潮州仔食堂 (已搬遷) 新店位置

好多時都行過呢度，佢外面好似封住咁，呢個地方完全唔顯眼，完全唔會入去，不過有次望望openrice，見到原來有驚喜，咁就過黎試試啦。呢度嘅招牌菜係白胡椒系列，咁就不如黎個白胡椒豬手啦，加河粉。湯底，絕對係白胡椒豬肚嘅風味，無論係豬味、咸味鮮味同白胡椒味全部都做得啱啱好，平衡到，唔會過辣或者胡椒味過重，好香噴噴。豬骨肉厚，美中不足嘅係豬骨肉唔夠淋，但味道好鮮。本來最擔心嘅係食完因為味精而口乾，點知，最後無。另外一提，食得辣嘅人一定要試試辣椒，辣椒油係自己炒，潮州味十足，香到暈，不過記得慢慢落，比較辣。

前一排雜誌上有訪問荃灣有間食腸粉同豬雜的粉面店，作為為食的我，當然要約埋三五好友去試一試，試完果然同其他粉面店唔同。首先讚下個湯底，唔會好多油，好有胡椒味，呢個時候或再凍少少食，正👍🏻👍🏻👍🏻👍🏻，食完成身暖粒粒。第二，豬手，外表睇好似無味的樣子，原來咬落去先知咁好味，豬手好爽，彈牙同埋好入味，唔錯。第三讚要係個腸粉，腸粉個漿調得非常好，一個滑👍🏻👍🏻，通常飲茶只有一條條果d腸粉，呢種腸粉真係好少見，同埋淋腸粉豉油甜甜地，唔會太咸，聽講d豉油仲係自己整的，果然有心機👍🏻👍🏻👍🏻

呢間系我第三次食啦!依然是好好味😋😋d店員好友善哦。所以一路食一路見住d食客入黎打招呼,大人小朋友都一入黎就招呼好似朋友一样,可見呢間店雖小卻很温暖!😆😆最愛佢ge白胡椒豬手同腸粉,胡椒湯好濃豬手爽囗,腸粉又滑又足料!正👍👍

作為一個潮州人 我見到佢招牌咪幫親下 又未試過 新開張應該唔會太差掛？點知一入去叫左 豬什麵$4x 加一碟小食 苟菜豬紅$15.首先評論豬什麵，佢個湯底係值得讚，因為係做到黑椒豬肚湯既味。但係全部豬什既係無味，根本係用滾水煮熟既，一d味都無。如果係同個湯一齊煮既話 唔會無味掛。最後，亦都係最火滾既係$15豬紅，佢竟然係得4磚豬紅比我。最重要既係，所謂4磚豬紅都係無味。真係唔會再去食，亦都唔建議人去食。用潮州仔呢個名完全無恥辱。

從不吃豬粉腸的我，走過荃灣德華街見到有豬膶豬粉腸腸粉，首先是驚訝，然後肚餓走進內裡。由於店子大膽，用粉腸做腸粉，我冒險一試點了加蛋的粉腸。粉腸切得小粒，入口爽口，而且豉油不鹹，值得一試。

以經好久未尚過原味的湯底和清洗得好干淨的豬雜真心 好吃，一般粉麵湯底吃很非常口渴，這間湯底不會有口渇情況，加上是胡椒做湯底非常好味道，可能也是我本人非常喜愛吃豬雜..........

誠實推介！白胡椒豬手麵！豬手好入味！放在湯裡面食到尾都唔會淡咗！好味！湯底感覺唔到好味精！我直頭湯都飲哂！因為老闆行埋嚟同我講好補架！用雞骨豬骨煲好耐架！美中不足係豬手仲有丁丁毛未處理好！不過尚可接受！餐牌選擇不多，不過勝在唔係周圍食到！價錢亦非常合理！希望跟住會加多少少選擇^_^！其他仲有即做潮式腸粉，出面好少食到！煎餃！豬什王！都幾出色！凍飲糖水自己加！所以不用叫小甜嗱！希望可以Keep到水準啦！走之前發現，原來有少量自家製火鍋料可以外賣！可以試試！

