潮苑正宗潮州粉麵 (已結業)

接媽咪放工，係金鐘行過黎，打算去金鳳，不過太多人就過左黎呢度食個魚蛋米，頂下肚媽咪要魚皮餃河，佢話魚皮餃相當唔錯，亦都好抵食，雖然份量唔係好多，但就岩岩可以當ＴＥＡ，而且麵亦唔係太稔，好適中；我要魚蛋米，魚蛋好彈牙，有魚片同魚蛋，感覺到新鮮，湯底亦清，水準有咁上下環境比較迫，不過黎得灣仔呢邊都預左架喇，但價錢真係好抵食，埋單都係幾廿蚊，要番炒再試其他

買了四兩牛肉餅番屋企炒菜。一打開個袋，牛味撲鼻，非常濃味。真係好爽口彈牙，很有牛味，又唔貴，仲平過食牛肉；不過可能用黎炒而唔係放湯，所以食落都幾咸。

來到灣仔，想吃碗面，想到潮苑的牛肉餅，就來了。座位仍然是不好坐，食餐飯像打風，但牛肉餅就是彈牙，想像得到師傅打牛肉時簡直打到手軟兼身水身汗。辣醬落得過多，我都好似食到有點身水身汗。費事阻住人地做生意，食完急急就走了。

我总觉得食物好是一回事,但每次那些伙记好像指挥交通一样叫您坐那边,叫您帮帮忙坐埋一边比其他人可以搭枱.我知道他们想做多点生意是没错,但有时背对背是很尴尬的,特别是夏天是后面的男人满身汗时.

每次當天氣轉冷，我就控制不到自己想起潮苑的牛餅了，有些時候將它買回家用上它來做火鍋的配料，真是過足口癮。今晚又是一個寒冷的晚上,到春園街的朝苑,為的是要吃一碗牛餅河粉。朝苑的潮汕牛餅不是隨便在街上便能吃到，可能是他們加入了極細微的牛肋運用上他們街知巷聞的三粒鐘狂錘牛肉餅令其很爽口很有咬勁。牛餅本身充滿著牛味，再加一滴自家製的辣椒油更能增添它的味道，朝苑的潮汕牛餅絕對是用上他們的汗水與氣力所換取食客們的讚賞，並不是坊間那些隨便搓一搓便拿給食客們糊混過骨的那種。我喜歡的吃法是夾上河粉直至填滿整湯匙，然後咬開一半牛餅再加一兩滴辣椒油同吃,是味覺的一大響受。

昨晚個friend 介紹..入去食左碗牛餅米..都唔錯..

十一月十四日今日辛苦了男朋友過黎灣仔食lunch!去左呢邊,記得上次食過錯!而且又唔洗等位!叫左魚片頭河粉+米粉!魚片頭都幾好食~而且湯底清清地,幾健康呢!!!!!!都值得一試lunch!下次食牛肉餅啦我地!^^

終於帶了老公來這裡試一試我所說的..【把牛丸壓扁了的牛餅】偕老公來吃自然可以試多一點**牛餅魚丸米** ($17 + 7)**牛筋墨魚頭河**($23)牛餅當然好味…咬下去有一點牛筋丸的感覺彈彈的卻亦是很爽口口感極至..大小不一的更能體現手造的特性..魚丸亦是彈牙之作魚味十足真材實料的但當然牛餅較突出.. 而且雙併加三元有一點兒不近人情的感覺牛筋的味道夠濃亦夠入味不會炆得過腍一口咬下還有口感而不是爛爛的感覺不錯不錯墨魚頭純粹為了滿足好奇心原來只是墨魚..沒有甚麼特別..不得不提的還是這裡的辣椒油真是香得不得了讓人碗平平無奇的清湯底生色不少是環境有一點讓人不舒服實在是太好生意了有點像在大排檔的感覺很嘈吵的…亦是擠逼得很...更不要說清潔了..只要記住自己是到了一家粉麵檔..感覺還是可以的

