潮州仔食堂 (已搬遷)

第一次來，本來想堂食腸粉，變成吃了豬雜河，腸粉則外賣。叫了扣底，可否仍然太多。豬雜無異味，爽淋，但豬味比較單薄。胡椒湯，胡椒味淡淡，不會過濃，因為豬味已不濃，會太嗆。 榨菜及貢菜可隨便加上，貢菜麻辣配可粉一流。唯獨收銀姐姐，服務態度麻麻， 粗聲粗氣常呼喝，比較無禮…查看更多

個人好鍾意胡椒豬肚湯底嘅嘢食，呢間潮州仔! 叫咗一碗豬潤蘿蔔米粉，另一碗牛肉娃娃菜米粉雖然豬潤需要加錢，但非常值得，份量不算多但質素非常好，沒有粉狀飄起，食到豬潤嘅香味！ 米粉亦是我喜愛的！湯底配上自家製醃菜更加一絕！ 食得辣嘅一定要加啲包你話正！…查看更多

因為個湯底先至嚟試！呢間味道有鮮甜咪胡椒味，唔會一味死咸；普羅大眾都一定食到，但我呢啲胡椒愛好者就覺得胡椒再重手d會再正d！我飲哂成碗湯，超級暖胃！豬什王配油麵 $49周街有牛什，但好少食到豬什! 呢度處理得冇異味好乾淨；一碗有齊豬肺、豬腸、豬肚、豬心、豬肝、豬紅，每款清清地又保留到口感，豬肺、豬腸又入味。啲麵吸唒所有精華，特別好味驚喜𝟙 榨菜及麻辣貢菜爽口，咸咸辣辣，不知不覺會不停食🤣白胡椒豬手 (淨食) $36豬手爽爽地，咸香適中，感覺新鮮！！ …查看更多

今日來到沙咀道附近，發現了一間食豬什和即蒸腸粉店，而佢哋有白胡椒湯底，當然要試豬什先啦！我要了一碗三拼河粉(豬大腸，豬紅，豬粉腸)，首先三款食材處理到沒有異味，算新鮮乾淨👍，在味道上是偏淡可以食到本身的原來味道，豬大腸有咬口，豬紅結實但沒味，豬粉腸本身特別味道處理得很好👍算三款餸𥚃最好味的，而白胡椒湯底不突出算係一般，不覺得能將豬什更加提升美味🧐⋯⋯但不竟專門做豬什麵的地方不常見，如果喜歡的話也可以試試吧。…查看更多

屋企人鍾意食皺皮腸粉，成日都掛係嘴邊，今日就買個外賣返嚟俾佢開心吓啦🤣🤣呢間餐廳原先係得早餐同下午茶先有呢款腸粉賣，但因疫情關係，變相令到佢哋全日供應，真係有好有唔好🙃（個人係想疫情快啲完結㗎！！）豬肉腸粉加蛋$35今次唔係堂食係外賣，但腸粉口感依然滑溜，仲有些微米香，家人喜歡食呢款腸粉嘅時候加埋蛋，令到口感更加好。兼且腸粉裏面仲有生菜同豬肉，令成碟腸粉更加圓滿🤤另外佢哋嘅豉油，應該都係自家調配，豉油味偏甜，兼且帶點啲蒜味，應該仲有啲醋係裏面，令到個豉油相當有層次。…查看更多

有次過經呢頭～就比我發現呢間小店自此之後，我就成日黎食啦！因為我真係好胡椒湯底,而且佢地既胡椒湯底真係好濃好正~簡直滿足到我呢個胡椒怪魔!我最欣賞佢地既豬粉腸，出面好少地方有得食豬粉腸洗我好乾淨，完全無臭壓味豬粉腸好粉口，煮得好好～材料都新鮮佢地既貢丸都好食，唔似平價貨彈牙又足料～～推介！！！…查看更多

第一次食，感到遇上驚為天人的隱世食店。第二次食，引發我要寫食評讚賞嘅衝動！！豬雜，總會令人覺得下欄嘢，一文不值。但這店家竟只用清湯做法，可將豬雜發揮到極致，實在高手。坊間一般烹調豬雜，通常會用滷水做法，以花椒八角蓋其肉腥，提升可吃程度，但吃之無味只淨滷水。此家清湯豬雜配上白胡椒豬肚湯，絕無一般腥臭味外，更提升了豬肉嘅甜味。豬雜心肝肺腸肚豬紅各有特式，口感盡帶爽淋脆糯，並不是overcook嘅爛淋之碎肉塊。白胡椒豬肚湯更一絕，不止鮮味，辣味適中帶椒香，喝下暖胃舒暢，很適合配米粉吸其咸味。另外，豬手是另一驚喜，烹煮軟度適中，帶咸而不過，豬骨中含有軟骨髓，不是新鮮豬手很難會有，令我回想起食豬骨煲用飲管吸骨髓感覺，清湯煮豬手，都有非一般之水準！！煎餃，不過不失，是人手包法，但與豬手豬雜比下去了。榨菜及麻辣貢菜，簡直係鎮店孖寶！！ 榨菜咸鮮，貢菜麻香足辣度剛好，放少許落碗粉度，實在是畫龍點睛！！ 如果可以外賣咸菜，我會願意課金。店內放滿無數小豬，牆上亦掛有不同以豬作主題嘅畫作，畫風不一，但極盡意思。估計係有型格美女老闆係有d 藝術根基。最後，此店收晚上七點，好店係要有d 態度，大家要食好嘢就早d 去。…查看更多

