潮州合成甜品

營業中

休息中

很懷念合成潮式糖水的味道。難得經過九龍城，明明已經飽肚都想食一碗。合成糖水口感依舊豐富，好似車仔麵咁可以有很多不同的食材組合，總有一款岩你口味！價錢跟以前差不多，仍然是30幾一碗。糖水略甜，假如可以減半糖會好好多。清心丸非常煙韌，自己係無辦法煮到呢個水準！總括來說，食得開心，因為這裡吃到懷舊地道嘅味道！

消暑必選【蓮子綠豆邊馬蹄沙】🍧話說𝚅𝚒𝚎𝚗𝚗食咗 #合成 咁多年都係好專一淨係食 #馬蹄沙清心丸🍡 百吃不厭❤️ 但最近氣溫高達📈 𝟯𝟲度....真係要清熱下火..特別成日食辣吃🥵所以肥仔就買咗.......🍧 #蓮子綠荳邊馬蹄沙〰️蓮子有維他命b, c ,鈣仔，仲有安睡寧神之用，所以好啱有失眠同埋減肥人士之選〰️綠荳邊...就清熱解毒...d好似𝚅𝚒𝚎𝚗𝚗嘅夜貓💤就啱晒〰️ 馬蹄沙....清熱解毒之餘仲可以降血壓🥶好消暑.🍧夾埋細細粒嘅沙冰食落口...wow真係好消暑🤩 特別適合去完沙灘🏖️郊外活動🚣‍♀️⛹🏽⋯⋯男女老幼都非常啱食..📌 潮州合成甜品 (九龍城)📍九龍城龍崗道9號地下

叫左一碗綠豆邊清心丸（細個碗38蚊），同埋一個綠豆邊蓮子百合薏米（大個碗53蚊），無味奶水佔左2/3，兩碗糖水夾埋91蚊，伏到一個點，啲料係1/3左右都唔知有無，淡，無味，細碗，唔知點解咁貴，起碼3十幾一碗，上次食無咁差，今次食完唔會再返轉頭。純粹覺得名氣過大，普通的舖頭都無咁稀，唔會咁淡，淡奶水真係好伏。仲要好大牌，啲阿姐係次次都西面的，我好少俾咁差評，因為落差好大，附近有其他選擇，想試下名物但真係好失望呢。

同朋友去開九龍城食泰國菜，佢就推介我去呢間傳統中式甜品店食糖水。第一次去呢啲舊式嘅糖水舖，見佢有好多款式，都唔知揀邊款好，最後就揀咗番薯糖水加清心丸同湯圓, 而我朋友就上咗紅豆沙加蓮子。佢哋調返轉糖水好夠薑味，可能有啲朋友會覺得好辣，但我都接受到，至於配料方面，佢哋嘅番薯揀得幾好，無根，而我幾欣賞佢哋嘅清心丸， 呢樣配料好少喺出邊食到，識落煙煙銀銀幾好食！湯圓方面就中規中矩，你唔會太厚芝麻味都好足夠。至於我朋友叫嘅紅豆沙，紅豆都俾得好足，食我亦都唔會太甜，蓮子亦都煮得啱啱好。總括嚟講我覺得呢間中式甜品店幾高質，如果冬天嚟食就更加好，食完個番薯糖水成身都暖笠笠。

