潮州仔食堂 (已搬遷) 新店位置

想不到是位比我更遲入職的同事，介紹我食這間在公司附近的小店<潮州仔食堂>，最近終於等到天氣稍涼，可以一試這兒最著名的白胡椒湯底。 這裡有多款豬內臟可供配搭，有豬脷，豬粉腸，豬耳，豬潤，豬血，豬大腸，甚至是少見的豬肺，豬心，豬黃喉也有提供，第一次試食我就點了個雙拼餐，豬肺加豬脷配米粉，另加一杯熱奶茶。 先來的是熱奶茶，茶味夠濃但奶味不夠重我不太喜歡，隨後來的才是主角雙拼米粉，先試一口湯底，雖是清湯底但十分夠味，胡椒香氣濃郁，辣度我覺得是中級頗為刺激，不過食食下慢慢我都接受得到，飲完整個身體更會迅間温暖起來。 配菜方面，我實在是許久沒食過豬肺了，我還記得小時候，爺爺嫲嫲久不久便會在家洗豬肺，洗得乾乾淨淨煲湯給我飲，但自從他們年紀老邁，都很久沒嚐到他們的手藝了。外出時也不太敢點豬肺，但<潮州仔>的豬肺洗得白淨，肉質綿軟細嫩，最重要是一點內臟的羶味也沒有，食得美味又安心。 另外的豬脷就比較靱，所以隨後再幫襯時就改選較少見的豬黃喉，白色片狀的豬黄喉其實是豬的大血管壁，入口滑溜而且口感爽脆很特別，和爽口的米粉十分相配，豬肺和豬黄喉，兩款內臟一軟一爽各有特

有日與朋友仔吃飯，言談間知道，荃灣熊貓酒店附近的沙咀道，有間 “潮州仔食堂” 唔錯，朋友仔籍貫也是潮州，筆者笑說: 食店你開？他笑答，當然不是啦！不過他們的出品做得唔錯。聽到一名潮州仔介紹一間潮州野，作為荃灣友，一定記在心裏。星期日放假，游吓游吓同愛人行過來找這間 “潮州仔” ，在沙咀道也相當容易找。中午時分過來，都算有唔少食客。由於假期，那是筆者早上第一餐，想試試他們的豬潤腸粉，殊不知 筆者 “咪咪摩摩” 當日來到食店已是中午時分，原來腸粉只是早餐時段才提供，算吧！反正過到來，隨緣吃其他。食店內的裝修有很多掛畫，豬豬很可愛。牆上的招牌菜，其實很吸引，可是早上第一餐，而且晏些和家人相約飲茶，唔可以吃得太飽。打開餐牌，店員了解我們想作早餐份量所需後，細心地建議我們吃自家餃子，一來可以配合麵食，二來單食餃子，不會太飽，這位店員相當細心 ，值得一讚。桌上配料自家菜腩和辣椒油，試得滿意還可以買走。牆上的時鐘寫著:要減肥嗎？和多張不同的豬豬掛畫相映成趣。白胡椒做得出色，所以那支白胡椒食客試食完也可買走。白胡椒 $48/ 樽自家製潮州水餃配油麵$30~自家製豬肉水餃，Size 細細 有五隻，肉鮮味

今日中午諗緊食乜好，經過呢度，發現未試過呢間，決定試下呢間潮州野。😁入到去大部分都係圓枱，要搭枱既機會都大，不過都叫坐得舒服。一睇到menu先知原來佢主要係食粉麵，以為有其他潮州野食。😅不過見咁多人食，有90%full，應該野食質素有保證。🤓佢主打食豬，豬雜愛好者好啱食，你諗得出既基本上都有，連黃喉出面好少見既都有，好驚喜！😍今次我就要咗黃喉同潮州出名既牛丸，首先個份量多（仲有啲黃喉係底）。第二要讚下既係佢個胡椒湯底夠特別，胡椒味好夠，食得辣既仲有胡椒俾你自己加，好味！😋仲有菜埔俾你自己加。👍🏼👍🏼

食左兩次，今日食第三次已經加價，幾個月就加價，好誇張！！野又唔係特別好食，又咁貴！價錢又唔寫清楚係餐牌，人地嗌曬野先黎講幾錢。無下次，一定唔會再幫襯！！！！！！

白胡椒豬手🐷早前裝修，有一段時間無食過再去食，啲豬手一樣無變，都係夠肉地，淋度岩岩好😋不過可能我食得辣，覺得胡椒湯底，都係不太辣另外價錢方面，就真係越食越貴，明白既⋯⋯加價，因為加租同食材貴咗～

陪朋友食佢想食嘅潮州皺皮腸粉，下午茶時間去到，餐廳無咩人。坐低叫左兩個下午茶餐，一個蛋腸餐、一個豬肉腸餐。第一次食呢種腸粉，見到佢係有菜連蛋或肉去整，同平時腸粉唔同，係幾特別。但佢用嘅係甜豉油，朋友略嫌佢唔夠香，佢建議可以加啲蒜香油，應該會更好，但整體都算係好味。我自己就覺得都唔錯，不過都係比較鍾意酒樓果種腸粉多啲。不過餐廳出面好似爆水渠，而且有陣味，有少少影響食慾，所以十五分鐘食完立即走左。😂