之前講過我唔喺潮州人，唔知道潮州正統食物嘅味道，我喺比較膚淺，只能夠話好食同唔好食，啱我口味或者唔啱。呢個真係好味，唔去介紹下都唔得。豬什王(油麵)，餸係豬粉腸、豬肺、豬心、豬潤，樣樣都好入味又有鮮味，湯底係白胡椒＋豬骨湯底，味道又香又濃又鮮甜，油麵好爽口彈牙好味。呢間店嘅辣椒醬同埋菜甫，都係好正好好味，真係出乎意料得好緊要。檸檬茶都幾好飲。宜家喺香港食到豬什嘅地方越來越少，能夠有一間見到，我又啱時間，又有位食得到，更加係難能可貴。…查看更多

呢間店舖嘅賣點係豬嘅內臟同胡椒湯底食物方面，如果第一次黎嘅話比較建議叫豬什王店舖處理豬雜非常好，例如豬肺及豬大腸呢d比較難處理嘅部位，賣相亦非常靚仔，食落口不會有異味湯底方面，佢地嘅胡椒湯底亦都非常夠味，辣得過癮食唔到辣的話，可以叫清湯或者半清湯半胡椒湯不得不提係佢地嘅榨菜，加落碗麵度絕對有畫龍點睛嘅功效，不會有多舊魚嘅感覺環境方面，都OK乾淨假如只想淺嘗一下，可以係下午茶時間黎叫一個水餃麵，價錢都係31蚊包熱飲性價比冠絕荃灣…查看更多

潮州仔 呢間小店 每次見到佢地餐牌專門食胡椒湯底 都好想試 無奈咁啱次次路過都剛好食飽 哈哈～今次終於食到啦🥰是次叫左 雙拼河粉🍲胡椒豬肚 粉腸 湯河🍲一上枱 好大碗 😺豬肚 粉腸 洗得乾淨 無怪味 同胡椒湯 配合得好好湯底又清香 胡椒味好濃郁 食得出落足料煲湯底無油份 香濃胡椒味 又唔油膩 🤪份量好足 好多河粉 份量多到食唔晒😹呢邊近 荃灣工廠區 午飯時間較多人 如果唔想等位嘅大家 可以 2點後先嚟 坐得舒服啲闊落啲好寫寫下 想再飲佢地嘅胡椒湯😋😋…查看更多

讚1. 湯底係好既，夠胡椒辛香，豬內臟處理得好，肺、腸、肚、紅都做得好好，唔同野既質感都處理得出色2. 檯面既榨菜係幾好味彈1. 河粉唔得，散修修到一個點，煮得好差2. 豬肝太過熟…查看更多

個日凍凍地好想飲湯就同同事一齊去食呢間座位幾好幾乾淨有好多豬既野揀我叫左3餸（$40）豬紅豬脷炸魚片頭要胡椒湯佢檯面上有4樣野辣椒油-好香有辣勁醃柞菜-鹹脆辣青蘿白-呢個得意，好脆口仲有個白胡椒比你即磨😉好快煮好個面好香胡椒味飲落唔嗆口3餸唔會好似d連鎖米線鋪咁扣食材我數過豬脷起碼有6片（爽滑唔in)豬紅4-5舊(唔係散個種係qq既質地，唔腥）魚蛋頭2塊（呢個唔推）好食呀成碗食曬希望每星期都食到一次😉…查看更多

讚1.湯底係濃既2.內臟野相當乾淨，肺腍舌爽腸無異味，豬紅都滑溜唔散修修，係呢區相當難得彈1.湯底係濃係辣，但無胡椒既香味，其實都幾奇，明明都咬到胡椒粒，但修口係偏向辣椒既辣味而唔係胡椒2.唔同入味，所有內臟都係同湯底無關既…查看更多

成日行過這餐廳，都會嗅到一陣胡椒湯香味一直以為，這店只提供豬的食品，原來都有少許其他（如牛肉，牛丸，水餃等）叫左個豬潤，豬腸麵，湯底好香胡椒味，較辣，豬腸係冇醃過，但吸收左胡椒味，幾香同軟滑，豬潤爽口，唔錯呢度仲有三種唔同的調味，有辣椒油，榨菜，同一樽青綠色的辣瓜青綠色辣瓜，有少許麻辣香味，較辣，榨菜，較咸，中級辣度，跟麵一齊食，真係更加好味…查看更多

一早起身做完一大堆家務，已經好攰唔想郁，屋企人提意叫外賣，昨晚睇完美食節目介紹過雞蛋腸粉，搞到我都好想食，屋企人就叫左哩間潮州仔。潮式鷄蛋腸粉，蛋香加埋蔥係腸粉度，口感提升不少，附上既甜豉油汁係有蒜蓉，好惹味豬什王，湯底係胡椒湯，豬什好新鮮配埋湯底一流，我飲晒個湯有機會，我會去舖頭試下其他…查看更多