潮營火鍋小炒菜館 (已結業)

上水開咗間雞煲小菜餐廳，一直都未有機會試，今晚心血來潮想食下雞煲，就近近地同屋企人喺呢度食返餐。店員好nice咁問我哋要唔要例湯，我梗係要啦，好快就為我哋送上一人一碗湯。個湯好濃好好味，唔係嗰啲加咗好多水冇味嘅湯。我哋點左個奇味雞煲（半隻），諗住食完啲雞再加湯打邊爐。雞煲好快就到，店員主動幫我哋兜匀個雞煲，香噴噴熱辣辣，見到都覺得正。雞煲調味啱啱好，甜甜地，少少辣，非常惹味。送嘅菜都好新鮮翠綠！食到咁上下就點咗啲打邊爐配料，先來個安格斯肥牛。牛肉嘅雪花好靚，比我預期嘅質素高，非常好食。仲嗌左個招牌生料拼盤（任選六款），呢個拼盤非常抵食，只係$58 ，就可以一次過食到六款配料，而且份量也不少。我揀咗廚師腸、香菇貢丸、墨魚丸、雲吞、響鈴卷同午餐肉。午餐肉份量好多，最抵食。另外響鈴卷亦係必點，吸晒湯汁嘅響鈴卷真係好正啊！之後再加咗碟美國肥牛，食到好飽，好滿足！

想食下酸菜魚又唔知邊度有，通街行下揾下發現潮營有酸菜魚！二話不說就入左去😂兩隻餓鬼，兩個人食三碟野～😋一大盆酸菜魚用爐上，熱住慢慢食仲加左我愛ge萵荀～ 又酸又辣，正！😍魚肉多之餘，極吸汁ge配菜都好多！芽菜吸晒d汁，真係會食上癮～😆食食下，再上多盆魚肉？！片片都均一厚度，白得黎又透紅個樣好新鮮，食落真係不負眾望！又鮮，肉質又好，唔會爛！真係令人有驚喜～我地另外叫左一人一個中意ge小菜我就叫左冰鎮拔絲咕嚕肉😍😍大大碟之餘浸下冰水先再食，真係會脆d！😆 一冷一熱，感覺好有趣～酸酸甜甜極開胃！😍

Yum affortable high quality Chinese restaurant@Sheung ShuiMy families and I went to a restaurant called "Chill hotpot restaurant"(潮營火鍋小炒菜館) located in G/F, 176 Jockey Club Road, Sheung Shui(上水馬會道176號地舖).There are various hotpot,spicy fish,chicken casseroles, Chinese stirfry cuisines and snacks."Soy sauce sea prawn"豉油皇海蝦HKD$78.. The sea prawns are butterfly and properly devined...The prawns are jumbo sized...Fresh,sweet,Bouncy and springy...Generous portion.Good value for money yet incredibly tas

烤魚係香港好少地方有得食，有朋友話我聽上水有間幾好味，今次就黎試下，店面不大但座位闊落企理，眼見大部份人都食烤魚，佢另外有酸菜魚同水煮魚揀，我都係叫咗份烤魚 ，因為少地方食到。另可額外加啲配菜，超多選擇。竟然有萵筍，鵝腸，必叫各叫一份烤魚一上枱已經聞到好香，條魚本身炸過再放入烤盤，熟度岩岩好，魚夠大條，配菜豐富，仲有多種香料，花椒八角，蔥蒜，辣椒 🌶️萵筍，極之新鮮又大份 ，咬落爽口之餘吸晒啲湯汁鵝腸滑溜爽口，香辣味適中，好岩香港人口味。

石湖墟多菜館及多選擇就大家都知道，但這一間潮營火煱小炒菜館大家未必認識，餐廳內裝修沒有什麼特別，但卻禾稈冚珍珠，是我個人覺得一間十分地道的川菜館，雖然老闆娘聲稱自己的菜沒有內地吃的香，但我還是覺得比起内地有些有名氣的川菜館更出色。 酸菜魚酸菜魚一直是我最愛，是將整條魚切成片的魚肉作為主菜，然後將泡椒、姜等炒出香味之後，再加湯燉煮酸菜和魚，這個酸菜魚上菜時香味十足，賣已經十分吸引，加上酸辣開胃，酸菜酸味適中，不會搶走魚肉的鮮甜，而魚肉亦很嫩滑，配上香濃的湯底，非常惹味。 水煮牛肉 水煮牛是數一數二有名的川菜，而店家亦十分細心，有不同辣度給客人選擇，令大家都可以享受當中美味。濃烈純正的麻辣味，是無辣不歡的我最愛，牛肉片是水煮的，讓它的營養流失最少，而且吃起來牛肉嫩滑醇厚，非常享受。這種吃得大汗淋漓的感覺，即使辣到兩頰發紅，還是忍不住繼續吃下去。 椒鹽豬扒 椒鹽豬扒，豬扒的肉質十分鬆軟，入口有微微辣味，再加上椒鹽的陣陣鹹香，非常惹味。而剛炸好的豬扒肉汁豐富，外脆內軟，半肥瘦的豬肉伴隨香脆的炸蒜，口感極佳，即使是簡單的菜式亦足夠以令人回味。 川味辣子雞 這道菜非常出色，因為當中雞肉香脆而且還能

