潮營火鍋小炒菜館 (已結業)

今日去上水工作，住上水同事介紹到這間街坊飯堂開餐。裝修有如茶餐廳，但2人坐到2人枱，尚算舒適。星期一的晚上滿佈食客，可見人氣程度。除了一般小菜之外，餐廳仲有提供酸菜魚、雞煲羊腩煲等火鍋！總之任君選擇。甫坐下，店員問要唔要例湯，原來會免費提供足料老火湯，果然人情味濃無味精之餘仲好香濃！外面吃到的黃金蝦，鹹蛋很多時都偏甜，反而呢間餐廳我味道處理得好好，非常惹味！蝦肉更好新鮮，好彈牙！推介我地2個人點了個萬州烤魚，豈知份量絕對足夠4人享用！烤魚的確非常巨大！配料非常多，什至有燒腩肉，腐竹好好食，配合香辣汁，入哂味好過癮魚肉肉質結實，有點像鯇魚。應該係河魚所以有一股草清味，中辣對我們來說剛剛好，食烤魚就是要重口味！我們更點了一碟安格斯肥牛打邊爐用，牛肉油脂分布平均，輕灼10秒非常美味

今日約咗老友上水食飯吹水，見好多街坊幫襯，就揀咗呢間地道嘅火鍋小炒菜館，大家叫咗幾款小菜，開心Share ！ 一坐低就送上例湯，幾清甜，暖吓胃先。有新奇有趣嘅《冰鎮拔絲咕嚕》，一夾起就見到醬汁掛到一絲絲嘅效果，味道酸酸甜甜，特別開胃，蘸上冰水， 帶出外脆內軟，口感仲特別鬆化添，有驚喜！《牛油黃金蝦》， 即叫即做， 夠晒香脆， 散發出陣陣鹹蛋黃香味，加上牛油，味道就更上一層樓啦， 真係又鮮，又惹味！脆卜卜嘅《椒鹽鮮魷 》，值得推介，鮮魷唔會過韌，鮮味十足，味道剛好， 帶中至大辣，配上啤酒就一流啦！至愛食菜嘅我，叫番個《海味雜菜煲》，材料十足，有蝦米 、魷魚 、菇，仲有幾種蔬菜， 加上大量粉絲，粉絲吹收晒海鮮精華，好惹味㗎！ 《星洲炒米》大廚炒得好好，火候十足，仲要炒得夠乾身，碟底係無油㗎。 加入叉燒、鮮蝦、蔬菜炒成，味道豐富，帶點少辣，好食！叫多數食客都係食雞煲火鍋，下次要試吓！

今日老公在上水附近工作，心血來潮想食雞煲，我就幫手問下我一個住在上水十多年的朋友介紹，而她介紹給我的竟然是一間茶餐廳。我們吃雞煲通常都在酒樓或雞煲專門店，還未試過在茶餐廳吃，但由於今晚比較夜收工，抱著甚麼都試的心態去試一試，畢竟聽聞這裡小菜和雞煲也不錯還未開始點菜，已經送上一碗熱辣辣的南瓜湯，果然如侍應表示這裡的例湯是十分受人捧場的我們叫了這裡的招牌奇味雞煲半只，看到豐富的雞煲，加上那種很特別的醬料香味（實在難以形容，一定要過來試試），令我們食慾大增，由於我們都太餓了等不到慢慢煮熟，已經急不及待要品嘗。果然沒有令我們失望，特別的醬料味道再加上嫩滑的雞肉，令我們都停不下來繼續吃，我老公更是有讚無彈，只顧不停吃著。之後也加叫了安格斯牛，配上雞煲的醬汁也是異常配合，牛也是十分高質，超出了我們對茶餐廳的期望。最後不得不提這裡另一招牌名菜，看到很多枱也叫這味黃金蝦，我們也抵不住叫了一碟嘗試，炸得金黃鬆脆，好吃得我們連殼也想吃掉。特別一提這裡的雞煲和小菜都很好地會另外配上一碗飯，所以不用擔心不夠飽。

成日諗住食烤魚一定要去九龍嗰邊多選擇，經過上水見到風味烤魚，幾多人食緊同埋幾抵食就入去試吓我哋嗌左重慶萬州烤魚，第一次食嗌個小辣試吓先😛加埋芝士丸同埋鯪魚球再加個燒乳鴿未上菜先送咗湯俾我哋飲，個湯好甜，我見其他食客都會特登叫老火湯之後烤魚到咗，好大條好厚肉😂😂四個人都夠食，小辣大家都啱食，如果下次自己嚟就會嗌個中辣必食推介手打靚魚球，好彈牙，夠晒新鮮乳鴿都非常脆，有大排檔風味食完之後老公已經話要再encore, 下次要嗌辣子雞，因為見到隔離枱食得好滋味

