潮州合成甜品

營業中

休息中

已經想了很久的一家店，終於在週末看完病後嘗試啦，感覺點的兩個都有點像了，不過很好吃，更喜歡清心丸，QQ好好吃，馬蹄沙也很好吃，比較的新鮮爽口，很喜歡這樣子的老店，有人情味

第一次試潮州甜品，個menu好多選擇，揀到眼花撩亂，都唔知食乜好🤣🤣🤣最後揀左佢地個王牌甜品，冰花腐竹雪耳清心丸，有熱或凍揀，我就揀左食熱，價錢為36元，都好大碗，好抵食！第一次食清心丸，清心丸可以解毒，食落去咬勁十足，超yin un，勁足料，裡面仲有勁多粒！未試過不妨去試下，食落去個感覺好得意

Kowloon City has loads of hidden gemsChiuchow sweet soup as weekend cheat meal One thing I like is you can mix and match to cater your own sweet soup from the traditional Hong Kong-style ingredients including cold lotus-seed, coconut jelly and green beansBut the base is too watery and you barely tastes the coconut in the coconut sweet soup. Linda plain

綠豆邊清心丸($35)-綠豆邊 即去皮綠豆 !!!!!真材實料 糖水唔會好甜 微甜 ~~!爽滑 有豆香~~~~~~~!!!!!!!清心丸像蒟蒻煙煙韌韌 幾有咬口口感很棒 不過無味的~~~~~~~~~~-清心丸份量不多 (((((((((((((((((((偏貴 性價比唔高~~~~~~~~~~~不過去開九龍城 又想食清心丸!!!!!我都係會去合成哈哈~但普通中式糖水/ 甜品 去其他會比較抵食~~~~~~

出街食完晚飯總係覺得要食返碗糖水先完滿合成都幾出名，咁岩附近食完晚飯就黎試下，朋友話清心丸最出名 不過我個人都係鍾情於雪糕，所以最後我叫左黑糯米新地，黑糯米同椰汁真係好夾，佢個黑糯米煲得岩岩好，再配埋雪糕，涼浸浸又甜甜地咁好正朋友叫果碗我都唔記得係馬蹄沙定綠豆做底，我試左佢一粒清心丸，無乜味，好煙韌然後我就話，類似珍珠 d frd 咁，其實應該就係薯粉搓成，只係無加黑糖。但係朋友就話，邊有咁簡單薯粉做呀？最後我上網查，真係薯粉搓成，哈哈簡簡單單既材料，但係亦係好味道

性價比指數: 🌕🌕🌕🌕🌕好味指數:🌕🌕🌕🌕🌕服務指數: 🌕🌕🌑🌑🌑環境指數：🌕🌕🌑🌑🌑.我地呢加成日都會食西式甜品，食中式糖水好似少之又少。唔知你地又有無食過呢間係九龍城歷史悠久既潮式糖水舖呢？.-.✦腐竹薏米清心丸 $35.-.✧ 腐竹薏米清心丸（凍）我黎呢間糖水舖既唯一目的，就係清！心！丸！大大粒、煙煙韌韌，食落真係勁爽、好鍾意。非常多腐竹，一片片舖滿整碗糖水，非常足料！但，如果你鍾意食煲溶曬既腐竹糖水，咁佢就未必岩你口味喇。畢竟蘿蔔青菜，各有所愛😜.❖評份：🌕🌕🌕🌕🌕.

我呢嘀半個潮州人，緊係撐自己人啦！同香港我真係只鐘情佢嘅清心丸～佢重有個特色，你鍾意點拼都得！我有時都食得好偏㗎！紫米露+綠豆邊+清心丸，連老闆聽到都打個特！如果係打個特價就好啦！不過唔好講笑！你敢拼，佢咁整！同我覺得咁拼堅好食！係飽肚嘀啫今次叫返個大眾口味俾你欣賞下啦～百合，綠豆邊，清心丸！你睇下！嘀清心丸幾晶瑩剔透！煙煙韌韌唔嗌清心丸？等如見到吳彥祖唔合照！之後呢個都熱門呀！柿餅，蓮子，清心丸，不過我唔食凍丫！佢凍嘅糖水係直接落冰，會攪到成碗凍飲咁！如果你食得快猶自可，慢嘀溶哂就水汪汪，總之要同時間競賽！呢個就比較平凡，馬蹄爽，簡簡單單，舒舒服服。佢呢度嘀料係整好哂㗎啦！總之好似你嘅人生咁！想加咩就加咩！可以咩都唔諗揀佢安排好嘅，亦可以左拼右拼！拼成點都好！都係自己揀嘅～好食唔好食，都係自己鍾意嘅野！信自己！無憾

附近食完晚飯仲未飽，緊係食返碗糖水先！同男朋友好耐無食過中式糖水，咁岩又經過合成糖水，就試下佢～呢日去唔算多人，唔洗等位就入得去坐，不過得見都有幾多人叫外賣返去食。得地唔係住附近，所以直接到店用餐。環境方便唔算太整潔，入到去就有人幫我地抹乾淨張枱，再慢慢簡食咩👅其實呢度都幾多款糖水簡，而清心丸比較少見，所以我就叫咗碗熱百合蓮子清心丸，個人認為有啲名大於實，清心丸煙煙韌韌，幾有咬口，口味偏淡，但份量其實不多，性價比唔高，不過不失，中式糖水嚟講都偏貴⋯

