潮苑正宗潮州粉麵 (已結業)

同朋友去漫畫節..唔知食咩好.朋友講哩間野d 牛肉餅好食.所以就去食.去到,有個類似老闆娘出黎,都幾好招呼但係因為我唔食牛肉.所以我叫左個魷魚河.17蚊d 魷魚好鮮甜,河粉彈牙.份量都算多不過我唔鐘意個湯底,有胡椒味..我唔鐘意價格唔算貴.我朋友叫牛什河14蚊,仲平真係好食又唔貴

又係一個人，見到呢度風評不俗，即管會一會。叫咗：１．　牛肉餅米牛肉餅就好似茶樓嘅窩蛋牛肉餅飯嘅牛肉咁，放係湯米上面的確幾有gimmick，而且塊牛肉餅都幾彈牙，可以一試。２．　墨魚頭河佢嘅墨魚頭係將隻墨魚切碎塊，因為ｄ墨魚好靚好彈牙，所以自然好食。兩碗件頭唔細，＄１７一碗算合理。另外有一樣值得留意，就係兩碗都係用上有少少腥、又唔係好夠鹹嘅魚湯底，呢個就有ｄ拖低咗ｄ分數。不過又由於加咗幾滴好香嘅辣椒油，個分數又上返唔少。P.S. 食完再係隔離飲杯楊春雷涼茶，真係飽到上心口。

今日去書展前..同個fd去醫醫肚..見灣仔潮苑大鑊好評..當然要試試..間鋪個位置就真係一般..始終屬於內街..入去..坐低..地方尚算企理..之後就梗係二話不說..先黎兩個牛肉餅拼手打魚蛋河啦.再叫一冷一熱奶茶.連蔡生都讚好既菜式..黎之前的確好令人期待..食落原來質素欠差..湯底仲有少少腥味..牛肉餅的確如大家所言.爽口.有嚼頭.係必試之選.而魚蛋就好似食豆腐甘..食落都唔知係魚蛋黎..而且好明顯de魚肉只係下貨.河粉亦都只屬平價貨色..以$17+7既雙拼價錢..就真係不敢恭維.至少..同呢度所俾o既食評所比較..有點兒令人失望.食到甘上下..當然要試試個熱奶茶..$6奶茶好香好滑..放兩匙半既糖岩岩好..實屬推介之選..至少出面好多鋪頭都做唔到呢個效果.香味就算飲完大半個鍾都仲感覺到..而鋪頭方面..可能因為係12點..有好多地盤佬係度開餐\.上身唔著衫既情形係鋪入面可以見到.

長征前食個午飯先! 老公叫牛筋坑腩河, $24, 我食一舊腩都算幾腍, 我叫個墨魚丸雲吞米, $19, 墨魚丸唔太彈牙, 雲吞好散, 蝦跟豬肉分離, 凍奶茶夠茶味! 整體一般!

該是五月的食評, 差點忘了在PP睇完戲, 行行下來到春園街, 記得這裏的手打XX有點口碑, 加上開始落雨, 不多作他選了!牆上的剪報大大隻字話你知, 呢度出名係手0即魚旦同牛肉餅. 魚旦魚片. 魚旦外形並不"靚仔", 大大小小的, 該是手打手0即貨. 咬落幾爽口, 尤其魚旦, 曾有衝動想掟一粒落地試試其彈力(哈~)雲吞牛肉餅. 牛肉餅比魚旦還要彈牙. 外觀似是將牛丸打扁了, 而且牛味幾濃, 唔錯. 雲吞一般, 始終唔係主打嘛!!食完見天色轉好, 繼續行程去也~

星期六收工去expo，之前嚟呢度食返餐好嘅。兩個人叫咗一碗坑腩河、一碗墨魚頭河同一碗剩牛肉餅。坑腩週圍都有，呢度嗰啲都算好食。墨魚頭就唔係度度有，而且唔知係咪呢排多墨魚，今次食落好似特別新鮮爽口咁。牛肉餅可以話係呢度特色食品，又爽又好咬口，次次嚟都要整返碗。兩個人食三碗嘢做lunch，好滿足。叫杯凍檸茶少甜，個夥記嗌入水吧：「爆檸少甜！」真係拗爆頭。

