潮州仔食堂 (已搬遷) 新店位置

早前有住係荃灣既朋友介紹我，如果去荃灣可以試下呢間 " 潮州仔食堂"👍🏻，之前比較忙🙈，所以依家先post 🤣今次叫左個"潮州王"=🐽潮式白胡椒豬手🐽一試就愛上😍胡椒湯底😋正👍🏻又吾會好辣， 豬手好味😋職員好細心會比個碗仔可以將豬手骨放落去。如果鐘意食🐽豬雜既朋友可以試下😉因餐牌有豬黃喉，豬心，豬大腸等等（我未試，但有機會都想試下豬黃喉），始終出面小有得食🤣

平時每次經過，都會比佢陣黑胡椒湯味吸引，今日收工終於有幸黎一試，佢個黑胡椒湯底果然係出色。出色ga胡椒湯底令碗平平無奇ga三併麵變得異常出色，湯底ga胡椒香味又重又辣，令人飲到停唔到口，加埋D新鮮ga豬肚，真係令人愛不釋手😍😍😍另外，店入面重有形形種種唔同ga豬內臟，好似豬黃喉丶豬潤丶豬粉腸等等……，鍾意食豬內臟ga朋友，絕對值得黎一試佢地整ga🐷內臟同e個非常出色ga黑胡椒湯👍🏻👍🏻👍🏻

今日 (13-7-2019 Sat) 同老公喺荃灣買嘢前食嘢,今次佢帶我嚟呢間食豬雜同雞蛋腸粉,我哋去到唔係太多人,坐嗰張枱啱啱喺冷氣機底,正.我哋要咗$28.00嘅雞蛋腸粉,飲熱奶茶$30.00豬粉腸腸粉,加$2.00要凍奶茶 ,而因呢排豬瘟關係,重未恢復正常價錢,所以要加$2.00,再要埋$29.00嘅豬肺油麵(要加$3.00).落完單,飲品好快到嚟,我覺得茶味唔夠,好一般,算吧啦,始終唔係茶餐廳,預咗.味道:1分然後其他嘢食都好快到嚟.雞蛋腸粉,腸粉造成扭紋,感覺賣相靚啲,食落,口感滑佐好腍,太腍喇,而且甜豉油重加埋蒜蓉,唔係咁啱我口味.味道:3分豬粉腸腸粉,同樣係淋上蒜蓉甜豉油,腸粉口感同味道同雞蛋腸粉一樣,豬粉腸口感正常地粉,但其實我唔係咁鍾意食呢啲嘢.味道:3分豬肺油麵,白胡椒湯底對我嚟講有啲哽,油麵爽口彈牙, 豬肺氣管較多,我唔係咁鍾意食到氣管.味道:3.67分然後我哋買多個$34.00嘅淨潮式白胡椒豬手外賣返屋企做晚餐.到晚俊時候煲返熱倒出嚟, 豬手得四件,夠爸爸食,但我都試一啖,好腍,白胡椒湯未入晒豬手內,所以唔會太辣,但啲黃牙白菜就入晒味.味道:3分抵食係2.8分

潮州腸粉鮮豬肉腸粉加雞蛋，加蛋要加錢！潮式腸粉一定要加雞蛋先夠香，加埋個甜鼓油就更加正鼓油入面仲加左蒜蓉用新鮮豬肉整既即叫即蒸腸粉夠新鮮唔會鞋，入面仲加左生菜多左個爽脆感仲要大大碟，食一碟已經夠一個早餐啦！鐘意食腸粉既不防一試！

店名：潮州仔食堂地點：荃灣沙咀道355號地下G/F, 355 Sha TsuiRoad, Tsuen Wan，電話: 28283561(1)            粉腸豬肺湯麵。 共一人享用本餐，合共三十三元。相信一般香港人對於潮州打冷不會陌生的，墨魚、紅腸、大脈雞，這間潮汕美食專門店卻另闢蹊徑，選擇一些香港人較少接觸的食品，不落俗套。食物的色香味如何：份量少至中，適合胃口小形中的食客。一般人皆知，豬肺和豬粉腸用作煲粥或煲湯，可是這兩種食物還可以有其他製作方法。最欣賞它的豬肺，完全沒有內臟膻味，而且色澤白雪雪，口感十分嫩滑；湯底清淡；粉腸咬感少許彈牙.食物的種類這裡有多款豬內臟可供配搭，有豬脷，豬粉腸，豬耳，豬潤，豬血，豬大腸，甚至是少見的豬肺，豬心，豬黃喉也有提供 ，此外，也提供形象像扭毛巾的潮式腸粉，是名副其實的潮汕美食專門店。環境：店舖呈鑽石形，只有約十數張檯。衛生：良好。抵食：價錢合理。下次來或會點選潮式腸粉。

