漢年茶餐廳

營業中

休息中

咁啱在大圍做野, 去到lunch時間, 就去到呢間出晒名嘅漢年茶餐廳試下。雖然門口都有人等位, 但因為一個人嘅關係, 所以唔使等位就入得去 入面好迫夾, 坐得唔是好舒服, 仲要坐正走廊位, 啲侍應行出行入是咁撞我背脊 而且有很多空位時都唔會主動幫我調其他位, 繼續撞我, 最後自己頂唔順調位 鹽焗雞飯($45/碟)一上枱望到個樣就心諗, 哇乜咁甩皮甩骨嘅! 然後胃口已經大減!!! 所以話, 色、香、味, 一開始嘅"色"已經好影響一道菜嘅分數。 至於"香", 香味都有, 不過唔算太濃, 可接受。 最後去到"味", 雞件幾滑同埋夠入味。 飯就唔算太硬身, 幾好, 但啲雞太多油, 啲飯吸收晒啲油就唔多健康。

在地圖上亂指一通 , 今次旅遊的目的地在沙田與大圍一帶 , 知道地方後的第二部就是找一下地區知名食店來拜訪 , 漢年茶餐廳是其中的一個選擇。原來在明朝初年 , 許多人為避戰亂 , 紛紛攜帶家眷從東莞市新安縣逃難來港並散居於大圍附近山腳下 , 後來因為要解決治安問題而團居 , 他們於是在明朝萬曆初年 ( 1574 年 ) 奠基立圍 , 這就是大圍村的雛形 , 亦因如此從前大圍只限於對大圍村及附近數條街的稱呼。 在附近以積字為首的街名 , 甚具吉祥之意 : 積福街、積富街、積存街、積信街、積輝街、積運街、積德里、積祿里、積壽里、積泰里 , 感覺上當時大圍村這條雜姓村的民風淳樸得來是很快樂。說回 漢年茶餐廳 , 網上有關大圍食肆中最多提及的就是 漢年茶餐廳 , 她正正為於積福街 , 每天營業時間是上午七時至晚上七時半 , 營營役役三十年。 進入餐廳後便自行找位置坐 , 生意實在火旺。 網上最推薦就是這碟鹽焗雞飯 「炒底 」, 漢年的鹽焗雞飯有分碗裝 $42 及碟裝 $45 , 炒底加 $10；另外還可以湯飯底或湯米底呢 ! 雞部位的分配也可以在點菜時提出 , 當然指明要雞髀的售價會更貴 ,

今日同同事飲茶但唔太飽, 唯有出外工作時食過下午茶。可是我對大埔不太熟悉, 因此搜尋一下發現「漢年茶餐廳」的評語都不錯。茶餐廳門外門內的佈置都充滿七、八十年代的味道。四周的客人都是點這裡馳名的鹽焗雞飯, 我當然要試下。鹽焗雞飯(碗)$41, 沒有跟湯或飲品, 這價錢有些偏貴。我叫了「少飯」, 所以給我雞是比較好的部分嗎? 這個鹽焗雞翅膀顔色金黄有光澤, 可是被表面凸出來粗糙的毛孔打了些折扣。夾起一件看看, 皮下脂肪不太多, 都可以試試連皮吃。咬下去, 皮好滑溜。雞肉嫩滑而且雞味重。看看雞骨呈幼身及顏色通透, 雞不是雪藏雞, 猜想是冰鮮走地雞。沾上旁邊的沙薑汁, 令雞味更加突出。雖然沒有轉炒飯, 但白飯加上雞油都十分香口。

屯門至沙田速遞員週末出發,兩個表表一句:"表姐,去大圍食雞飯",就算沒有說出店名,大家已心領神會的知道是在漢年茶餐廳會面。門面小小地道茶餐廳,在門口等位人數比鄰近乳豬專門店還多,老闆娘指揮若定的安排客人入座,週末下午時段等位是少不免的動作,剛剛老闆娘還在口述,轉眼已遞上寫上人數的紙仔一張,連熟客表表們也說有進步了。等了一會終於有位,店子不大的茶記裡全部圓桌也密密的坐著人客,因此也不便舉機拍下室內照片了。雖然附近食客的乾炒牛河、椒鹽豬扒飯或鮮茄豬扒飯真的勁香,不過我還是立定主意的要吃雞!看似比鹽焗雞飯還多工序的鹽焗雞飯炒底更快送到,滿佈蛋花的蛋炒飯沒有太多油,炒得乾身而不油膩的飯粒沾上雞汁後也不會太乾也很美味;伴以一條粗大菜心,有菜甜的菜心當然好吃。肥美雞件每件有令人垂涎的黃油雞皮,可惜雞皮沒有彈牙口感,不吃無妨;肥皮下的雞肉夠滑,鹹香味道來自鹽及沙薑水,漢年鹽焗雞的水準是不俗的,只是居住沙田多年的姨姨及表表們卻覺得水準已比之前為低哩。吃雞後最好來杯凍檸茶,茶色琥珀的紅茶非常新鮮,檸檬片夠多也夠酸,少甜之下不但可幫助消化還可洗洗口腔裡的雞油,妙極!地道茶記坐得迫狹,隨時要離座讓其他客人出

