漁獲浜燒 (已結業)

去銅鑼灣行完街book左呢間食日本野，有海鮮又有刺身食👍2樣一齊叫仲有優惠。我地2個人叫左set 6款刺身，有三文魚、吞拿魚、赤貝、拖羅、帶子、油甘魚～全部都好新鮮，非常肥美，赤貝超爽口，帶子好鮮甜👍好值得食～蒜片厚切牛舌賣相好靚，牛舌好嫩好好食👍我地叫左啤酒，送黎食超正～海鮮浜燒我地叫左鮑魚、活響螺、白貝&北寄貝。海鮮好大隻，夠新鮮，清淡的調味就帶出海鮮的鮮味，非常好食～北寄貝用湯煮，好軟腍，湯底清清地好鮮甜～白貝好新鮮，冇沙👍日本活響螺非常彈牙爽口，質感好好食～呢到d海鮮真係非常掂👍鮑魚燒得剛剛好，軟腍得黎保留到彈牙的質感～last叫多個甜品，造型100分係有真桃外皮包住，好靚，味道夠曬桃味👍

今天去了食日本浜燒，餐廳在銅鑼灣樓上鋪，交通很方便。餐廳的裝潢充滿日本的氣氛，感覺去了日本的居酒屋。餐廳有各式各樣的選擇，不得不選的是海鮮浜燒，由不同種類的海鮮組成，最愛當然是鮑魚，新鮮厚肉，而蟹腳亦是不二之選，鮮甜味美。海鮮配清酒、啤酒固然享受，餐廳亦有其他選擇。鰻魚飯亦是驚喜之選，皮脆肉滑，感覺像食脆魚皮，加上粒粒煙煙韌韌的米，十分喜歡。甜品要了柚子雪葩，很清新，很冰涼。這是非常賞心悦目的一餐。

今晚為了慶祝朋友生日，去了食日式料理。餐廳充滿日式風格，播著舒服的日文歌，店員服務加分。點了一支有少少淡淡花香的清酒，很易入口。金目鯛刺身新鮮，啖啖肉，爽口肥美。魚頭魚骨更煮成濃湯，一點也不浪費，清甜香口。美酒配鮮魚，一大享受。沖繩風沙律有不同的菜和魚生，配柚子醋汁，非常開胃。二人前的海鮮有鮑魚、大蝦、文蛤，帆立貝，還有蟹腳，可以蘸汁食，但我比較喜歡原汁原味，感覺鮮甜點。最後加個日本直送的蕃薯雪糕作結，實在大快朵頤。

11月9日，係我同老公新婚3個月。搵個借口去食餐好西都因為疫情啦, 冇得去旅行, 好掛住日本美食呀! 所以就去左間日本餐廳, 食浜燒~ 上網睇過, 浜燒係指將海鮮從海邊即捕即燒。而呢間餐廳既海鮮係每日由日本新鮮運到，喺店內魚池養住，食客點菜時先撈起即燒。 好吸引呀!!店既位置都幾方便, 就係SOGO附近~一入店內, 店員已好親切咁招呼我地坐低。成間店都好香好香! 好香燒海鮮既味道! 不得了呀!!我地揀左坐吧枱, 貪佢有日本FEEL D~鈴鹿川 300ml ($338)要慶祝嘛, 就飲下酒啦!但我地得2個人, 就叫左枝細細地300ml既鈴鹿川。呢枝清酒好好飲! 有d甜甜地, 好易入口! 用來配海鮮一流!刺身盛合6款 ($618)賣相一流!! 一放落枱已睇到口水直流!!味道都同賣相一樣, 都係一流的!刺身有: 三文魚，赤身，赤貝，油甘魚，帶子，同埋拖羅呀!!!!!!全部都好鮮甜好好味!完全食得出佢好新鮮!因為我係個d好怕腥味既人, 但呢度d刺身係半點腥味都冇!同埋一d筋都冇! 我都好怕刺身有筋。刺身全部都好肥美, 個拖羅係入口即溶, 勁重油香。不過佢係出色到, 連赤身都好好味! 真係好出色