前晚同男朋友黎左食飯, 佢叫左牛肉餅拼魚蛋粉加凍朱古力, 我叫左四寶粉加可樂。我試過牛肉餅, 咬落有d似牛丸, 幾夠味; 而我就有魚蛋、豬肉丸、墨魚丸同魚皮餃, 魚蛋爽口, 其他三樣野亦都唔比一般麵檔差! d 粉亦都唔會因為浸左好耐而粉晒爛晒既! 惟一我覺得唔夠好既就係d 湯! d湯真係無乜味, 如果重dd 味會好d!地方同一般街邊麵檔差唔多, 地下同一般麵檔一樣係多d垃圾, 如果地下乾淨d就更好!粉麵黎講, 我覺得呢間幾好, 男朋友真係無介紹錯呢!

我們成班fd都成日去潮苑食lunch,呢度lunch要拿飛仔,粉麵要派no,真係第一次見.不過呢度d魚蛋同魚交都好好食,d紫菜同出面唔同,ok架!

牛肉餅同魚蛋好彈牙, 唔駛加調味都好好食. 我鍾意片頭加牛肉餅河粉, 正! 加碟炸魚皮, 好鬆脆, 好味!仲可以點牛雜/牛腩, 牛腩淋0的會更好.

(9/1)（四）　　9527難得來港，應盡地主之誼，帶他遊覽一回，灣仔便是其中一處。他說：「商場、樂園並不是此行目的，還是要體現你們的飲食文化。」我回應：「香港的飲食文化集合了中國與西方的原素，過程中有不少的演變或受外來影響，本地特色的大牌檔、茶餐廳的出品也是，而雞蛋仔、車仔麵、油渣麵可算是本土產品。不妨今天訪遊灣仔，特別是春園街、太原街一帶吧。」　　前呼後擁的人群、聲勢浩大的叫賣聲、層層疊疊的太陽傘，這些事物看得他不亦樂乎，還有那琳瑯滿目的水果、蔬菜、雜貨，以及那活雞檔，更令他興奮非常，我忍不住說：「若你能重回昔日的九龍城寨，相信你更加著迷，昔日不少的日本遊客也喜歡前往。何不休息一會，再與你去另一邊吧。」　　春園街的潮苑，人頭湧湧，二話不說點了坑腩河粉，那腩件入味而鬆軟，湯汁尚可，而牛丸、魚丸爽口，味道中規中矩，沒有了腩汁的湯反而過於清淡，麵質仍需改善，幸好辣椒油的美味可作補償。看見他快刀斬亂麻地吃，我答：「用不著那心急的樣子，可以慢慢來吧。」他笑說：「第一次初嚐那腩件，算不錯，故加速了進度，況且我已經急不及待。」　　吃東西後沿著皇后大道東，步行至灣仔街市，9527對於內裡的設計非常

昨晚叫左一碗魚蛋拼牛肉餅米粉, 湯底好清有d淡, 不油膩...牛肉餅, 好彈牙同埋好有牛肉味, 再試埋手打魚蛋, 同其他粉麪店既魚蛋好唔同, 佢係好鬆同彈牙, 唔似其他粉麪店既魚蛋係實dd既...

第一次入去係食牛肉餅河，好正！好食過牛丸，爽得來又有牛味。第二次係食手打魚旦河，真係好正！咁好味魚旦都係第一次食到，不但口感好，仲好有魚鮮味，而且魚餅都唔錯。以後有機會真要多來幫襯先得！

星期六肥b係灣仔行街,等我收工,又唔係好肚餓,走食粉麵,我叫坑腩米,坑腩夠淋,不過有d黐牙,安利好食d,肥b叫牛肉餅+魚蛋河,牛肉餅好爽,雖然細細件,但都幾多,魚蛋夠"但"牙,但得幾粒,肥b話d辣椒油唔得,不過有炸蒜蓉撈埋一齊食都ok

行開去灣仔，已經過食晏時間，比較容位。叫牛肉餅麵同坑腩河。先講牛肉餅，其實係牛丸，不過拍扁，好爽好正。坑腩都算腍，河粉亦好滑。最差係D麵，水勁重。

牛肉餅粗麵又或者牛肉餅河，次次都係食呢樣！其他坑腩，手打魚旦都比出面好食好多，但係始終覺得呢度至正係牛肉餅河！唯一不便之處是過了晚上八點去就乜都賣哂！