總有些餐廳不是因為他的環境，服務， 純粹是因為他的食物。 位於大圍的漢年茶餐廳的鹽焗雞加炒飯底是人間美味。 想不到茶餐廳的鹽焗雞做的如此出色， 選用的食材固然重要， 廚師將雞的鮮味口感完美呈現給我們， 雞的鮮味在口中翻滾， 鮮嫩的雞肉與舌頭牙齒相遇， 寫出美味可口的回憶。特別要了炒飯底， 果然名不虛傳， 比很多酒樓的作品更出色， 炒飯不油，蛋絲和米飯完美結合， 每一口都不禁想起小時候一碗蛋炒飯可以快樂一天的回憶。 反而另一道出名的叉燒炒蛋飯沒有俘虜我的心。 可能是叉燒的水平沒有達到我的要求， 可能是鹽焗雞飯更出色吧。 純粹個人口味， 不可能有很可觀的標準， 就像摘星的餐廳未必每個人都喜歡。食物是生活中的音符， 而美食譜寫了令人醉心的音樂。

放工和朋友去到大圍肚餓想食完晚飯先回家尋找餐廳之制 行經漢年餐廳想起早前雜誌介紹過便進去試一試一進去 環境頗懷舊 但很清潔衞生 今晚朋友點了 招牌菜 椒鹽豬扒飯而我點了粟米班腩飯上菜速度很快 比得上快餐店食物新鮮熱騰騰 蒜蓉很香豬扒炸得脆卜卜 很惹味 而粟米班腩飯的魚塊炸得很香很脆淋上粟米汁真的一流 若然更多粟米就更佳飯很大碟 抵食最後點了一杯熱菜蜜終於飲番呢隻味 很濃菜蜜味下次有機會 會再番黎幫趁試下其他招牌菜

素聞這兒的炒飯，好吃又咸香，當然要來一客招牌的鹽焗雞，轉炒飯底雞肉是嫩肉為主，肉質嫩滑， 鹽焗的味道相當突出，鹹香極重。加上油香味極高，不錯。加入沙薑汁，薑蓉同吃，相當惹味。至於炒飯是飯粒分明，炒得乾身，有火候，拌著蛋汁~~

早前同朋友傾開大圍帶咩好野食，朋友介紹就介紹左一間有較有歷史的茶餐廳比我。 呢日經過大圍火車站，咁岩就見到呢間漢年茶餐廳，一於就入去試下啦。一抬頭，大大個招牌掛在頭上，一啲都唔難搵到。由於餐廳有咁上下歷史，由門口已經可以feel到果種懷舊嘅味道。無經歷過咁上下歷史嘅餐廳一般都好難有咁嘅feel.黎到漢年，又點可以唔試下佢嘅招牌菜－鹽焗雞飯。呢度有鹽焗雞飯，湯飯，湯米等的不同選擇。相比起一般普通嘅飯，我更中意食湯飯。所以，今次就選擇左鹽焗雞湯飯。$40一碗湯飯，份量十足。雞味滲入每粒飯，雞味充足，食到最後真係會忍唔住飲曬啲湯。而且，雞骨唔算多，可謂啖啖肉。真係食過番尋味！順帶一提，呢道除左環境有懷舊味道之外，而呢度亦好似保留左一啲買少見少嘅人情味。 所以，初次黎，見到老闆娘好nice咁同客人傾計。係呢度，度過左一個非常寫意嘅lunch hour. 有時在繁忙中，搵到一個地方可以感受到舊香港嘅生活氣氛真好。

7/4車爸爸復活節假last day約咗髮型師剪髮呢個髮型師本來喺東涌後來要生BB就冇做而家B女5個月大就出返嚟工作但係佢冇返嚟東涌選擇近屋企嘅沙田區,但佢剪得車爸爸好合心所以遠一點也無礙我哋去揾佢,去開嗰頭我便想起漢年茶餐廳的鹽焗雞飯可惜好失望再不是垂涎三尺的享受,雞肉冇香味飯也太硬唯獨那沙薑醬沒變的好味~唉老店亦失準吧!!大家看看下圖我在13年吃的差很多吧!! 反而常餐有驚喜豬扒香口淋滑車爸爸更大讚沙嗲牛肉好出色~ 吃飽飽剪個靚髮^0^

