潮苑正宗潮州粉麵 (已結業)

好好味嘅牛肉餅+ 半肥瘦嘅坑腩!! 我男朋友成日都話灣仔果間食牛肉餅好好食, 我就唔信佢講到唔試過好似走寳咁, 所以我就突登中午飛的去中環接佢去一齊食, 嘩! 原來有好多人排隊㗎!! 但食完之後就有OMG嘅感覺, 真係好味! 下次如果响屋企打邊爐嘅話, 一定要去買牛肉餅!! 正!!!!!

已吃過好幾遍,原來尚未為此店寫過食評.每一次路過春田花花,如果多人就唔入,無人就直行直入.中午的春田花花,比三年零八個月時日治時代,屍橫遍灣仔般恐怖.相比之下,今日連防空洞都無.幾條街食店企鵝式人龍,個個木目表情,好像自己RPG緊打生化危機,呢個情況,我可以去邊度避難?重光之後才是我的天下,才能安心享用彈牙到爆,很有牛肉味的牛肉餅麵.手打貨色,一定有彈性,此種原始方法,永遠是必勝之道,只用鬆肉飯去招呼的話,不出一會,一定現眼報.唔夠喉的話,加多碗魚蛋加魚片,相比其他我吃過的,又差少少.魚味也夠,但唔夠彈牙.如果用全盛時期的德昌,值精英班120以上,潮苑只係值一班尾二班頭的腳色.炸魚皮比較薄身,非常香脆.老銅渣甸坊一早有分店,亦一早吃過,水準沒有此老店般好.如果想吃牛肉餅,呢間正店才是王道.吃罷出門口,有點凝住出到去見到的,就是門外有條人龍,男女老幼全家出動,唔係排隊去新景園吃干炒牛河,而係排隊輪"六兩四"...............PS:"六兩四",日治時代每人每日配級白米的數量.

牛肉餅真係好好味..好彈牙!!但係個湯底好似滾水咁...另外老公叫左爽脯牛筋...唔掂!!(都係九記好)但係牛肉餅可以一試~~

d湯底淡如加水,所謂的牛餅其實同一粒牛丸切片差不多，令我失望．．．

今早黎呢度食個brunch, 我叫左牛丸併牛肚河, 牛丸雖彈牙有肉味, 但有根, 牛肚唔好食, 咸得濟兼薄身, 淋到無咬口.bf叫左牛筋拼牛肉餅, 牛筋也十分普通, 不是太膠性, 所以總括來說牛肉餅羸~~

見咁多朋友話正, 咪去try try lor ~well ... 失望...牛肉餅係硬唔係彈lor ...係咪因為我太大期望先至失望呢?

近日要到金鐘上堂，但金鐘冇咩平正食，所以到鄰近灣仔搵食，今個星期就去潮苑。之前唔識呢間舖頭，主要係睇開飯而。今次叫牛肉餅幼麵同魚蛋米加油菜。牛肉餅果然好味，有口感，同普通牛丸質感上有唔同。幼麵就只屬一般。魚蛋頗彈牙，不過勁胡椒粉味，蓋過晒魚味。湯底用門鱔魚做，好有魚味，但唔係人人受得。我太太覺得ok，我就覺得腥。油菜$5蚊雞幾底。整體都只係ok，而環境因為多人食煙要扣分。

行開太原街，順便過埋春園街食lunch，今次終於有幸一試牛肉餅麵。若就牛肉餅而言，相當不俗，故勿論是否用鐵棒狂打幾粒鐘，真係超彈牙，若果有埋o急汁就正la，粗粗地用住枝紅醋頂住檔先la。至於D麵同個湯底就認真麻麻，大體上算係咁la

最鐘意呢度既手打牛肉餅﹐好好味﹐又有咬口。每次行開附近都一定會去食﹗正﹗

呢間舖o既招牌牛肉餅的確名不虛傳食落真係幾好味有o的似食牛丸但係就無咁"鞋"魚蛋就普普通通都算幾彈牙啦

我係去香港仔個間，去過兩次，第一次食牛雜麵，好食好大碗，都ok扺！第二次係食手打牛肉餅麵，其實有d似牛丸，但係好彈..好味啊！

牛肉餅米粉($16) - 牛餅果然正, 好香牛味, 似壓扁了的牛丸, 但比牛丸還好吃, 難怪多人叫牛筋米粉($13) - 牛筋唔夠入味, 普普通通而已每碗粉麵加$5多碟菜, 剛好夠飽, 咁上下價錢仲好過食無益嘅老麥套餐啦!

買年貨行過見都門後貼晒D介紹就去試下。。。招牌手打魚旦- 幾有魚味,幾彈牙﹐不過略鹹﹐都係鍾意安利多D\"鎮店之寶\"辣椒油- ok辣但唔夠香﹐安利亦取勝湯底- 唔得﹐好淡好淡。。。安利大比數勝出個人意見﹐安利真係好好味, 不過呢間大碗抵食D!

講既係銅鑼灣近伊榮街(文輝再過少少)既新舖, ニ個人叫左:1. 牛肉餅拼坑腩河- 牛肉餅勝!2. 坑腩拼墨丸河- 平手....3. 炸魚皮- 脆, 面好似有D調味(garlic powder and salt? not sure)坑腩不太突出, 墨丸還是文輝好

外賣手打魚蛋、牛肉餅(未煮熟的)和自製辣椒油。手打魚蛋($78斤，最少買四) - 好爽好彈牙，有魚味，我覺鹹了些，但各人口味不同，其他人可能覺剛好。牛肉餅($78斤，最少買四) - 都好彈牙，但好重"牛"味，我覺略嫌羶。辣椒油($60一樽) - 好香，好夠辣。