一直以黎我都好鐘意食櫃桶式既皺皮腸粉，但係香港暫時未搵到一間最出色既。所以今次特登去荃灣諗住試下好唔好味，點知我夜晚黎到潮州仔既時候先知原來佢地晚市冇腸粉賣既，但一場黎到，我地唯有試下其他野。- 潮式白胡椒豬手+河粉 $34+$8眼看湯底白白地以為好清淡冇咩味，點知意想不到的出色，佢雖清淡同冇咩味精味，但胡椒味好重，辣辣地，豬手吸晒湯既味，不會有豬騷味，好林好滋味，很出色，推薦！- 潮式煎餃 $30即叫即煎好新鮮，餃子表皮煎過而又不會很厚，一咬過去入面的湯噴了出來，味道不錯，入面的肉也很多，可以試下。- 瑞士雞翼 $13很多瑞士汁，雞翼入味，肉質正常，不太特別。潮州小店的食物不錯，而且我仲未食到皺皮腸粉，所以會再返黎食！

呢間小店成為我最近經常幫襯嘅地方。因為佢嘅楜椒豬肚湯底實在太香啦！每次經過都聞到好香，自然成日都想去食！我呢篇食評係食過幾次之後所得哦！呢度主要係食豬內臟既，招牌係豬什王，佢包括好多一般餐廳無既豬內臟，有常見既豬肚、豬大腸、豬紅、豬膶、豬脷，但仲有少見既豬心、豬肺、豬黃喉，第一次食時真係大開眼界，我都未食過豬心豬肺呢！楜椒豬肚湯底好香微辣，啲餸仲好足料，款款都有兩至四件，好飽肚，想要加麵底加幾蚊就可以了！配埋枱面既白楜椒碎，真係好惹味！另一招牌係豬手，不過本人覺得呢度啲豬手無乜肉，只有豬皮，所以再幫襯都只係食豬什。呢度嘅潮洲式腸粉好滑，配甜豉油好好味，仲會有啲菜添！不過我至愛既豬膶腸就唔覺好多料，食過兩次都只有碎濕濕既豬膶，唔知係咪潮洲式係咁佢仲有加蛋既選項，不過唔覺得邊種特別好味。但夜晚係無得食腸粉架。煎餃就無乜特別，不過細細粒易入口。呢度瑞士雞翼都幾大隻，好入味，幾好既。仲有瑞士汁豬耳，爽口，略嫌份量少咗啲。除咗一般茶餐廳飲品，呢度仲有豆漿，可惜只有凍無熱既選擇。呢度仲有其他牛肉等既選擇，不過我至愛都係豬什，因為就腳又好味，會繼續幫襯既。

無無聊聊行吓街，肚餓食碗麵。多次經過呢間餐廳，都聞到濃濃的胡椒湯味，今次入去試食。裝修簡約，我喜歡。枱櫈，地下好乾淨。早餐主打腸粉，午餐食豬雜或豬手麵。叫了一碗豬手麵，一碗豬雜麵。我印象中枱上有榨菜？有白胡椒，有辣醬？俾食客調味。濃濃的胡椒湯味，豬手去毛功夫做得足，皮脆，肉味還可以。我唔太愛吃豬肉臟，除了豬粉腸，食得出係新鮮，好味。原來表情符號唔計字數，還有數十字才夠二百字，Openrice再降一降字數要求吧。總結一句，我再經過呢間餐廳既話，會再食白胡椒豬手粉麵。

呢間店只要食豬，🐷全部都係豬！先叫咗碗豬什米粉，俾足料，主要朱什仲有兩粒朱紅！但略嫌味道淡左少少，枱面仲有樽即磨胡椒！另外叫咗個下午茶，豬潤腸粉，呢個腸粉真係做得好好味，起碼啲朱润唔鞋，好滑，腸粉又滑！我會下次再嚟食下午茶，因為個腸粉真係好好味！

呢日係荃灣食個lunch, 係街口轉角位見到呢間潮州仔就入去試下啦! 平日中午去食都幾多人店入面圓枱為主, 人多大機會要搭下枱, 見到menu, 原來佢係食粉麵為主,而餸方面主打食豬。見到餐廳有好多豬豬擺設又幾得意。 今次就要咗黃喉,豬潤油麵, 因為出面少見啲。佢麵既份量唔少,餸都幾多下。個麵煮得啱啱好, 唔會overcook。而個黃喉同豬潤夠爽口,豬潤唔似其他餐廳又粉又實。加埋熱飲就$39, 我就要咗熱茶蜜, 佢用金屬杯, 個杯可以keep 住佢咁熱。飲落甜甜地幾好飲。