呢日黎左上水呢到同朋友食飯，店員推介我地食雞煲，所以就試下。好入味👍🏻非常得👍🏻肉質嫩滑又入味👍🏻店員果然無介紹錯。當然食完雞煲就要拎埋個汁加湯黎打返個邊爐啦～不得不介紹呢到叫配菜有個拼盤係超級抵食！可以任拼6款，好多地方加配菜都係一碟碟叫，呢到可以夾埋一齊叫，可以乜都食下，而且份量仲要唔少，價錢亦都好抵，仲不限份量任叫都可以。另外仲叫左客安格斯肥牛，肉質唔會太薄亦唔會太過肥膩，入口即刻食到陣牛味好出好爽口。食左咁多野都係400幾，真係好抵食，直頭飽到上心口🤣

上水見客正下午茶時間，客戶兼老友話帶我去試新餐廳，這家潮營就在馬會道新開，但已吸引我老友食了不少餐，他極力推介乾炒牛河，好小妹就陪他去試試。餐廳內地方闊落，座位間都算寬敞。嘩！下午茶餐真係抵食啊！🥢乾炒牛河連一杯飲品 $38，不過大熱天時緊係叫杯凍飲加 $2喇🤣🤣乾炒牛河先看色，醬油掛河粉有鑊氣卻又不油膩，這才是廚師功夫👍，牛肉片嫩滑不黏牙，真心抵食。🥢雙蛋肉鬆浸娃娃菜 $68初時仲以為雙蛋係兩隻雞蛋🤣🤣🤣，原來係皮蛋加鹹蛋，高湯浸過的娃娃菜非常入味且清甜。👍🥢水煮牛肉 $78大中小辣任君選擇，水煮牛肉湯底之麻、辣、鮮、燙做得非常出色，牛肉經過醃製滑嫩可口。午市食扒都係 $42 冇得輸👍

呢日經過上水馬會道，見到一間新開既小炒菜館，就入黎試下呢晚比較早食，暫時唔算好多人，一入去就可以坐低食野雙蛋肉鬆浸娃娃菜，一黎就見到份量大碟肉鬆蛋有好多，佈滿晒上面。娃娃菜多汁，新鮮黃金鮮魷，非常高質每一塊外層都好鬆脆，鮮魷彈牙，鹹蛋味出眾，每啖都係慢慢有鹹蛋味滲出黎，食落去唔會覺得膩沙嗲粉絲肥牛煲，牛肉嫩滑，沙嗲味道完全融入粉絲同牛肉，好濃郁，鮮甜而惹味，好足料！重慶萬洲烤魚，叫左小小辣，配料好豐富，烤魚金黃色，魚肉軟滑，骨唔多，可以食到啖啖肉另外叫左白飯，食得非常飽滿每道菜份量都好夠好抵食，而且老闆娘平易近人，會問食客今晚餸菜岩唔岩食，呢種人情味就係小菜館最吸引既地方，下次可以黎試其他菜式

上水既餐廳大大小小基本都食過哂，唯獨呢間新開無耐既潮營未試過，所以決定今晚食呢間。入到黎先知道，原來呢度都幾多野食，酸菜魚、烤魚、水煮魚、雞煲、小菜、串燒、點心等等應有盡有。一望到餐牌就好糾結，因為樣樣都想食，但又無甘多個胃，朋友話想食重慶萬州烤魚，所以佢幫我決定埋唔洗煩。🐟重慶萬州烤魚 ＄248重慶萬州烤魚係重慶美食其中一個特色招牌，叫左小辣，食落唔太辣就返香港人口味，湯底加入檸檬味道鮮香。餐廳用既係鉗魚，原條上啖啖肉，兩個人食份量都幾多下，魚炸過外皮好香， 而且烤魚本身配料亦非常多，有雲耳、洋蔥、豆卜、腐皮、酸菜、芽菜、虎椒等等，影相未必見到哂配料，因為好多被條魚壓住左，所以性價比高，比市區出面食便宜多。🦐游水海蝦＄98有成12隻，蝦肉爽脆，夠哂大隻鮮甜。呢度既酸菜都好食。🐂手切滑牛＄60份量都幾多，牛肉口感嫩滑，有牛味。🥬油麥菜＄20食左甘多肉又點少得菜呢，蔬菜都新鮮。野飲都係$7，唔會好似平時出面食烤魚雞煲甘提高個野飲價。食食下嗅到隔離雞煲雞煲既味非常吸引，我地7點多入座，後來先知道8點半後有串燒同即拉腸粉，不過我地已經食到好飽，希望下次黎可以試埋呢度既小菜。

