漢發麵家 (大南街)

營業中

休息中

2公婆行經大南街，見到間叫漢發的麵舖，門面有明星試過的相片，裏面既整齊又清潔，可以入內一試。舖內大部份人食緊豬潤牛麵/河，我覺得比較油，決定叫碗水餃河，老婆就叫左碗牛根河，再加一碗淨豬手。水餃足料，值得一讚，而河粉就厚薄適中，有口感，可惜食食下發覺有小部份比較硬，我相信原因係河粉在空氣中擺放時間過長，引致粉邊變硬，破壞了整碗水餃河的質素。碗牛根河的牛根好林，但就花椒八角味過濃。碗豬手都唔錯，但好快凍，我相信係用微波爐叮過，如果用爐火翻熱，我會推薦。食完後2個鐘頭飲左3次水，我相信味精都好重。以價錢來講，食物都可以接受啦!

漢發離開小屋搬入正規店舖啦~其實好近舊屋仔位置入邊唔係好花巧，綠色主色老板娘話係想同舊舖有D聯繫~坐位簡單整潔~叫左潤牛麵同凍OT，潤扒依然爽脆，麵依然彈牙，牛肉依然鮮甜，OT依然茶香~水準無因為搬遷而下降！

25/11, 行到舊舖已冇開, 一時之間, 心都離一離!人流都冇晒! 連平時街邊 "等工開" 的南亞裔男子都不見!上OPENRICE才知已入了舖.好吖, 都幾光猛, 地方乾淨.我都係食牛腩撈穩陣; 大豬女友叫了豬潤一丁.撈麵先上, 其實好快, 1分鐘己有得食, 勁!麵係超彈超爽, 唔讚唔得.好食到, 連SHARE一條俾女友都唔捨得咁滯湯底幾濃, 略帶薑味, 撈上麵, 好好食.牛腩真才實料, 入味得很, 係其中一舊瘦的略韌, 其餘都冇得彈.豬潤一丁呢, 姍姍來遲.本以為個湯會好多泡及好油 (深水埗另一間係咁呀) 事實又唔係噃!潤超爽口, 大豬女友勁推介, 話就算高膽固醇都肯食!出街食一丁, 好多時都係6-7成熟就上枱, 麵仍係硬的, 嘥晒個丁, 係冇心煮的表現.不過呢度又PERFECT 噃, 唔怪得要等幾分鐘, 也值得的.係個撈麵的湯我飲晒, 行兩個街口已要買野飲, 好快口渴... 不過, 會再來的, 下次唔飲晒O羅!

在深水渉仍然找到一些古舊的大排檔，一些是做茶水檔或是做粉麵的，而另一些是做炒小菜的，而做茶水檔的個人就比較喜歡蘇記和漢發，想想都有一段時間沒有來過食漢發的豬潤麵，就在一個下午來這店回味一下。來到時見到除了可以坐在街邊外，現在還有一間鋪頭作為食店，見人少少就選了坐在鋪內，想也不想就叫了豬潤麵、魚旦河粉、蛋治和奶油多士。豬潤麵($18)來這店不食這個招牌麵真是不可以，拿來時仍然見到很多很大件的豬潤放在即食麵的上面，食落豬潤仍然是這樣多水準，每件豬潤都煮得微微漲起的，不會像其他店子的豬潤煮到乾乾的好像瘦肉一樣，而咬落還有少少脆身的感覺，是外面有爽脆的感覺，這是很少地方食到的感覺，而豬潤也沒有什麼的怪味，配上下面的即食麵來食感覺良好，而豬潤好像一定要配上即食麵才是最好的，配其他的粉麵點都好像是差了少少，不過兩者一同來健康度當然是大減………………魚旦河粉($18)食大排檔的魚旦粉麵很多人都知道長發的是很好，但原來漢發做的也得不錯的，魚旦食落都非常彈牙和有鮮味，魚片的水準也得十分之高，配上河粉來食雖然是細細碗但都食得出是有水準的粉麵。蛋治($9)叫兩件麵包來食飽個肚，其中一個是蛋治，叫了不要烘底，

出開深水埗, 好多時都去食, 有幾間鋪既維記豬潤麵........ 出品已經好滿意~今日1點, 行左去漢發, 原來街邊唔就腳既另一方, 有更高層次既出品~ 豬潤(公仔)麵 ~ 豬潤大片, 厚, 生滾後上麵... 入口一咬, 似爆開既感覺. 呢d 先至係生滾豬潤嗎~ 就算佢"薑汁小放" 都唔發現到豬腥味. 岩晒唔食薑既口味, 豬潤麵上黎, 唔會有好多薑碎係碗內~ 味道, 口感, 一流 豬潤牛肉米 ~ 米粉鞋口 , 豬潤同上, 牛肉無榨(唔韌), 湯淡. 豬潤牛肉米上黎, 唔知點解比起 豬潤麵 係淡口好多... 下次都係食番"公仔麵" 好d 根腩撈 ~ 牛腩好林, 牛根都夠軟, 但又未至於林左, 而且仲有d 咬口. 味道算夠入... 鹵水汁既花椒濃左d... 所以, 根腩都帶有濃濃既花椒味~ 麵底無鹼水味, 煮功ok ... 格離檯叫左, 滑蛋咸牛治.... 份量足碼~ 豬手麵..... 外觀一流~ 下次... 下次先~ 直得走去街既另一邊試下~ 深水埗豬潤麵........ 本來以為佢係得街邊位, 原來已經開到入左鋪位坐下~

