潮樓 (已結業)

為慶祝好友生日，相約了在銅鑼灣的潮樓飯聚，此集團式經營的酒家除了全日免茶芥免加一外，每晚九點後餐牌更設有七折優惠，若不追求正宗古法，以平易近人的價錢去品嚐一席入門級的潮州佳餚，又未嘗不是一個好選擇。印象中曾到過同集團的觀塘潮館，即使是夜宵時段，食物及環境都保持一定水準，想不到銅鑼灣的潮樓卻完全是另一回事，九時入座後久久沒有樓面招呼，莫講話開壺茶，就連想找個人幫手執檯也沒有，人手嚴重不足。廿分鐘後終於可以落單，想吃的反沙芋暫停供應沒大問題，難以置信的是連啤酒也缺貨，實在有失稻香這個大集團的身份吧！服務效率不太如意，幸食物仍有一定叫座力。先來基本的「鹵水拚盤」，鵝片肉肥瘦均勻，份量不多但甚有卡士，鹵蛋色水不太吸引，豬大腸的肥脂肪入口即溶，再一次見證膽固醇萬歲。「潮州煎蠔酪」比坊間吃到的油炸蠔餅來得健康一點，金黃外表入口仍脆，吃時感覺跟酒樓「煎薄撐」差不多。接著的「蠔仔粥」份量足以分成十份，在蠔、肉碎及蔥粒陪襯下，粥底尚算鮮甜，以七折價計真是交足功課。「蜜桃糖醋骨」並不是來自潮州，賣相及味道跟咕嚕肉似足九成九。至於「魚香茄子煲」及「竹笙野菌玉子豆腐」，同樣是純粹用來送飯的配角，對其味道沒有期

在附近唱完K,正好是晚飯時間,就吃一個早飯.未到7點,只有4-5枱客,也好,難得寧靜.鵝片($90) - 潮洲菜少不了的一道菜,但做得不算出色.鵝片肉偏實,味道亦不夠濃,而且份量不多,價錢略貴.醬油干煎蝦 - 蝦算不上很新鮮,蝦殼煎得香脆可口,味道也得宜,如果醬汁可以再多一點,送飯就最好不過.雜菌上湯浸時菜 - 草菇,秀珍菇,雞脾菇伴上湯白菜,清清地的一款小菜,沒甚難度,但味道偏淡.DBS 咭送糖水,馬蹄爽,只有水,沒有很多材料,果然是喝"糖水".雖說是潮洲菜,其實只如廣東菜一樣,沒太大分別,只是稻香集團巧立名目的另一傑作.

星期四同老婆和朋友一行三人到潮樓用晚餐，這裡的一蚊雞很抵食。我們還點了其他三樣菜(椒鹽白飯魚，潮州雙併，時菜三寶)，以價錢來說水準是很ok。埋單時$288，由朋友簽卡，心裡覺得有點貴但不以為意，數日後朋友check過張單，原來他當時看錯銀碼，是$188才對，於是打電話去潮樓，經理說猜到我們看錯了，所以都只是charge左$188 (之後朋友問過信用卡公司真的只過了$188)，實在有良心和醒目～～在香港，有水準而價錢合理的餐廳很多，但不是間間都有良心，為此我們會繼續幫襯。而且這裡抵食，環境唔錯，食物唔差

星期六晚同媽&妹特地去試一蚊雞~~ 因為聽人講真係幾抵，而且之前黎過食~ 都覺得環境唔錯，食物都唔差~今晚好似係第一次我地三個去酒樓食晚飯~~ 重要係我和呀妹請呀媽~~高興~!我地叫左 砵子梅頭穗香雞(一蚊雞) : 枱枱都食~~ 我初初叫一隻，覺得冇乜梅頭味，怛係你當佢沙薑雞或清蒸雞都唔錯~~! 不過雞味不足~ 但雞肉唔會"鞋"~ $1 咁大隻雞，抵架啦~!所以我見唔飽，叫多隻, 合共食左兩隻一蚊雞~~! 三個人不停食雞~~! 哈哈~~! 糖醋煎麵（＄４８） : 好好食，脆口~ 麵粘糖或醋都好好食~~!!! 我呢個潮州人竟然現在先試到咁正既野~~~ 花膠絲素菜煲 :　花膠絲真係少到呢。。。。。。。。菜都唔多兩條～粉都係碎同埋少的。。。。$68 好貴喎～～！擂沙湯圓（＄１６）：皮薄，但粘牙。。。不過味道還可～芝麻餡料多～唔會太甜～而且是流沙餡～～都算okay~星期六晚都免茶芥免加一，仲要有咁好service(雖然忙，但都唔會要客人等好耐)~~!抵呀～～！！不過優惠到三月尾咋～～　其他野食要小心叫～～佢出新野令你俾多Ｄ錢～亦令佢唔會蝕本～