很久沒有和媽媽吃海鮮了，一直掛念在日本吃過的浜燒後，活生生燒的，味道就是鮮甜。期待今晚帶媽媽來吃呢！我和媽媽都喜歡喝梅酒，點了原味和柚子梅酒各一杯。原味的梅子味濃，酸酸甜甜，媽媽特別喜歡。而我就喜歡柚子香配上梅子，酸甜得來又帶點清新。媽媽最喜歡的是日本帆立貝、文蛤蜆和白貝浜燒。除了活生生燒的海鮮，它的肉質鮮甜外，媽媽也喜歡店家將帆立貝用清酒煮，更能夠帶出帆立貝的鮮味。而用牛油煮帆立貝，效果也非常不錯，味道一樣鮮甜，但配上牛油就是更添香氣。最後，我們點了番薯雪糕和柚子雪芭，為這餐飯畫上完美的句號。番薯雪糕味濃郁，甜甜的。柚子雪芭味道清新，一貫的喜歡💕

因疫情關係冇得去日本，所以食日本菜止吓咳 想試呢一間好耐喇， 今晚試咗個二人前浜燒盛合， 個餐有五種海鮮，包括有蠔、蟹、蝦、鮑魚及帶子，我哋加錢升級由蝦轉做龍蝦 🦞龍蝦可以兩種食法（做刺身＋甲羅燒）劏龍蝦之前職員會畀隻龍蝦你望吓， 亦都好鼓勵你影相 ，其他嘅海鮮燒之前亦都會一樣畀你望吓。首先上刺身，大家都知道新鮮嘅龍蝦刺身真係非常非常非常好味🤤🤤🤤肉身結實兼彈牙，配少少芥辣及豉油 💯💯💯各樣海鮮都燒得好好，好欣賞個蟹 🦀真係鮮甜到不得了，非常有蟹味👍壓軸係甲羅燒 ，我第一次食甲羅燒 ， 原本係將所有嘅糕混合龍蝦頭肉一齊燒，睇得出好豐富🥰🥰飯後甜品我哋揀咗蘋果雪芭及蕃薯雪糕， 佢哋竟然將個蘋果同番薯淘空後將啲雪芭同雪糕放返入去 😂😂 兩個甜品都好食， 估計係用蘋果肉做雪芭，用番薯肉做雪糕口感清新

今日放工約左女友係銅鑼灣，行左陣Uniqlo，就決定食晚餐，最後我地都係上open rice 睇下有咩餐廳吸引，最後揾到間係澳門中心到既，食日本野叫漁獲浜燒，睇圖好似幾吸引，所以就決定上去。餐廳唔算好多人，所以唔洗等位就入得，我哋坐喺吧枱，環境唔錯，正常居酒屋既格局。我哋叫左沖繩風沙律、刺身盛盒5款、二人前浜燒盛盒，黎到居酒屋點可以唔叫酒飲，所以除咗食物之外，我哋仲叫咗一支月之玉響大吟釀清酒，食物好快就到枱，首先上枱既係沙律同刺身盛盒，兩個冷盤都係有三文魚、吞拿魚、同油甘魚，而盛盒再多埋海膽、甜蝦。仲有個沙律份量好大，入面嘅刺身都唔少，食咗呢兩個冷盤已經好滿足。跟住到浜燒盛盒，首先佢會拎住個生嘅浜燒盛盒俾我哋睇，包括有鮑魚、生蠔、帶子、蟹腳、虎蝦等，我見到啲鮑魚仲識郁，好新鮮。睇完之後佢哋就會拎去浜燒，佢哋會逐樣分批燒，所以唔怕啲海鮮燒完擺係到凍哂。首先生蠔第一個燒完，當然迫不及待試試，入口有濃郁既蠔味，同鮮甜味，之後有淡淡既海水味，超juicy 😋 之後到蟹腳、虎蝦，呢兩款海鮮，我略嫌燒得過咗頭，有少少硬，但都依然鮮甜，再之後到帶子同埋鮑魚，呢兩款我就相當滿意，唔會笑得太生或者太熟，

