105
25
8
港鐵大圍站 A 出口, 步行約2分鐘 繼續閱讀
電話號碼
26059355
營業時間
今日營業
07:00 - 19:30
星期一至日
07:00 - 19:30
付款方式
AlipayHK 支付寶 現金
其他資料
電話訂座
當面支付
招牌菜
椒鹽豬扒飯 鹽焗雞飯
食評 (156)
等級3 2019-10-06
5 瀏覽
日期:10月6日人數:2人行完獅子山,當然要醫下肚啦。喺大圍紅梅谷/ 世界花園行返落嚟,就去返火車站附近嘅漢年食午飯。來到漢年,除非你係日日來,否則基本上都係叫兩個比較出名嘅飯,分別係鹽焗雞飯同埋椒鹽豬扒飯。我朋友叫咗鹽焗雞飯,咁我就叫椒鹽豬扒飯。另外,之前試過炒飯底,覺得係物有所值,所以就加咗$12轉炒飯底。先講鹽焗雞飯。可能係因為餐廳俾晒啲雞背脊同雞翼,所以今次就感覺麻麻地啦。肉質都算滑,起碼唔係啲急凍雪雞。配上沙薑醬,其實味道係唔錯嘅。至於椒鹽豬扒飯,質素就好好多了。份量非常大,有成5-6舊豬扒。豬扒都算新鮮炸出再整椒鹽,好香、好惹味得來又夠咸,又唔會好熱氣咁,食到個咀同牙齒都好熱。加上大大碟嘅雞蛋炒飯,非常飽肚,對於平時食飯食少飯嘅我,今日簡直係超晒標。枱裏面其他食客就選擇叫午餐,觀察所見份量都非常足夠,就算係男士都未必食得晒。其實餐廳都有供應各種炒粉麵飯,所以選擇都幾豐富。環境方面,舊式茶餐廳咁唔算好好,但起碼乾淨衛生。服務水準就一般般。價錢都算其實唔平,椒鹽豬扒飯加炒飯底加一杯凍檸茶要$72。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-19
107 瀏覽
今次又係見到openrice入面好多人推薦係大圍既呢間漢年茶餐廳,就決定去試一試啦。入到去,都唔小人食緊tea,格局就同普通舊式茶餐廳無咩分別啦,圓枱一圍圍咁。黎得呢到緊係食返碟大家都好推薦既豬扒飯($48)啦!賣相其實都一般架,但食落又有驚喜!炸蒜配豬扒整得好好食,兩者都好香脆又惹味咁。豬扒又唔會話太肥太油,配咁大碟飯食岩岩好!西多士($35)就一般啦!叫碟頭飯抵啲!檸茶係跟西多士既下午茶餐既。佢用紅茶底又幾香wor今次少甜個味岩岩好!總搭黎講,呢間舊式茶餐廳不過不失啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-27
172 瀏覽
漢年茶餐廳 #大圍金牌鹽焗雞飯 每碟 $50 (每碗$47)呢間茶餐廳對大圍人來講應該都唔陌生,幾次行過都好多人,而且喺OpenRice嘅評價都好高,今次終於有機會試,不過就有啲失望。見到佢有得揀碗或者碟,諗住揀碟會有多啲雞,點知原來只係多啲飯,而且啲雞亦都唔係好多肉,所謂嘅鹽焗亦都只係比普通嘅雞鹹少少,連我阿媽係屋企用啲鹽焗雞粉煮都好似惹味過佢。不過啲雞肉都幾嫩嘅,而且個味道亦都絕對唔難食,只係一啲都唔特別。另外,佢好似可以加$12轉炒底,可能炒底會好味啲嘅,有機會再試。味道:3.5/5性價比: 3.3/5西多士 ~$30相反我覺得個西多士仲好味過佢嘅招牌飯,個麵包有一半索咗啲蛋漿,蛋香味濃,而且入面揸咗花生醬,唔錯。味道:3.7/5性價比: 3.5/5 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-17
160 瀏覽
食到貼地嘅平民茶記真係買少見少,而家多數都係一啲新開嘅仿懷舊冰室茶餐廳🍴,要食返要有歷史嘅味道絕對要識得捐窿捐罅😌.呢間開業至今仍然人山人海一定有絕世武功,無錯就係佢哋招牌菜「鹽焗🐔雞飯🍚」— 好運地俾咗🐔雞髀,好入味,連骨都入哂味,仲好可以配上🍚炒飯底,真係顆粒分明,更加好食😌。對於著重一兩款嘅食物嘅小店絕對是要給予崇高致意👍🏻.希望能繼續好好的經營下去,保留僅存的一點點香港特色😌 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-18
296 瀏覽
一直都聽聞過大圍有間食鹽焗雞好出名嘅,今次一場黎到大圍,梗係要試下啦!週末午飯時間去,都要排一陣隊,但啲人食完都好快走,所以唔洗等好耐。佢依到嘅鹽焗雞飯有得揀一碗或者一碟,見佢碗已經好大,所以就叫左碗,男仔應該要嗌碟!另外仲有得加錢轉炒飯底。不過我就麻麻地炒飯無叫,但都見好多人轉個雞係真係好正!雞夠嫩滑,而且好入味,點埋個沙薑汁真係好好食連個飯都吸左好多雞油,雖然好邪惡但係又係好好食,不自覺都食多左飯。不過依到嘅份量都真係幾大,依碗飯係壓實哂,最後都係食唔哂!雖然環境就比較逼坐得唔太舒服,但真係值得一試! 繼續閱讀
(以上食評乃用戶個人意見 , 並不代表OpenRice之觀點。)