潮州合成甜品

營業中

休息中

合成糖水係一間老字號糖水舖所以今日經過九龍城朋友特登帶我嚟試吓糖水嘅價錢中上至高舉個例，一碗川貝蓮子雪耳燉木瓜一般嘅糖水舖都會食得到但係呢度食嘅話要成$55所以即使又好想食都覺得卻步因為呢個價錢我係出面食多一餐飯紅豆沙 $27潮州綠豆邊清心丸 $35所以我哋叫咗兩碗平平哋嘅試吓首先講吓紅豆沙紅豆沙煲既時間都算耐而且都煲到起起哂沙一般酒樓都食到嘅質素不過紅豆沙黎講你同我都一樣好容易報到呢個質素所以味道唔能夠令我覺得有驚喜至於綠豆邊清心丸綠豆同糖水嘅味道都好淡又唔係太甜食唔到有啲咩味講真我係第一次食清心丸所以不禁有啲期待但原來清心丸只不過係一粒糯米因為糖水本身唔甜再加上清心丸冇咩味道所以成碗糖水整體來講就係冇乜味最後我將啲清心丸放咗落紅豆沙到自製紅豆沙清心丸不過我去過潮州點解都唔見有呢款糖水買嘅？糖水舖嘅環境好舊式所以其實都算特別不過我見到姐姐一路食蘋果一路剝雞蛋殼感覺就不太良好了大家如果想是的話留意番開門時間係下午三點太左去嘅話會摸門釘

一早係觀塘食完飯，專程落九龍城食糖水，搵到間比較舊式既潮式糖水鋪，時間大概係8點左右，但已經好多客，初頭要搭枱，後尾有二人枱，我就轉左過去。不過發現張枱唔係幾平衡，要小心。好啦，講返食物，我地一共嗌左兩個糖水。腐竹薏米清心丸($35)好香好滑好多腐竹，糖水本身都唔算甜，係糖水入面既清心丸為依碗糖水帶來甜意，我比8/10分佢，好味道！其實我係第一次食清心丸，佢既口感唔似芋圓，有啲唔同，清心丸食起上來好夠甜度。凍紫米露（$33）我朋友唔太鍾意依個紫米露，入面一舊舊冰，好似依緊紫米冰甘樣樣，同想像中既好香好滑既紫米露好有出入😂 我叫佢下次都係叫熱啦！

呢間中式糖水店係我既最愛，由中學時期已經成日黎， 今晚喺九龍城食完飯，就同咗朋友黎食啦。我每次都係叫腐竹薏米清心丸。味道唔會話太甜，啱啱好。呢度嘅清心丸真係冇得頂，十分好咬口 ，之後比左一粒朋友試，佢都話好好食😂😂😂而朋友叫既紅豆沙加湯丸都話味道不錯，有果皮的甘香味👍🏻👍🏻👍🏻

本來想食 勁回味 ，但休息🥺所以趕 1am前去 合成糖水 ..好在打電話去話 12:55am去到都得🥳🍧食翻碗熱既 #馬蹄沙清心丸 ，琴日浣膠後要 #養生.... 講真係身1次食熱既馬蹄沙，原來又另一番風味！加上清心丸煙煙靭靭，大家中意可以加2粒湯丸但Vienn就覺得咁就夠...小公主最識補叫 #蓮子雪梨海底椰 原盅燉，夠哂熱新新，雪梨切到1粒粒，小朋友怕熱但又易食到🍧蓮子又大粒又粉😍 潤肺👍🏽👍🏽👍🏽...講真好多時想食中式糖水必到合成，唔會失望...潮洲糖水已成心中最愛

上星期六落九龍城，幫襯下久違咗嘅合成、叫了一碗蓮子綠荳清心丸三十六元，'d清心丸有幾粒好似漿糊，有幾粒似擦子膠。重話自己係潮洲人，咁簡單嘅清心丸都做唔好，d蓮子又硬，冇下次

最鍾意依間中式糖水佢嘅清心丸係最好味！之前食過馬蹄清心丸，好清新唔太甜，清心丸超有口感今次試腐竹糖水清心丸，清心丸仍然冇令我失望，Keep到水準！不過價錢貴左好多，如果好味都值得嘅！

係太子食完晚飯，雖然好飽，但永遠食甜品都有第二個胃於是我就特登行去九龍城，就係為左食合成糖水。相信好多人都有試過合成糖水，亦都知道合成糖水好出名，幾乎外國同日本雜誌都有報道過。雖然糖水價錢略貴，但係糖水質素的確係真材實料，俾都俾得有價值。黎合成糖水其中一個主要原因就係食清心丸，據聞清心丸係老闆自己研制，個種QQ彈牙的口感令人食完覺得好幸福可能因為我係煙un控，對所有煙un食物特別鍾意，例如珍珠、清心丸、芋圓。清心丸只有六粒，實在唔夠喉，對於煙un控黎講，下次一定要雙份。今次我叫左紅豆沙配清心丸，價錢$31。落單時候姐姐問我加唔加蓮子，口快快叫左加。但係原來加蓮子要多$10，價錢比較貴，不過蓮子數量都好多。下次再試下清心丸加其他糖水！