話說之前見過朋友介紹尼間餐廳 今次做完野就尼試下叫左個潮州王 裏面係潮式白胡椒豬手 我仲加咗豬腸同埋河粉😂😂 因爲得一個人食 無得系咁叫 如果唔系我會想試埋韭菜豬紅同潮式水餃🥟🙈 講返個碗面先！白胡椒湯底一流👍🏻濃郁胡椒味但又清清地，完全唔需要加任何調味料！ 豬手好有骨膠原一啲都鞋 豬腸好爽而且所有食材都好乾淨，一見到碗野就已經感覺到好有heart ❤️❤️好可惜個腸粉要下午茶3點先有，下次可以尼試下😋

因為係附近番工，經常都去，前一排經過，見門口貼住內部裝修，有點失望😞，現在已重開，所以即刻走去試下味道有無唔同左，好彩味道依然好似之前，一樣好好味，個胡椒豬手，無得頂👍，仲有佢地d腸粉，係即做㗎，我食開豬潤加雞旦腸粉，無得輸，不過佢地d腸粉只有早餐同下午茶先有，雖然份量好似比之前小左d,但口感滑，希望昵間小店可以繼續做落去，我可以有得食我最喜歡既豬手

早前朋友都介紹過，但由於地點偏遠，所以遲遲未嚟朝聖今日放假終於過到嚟試下啦！一坐低已經聞到好大浸胡椒豬肚味，好香好吸引睇睇餐牌，唔使諗即時叫咗個豬什王米粉試一試！此外見佢剛剛做緊下午茶餐，所以叫多咗碟潮式雞蛋腸粉。等左唔使10分鐘，碗米粉黎到，睇一睇有豬粉腸、豬大腸、豬肺等等。當然即時試吓個湯底先啦！好入味唔會太辣，胡椒味好重我特別留意豬大腸，冇沙洗得都幾乾淨，另一個特點，佢哋每一張枱都有自家製辣醬，白胡椒同埋榨菜提供配料一流，而且榨菜有辣有唔辣最終我成碗湯飲晒好足料！好好味！雞蛋腸粉方面，唔會太淋一夾就散，可能本身我太喜歡食腸粉，所以我覺得好好味同時間，我見到好多客人都食胡椒豬手由於得一丁友既關係只好下次再嚟試試佢

之前內部裝修，現在重新開業，味道依然很好，尤其是湯底，胡椒味十分重，招牌豬手米粉加埋湯底冇得彈，而且價錢合理，服務態度亦好，老闆娘好好笑容同禮貌，下次會同朋友一齊再去！！

因為住係附近關係 經常會過去食野 直至前排內部裝修 到近排裝修完再去 間餐廳唔知係咪比人頂手左 廚房樓面都唔係之前個班底 出菜十分混亂 野食食完杯餐飲都未到 而且腸粉味道大不如前 份量少左好多 好失望 相信我唔會再去

今晚因為兩個人都不太肚餓，就決定咗去食麵。有心食就食當然係有咁盡得咁盡，就嚟一個三拼麵，豬脷豬潤豬大腸，點知冇豬大腸，於是就變成豬脷豬潤鮮牛肉油麵，44蚊，加4蚊飲罐裝可樂。湯底可以揀清湯或者要胡椒豬肚湯，冇特別說明就係胡椒湯底。搵日要去試下早餐時段即做腸粉。

個湯胡椒味好出 , 唔會太咸 , 真係好好飲 , 要多蔥, 加少少辣油冇得輸 , 隨時可以飲晒雞蛋腸粉d蛋好足 , 唔會好似出面好多就咁掃層蛋漿就當加左蛋 ,  我老婆每次必點檯面放埋胡椒任你加 , 簡直係胡椒愛好者既天堂!!!!下午茶時段都係大約三十幾蚊跟埋杯野飲, 個人覺得幾抵食, 性價比很高已經成為常客, 第一次寫食評就係俾左你

這裏有我喜歡吃嘅豬內臟，所以同事推介我便一試了，豬粉腸、豬大腸其實係好難處理的， 這裏做的很好，不得不讚是他的自助調味料有榨菜、自家製辣椒醬，和四季豆漬物。另外我哋點了一個豬手，胡椒味超重，喜歡吃胡椒湯的我都喝光了

廣東人一向以最會吃、最懂吃、最愛吃而聞名🤤，特別是於食材處理上，總能把每種食材的優點都發揮到極緻👨🏻‍🍳。而當中，潮洲菜則以重湯輕油、崇尚清淡、注重養生等作特點。沙咀道的街角有一間以『潮洲仔』命名的街坊小店，不細心一點可能就會錯過了。雖然是小店，但裡面感覺不算太狹窄，加上店員態度親切，這都是我愛光顧小店的原因。😊每枱上都放有自家製醃菜，個人最愛榨菜~😋豬手豬紅油麵🍜：白胡椒湯底香濃暖胃，豬手皮爽肉淋，口感一點也不肥膩，可惜豬紅是以白開水煮熟，如果是以湯底煮的就完美了。🤔總結：豬手🐷真的值得一試再試！雖然餐牌選擇不多，但好的總是貴精不貴多嘛~👍🏼