 看家本領不是流的，單是牛丸就足夠叫客人返頭再吃！秘製撈麵 - 不錯，但未算最好食，不夠熱，始終會和街尾的某間粉麵會有比較。酸辣鳳爪 - 倒是有驚喜，味道調得非常好，個人喜歡吃辣一點，但夫人卻讚不停口。牛丸是這店的鎮店之寶，東大街又多了一間好店。

牛魔王撈粗麵 $83咖哩牛腩飯 $42 *下午茶餐薑蔥牛柏葉 $29炸春卷 +$12 *跟餐黃金蜂蜜梳打特飲 +$10 *跟餐黃檸檬乳酸雪碧特飲 +$12-呢間有別於一般潮州粉麵係佢有撈麵選擇！店內環境乾淨整齊 感覺新式唔似平時既粉麵鋪牛魔王撈麵 麵底份量唔少有落麻油👌🏻個人覺得揀粗麵個汁先易撈到 入面牛丸Juicy、牛筋算夠腍同入味既 牛腩就唔OK有陣羶味😐扣哂分 而牛肚都韌韌地！淨係牛丸同牛筋呢兩樣 可以雙拼既話我會中意多D🤣-下午茶個咖哩牛腩飯係唔好食！咖哩淡而無味 牛腩都係有陣羶味扣哂分！炸春卷就算我地隔咗陣先食都仲脆口 牛栢葉都落左麻油夠香口 呢兩款小食都唔錯！另外幾中意佢既特飲 兩杯都幾好飲 梳打水個樽幾靚想帶走收藏😂整體黎講味道唔OK 小食相對好食過主菜 同埋以食潮州粉麵價錢黎講佢唔平！

入去食個牛腩河，大份味道幾好！重點係佢個秘制辣醬，吾錯！套餐有飲品有大大碗粉，價錢就少少高，但接受到既。近排去好似有d優，下次去睇下！小小的一間餐廳，下次有機會再試。