這間入圍係因為它「名過於實」。OT 到7:30pm，一個人走到春園街，一心想吃新景園的咖哩豬扒飯，惜full house，便跑來這兒。見牆壁張貼雜誌報導，便點了所謂的名物「牛肉餅撈麵」（$22）、淨魚旦（$17）。再點了蠔油菜心（跟粉麵特價$6）、玉泉忌廉（$5）。合共，吃到兩款招牌貨，又相當飽肚，都OK！牛肉餅撈麵：所謂牛肉餅係片狀牛丸，無柳透！撈麵的質地亦好一般！下次可以唔叫。淨魚旦：魚片僅比魚旦好少許！講真果句，D 白魚旦的質地其實幾差，不解咁都做到招牌貨。倒是湯頭的味道OK。蠔油菜心：份量比想像中多，亦別有淥過頭。玉泉忌廉：係支裝，古早風~！

我地又移師到灣仔開食礦，呢日來到春園街。我地試左個牛肉餅同牛腩河。手打牛肉餅都幾彈牙，但其實係扁左既牛丸，牛丸味。牛腩就唔算極腍，都有ｄ渣，唔知係咪牛坑腩先好食。

早聞此店美味的牛肉餅從前在合和當part-time的時候卻從沒有想過不願跟氣人的同事同坐寧可獨自從金鐘走過來望可解大熱天下走過來的勞動**牛肉餅米粉($17)原想試試魚丸..但看見並不吸引況且要加$7確實不值一搏誠如他人所說..牛肉餅很彈牙很特別..形狀不一像是澄清她屬手打的身份像給壓平了的牛丸難以想像一塊塊扁扁的東東是彈牙的呢~至於湯底..我又嚐不到甚麼魚腥味呢不得不說的是..辣椒油..確實又香又辣..找天要拖辣椒油痴的老公來試一試已很久沒有跟老公在公司..一起吃午飯了..還跟粉麵加$6要了個菜心全走..味道一般..沒有特別~勝在份量足!真的值得一試丫..

見好多人推薦要試牛肉餅和魚蛋,就即管試試. 牛肉餅果然但牙過魚蛋,造型也很有趣, 己有牛肉味. 但魚蛋可能因為大量製作, 已經欠缺魚味, 不再彈牙. 另外偷食0佐朋友D牛腩, 很"林" ,都幾入味.

中午時間，門外有大群上班族等位，我們一行八位同事只好分開坐。等了一會，因流動快，很快有位。一早聽聞此店大名，再加上各大報章雜誌加蔡生的推介，對此店的期望更大。點了一碗魚旦粉，魚旦略嫌不夠彈牙，湯底亦略淡，沒有鮮味，麵亦不外如事。試了同事的牛腩，頗"林",比魚旦好,但同事略嫌湯底淡,沒有腩汁。總括來說，失望。　

依間係我其中一間最鐘意食既粉麵店. 兩個人食左手打牛肉餅米, 剩魚旦, 牛肉餅牛腩河, 油菜同一枝可樂. 今次太飽冇食炸魚皮. 牛肉餅非常彈牙爽口, 魚旦都好彈牙, 牛腩又幾"林". 黎到依到一定要試下個牛肉餅. 我個blog有d相.http://klcchung.blogspot.com/2007/08/blog-post_9119.html

行開灣仔都忍唔住想黎食，難得今日放假而又經過，當然唔可以放過啦。叫左一個牛肉餅+ 手打魚蛋米粉，魚蛋，依舊既彈牙好味，but點都唔吸牛肉餅，可能係因為個人喜好啦，雖然2款都係好彈牙，但係味道同口感都係牛肉餅勝，份量仲要唔少....牛味重，超好味的。但係辣油好似冇以前咁正了，都係麻而不辣，but麻個種感覺比以前遜色了......因為lunch時間去，1張4人，4位都係唔識的，食呢d麵鋪，冇咩服務可言吧...