一推開店門就聞到濃烈的燒燶味，二人前燒物成功率不足50%兩隻燒生蠔一隻燒燶，入口熱度不均勻，正常應該全隻熱辣辣但佢就大半部分都凍冰冰得靠近燒燶殼的部分有餘溫兩隻鮑魚燒燶左一隻，燶到成啖鮑魚苦嘅蟹腳一睇就知唔新鮮，燒熟無辦法離殼，散收收，仲要周圍都係碳屎D帆立貝仲差過百佳買翻屋企自己整成餐飯嘅質素只可以勉強入圍傳統ktv自助餐的檔次Btw連醬都超難食未食完已經忍唔住要寫人生第一次差評未食過咁難食嘅日本野直頭對唔住「日本野」呢三個字真係想試食呢間嘅敬請慎重考慮打緊呢篇野嘅時候老公已經頂唔順催我走話唔好浪費時間係度吸燶味我真係要翻屋企洗頭了sad

老公正日生日決定食日本菜好好慶祝一番，本來平時呢個時間應該已經身處日本當地慶祝生日，今年由於疫情關係只可以留港慶祝。前菜 - 芝麻鹽醬椰菜（細）芝麻醬味道香濃突出，椰菜爽脆清甜。冲繩風沙律沙律材料豐富用上大量刺身+冲繩海葡萄、苦瓜等等製成，淋上酸甜沙律醋，味道酸酸甜甜，非常開胃，而且剌身新鮮，海葡萄入口脆卜卜，整體清新美味，不錯不錯喔！白鱔浜燒白鱔採用生燒方法，肉質保持鮮嫩爽彈，魚肉鮮甜可口，正！味噌蟹甲羅燒蟹味噌加入蛋汁蔥花慢慢烤熱，最後拌上自家製麵包碎，入口蟹膏香味濃郁，咸香惹味，伴上脆口法包，更添滋味。二人前浜燒盛合（活）海鮮盛合非常吸引，有活南非鮑魚、北海道帆立貝，生蠔，大蝦等等，店員會幫忙續一燒好上枱，全程專人服侍真係超正。燒鮑魚鮑魚爽口鮮甜，肉質鮮嫩彈牙，沾上少少柚子胡椒更能帶出鮮味。燒北海道帆立貝加上清酒烤煮，味道清香鮮甜，肉嫩多汁，非常新鮮。最後食埋甜品做總結。柚子雪葩 - 柚子味清香撲鼻，入口微微的酸甜味，正好可以清清味蕾。

真是好懷念去日本食浜燒這樣食物，所以到最後同老婆去銅鑼灣搵食，在銅鑼灣澳門逸園中心商廈都好多不同的日本食品，最後選了這個漁獲浜燒。在室內見期間限定清酒買一送一，對鍾意飲酒的人來講是不錯的選擇，同埋見叫了浜燒可以用優惠價再叫刺身拼盤，所以到最後叫了浜燒SET。【柚子x檸檬酒】果味重，非常容易人口，岩我的口味。【前菜】芝麻鹽醬椰菜，用佢來清清個口同個胃先就最好了。【沖縄風沙律】呢款沙律都係第一次試。材料好豐富，有三文魚、吞拿魚腩、八爪魚、苦瓜、牛油果、番茄仔、沙律菜、海葡萄等，刺身非常肥美，一流。【五款刺身(牡丹蝦、三文魚、赤陸魚、油甘魚、海膽)】牡丹蝦：超大隻又軟嫩鮮甜。三文魚：十分肥美，魚油甘香。赤陸魚：肉質細緻，微微灸過，令油香散發出來。油甘魚：厚切肥美又夠新鮮。海膽：係我至愛，Creamy得來又好甜美呀【浜燒二人SET】超新鮮既海鮮盤蠔只稍稍烤過，蠔身肥厚。蟹腳新鮮鮮甜，食落仲有少少海水味。鮑魚燒得不錯，唔會韌，口感彈牙。超大隻虎蝦，肉質彈牙爽口，仲要有香濃蝦味，蝦頭仲要有好多膏。帆立貝選了一隻清酒燒，清酒燒比較清淡。另一隻牛油燒，本人比較喜歡牛油燒，超香濃的牛油味加上帆立貝的鮮味