上水開咗間火鍋小炒，今晚特登黎試吓新嘢。一坐低，老闆娘好nice，向我哋介紹吓招牌菜，我哋俾個烤魚吸引咗，決定烤魚加打邊爐！老闆娘送咗兩碗老火湯俾我哋，個湯超正，又濃又足料，平時其他餐廳好少有咁好飲嘅湯重慶萬州烤魚有大中小辣揀，我哋要咗小辣。等咗一陣，大大盤烤魚黎喇！見到已經覺得好吸引先試吓個湯，非常香濃，鮮甜又帶點微酸。條魚大到不得了，無乜骨，啖啖肉。最正係魚腩魚鰭果d位，個皮烤到好香，又充滿湯汁嘅美味！手切滑牛平時打邊爐多數食肥牛，但今日想食下滑牛。又真係幾滑，淥耐少少仲入味。午餐肉份量超級多！足足十大塊，超抵食！走嘅時候發現原來9點半開始有串燒，仲做到凌晨兩點，下次試下先。

上水附近都有好多舖頭食雞煲，酸菜魚嘅店，其中呢間新開嘅潮營火鍋菜館，我哋都覺得佢幾有自己嘅特色。小店裝修簡約，內裡乾淨企理，老闆娘非常好客熱情，坐低後一陣比左例湯我哋飲，老黃瓜老火湯，味道唔錯夠濃郁，飲得出係真材實料煲冇添加味精。呢度主打酸菜魚，烤魚，水煮魚和雞煲。另外仲有小炒，腸粉，就連街頭小食都有，例如：咖喱魚蛋，炸魷魚鬚，燒賣等等。我哋今日點咗酸菜魚$248，平時食嘅酸菜魚多數都係已經煮好咗，呢度最特別嘅係酸菜魚都可以揀用爐上，用打邊爐嘅形式食，自己一片一片將魚片燙熟，第一次咁樣試，好有自家嘅風味同特色。首先會用爐上個酸菜湯底俾我哋，金黃色嘅湯底有好香嘅金蒜味，內裏有炸過嘅魚件同魚頭做湯底，加埋腐竹同豆腐卜，魚件味道都唔錯，幾香口同埋幾好食，香濃嘅湯底惹味十足，酸中帶有魚嘅鮮甜味，味道層次豐富。酸菜魚當然唔少得魚片，另外有一碟魚片分開上，魚片鮮明亮澤，望落去非常新鮮，一片片厚薄適中，整齊排放在碟上，非常吸晴！魚片只需輕輕燙30秒左右就可以食，魚肉鮮甜可口，質地爽脆彈牙，一片片自己燙，比平時更嫩滑及好食，而且可以因應自己想食嘅質感而調節時間！生菜亦非常新鮮翠綠，最適合落湯燙10秒做

母親節度諗住係上水附近同媽媽食飯慶祝，唔想幫趁連鎖嘅酒樓，比我地搵到呢間上水新開的小菜火鍋店，作為上水人當然要棒一棒場。奇味雞煲我地叫咗半隻，食完可以再嗌火鍋料打邊爐。本身佢都有包一盤菜比我地。一打開蓋香味四溢，濃濃的雞汁鋪滿雞件表面，先食一件熱辣辣的雞肉，既入味又嫩滑，雞煲惹味，不得了。因為我不吃辣，家母說如果點麻辣味，一定更過癮。生菜好新鮮，也不少，足夠兩三個人食。潮營小炒王小炒王來說，這是我食過最香口有鑊氣的一間，韮菜花配上不同的海鮮材料，海鮮有事前炸至乾身脆口的魷魚、白飯魚、蝦仁、腰果，如果來一瓶啤酒，肯定惹味十足。沙芥一口牛這裡每一碟小炒都十分足料大份，食材新鮮，擺設也很有心思。大大碟的牛柳粒炒得夠火喉，牛味濃，點上杯子內的沙拉芥末醬，甜辣甜辣十分開胃，不知不覺吃了一口又一口。順帶一題，凍檸茶比外面餐廳大杯，一杯可以夠一整餐！