今晚食完飯～開車返屋企途中～醒起9龍城有間潮州糖水舖～就特登轉入去買d甜品俾爸媽食啦～我媽咪洗潮州人～以前婆婆自己成日煮清心丸俾佢地食～其實清心丸有d似白玉咁～qq冇咩味咁～但又好好味啵我爸媽想要黑糯米清心丸同紅豆沙清心丸～等左一陣就走得啦～所以有車都5需要太擔心～味道係好香～但根據我媽咪說法～佢個清心丸整得太大粒～所以冇咁好味～而價錢我都覺得有d貴～Overpriced～不過個糖水係好飲ge～希望佢一直保持水準啦～

今晚同朋友在九龍城食完晚飯，當然一定要去食（合成糖水），20:30左右不用上樓上坐，平時夜晚大排長龍，一坐低不用想叫了腐竹蓮子加清心丸，朋友選了勁薑蕃薯糖水。1.腐竹蓮子清心丸⭐️⭐️⭐️⭐️腐竹勁多香滑，蓮子多入口即溶，清心丸煙煙韌韌。美味非常。2.薑蕃薯糖水⭐️⭐️⭐️蕃薯🍠好好味好甜，薑味就不是人人可以接受，超勁，本人就頂唔順🥺，但朋友確好美味。合成還有好多不同選擇，所以去九龍城我一定會食，但多數都只食腐竹蓮子清丸來吃🤤🤤回味指數⭐️⭐️⭐️⭐️⭐️

支持咗好幾年嘅糖水舖，雖然去九龍城唔係咁方便，但間唔時都會特登過去食碗糖水😋呢度賣嘅係潮州糖水，雖然無坊間嘅甜品舖咁咁多花款，睇落大大份嘅餐牌其實都離唔開紅豆、綠豆、蓮子等等嘅組合。最鍾意呢度嘅糖水有冰糖嘅清甜，而唔係死甜，食哂成碗都唔會覺得膩。《蓮子紅荳冰》每次嚟都係叫呢碗，蓮子又甜又棉，出面好難食到咁樣嘅蓮子。同時，紅荳又夠香，仲有啲碎冰，呢度啲紅荳冰真係食埋啲冰，所以夏天食真係非常清涼☺️❄️雖然糖水嚟講唔算平，但有咁嘅質素絕對值得👍🏻✨

喺九龍城食完飯就順便食埋糖水先返屋企，見呢間唔使等位一於試下佢D糖水啦！佢係買中式糖水，選擇都有好多，不過相比起其他中式糖水舖價錢就貴左少少啦！清熱百合綠豆清心丸 $35甜度啱啱好，而味道就唔會話好特別啦！都係普通味～腐竹薏米 $31腐竹同薏米都煲得幾腍，口度係唔錯！蓮子百合柿餅 $34我都係第一次食糖水係有柿餅喺入面嘅，柿餅甜到十足，但放入糖水入邊有唔會過甜！唔錯～總結來講我就覺得呢間糖水舖正正常常，但價錢小貴，CP值就唔係咁高啦！🙂

好耐之前食過一次，成日心思思想再食佢嘅清心丸！今次食完晚飯經過就忍唔住要再食！上次試話佢嘅雪耳蓮子清心丸覺好好食好清爽！今次心血來潮好想食紅豆沙，就叫咗碗熱紅豆沙清心丸。清心丸依然係我好鍾意食煙煙韌韌嘅口感，份量都幾多但碗紅豆沙就突然太甜，食到一半會覺得好漏好想飲水，如果冇咁甜就完美😭😭因為其實佢嘅紅豆沙煮得幾好，又夠綿密同真係好沙沙嘅口感！但係我諗我下次都應該會食返雪耳系列，好似同清心丸夾啲！

九龍城除左食泰國野之外 我仲會唸到合成 今次食完飯之後去左食糖水 清心丸係我必定會加 今次叫左綠豆邊清心丸馬蹄爽 但係今日我覺得佢d 清心丸好似怪怪地 好林 唔似平時咁有口感 希望下次會正常返啦 傳統店要保持水準吖

晚上同朋友在九龍塘睇完戲，時間尚早，決定去九龍城合成食清心丸，開車過去，不到10分鐘就到了，果然街上泊滿車，好多人。等了一下才有位。第一時間點綠豆邊清心丸，服務員提議我們雙拼馬蹄沙，加奶。上枱就後悔加奶了，看不到綠豆邊，心目中的綠色。不過吃著挺有趣的口感，特別是清心丸好煙韌。不過想再吃湯丸就覺得貴了，40元才2粒，只好作罷。

每次去親九龍城食飯都一定要合成糖水，今晚都唔例外 😂今晚食早左，唔使上樓上，坐左個自私位，二人打橫坐。😛餐牌依然係千年如一日，有少少亂但總會搵到自己想食咩既，而我就一貫作風叫熱食，腐竹意米清心丸 😍 雖然岩岩食飽飯，但糯米口感既清心丸都唔會食到好飽好濟嫁，因為女仔有第二個胃俾甜品 🤣 個腐竹超綿，好正 😆朋友食左紅豆沙，非常非常沙，紅豆味好出好香 😊