自從有次同男朋友食過浜燒之後就令佢上癮，一講食居酒屋佢就話不如浜燒😂今日就下佢，順便當食健康d🤨😂/ 雖然食浜燒，一黎我地都係叫酒先叫店員推介一支冇咁辛口嘅，尼支甜甜地帶果香，配燒海鮮一流👍🏻因為我想食菜所以叫左個沖繩風沙律，有沖繩最出名嘅海葡萄同苦瓜，甜酸苦都齊，令成個配搭更特別👍🏻刺身盛合5點: 全部都好新鮮，最滿意海膽有海水味之餘又creamy又夠甜👍🏻吞拿魚赤身都比我想像中重魚味，唔會唔知食緊乜😋重頭戲梗係浜燒盛合！上枱比我地呃like先😂😂鮑魚勁大隻仲識得郁架，之後會拎去一邊幫我地燒蠔都好大隻，鮮甜飽滿，連d汁都飲埋🤤蟹腳好貼心幫我地剪開晒，仲保留到蟹肉嘅juicy大蝦爽口彈牙，不過我鍾意連殼多dd，就keep到d肉汁喇2款帶子各有特色，男朋友極愛牛油味貪佢香口😆我就偏好清淡食原汁原味😉最後係我堅持下叫左個蕃薯雪糕，好似食蕃薯咁但更香滑清甜👍🏻有個人怕中伏所以叫柚子雪芭😂仲更加清新，而且酸甜解膩，做ending好完美👍🏻👍🏻

今日去咗銅鑼灣漁獲浜燒食日本嘢，因為真係好掛住日本，好耐冇食過明爐燒海鮮貝類，呢度就有得食！餐廳酒類選擇多，有豐富嘅清酒選擇，今日叫了一支月之玉響，入口非常之爽甜，帶點蘋果或蜜瓜嘅甜味，清新爽口。大部份顧客都係幫襯套餐，所以我哋都係叫咗一個刺身及浜燒盛合，而家有優惠，另加燒喜知次，有減$100優惠。刺身盛合有牡丹蝦，油甘魚，赤鯥魚，三文魚同埋海膽。牡丹蝦非常大隻，個頭都是全透明，食落香甜夠彈牙，又有牡丹蝦黏黏的口感，非常好吃。海膽入口唔苦帶甜，有海水味，吃後非常回甘，餘味悠長。油甘魚非常厚身，份量十足，魚油份充足，魚肉爽口。仲有高級的赤鯥魚，魚肉油脂豐富，味道鮮美，有種獨特的甜味。浜燒盛合有珍寶大蝦，松業蟹腳，鮑魚，帆立貝及生蠔，海鮮都非常新鮮，帆立貝同鮑魚上枱仲係郁緊，好生猛！呢度嘅浜燒係有店員幫忙，唔使自己燒，燒到手忙腳亂，又唔怕海鮮燒得太熟，浪費哂！枱面會有三個醬汁選擇，七味粉麵豉醬，袖子胡椒及海鮮豉油。個人覺得七味麵豉跟海鮮最配合有少少辣味，可以吊起海鮮味。珍寶大蝦非常大隻，入口彈牙有蝦味又有蝦膏。帆立貝加入清酒燒後，味道更加突出，完全日本風味，食完帆立貝剩低嗰一口湯，我一定會