免茶免加一，平日12點前埋單又有特價早點，是有點競爭力的。有營粟米粥配一籠菜肉包只收$10，似乎最抵。如果是細食的，或者志在嘆杯茶消磨時間，真的可以$10落樓。那碗粥當然不能苛求，總之不是稀如米水，夠味又不會令你食完口渴非常的，收貨的了。菜肉包是意料之外的理想。雖然菜餡不多，不過熱辣辣，包皮又相當軟熟，幾討好的。陳村粉排骨亦有驚喜。陳村粉夠滑，且索了汁好味。排骨就腍滑而尚有咬口。正！還叫了其他幾款點心，可惜水準麻麻。臘腸卷就給菜肉包比下去了。尤其臘腸並非好料，偏鹹偏肥的貨色，依靠軟熟包皮才不至難食。有點新意的蘿蔔絲魚餅，表面包上一層油，一定嚇怕那些想健康飲食的茶客。咬開見到只有些少蘿蔔，基本上與普通的煎魚餅沒有大分別。川汁抄手原來是紅油抄手的不辣版本，自然是失望得很，還要是涼的。最不滿意是這一味了。

今年春茗黎左呢道其實我對潮洲野無乜好感~覺得d野凍冰冰又貴一黎到呢間野首先要搵一餐(因為佢隔離間ok太搶眼...潮樓門口又細跟本睇唔到)佢d裝修都幾靚...唔似一般酒樓~~唔知係咪經濟唔好...晚市都唔係幾爆~食野lu~~~春茗當然係食套餐我地叫個餐都幾低食三千蚊唔洗有翅、龍蝦仲有東星添(真係超低)仲要味道唔錯食到炸子雞時已經食唔落印象最深刻係佢個甜品芋頭(唔記得個名)d芋頭有d糖包住~整得好熱好好味可惜太飽想食多舊都食唔落呢個價錢仲要免加一茶芥.....低

今日又有人請飲茶~用compass visa 有個幾抵食嘅商務lunchｓｅｔ＄１８８～有三樣點心～一個鹵水拼盤～胡椒豬肚湯～海鮮蟹子炒飯～佢ｄ點心ｏｋ～但唔會話好精緻～普通貨色～鹵水拼盤唔錯～呢度ｄ鹵水一向都有保證～鵝片～豬腩．．．．胡椒豬肚湯就麻麻～一ｄ都唔”潮”炒飯水準以下～無咩鑊氣之餘又唔無咩味～整體上都叫ｏｋ但係又真係幾抵食嘅！佢唔收茶介又免加一～飯後來多碗楊枝金露～當然要另叫！~

黎親我都係下晏飲茶，第一次係到食晚飯!1. 糖醋煎麵$60 - 我係其他地方食就分都好似pizza咁切開，但佢就界成井字一格格細細塊咁。煎得唔錯，唔會太脆又唔太林，加埋醋同砂糖食，好味!2. 蠔仔肉碎粥(一窩) $70 - 佢另外有得叫一碗($35)，但經理話一碗大約分到2,3碗出黎，而一窩都分到6-8碗出黎。佢好足料，D蠔都大粒，好抵食!3. 鹵水拼盆 $80 - 有蛋、鵝片、豆腐、紅腸、魷魚、鴨肉...不過本人覺得無左豬腸好似爭咁D，雖然一碗野好多料咁，但佢又唔算太大舊或者大塊，普通啦!佢唔收茶錢同加一，所以真係好抵食架!

媽常說來潮樓喝茶很划算,因免茶芥亦免加一,這日便陪他們來試試,難得午市仍可訂位,省卻等候時間, 還獲安排卡坐, 大喜. 午市有精選點心特價,點了數款,另外還有打冷.叉燒酥 ($10) - 很久沒有吃了,數年前瘋狂愛吃,物極必反,這日再度重溫,感覺回來了. 叉燒酥難得鬆化,皮脆不實,縱叉燒不算多,但論質素而叫好.陳村粉排骨 ($13) - 排骨較少,陳村粉味道不及在客家好棧的好,因那個粉已吸收了金錢肚的醬汁,這個略欠惹味蠔仔肉碎粥 ($18) - 一大碗,足夠三口子吃. 有方魚,肉碎,冬菇,蠔仔. 蠔仔夠乾淨,無沙,米比粥多,很頂肚.咕嚕肉 ($22) - 索價只是$22 的咕嚕肉,份量和質素都不差,雖然掛醬做得不算很成功,但味道不錯,酸味較重,很醒胃. 送飯一流!!!蕃茄湯雲吞 ($12) - 名字聽來不算討好,像新式點心,但意料之外的好吃. 蕃茄湯味很濃,還有細蕃茄和薯仔,薯仔入味之餘沒有煮散,抵讚! 雲吞配蕃茄湯,倒算第一次,但感覺不俗.鹵水鵝片 ($50) - 價錢比鹵八更平,好奇味道如何所以才點. 份量之大令人驚訝,雖說有豆腐和蓮藕放底,但鵝片數目亦有20多片,而且肉質不差,