其實經過呢間舖幾次！每次見到貼喺門口腸粉啲相都有衝動想入去試食！好喇今日卒之的起心肝入去試食😤點知……腸粉喺係早餐時段提供😔我過咗早餐時段才去，所以錯過了！😭既然錯過了咪試吓佢哋嘅粉麵喇！我點了魚旦/牛筋丸河+煎餃子+豆漿老實講:魚旦/牛筋丸河係看似普通，但又係要有啲要求嘅！首先魚蛋真係普通到極，牛筋丸唔香口😑豆漿就係交嚟嘅行貨即一般又有防腐劑嗰啲！至於煎餃子以為佢哋自家炮製，點之喺"思念，"嘅餃子承惠$30盤！(點解知？因為見佢哋張啲紙盒掉喺門前嘅垃圾筒旁！)唉！😔佢哋真係要改下入貨喇！等我以為"潮洲仔"啲牛丸應該好正！點知有啲失望！唯有寄望下次早啲去試吓佢哋嘅腸粉睇吓喺咪真係咁差！

專食豬的小店；冇豬扒，只有豬什。未入舖已聞到一陣胡椒豬肚湯味道，一入店見客人不多（食食吓先諗到可能受非州豬溫影響！）一睇餐牌全豬選項，在心大心細之下選了豬肺豬膶米，另一半選了豬什油麵。反而湯底只有胡椒豬骨湯選擇。等咗一陣，先來豬肺豬膶，喝一口湯，夠胡椒，但不夠辣，再加桌上的自磨白胡椒，剛好！豬肺白淨爽口，豬膶看似煮老了，但食入口又不是！口感及味道很好！之後再來的豬什，性價比其高，$42包蘿萬有，店中的油麵非一般油麵，有點像上海麵似的。我本人較喜歡油麵。食後感：感謝小店提供豬肺，因為真的不常有，豬什中的豬黃喉，爽，大家可以試試，小店提供的白胡椒粉夠辢。如果喜歡內臟的話，可以一試。

鮮豬潤腸粉加蛋 $30+5雖然比印象中既潮州腸粉厚臉皮同冇咁皺 但依然係滑嘟嘟 好豐滿😛 仲加入左蔥花生菜雞蛋好足料 豬潤厚肉 爽滑唔鞋有咬口😋 粉粉地幾好食 可惜比較細碎 滿到瀉咁滯既甜豉油 諗住一定鹹到腎虧啦 好彩味道岩岩好唔會太濃烈 非常之夾😌 加埋辣菜脯同埋辣椒油更加正!!腸粉得早餐同下午茶先供應 價錢包野飲 胡椒湯麵好似都好好食

上個回合，因當天早上不吃那麼重口味，今晚收工坐巴士，巴士站在食店對面落車，遠遠看到潮州仔那螢光招牌，不由自主地行過去，很想吃碗豬什米粉，還個心願。晚上七點，食店唔算多人。“為食” 是沒有理由的，一坐下來餐牌都沒看，識途老馬地和店員點了一碗豬什米。豬什王配米粉$48~滿滿的一大碗, 相當豐富，包括豬粉腸、豬肺、豬心、豬爽喉、豬潤、豬大腸、豬肚⋯⋯第一啖當然是喝那胡椒豬肚湯，看得出廚師精心烹調，濃濃的，熬出滋味。豬什方面，只有豬心和豬潤覺得老身少少，其他的都很滿意，另外米粉爽口份量足，吃完滿滿的感覺。䁔暖胃，相當滿足。到收銀處付款時看到這cushion 相當可愛，最後記起愛人上次說那自製餃子唔錯，於是決定再買生餃回家給愛人。自製水餃 $35/ 16 隻。最後付款是$48+$35(生餃~16隻)=$83堂食加外賣，又食又拎，一樂也。

經過有間食豬既小店、自己一個人就走入去試下。平時好少地方可以食到豬內臟，所以就要試下！餐牌上面都好多選擇，有潮州腸粉！好想試下，不過我見胡椒湯吸引就叫豬肺豬利米。湯頭好飲，胡椒味夠而唔太辣！豬肺綿身但唔夠入味！如果可以入味就好啦！所以要額外點佢地辣辣油，辣椒油唔太出色。唔夠香，返而榨菜有驚喜任食味道都好好！而我覺得胡椒味唔夠、仲有自助胡椒自己加！ 因為我鐘意胡椒味！豬利做得出色，薄片夠爽又新鮮，食得出係新鮮貨。下次要試下其他野食🤪因為食太多內臟唔好，下次揀返特別野食！價錢唔太貴 可以再試！因為個湯係幾好飲👍🏻 飲完都唔口渴！