影片
更多
2017-10-06
108 瀏覽
走在車水馬龍的尖沙咀金馬倫道, 被一陣很香的牛腩香味喚醒了食欲, 先發覺又到晚膳時間, 夠鐘醫肚, 巡住牛腩香味去尋找, 見到我身處之位置的旁邊有間細細地門面的鋪頭, 個名叫”潮丸”, 於是不加思索即刻行入去, 咁香真係唔可以唔試下! 入到鋪頭里面, 間鋪唔算大, 但是非常的干淨整潔, 白色的墻壁下半部份鑲上了瓷磚, 明亮干淨, 餐枱及枱面醬料也是摆放得整齊有序, 令人感覺非常舒適.睇返個餐牌, 原來它皇牌是潮州滷水嘢, 仲有王牌牛丸, 墨魚丸及雲吞等等, 好多嘢想食, 但我至愛雲吞, 於是我叫了個淨雲吞及一個滷水拼盤以及一個好特別的嘢飲叫”咸檸蘇打”, 然後舒舒服服的座在那裡等食. 無幾耐, 淨雲吞上枱, 雖然是淨雲吞, 但是碗中的材料認真唔少, 除咗雲吞, 仲有唔少香蔥, 芫茜, 碗底仲有芽菜, 白色的湯底, 奶黃色的雲吞, 綠油油的香蔥及芫茜, 香氣扑鼻, 我急不可待食一粒雲吞, D雲吞皮唔怕林, 中間的餡好足料, 豬肉非常的香, 亦食到雲吞裡面唔知是包了魚亁定係蝦乾之類的材料, 非常的香口, 而蝦肉亦是爽口彈牙, 好好味! 碗底的芽菜都是索取了魚湯的精華, 清脆爽口而且入晒
入到鋪頭里面, 間鋪唔算大, 但是非常的干淨整潔, 白色的墻壁下半部份鑲上了瓷磚, 明亮干淨, 餐枱及枱面醬料也是摆放得整齊有序, 令人感覺非常舒適.睇返個餐牌, 原來它皇牌是潮州滷水嘢, 仲有王牌牛丸, 墨魚丸及雲吞等等, 好多嘢想食, 但我至愛雲吞, 於是我叫了個淨雲吞及一個滷水拼盤以及一個好特別的嘢飲叫”咸檸蘇打”, 然後舒舒服服的座在那裡等食.
無幾耐, 淨雲吞上枱, 雖然是淨雲吞, 但是碗中的材料認真唔少, 除咗雲吞, 仲有唔少香蔥, 芫茜, 碗底仲有芽菜, 白色的湯底, 奶黃色的雲吞, 綠油油的香蔥及芫茜, 香氣扑鼻, 我急不可待食一粒雲吞, D雲吞皮唔怕林, 中間的餡好足料, 豬肉非常的香, 亦食到雲吞裡面唔知是包了魚亁定係蝦乾之類的材料, 非常的香口, 而蝦肉亦是爽口彈牙, 好好味! 碗底的芽菜都是索取了魚湯的精華, 清脆爽口而且入晒味, 連芽菜都覺得零舍好味道, 這碗雲吞認真相當唔錯, 有水準!
跟住, 這店家的王牌”潮州滷水”拼盤上來了, 未食已聞到滷水香, 第一箸,我咁係食滷水蛋, 已用滷水浸到淺啡色的滷水蛋已開邊, D黃好香, 蛋黃都有滷水味, 唔咸唔淡, 味道啱啱好! 蛋白不用講, 已入晒味, 有香濃的滷味又不失蛋香, 唔錯! 拼盤內仲有滷大腸, 滷腩肉及滷豬手, 全部我都鐘意食, 豬大腸處理得非常干淨, 食落有滷水香仲有大腸獨有香味, 越嚼越香, 令人食不停口. 腩肉肥瘦相干, 不是太林, 有咬口, 肥的部門咀嚼時有豬油香, 食多兩塊一D都唔會覺得漏. 而豬手顏色非常漂亮吸引, 大大塊醬色的豬手, 啖啖肉, D肉是爽口的, 豬手入晒味又唔會咸,
店家真是有功夫, 不是一味煮到的肉林晒, 而是又有味道又有咬口, 認真唔錯, 食了拼盤真係好滿足!
食到飽飽, 最後啜啖店家自制的”咸檸蘇打”, 杯嘢咸咸哋又有青檸獨有的香味, 好特別, 好好飲. 我剛剛食了咁多肉, 飲了這杯咸檸蘇打, 感覺好似可以幫助我消滯, 非常舒服, 真係無入錯這間店, 酒足飯飽之後, 行出這間”潮丸”, 心諗我下次會再來食, 我仲想食下它其他的嘢食, 非常唔錯, 所以要推介俾大家.
張貼