約了家人茶敘，選了這裏，因食完可逛街。我們點了十款點心及一碟迷你粉麵：鮮蝦腸粉～ 蝦，新鮮、腸粉滑叉燒腸粉～ 除叉燒外，亦有芫茜，很香牛肉球～ 鬆軟柚皮鴨掌～ 柚皮淋，老爸喜歡吃 糯米包～ 有花生，臘腸，冬菇等翠瓜牛腩～ 牛腩淋及入味蝦餃～ 頗大隻燒賣～ 新鮮鮮竹卷～ 我的至愛荔芋煎堆仔～ 芋頭做餡也不錯鮑汁雜菌炆伊麵～ 炆得很香口，份量亦不少服務很好，幾位亞姐都很專注，傳菜亞姐還提醒我們要十二時前埋單，否則收正價。中午十二時前結賬，免茶芥加一，共$155，抵食！

when to Chao Inn for dinner around 8:30pm, to my surprise the restaurant was 30% full or you can say 70% empty.Food was okay, acceptable. Tonight they were over staff, but do you get any service?You have to ask for the menu, ask the waiter to take drink order and of course he took the wrong order too! I wonder when they are full during lunch time or over the weekend, what kind of service you will get.Have to say the "crystal bun" for dessert was good!

噚晚約咗幾個臺灣嚟香港旅游既親友（長輩果隻）去食晚飯... 佢地話要食香港既潮州菜，我本來有我自己心水既潮州打冷飯店... 但我亦好清楚佢地比較“上等人”未必太接受到我中意果隻feel.. well.. 搞到頭都痛埋.. 我又衰既...唔多想去超貴富豪飯店果一隻俾人斬到一頸血...最後想起曾經去過APM果一間”潮館“，經驗好似都唔係太差，不過係觀塘，唔近佢地住果間酒店... 咁就去查一查openrice啦，發現原來銅鑼灣信和都有一間叫”潮樓“，睇個logo應該係同一集團，就係咁就膽粗粗訂位去試一試...地方坦白講係預料之內，酒樓feel，裝修普通... 不過都幾舒服，唔逼...坐低咗，waitress走過嚟，廣東話交談幾句後知道我親友係講國語.. 就轉用普通話，不過老實講，佢講廣東話同普通話都一樣咁渣... 好多佢講既菜名連廣東話我都聽唔明... 我都知道佢地呢一隻feel既waitress唔會好pro... 不過我都唔太明解，佢地明明係潮州酒樓，佢就不停介紹一啲廣東菜式... Anyway，最後我地點咗...1）【茶樹菇煲雞湯】 - 合格本來想點個潮州一啲既【咸菜豬肚湯】，但係佢“W

雖然係年青人..不過都有時都會為左食平d 飲早茶..d 野都ok..最好係我覺得真係好抵..次次去餐都唔洗30 埋單..但係已經食左7-8 碟野落肚...但係e+ 好似又愈來愈少野揀la..牛肉..馬拉糕果d 都唔錯...=]]

30-5-08 (五)下午茶時段也不是很多客人。蒜粒雞柳炒飯 : 很油膩，雞肉明顯是雪藏貨，四十八元一小碟，不值。叉燒飽 : 內裏只有肥肉和汁醬，簡直差劣。牛肉 : 可能很久沒吃這個點心，加d喼汁又幾好味。荔茸菠羅飽:這個頗不錯。有機麥片鬆軟糕: 這個最好吃。馬拉糕:不太甜，也不油，幾好。

琴日早放工, 去左阿細公司等佢 做到8點幾, 所以決定過CWB食d9點後有特價的野, 咁不如試下潮樓啦!!去到門口唔洗等位, 見到佢全日3免 - 免茶, 免芥, 免加一, 9點後所有野食都有7折, 咁咪好抵?? 佢個menu都有幾多選擇, 仲有好多打冷小食, 我地兩個都OK肚餓, 叫左:1) 和平進取 ($38)- 唔講你唔知, 呢味餸係近排promote ga, 包括左兩隻BB鴿同一枝大燕京. 話明係BB, 你都唔會預佢好大隻, 不過都俾我想像中多肉, 仲有成枝大啤送, 唔洗我講都知抵食啦, $38 ja喎! 2) 滷水拼盤 (原價$80, 7折後$56)- 見佢叫"潮樓", 咁緊係食下打冷啦, 拼盤乜都有, o岩哂我地兩個人. 有鵝片,鵝件, 鵝掌翼, 豬耳, 豆腐, 蛋, 芝士腸, 大豆芽, 墨魚.....嘩...真係多到你唔信, 不過我嫌佢多油囉3) 蠔仔粥 (原價$35, 7 折後$24.5)- 佢d粥有一鍋or一碗, 我地怕食唔哂, 所以叫一碗only, 都可以每人食到2, 3碗飯碗左右. d蠔幾新鮮, 又甜, 一d都唔腥. 我地最後所有野食哂, 好夠飽. 見到佢是日特價糖