Had lunch here with my two sisters on a late afternoon. They now have an air-conditioned area, which makes dining there a lot more comfortable than it used to be. I personally like how their foods are served in relatively small portions (personal taste), makes it tastier!We ordered two Fishball Noodles ($29 including cold drink), French Toast ($29 including cold drink) and Vegetable ($10).I had a taste of the fishball noodle and it was decent but nothing special. I've had better, but the fishba

今次去小儀介紹吃的豬潤麵，真不錯湯汁很香不口渴，豬潤很香很新先，但牛肉新先得來沒有味道還很硬不軟，而且出名之後很不委，先來的客人落了食物單後，等了很久還未到，反而我後到而先上了我的豬潤牛肉麵先，而最重要的是當我吃完，而他的整豬潤麵再叫了數次都是還未到，而另一樣重要的是豬潤到了一點三十分已經買完，想吃都沒有了，這是不是叫人發怒呢，真是人怕出名豬怕肥，一出了名已經不一樣的服務壯態了，想去的食客要有心去等三十分至一小時先有得吃的。

今日係深水埗做完正經野, 就諗起電視節目最近介紹食豬潤麵的漢發麵家, 去到的時候大概12:15分, 人不算多, 等了5分鐘就有位, 由落單到碗麵來到食的時候, 就差不多要10-15分鐘, 其間都有催呀大肚姐姐兩次, 但佢地都好有禮貌叫我等一等, 因為太多單既關係點解咁擔心呢, 因為聽到隔離檯話要預留豬潤, 先會驚輪到自己張單煮時賣晒架, 先來凍啡少甜, 先嚐一啖,都好夠味,因為差不多有半杯冰, 碗麵食到一半就淡左 la 至於碗麵, 雖然豬潤唔多, 但比起另一家食豬潤麵出名的 X 記就好好多。用料新鮮之餘, 老細用左好聰明的方法, 將豬潤簿切, 用短時間來煮出熟既豬潤, 因此煮出來的豬潤整塊都好爽, 色澤均勻。如果厚切, 要煮得熟, 就會攪到外淋過熟, 無咁爽建議各食家逢假日去食的時候, 最好選擇12:30前, 因為越早食越新鮮, 的貨唔洗擺咁耐嗎, 人又無咁多, 平時就唔多知拉

搬咗來附近三個月都唔知有呢間好嘢食!多得三色台街坊廚神介紹, 佢星期一介紹, 我星期二一早就過來食, 完全無排隊, 服務又OK, 好味!豬潤麵, 麵似用出前一丁麵牛腩米, 牛腩夠淋, 唔黏牙鮮牛麵牛肉夠滑, 仲有碎牛可供選擇!西多士, 夠香脆鮮油多唔肥, 烘得好!奶醬多都唔錯!駕駛人士請注意, 此處錶位少, 另成日抄牌, 不過伙計都好醒目會提水, 所以都係搭的士去方便D!

牌檔殘破的外表已不復再, 舊的牌檔及爐頭已拆掉, 已改頭換面, 但枱與椅子依舊, 可是我還是覺得不拆掉已幾十年舊的牌檔, 還更有香港本土風味, 可能拆掉了這就是太子要的脫變吧 ^^已很久沒有在早上吃過那麼豐富的早餐了, 火腿蛋出前一丁麵($18)加凍奶茶($11), 奶醬多($8). 因沒有套餐而感覺有點貴, 但相對於價錢平但不好吃的, 每次也是願意付出$$ 除了有些名星, 發哥, 尹陽明等等也都幫襯, 很多時還看見勞斯萊斯, 平治等名車的主子到訪, 我也想看看太子可否代他的老父守住那些老朋友…… 說回我的豐富早餐, 凍奶茶, 真是早餐的恩物, 漢發既奶茶係得 ^^火腿蛋出前一丁麵, 麵煮得剛好, 令人可喜的就是很多時也只是每次煮一個麵, 所以火候剛好, 遠勝過許多著名的麵家以下這些食品也應推介一下, 豬手及雲吞, 豬手: 炆得都淋亦唔韌, 肉質厚而爽，味濃但不會過鹹, 雲吞麵: 雲吞皮也薄, 都爽口都大粒亦都多,. 有人話食雲吞重湯料, 而餃子重蘸料, 但這裡的雲吞倒也不是吧.