咁啱揸車經過九龍城，又想食傳統糖水，就諗起合成甜品。想當年中學喺九龍城，成日放學一班同學過嚟食，甜品舖嘅裝修幾十年不變，真係一個充滿回憶嘅地方！今次叫左兩款中式糖水:木瓜川貝燉雪耳加清心爽、潮州綠豆清心爽。綠豆清心爽既甜度啱啱好，凍食嘅話會加冰所以唔會太甜。但木瓜糖水就偏甜，唔鍾意太甜嘅話，會建議食凍上，加冰後效果好好多。唯一要彈嘅地方係，舖頭整潔程度麻麻，坐得唔係太舒服，所以食咗10分鐘就走人。

每隔一星期都會黎食一次，都算佢地既擁躉次次都會食「冰凍芒果西米涼粉珍珠丸」。如是者，今日17/3(二)又係叫左碗冰凍芒果西米涼粉珍珠丸，食食吓，一潑開發現下面有好多蟻。同店員講，店員不但無講唔好意思，仲一副不屑既態度問，轉乜？大佬啊，要諗㗎，仲係到催三催四問人要乜一分鐘後，聽到隔離枱都係嗌冰凍芒果西米涼粉珍珠丸，又係有蟻要換！明白到糖水鋪，始終係有甜野會惹蟻，但一枱又係咁，兩枱又係咁，衛生有待改善。本身真係覺得一隻蟻算數，點知成碗都係，仲要俾個店員黑面催黎催去。以後唔會再黎，要黎既人睇清楚有冇蟻，有蟻都要俾人黑面㗎啦

好鐘意食呢間糖水，但次次都令我失望，次次都比漏配料！有次比漏蛋，有次無薏米，堂食阿姐比返就算，外賣都係咁，拎到返屋企，碗嘢得返腐竹同清心丸。。。外賣已經細碗d， 打開嗰陣啲失落感，直頭想掉咗碗嘢。唔止一兩次係咁，係咪我真係咁黑仔？

合成糖水係一間老字號糖水舖所以今日經過九龍城朋友特登帶我嚟試吓糖水嘅價錢中上至高舉個例，一碗川貝蓮子雪耳燉木瓜一般嘅糖水舖都會食得到但係呢度食嘅話要成$55所以即使又好想食都覺得卻步因為呢個價錢我係出面食多一餐飯紅豆沙 $27潮州綠豆邊清心丸 $35所以我哋叫咗兩碗平平哋嘅試吓首先講吓紅豆沙紅豆沙煲既時間都算耐而且都煲到起起哂沙一般酒樓都食到嘅質素不過紅豆沙黎講你同我都一樣好容易報到呢個質素所以味道唔能夠令我覺得有驚喜至於綠豆邊清心丸綠豆同糖水嘅味道都好淡又唔係太甜食唔到有啲咩味講真我係第一次食清心丸所以不禁有啲期待但原來清心丸只不過係一粒糯米因為糖水本身唔甜再加上清心丸冇咩味道所以成碗糖水整體來講就係冇乜味最後我將啲清心丸放咗落紅豆沙到自製紅豆沙清心丸不過我去過潮州點解都唔見有呢款糖水買嘅？糖水舖嘅環境好舊式所以其實都算特別不過我見到姐姐一路食蘋果一路剝雞蛋殼感覺就不太良好了大家如果想是的話留意番開門時間係下午三點太左去嘅話會摸門釘

一早係觀塘食完飯，專程落九龍城食糖水，搵到間比較舊式既潮式糖水鋪，時間大概係8點左右，但已經好多客，初頭要搭枱，後尾有二人枱，我就轉左過去。不過發現張枱唔係幾平衡，要小心。好啦，講返食物，我地一共嗌左兩個糖水。腐竹薏米清心丸($35)好香好滑好多腐竹，糖水本身都唔算甜，係糖水入面既清心丸為依碗糖水帶來甜意，我比8/10分佢，好味道！其實我係第一次食清心丸，佢既口感唔似芋圓，有啲唔同，清心丸食起上來好夠甜度。凍紫米露（$33）我朋友唔太鍾意依個紫米露，入面一舊舊冰，好似依緊紫米冰甘樣樣，同想像中既好香好滑既紫米露好有出入😂 我叫佢下次都係叫熱啦！

呢間中式糖水店係我既最愛，由中學時期已經成日黎， 今晚喺九龍城食完飯，就同咗朋友黎食啦。我每次都係叫腐竹薏米清心丸。味道唔會話太甜，啱啱好。呢度嘅清心丸真係冇得頂，十分好咬口 ，之後比左一粒朋友試，佢都話好好食😂😂😂而朋友叫既紅豆沙加湯丸都話味道不錯，有果皮的甘香味👍🏻👍🏻👍🏻

本來想食 勁回味 ，但休息🥺所以趕 1am前去 合成糖水 ..好在打電話去話 12:55am去到都得🥳🍧食翻碗熱既 #馬蹄沙清心丸 ，琴日浣膠後要 #養生.... 講真係身1次食熱既馬蹄沙，原來又另一番風味！加上清心丸煙煙靭靭，大家中意可以加2粒湯丸但Vienn就覺得咁就夠...小公主最識補叫 #蓮子雪梨海底椰 原盅燉，夠哂熱新新，雪梨切到1粒粒，小朋友怕熱但又易食到🍧蓮子又大粒又粉😍 潤肺👍🏽👍🏽👍🏽...講真好多時想食中式糖水必到合成，唔會失望...潮洲糖水已成心中最愛