11.9.2021 晚上，門囗等位，等到有位，女晚上負責人話因為要分檯，外出相討一分鐘未夠就將兩檯比了後面的的人！我地都話唔要，白等了仲要比佢話，我地從無話唔要檯，屈我地講咗。食餐飯遮，講咗我認呀，無講點認呀！不知所謂👎👎👎👎

今日行過上水見到有間新開嘅食堂叫潮營, 見佢門口有推薦冰鎮拔絲咕嚕肉, 諗起金玉滿堂嘅拔絲咕嚕肉,即刻同男朋友衝左入去試下。🤣🤣一坐底未嗌野食店員已經放底碗例湯, 服務態度幾好, 碗湯嘅味道都算唔錯,飲完冇味精個種好口渴嘅感覺😋👍除左冰鎮拔絲咕嚕肉,我地仲嗌左個水煮牛肉, 不過因為男朋友唔食得辣,所以叫左小辣。好快就黎左白飯同水煮牛肉, 水煮牛肉超。級。大。碗, 完全唔似普通小菜size, 可能兩個人淨係食佢都已經夠飽🤣🤣。味道都出乎意料地好, 我覺得幾好味, 不過我男朋友就覺得即使係嗌左小辣, 都係有d太辣,食到佢大汗揼細汗咁😅 不過整體而言，佢都讚個水煮牛肉幾好食。就係我地食到汗流浹背 揼黎揼去嘅時候, 期待已久嘅冰鎮拔絲咕嚕肉終於上菜la🥳佢上菜嘅一刻空氣突然安靜落黎😐...同男朋友你眼望我眼👀, 上黎嘅竟然係一碟咕嚕肉加一兜冰水😦?! 最神奇係冰鎮拔絲咕嚕肉d咕嚕肉係熱辣辣ge(唔通佢師傅識寒冰掌!?)🤣🤣, 冇錯, d咕嚕肉係熱既，d冰水係凍既，兩者完全冇交雜🤣🤣不過如果當佢係普通咕嚕肉黎評價嘅話味道都算唔錯, 而且的確係好拔絲嘅, 都值得推薦既👍👍👍總括黎講, 除左冰鎮個下

呢排要搬屋真係好辛苦，為左慰勞一下自己，今晚決定出去附近睇下有咩好野食。原來附近選擇都幾多，呢間潮營菜館有酸菜魚食，正呀，係我最喜歡，再加埋有個避風塘炒牛腩，好似幾特別，就決定食呢間。門口燈火通明，非常光猛。店內冷氣都幾大，座位夠寬闊，喺出面熱辣辣，入到黎即時爽晒。店員好好，一坐低就拎老火靚湯黎，老黃瓜豬骨湯，絕不是味精湯。除左酸菜魚，仲有雞煲，小菜都幾多。我地叫左酸菜魚、避風塘炒牛腩、雙蛋肉鬆浸娃娃菜、豉油王海蝦、油泡鮮魷。兩口子食咁多野都有d誇張，但樣樣都想食，下次叫返mama一齊食先。酸菜魚香噴噴，賣相吸引，魚肉嫩滑彈牙，除左有酸菜嘅味道，仲帶有檸檬嘅清新香氣，有畫龍點睛嘅感覺，更能提升味道嘅層次，酸辣、香麻嘅味道令人難忘。另外配料又多，有豆卜、腐竹、豆芽、菇等，絕不單調。避風塘炒牛腩用大量既炸蒜辣椒去炒，上枱時已經蒜香撲鼻，辣度適中，非常惹味！牛腩外脆內軟，夠腍身。雖說係小食，但份量亦好足夠。豉油王海蝦話就話零難度之一嘅家常菜，但自己總煮唔到小炒嘅風味。海蝦外面脆脆，內裏幾juicy，肉質彈牙鮮嫰，豉油味好香但唔會鹹，更能帶出海蝦鮮甜味。油泡鮮魷，老公話唔錯，但我會鍾意食椒鹽鮮

與朋友在「龍琛路體育館」運動完，横過馬路後在「潮營火鍋小炒菜館」用午膳，雖然是港式餐廳，但兼火鍋及小炒，更有雞煲、烤魚、水煮魚等，可多選擇喔。我們楝椒鹽鮮魷、豉油皇肉絲炒麵、酥炸乳鴿與檸檬可樂。很入味的酥炸乳鴿，肉香皮脆，引發我們胃口大開。天氣酷熱，水喝多了！就容易口淡淡，尤其是我們剛剛完成運動出過一身大，椒鹽鮮魷夠香口冶味，鮮魷肉質不賴，薄脆漿口感卜卜脆，鮮魷肉軟軟滑滑，口感非常豐富。豉油皇肉絲炒麵，麵條吸收豉油皇味道剛好，香而不油膩，十分推介這款炒麵，好吃又飽肚！