地膽帶路食大牌檔! 呢度唔熟路真係一世都黎唔到... 雲吞撈麵雲吞多, 好似食極都食唔完! 都大粒, 唔係我食過最好食不過都爽口都唔錯啦! 不過, 對住個toilet真係食唔落, 個toilet係有人一去, 一拉開就見到, OMG...見到人地隻腳GA! 真係坐出面會好好多!$30有找, 真係好抵!

住在深水渉這樣久都很少去這些大排檔食東西，沒有什麼特別的原因唔來只是沒有什麼特別的吸引的原因來，想想這些地方有時衛生程度不太高和好像不會消失的，但知道這些在深水渉的大排檔有機會消失時，人就是這樣的犯賤當物件仍然存在的時間是不會珍惜的，但一知道就快消失的時候就會好想懷勉一番和試一試這些東西，漢發就是這一類食店了。希望他還存在的時間來試一試這些大排檔式的食物。由於害怕中午時間來的時間會有多人，所以就早了少少十一時半來到，來到時見不是有太多的人，就選了一張近公園的台坐下來了，立即叫了豬潤牛肉麵、水餃麵、奶油多士和凍奶茶。凍奶茶($10)來的時間見是用上了鐵杯而不是膠杯的，可能是凍奶茶用上了鐵杯會比較保存到溫度和味度，試一試覺得味道都是不錯的，飲落都有重重的奶味，加上有幼滑的感覺，心中覺得是不是用了鐵杯的感覺呢??不過講真這裡的凍奶茶是沖得十分之好的，是茶和奶的比例是剛剛好，好像人家說有奶味又不會沒有茶味，我想是人家用了心機去沖的一杯凍奶茶，是食早餐的恩物。豬潤牛肉麵($24)叫這一個食物好大的原因都是之前的食評說這裡的豬潤牛肉麵是十分之"得"，有時都要信信民意就叫一叫這裡出名的豬潤牛肉麵，來

今朝又再戰漢發！樣樣都好好味~牛腩河粉 - 又淋又入味牛肉豬潤麵 - 一樣起曬沙，依個麵真係無得彈牛肉麵 - 都好味，不過無o左豬潤d鮮味奶醬多 - 都係o甘好味o既新鮮多士***我o地數過牛肉豬潤麵有6片牛肉，而牛肉麵都係6片，證明佢o地兩拼真係唔會減少d餸~

我因為工作關係成日都要去深水埗布行，尋晚兩老講起話依家d奶茶無茶味，已經搵唔番以前茶檔o既絲襪奶茶，o甘我介紹佢o地深水埗有woo…今朝就特登同佢o地帶埋亞囡(狗狗)出o來深水埗茶檔嘆茶~- 豬手河 ($17)- 豬潤牛肉麵 ($24) x 2- 奶醬多 ($7)- 奶茶 ($10) 少甜 x 1, 少甜少奶 x 1豬手河唔係各位師兄講o既3隻豬手，只係得兩隻細細隻~可能太早所以唔夠入味都淋身，河粉ok~我同媽o米都係豬潤精，非常喜歡食豬潤…要求爽脆又香，之前覺得堅記係最好食，不過依家要改朝換代啦~~~漢發豬潤牛肉麵超正，個湯起曬沙，豬潤爽脆大片仲好多…起碼有6大片~唔似維記細片又薄切切…仲有6至7片有口感又唔un既牛肉，湯鮮甜麵彈牙，依個麵真係滿分~~~奶醬多奶醬真係好多，多士又香又脆唔會un！奶茶夠茶香，成家人都認為少甜少奶最好飲，因為d茶味唔會比奶蓋過~依個茶檔連發哥都幫襯，大家食既除o左係食物o既味道，當然仲有唔知幾時消失o既香港大排檔風味~

在網上漢發麵家的評語一直很不錯，直到今天我和老公才有機會試一試‧到達時，我們已經見到不少食客，但幸運地仍可在有冷氣的室內找到位子‧我們點了以下食物: 1. 豬手水餃麵：豬手有三大件，而且真是豬手，不是豬腳代替，所以吃落啖啖肉，而且炆得又淋又入味‧至於水餃則有三粒，餃料正宗，內見木耳，味道又唔錯‧還有麵條沒有梘水味，但比起河粉則差一點‧2. 雲吞牛腩河：雲吞有五大粒，可能擺放時間耐了，所以吃落較實一點，但味道都不俗‧至於牛腩數量則較小，主要是牛筋多，雖然不太肥，但是又淋又入味，而且湯底加了腩汁，味道濃郁，吃落有濃厚的果皮及八角味道‧還有，值得一提是其河粉，粉條幼滑，比起吃麵條感覺好得多‧3. 涷奶茶：沒有茶味，奶味亦不夠，是唯一這餐不合格的東西‧