食完晚飯突然好想食糖水男朋友話帶我去九龍城呢間好出名嘅糖水舖食甜品， 究竟有幾好食呢我都抱住好期待嘅心情想試吓～個menu真係有好多選擇，花多眼亂 成幾十樣糖水 我哋揀咗好耐都唔知食邊款好，淨係想每款都想試下，哈哈哈最後一人揀咗一款凍嘅糖水熱辣辣嘅天氣食番碗透心涼嘅糖水 真係好爽我嘅係 44.冰花蓮子雪耳清心丸男朋友嘅係 51.冰凍菠蘿馬蹄沙一上台真係o咗嘴，我冇諗過會咁鬼大碗哈哈，心諗～咁多點食得曬我碗糖水加冰加奶，冰就有好多真係夠曬凍，奶都有好多，撈勻嚟食勁大陣奶香味啱曬我呢啲鍾意奶嘅人啲雪耳真係超級爽口，食落去索索聲勁爽脆㗎！ 蓮子亦有勁多，食得出好新鮮清心丸亦有好多沉曬底，每一粒都好大粒 好煙韌超彈牙， 咬落去彈下彈下好有口感男朋友呢碗菠蘿馬蹄沙都好好味 啲菠蘿又係沉曬底，有好多塊每一塊都好大嚿，亦好甜好爽好冰凍

 綠豆邊清心丸 $35 綠豆邊 粒粒分明 綿得黎保留到少少咬口🉐 清心丸 好煙韌💯有嚼頭 同芋圓、珍珠相比， 會少左飽濟感✅必食😻 椰汁黑糯米清心丸 $37 黑糯米 份量頗多 軟糯唔過甜👌🏻 擂沙湯圓 $30 有五粒芝麻湯圓 🍡湯圓煮得太耐 無口感可言 好痴牙😥花生🥜同糖粉唔會好甜 但係都唔太建議試 除非中意食漿口粉團🥴 整體而言， 糖水甜度掌握得恰到好處 ⚖️唔會過甜 選擇眾多 配搭自由度高👍🏻係現時比較少有既傳統糖水舖 值得一試🥳

都有一段時間冇黎呢間潮州糖水譜，每次來基本上都係一定會叫清心丸，只差在用乜嘢配搭，究竟係就咁綠豆定係綠豆邊，又或者加唔加蓮子，諗起都覺得開心。不過今次幫襯，明顯少咗好多人，唔洗等又唔洗上角樓，唔知係唔係同佢d糖水質素下降有關呢？先講我最鍾意嘅清心丸，以前外脆內煙韌，今次就成pat野咁，朋友點的白果腐竹蛋，似乎稀咗少少，無諗過最基本嘅經典糖水都失手。希望今次純屬個別事件，係我唔好彩，因為呢間真係我心目中No 1的糖水舖。

呢晚同朋友係附近食完飯, 意猶未盡，再搵地方食糖水!咁佢呢, 就推介我食呢間~佢話呢間潮州合成甜品好多年歷史,佢想當年學生時代回憶, HAHA一入店內, 好懷舊FEEL~睇MENU, 糖水都好特別, 好少係出面見到的~我好多都未見過, HAHA,好似有D糖水, 有柿餅! 真心特別!!同埋朋友話我知, MENU上有既野都可以任意配搭~唔一定要跟佢既配搭的~但我地最後就食我朋友推介的:馬蹄沙清心丸~我食凍的, 朋友食熱的~朋友仲加左雪耳!我第1次食清心丸同馬蹄沙的~我想講, 真係好好味!!我本身都好喜歡食馬蹄糕個D, 呢個馬蹄沙都有粒粒馬蹄有咬口, 味道好清甜~然後清心丸! 好煙UN! 口感好好!我真係好喜歡呢!我之前要再帶另一半再來食過!!

每次食呢間糖水都會叫佢嘅招牌“清心丸”，食落煙煙韌韌係大嬸最鐘意嘅口感🤗。今次就叫左個熱嘅綠豆沙加清心丸，估唔到熱嘅糖水啲清心丸都唔會淋咗👍🏻，個綠豆沙都唔太甜。大叔就叫咗個腐竹雞蛋糖水，大嬸不嬲都麻麻地呢款糖水，不過都試咗一啖唔係好甜，同埋腐竹都好多。鐘意食煙韌嘢嘅推介你要去食清心丸😋