這天在上水收工，就約老公在此吃晚餐，記得有朋友推介這開業不久的中菜餐廳，供應火鍋及小炒，就一於試試。仍在看餐牌之際，店員問我們要不要例湯，喜歡喝湯的我們當然立即說要。蓮藕煲鴨湯 (例湯) - 完全是一大驚喜，味道香濃，真材實料，絕沒有味精的老火靚湯，蓮藕爽滑，鴨皮有種入口即溶化的感覺，還有南北杏丶陳皮等配料，我和老公也忍不住要添飲😋😋😋海味雜菜煲🍲 $68有鮮蝦🍤丶蝦乾丶蝦米丶粉絲丶什菌丶鮮魷🦑丶西蘭花🥦丶生菜🥬丶娃娃菜，足料好味枝竹火腩煲🥘 $78火腩炆得香腍，枝竹吸收了火腩的精華，送飯一流蜜椒雞中翼 $78雞中翼非常飽滿入味蒜蓉炒西蘭花🥦 $48這個菜不在餐牌之內，但因為我想吃多點菜，有斗膽問店員是否可以這樣加，店員就立即幫我下單。想不到只用蒜蓉炒的西蘭花也非常香口這裏的中菜小炒實在很出色，店員又非常殷勤，即使帶著口罩也感到她們是笑容滿面的。一定會再來嘗試其他小炒及火鍋，當然還有例湯😋

平時通常去開油尖旺食雞煲，今日因為要拎返d野比個住上水既朋友，咁無理由咁遠又出返去食，諗住無雞煲就求其食咩都好喇但個朋友話其實上水都有高質雞煲，平時佢同d上水友都係黎呢道食，咁就跟佢試下新嘢呢間係馬會道既潮營火鍋小炒菜館，上水站行過黎一條直路十分鐘內就到餐廳似家庭式經營，見多數做街坊熟客生意，態度友善感覺親切！裝修都新淨，枱面有搓手液，冷氣夠，有電視！有小菜、炒粉麵飯，街坊價錢另外重有烤魚、酸菜魚、雞煲我地點左半隻辣雞煲$168上枱已經聞到香噴噴，雞既份量都唔少，目測絕對足半隻等一陣有專人會過黎幫我地炒下佢，然後就食得有洋蔥有三色椒，少辣唔會太辣但又夠惹味，食落唔會過多油，又唔會水汪汪雞肉夠入味，肉質都結實同嫩滑！招牌生料拼盤，有*既可以自選六款$58兩個人食真係fit曬，$58試到六款另外再點左水魷魚$48雲吞$45呢個好好味，菇味好香濃，加埋木耳絲口感爽脆，下次再黎想試埋個酸菜魚，望到隔離枱食聞到勁香，估唔到上水d小店都咁有質素

今晚去左間新開嘅餐廳，網上食評唔多，但全部都係讚，烤魚同小菜都大獲好評。其實本身想食魚多D，不過友人唔係幾好，所以試住小菜先，如果好味，下次約多D人先黎食烤魚。呢度小菜唔算貴，比平時食開果D平少少，而且仲包白飯同例湯，更加抵。首先點左餐廳推介嘅冰鎮拔絲咕嚕肉$88我之前係西九某間餐廳食過一次，果款係咕嚕肉底舖左大量冰粒，食落咕嚕肉冰凍脆口😋，本身以為呢度都係咁，點知完全係兩回事😮。咕嚕肉無冰墊底，只附上冰水，但我地都覺得浸冰水同唔浸，完全無分別，浸完唔會有加分😥；至於拔絲，呢度做到，但我唔中意，拔絲口感好似粉漿，感覺唔良好😣。唯一抵讚既係，肉既份量唔少。另一個小菜，點左友人最中意嘅椒鹽鮮魷$88上枱果陣見個色麻麻，好似未炸透，但食落脆口，魷魚鬚好有魷魚味，但魷魚身就唔OK，好薄、好硬、好乾，感覺唔似鮮魷，似係翻炸嘅魷魚🤔。整體食物質素同我想像中有出入，不過呢度主做烤魚，可能又係另一番感覺。