潮州仔開左幾個月啦!一直都想去試,今日放假終於可以去一嚐滋味了😋一入去店舖装修簡潔,枱與枱之間有一定距離,所以坐得幾舒服唔會覺得迫,而且呢度d員工好nice ga😆我最愛食腸粉,黎到緊系要試下啦!叫左雞蛋牛肉腸,腸粉真是好滑好味又大碟!加$7重可以食多舊胡椒豬手,真是第一次食呢種煮法ge豬手,口感帶少少爽口唔會太膩👍下次再去試埋其他😆😆

昨天經過這間店，雖然店內非常簡約，但是那位靚仔老闆非常熱誠招待，值得加分我點了1份豬什河加1份净豬手，湯底是粉麵檔的靈魂，潮洲仔就是做到湯底清而甜，這是我的口味，豬什亦非常新鲜，雖然份量有點少，所以我多點1份豬手，煲得時間恰當，軟淋淋，不會太硬而難以咀嚼，這份豬手必選，超好吃，再配上店内秘製辣椒醬，perfect match.原來此店新開不夠一個月，雖然有很多地方要改善，但此店老闆用心經營，值得推介由於老闆非常健談，所以忘記拍照

荃灣新開的一間小館，清湯牛腩食得多居然有一間清湯朱什，點了豬肺腸米粉，喝一口湯，湯底有著胡椒的香味，湯沒有油膩的感覺，豬肺洗得乾淨，價錢完全可以是街坊價。未來會是我常到的餐館。

荃灣區很有誠意的小店，不主張濃重的味道。老闆僱員待客友善。價錢非常公道，食物選擇有點特色，在這裏除了一般潮式丸類粉面，還可以吃到腸粉，豬什，韭菜豬紅，瑞士雞翼等食物。

好少在open rice 讚人，不過呢間潮式粉麵真係掂。湯底一陣白胡椒味，一飲就知堅野，價錢唔貴，本人已經成為常客。過黎幫趁可試下白胡椒豬手，河粉會比油麵好食好多。

湯底有胡椒豬肚湯嘅味道. 少有會係香港出現. 早餐/下午茶有潮州蒸腸粉香港少有嘅食品. 豉油係甜嘅好香口辣椒油係自家製嘅有豆豉. 好香口不會太辣豬什可能喺香港應該少有嘅產品係粉面檔裏面份量好滿足河粉融合一齊簡直完美. 再加上香港少有白胡椒豬手. 豬什. 老細小本經營好有誠意飲品沒有太多驚喜但係糖漿係自己落所以唔飲凍飲嘅時候唔需要話少甜老細又好人又健談地方喺荃灣旺區雖然佢哋做到五點半聽晚如果做晚市嘅話價錢合理. 坐得舒服. 氣氛很好

早幾日去食,點知食左閉門關,原來收17:30。今早終於可以一嚐,叫左雙拼粉麵,粉腸+豬手,嘩~D豬手淋度啱啱好,粉腸好好食,D粉腸入面仲有白色嘢架,好香。今次食完粉腸,下次要試下D腸粉,諗下都想食

一向支持小店反對大集團式的經營, 看著這間店從裝修到正式開業, 一心想去試一下。早上10點不用等位, 朋友是個腸粉控, 很期待吃到正宗的腸粉。餐單上選擇不多, 除了主打的腸粉外, 就是潮式面, 可以選擇款式。朋友點了個豬肉腸粉加蛋: 算是很滑, 米漿應該是現調的, 彈牙。我點了個瑞士汁雞翼公仔面, 沒有特別之處, 雞翼尚算入味。雖然支持小店, 但這間店的選擇實在太少了, 而且水吧的質素不好, 一杯凍咖啡沖得沒有咖啡味, 只有冰和水, 港式餐廳一杯好飲品是靈魂, 這點有很大的進步空間。