今日無無聊聊，去左漢年食午餐。首先叫左鹽焗雞飯炒底，炒底加$10，我本人覺得好貴，但佢比左雞肶上肶我，都幾實際嘅 ！跟住叫了菜遠排骨炒河，唔係太多汁，唔夠味，排骨好硬。

椒鹽豬扒飯:色澤:7／１０ (小許過火,帶焦色)香度:8／１０味道:5/10.豬扒肉質都吾錯，但味道頗鹹。食完耍飲一大杯水。價錢:＄43.一般價錢另加了一杯檸檬茶，失望。茶色略淺，沒有茶香味，檸檬不是用美國新奇士，苦加澀。

12點前落風球，令到全香港的上班人士幾乎於同一時間出門口，我去到大圍，火車站已經擠得水洩不通，通知朋友暫不要入站，而且已經封站，我建議不如先食個午飯，等人潮散去才再上車。朋友到埗，叫我先去《漢年》排隊，而《漢年》，就是大圍最火的一間茶餐廳，無論是不是因為剛落風球，就算只是平日的中午，這小小的茶餐廳，一樣是人山人海。我們三人，就被安排坐在門口旁的圓檯，而小小的圓檯，是要擠六個人的，的確是肥少少都坐唔落，環境絕對是不好。來這一種餐廳，除非食物是非常好食，否則，肯定是大大個不開心。我們吃好就要上班，所以都是來點快的，而《漢年》也十分之配合，爽手快腳，不一會就弄好每人一杯茶，不一會就來了我的簡單粟米肉粒飯。粟米肉粒飯，多粟米，多肉粒，而且白汁是帶香甜的，當汁、肉、粟米、飯混為一體時，那一種學生哥的美味，不用描述了，因為是你我也知道的味道。朋友同他的女友，二人分一個干炒豬扒鳥東粉，一看就知道是一個味道濃得很的食品，入口是濃濃的醬油味，豬扒本身已經是醃過入味，再返鑊加醬油炒，令肉味濃郁的豬扒再添一層醬油香，十分之惹味，入口雖然是油，但全是味道芳香的醬油。奶茶，快手快沖的，本以為會打折扣，但我想錯了

呢間野話貴唔算貴 話平又唔算平賣相唔係話好靚 但味道又cover番喎lol自己一丁友食左個鹽焗雞飯炒底，大大碟女仔食結果食唔哂。 不過係ok ge因為一般d雞會熟其他好似好d。 略嫌咸左d同埋個飯。。。

同友人單車完就黎呢間在大圍住既朋友中都好出名既漢年太多人要排隊搭台, 坐位逼環境逼, 快上快落快食快走價錢偏貴, 但味道好掂鹽焗雞飯炒底十分美味,  第一次炒底同鹽焗雞一齊食!鹽焗雞好滑! 配合炒得飯粒分明既炒底飯, 一絕椒鹽豬扒飯都吾少野, 豬扒應該係豬柳,整得好滑, 個汁造得好正.!!!仲有炸蒜調味, 好正偏貴但值得再食!

偶然都會途經此處從外貌格局就知好嘢，名叫滿年飯店餐廳現今哪會有這種名字的食店，一定是有點歴史馬上發揮香港人精神，openrice下啦喔！原來有幾樣出名的食物，但我個人就俾鹽焗雞所吸引，當然本身係愛雞之人，另外做到入味又嫩滑真的不易，今日就試一個網友推介的鹽焗雞飯炒底吧！一堆門進去，男性食客佔多，我到嘅時候大約12:30都差不多全滿，大部份人都要撘枱（介意嘅人就sorry la）人人枱頭都一大碟碟頭飯，包括有男人嘅浪漫豆腐火腩飯，跟住係椒鹽豬扒飯，但我堅持要我的焗雞飯炒底，加杯凍檸茶個姐姐手腳好快，食物都很快送上，雞看似件數不多，馬上試下先⋯夠滑，有雞味喎，竟然⋯！不會太咸，味道剛好，炒飯夠乾身，不過太淡口，就算加雞食都不夠味，加曬成碟沙薑先叫ok，杯嘢另叫，加埋$52我沒有特定要雞什麼部位喇，喜歡的話是可選雞脾或雞翼等，當然要加d錢啦！