隔離食飽飯唸住食下糖水，坐低叫左三碗糖水，其中蓮子百合雪耳清心糖水，找不到雪耳，糖水只食到冰味，成碗野係無味既雪水。百合仲係黑色的，無洗乾淨，離曬譜。碗野感覺真係好求其，另外兩碗算正常沒有特別，不過食完有點不適，似d冰唔乾淨無服務可言，個啊姐定唔知老闆好趕客，食完嫌你阻埞叫你快啲行出去，嚇人的態度。睇下其他comments,原來有人有相同經歷，早知就唔再黎啦.以前食過幾次，之前都唔見得好服務，不過食碗糖水姐，但未至於趕客，現在又難食左，你食完再企係間店等埋單都嫌你阻埞，唔推介了

第一次試潮州甜品，同平時見開嘅中式糖水舖啲選擇都有啲唔同，幾新奇。揀左蓮子雪耳百合，唔會太甜得黎係清甜🥰食落覺得好健康，蓮子尤其驚喜因為好腍好甜🤩另外加左2粒芝麻湯圓，湯圓就無乜特別有機會都想試埋其他😋😋鋪頭好舊式，有種回到過去嘅感覺🤣

香港地痞式既糖水舖真係買少見少，難得嚟到九龍城，一定要去合成糖水嘆返碗中式甜品，特別以前喺呢區讀書，零舍覺得有人情味。我哋叫分別叫咗兩碗糖水，第一碗係綠豆邊清心丸馬蹄沙，清心丸食落好有咬口，煙煙韌韌，係呢種秋高氣爽嘅日子裏面，暖笠笠嘅馬蹄沙加添左一份滋潤，細細粒爽爽嘅馬蹄，加上煮到好淋身嘅綠豆邊，提升左成碗甜品嘅層次。第二碗糖水係腐竹糖水雞蛋再加清心丸。腐竹雞蛋口味濃郁，腐竹味道清甜，配上清心丸爽口彈牙嘅口感，令整天嘅心情變好。人情味嘅店舖現時真係越來越少，所以大家如果想回味一番，不妨到此一遊！

食完晚餐好想食糖水, 就揸車去九龍城食合成。九龍城真係幾點鐘去都係咁多人! 想搵個位泊車都有D難度呀~我次次黎都係食腐竹薏米清心丸,今次黎到想轉下食另一樣。但睇哂成個MENU 最後都係照舊。哈哈!真係好想知道清心丸係點整。我本身中意食QQ口感既野(例如芋圓)。所以清心丸都係我既最愛!朋友分別叫左蓮子百合清心丸同潮州綠豆邊清心丸。我堅持我果碗係最好食。宜家D舊式既中式糖水真係買少見少。雖然佢賣得有些少貴。不過真係好好食呀!如果親民D既價錢就PERFECT啦~ 佢既TURNOVER真係好快。我地3人行, 15分鐘就完成左自己碗糖水!

本人從未寫過食評，呢碗嘢衰到我要出聲，老公買糖水返嚟俾我同奶奶，我食先，一路食一路發火話，奶奶覺得我誇張，到佢食嘅時候，食咗一啖就陪我一齊話。。。溝冰塊嘅糖水，我第一次食咁多冰嘅芒果西米露，淡到好似飲水咁，超薄切芒果，仲要酸嘅，成94蚊兩碗。。。咁多好評，仲要九龍城區，真係好失望！

#糖水 #dessert #甜品 #中式糖水 #潮州糖水 #desserts 傳統糖水店,環境懷舊簡潔😂#雪耳薏米馬蹄沙 （26號) $35 熱騰騰的糖水飲落去很舒服，底下有一粒粒爽口馬蹄碎，還有甜甜的薏米，有不同的口感。#冰花蓮子雪耳薏米柿餅 （56號）柿餅 $39 涼透心的感覺～有很多口感，冰花好脆好好咬🤣柿餅甜甜ᶘ ᵒᴥᵒᶅ個人口味評分：7.5/10#food #hkfood #hkfoodstagram #hkfoodpic