上水馬會道一向係上水餐廳最集中地，見到新開既小炒菜館，就決定入去試下，我地接近8點入座，都座無虛席，一座底就有靚湯飲，招呼周到。唔怪得咁多街坊支持。餐牌食物比想像中多，又有烤魚、酸菜魚、雞煲、小菜、碟頭飯，價值抵食，仲唔洗加一添，性價比好高！醉雞煲藥材都唔少，酒味香濃，加埋雞件煲滾後，先飲啖湯，濃濃花雕酒香味，雞件滑嫩，點埋豉油食夠滋味。白蘿蔔，吸收哂湯底味道，熱量少，又幫助消化，食多野再食返蘿蔔就無有怕。沙芥一口牛，份量比想像中多好多，仲鋪滿西蘭花係底層，一口牛肉口感非常軟腍惹味，就甘食已經好正，點埋個芥末醬平衡口感仲正，非常滋味！牛油黃金蝦，用既係基圍蝦，雖然唔太大隻，但勝在鮮味十足，加上鹹蛋牛油味濃，令鮮蝦更惹味。蒜蓉魷魚高山菜，呢道菜係以既蒸方式，看似做法簡單，但卻十分美味，蒜蓉非常香口，配鮮魷加娃娃菜墊底一齊蒸，索曬d汁更加原汁原味。呢度老闆娘都好NICE，而且餐廳食物出品高，要搵日再黎食下其他小菜先得。

琴日去一個住上水既朋友屋企玩 夜晚食飯我朋友就提議食呢間潮營佢話呢間野d魚好好食!!咁我地就冇訂位 好好彩去到咁岩有張二人台唔洗等位 !!之後我地就叫左一條酸菜魚 一碟椒鹽鮮由 同埋一煲魚香茄子d侍應全部都幾好禮貌同幾好服務 個酸菜魚湯底好夠味 d味都配合得岩岩好 同埋d酸菜魚都好滑好好味 所以我地另外加左碟鮮魚片自己烚呢個酸菜魚真係值得再試 另外椒鹽鮮同埋魚香茄子都係有質素 算係中上水平  d菜都好新鮮好靚總括黎講三個字 平靚正!

要不是住北區的好友約我晚餐,已很久沒有踏足上水區了;當然知道馬會道一帶有不少食肆,但能令好友有興趣約我聚餐的,應該有一定質素吧!這次選擇坐巴士,到了上水巴士總站然後走路過去;好友告知我店名,然後約在附近等;雖然上水附近的街道都有印象,但久未踏足,當然根據Openrice大神的地圖功能去走更穩妥;走到名曰潮營的食店附近,好友已經在面前,然後一齊量了體溫掃了出行碼就進入店內;室內的裝潢是港式小餐館格局,走親民路線,炎夏中保持中等強度的抽風及冷氣很適合我;然而其簡約風格中,餐枱的用料卻不馬虎,灰色的厚實原木枱上印有燈光印花紋,予人一種暖色調感,確有心思;餐牌的設計沒多花巧,一版主打火鍋食物,另一版則是精品小菜,提供的食物選擇量適中;好友說兩者兼點,保證食得過癮!好友要揀酸菜魚,因為其食法有兩種選擇,一種是原鍋上,另一種是打邊爐形式(這種方便顧客的貼心服務,值得一讚!),而好友屬意當然是打邊爐(火鍋)形式,因為食過幾次都是高質,於是就落單,再加了個手切滑牛肉;等待酸菜魚時,店員姐姐送了我們每人一碗的老火例湯,據悉此湯沒加味精去煲製,而且青紅蘿蔔南北杏,這類湯適合暑熱天氣,自然清甜的味道確有解暑

今晚誤打誤撞，黎左馬會道呢間「潮營火鍋菜館」，試左個好驚喜既酸菜魚馬會道一條街都係餐廳，我地行左一轉之後朋友話想食魚，所以我地就隨緣咁揀左呢間門口話有魚有雞煲既「潮營」除左魚、雞，重有小菜同碟頭飯選擇，夜晚8點半後重有串燒餐廳枱唔多，四四方方，唔逼夾，坐得舒服，有電視，冷氣夠，枱面有搓手液用我地揀左爐上既酸菜魚，裡面本身有酸菜、芽菜、豆卜、枝竹等；另外重有起完肉後烤過既魚框！個湯底我同朋友讚不絕口，辣度可自選，我地揀左少辣，味道帶酸且辣又有蒜香，重點係唔油，搞到我情不自禁邊食邊飲，真係好正魚肉起骨一片片上，師傅刀功勁，塊塊厚薄大小相近，完全無骨，肉質鮮嫩幼滑可以逐片逐片慢慢細味品嘗，唔怕一次過係爐入面造成過熟真係好好味湯底同魚都大讚！點左兩個菜吸下湯，唔好嘥左個靚湯底小菜揀左千島沙拉豬扒豬扒厚身有口感得黎又夠淋，千島醬適中唔會過咸但又夠惹味椒鹽鮮魷，口感唔夠脆，但魷魚新鮮，咬得開的，個味都唔錯價錢經濟，重要唔洗加一，抵食