日本日本我愛你🥺當思鄉病發作時，又係要去食日本嘢嘅時候啦。今次選擇光顧銅鑼灣的漁獲浜燒，主打磯燒海產，跟日本的集團連鎖店磯丸水產十分相似，但磯丸水產是自己燒海鮮的，而這店就全程有侍應代燒，生熟程度控制得更加好。雖然是主打磯燒海產，但食日本嘢，唔食刺身又點得呢，所以都係點了刺身盛合五款。還有招牌菜二人前浜燒盛盒。侍應還推介，點了浜燒盛盒之後，如果追加燒魚就會減$100，所以就點了較高價的喜知次。這店的酒類選擇也很多，由於朋友不喝酒，所以就點了一瓶200ml的清酒自斟自飲😂刺身盛合當中包括有三文魚，油金魚，赤鯥魚，海膽及牡丹蝦。三文魚及油金魚正常水準。赤鯥輕輕用火焯過，令油份更甘香。海膽味濃，回甘味充足。而最出色的是牡丹蝦，蝦頭晶凝通透，蝦身爽甜味濃，水準之上👍由於磯燒海產是由侍應代燒的，所以生熟程度控制得非常好，首先上枱的是燒松葉蟹腳，蟹肉充滿海水鮮味，經輕輕一燒之後，蟹肉更加緊致，味道再濃郁一點。接着是燒生蠔，蠔本身已經非常飽滿，燒過後味道再濃縮，但又不會過熟，中間還有一點像食生蠔的口感，食後很久口腔中還充滿蠔的鮮味。之後到燒大蝦，一上枱時已經聞到濃濃的蝦香味，蝦的size非常大，烤的

朋友生日這個大日子，當然要去大吃一番。既然大家也愛吃日本菜及海鮮，漁獲浜燒正合我心意。五款刺身拼盤看到牆上的單張，得悉刺身拼盤正在做優惠，於是便點了一份五款的，有朋友至愛的肥美厚切三文魚，味道濃郁鮮甜，每人一隻牡丹蝦，肉質爽滑清甜，吞拿魚在口腔內餘香味持久，油甘魚也是鮮甜無比。最重要的是馬糞海膽，味道濃郁之餘，餘韻恆久，配爽脆紫菜一起吃更可減膩。鈴鹿川 純米大吟釀有刺身吃，當然要點一枝上乘清酒。鈴鹿川有著豐郁深奧的酒質在口中漫延，令人感到舒暢的香氣逐漸在鼻腔裡散開，令人回味。二人前浜燒盛合然後便到了準備吃今晚的主角，浜燒海鮮，有珍寶大蝦，松葉蟹腳，鮑魚，蠔及帆立貝。鮑魚還是活的，可以看到牠在蠕動。燒蠔肉身鮑滿的即開生蠔經專人放在洪洪烈火的爐上面燒，鮮嫩的蠔汁緊緊鎖在裡面，一咬開便感受到那股震撼。珍寶大蝦驟眼一看，這隻蝦的尺寸比牡丹蝦還要大，一隻已經足夠二人食用，而且蝦肉肉厚爽甜，蝦頭的蝦膏更是鮮甜無比。燒帆立貝兩隻帆立貝均用了不同的燒煮方法，這隻是清酒燒煮，另一隻是牛油汁燒。本人最愛吃帆立貝的裙邊，爽鮮彈牙，煙韌無比。燒松葉蟹腳松葉蟹腳鮮甜嫩滑，而且份量很多，蟹汁豐富又香濃，令人吃上癮

同屋企人行銅鑼灣，知道呢度做緊優惠，就預早Book 定Lunch Time過黎一試食完之後屋企人個個都大讚價錢都算親民Lunch Set 1個飯加1份漁燒，仲有前菜＊麵豉湯唔算好咸，都幾好飲兩件蛋好好食＊鮑魚好新鮮，鮮甜、彈牙＊全部刺身（有甜蝦、帶子、魷魚、金鯛等）都好鮮甜🤤亦都唔腥，丼飯軟硬適中👍🏼＊牛脷燒到岩岩到位，唔會過火，入口係爽口、煙韌加上佢既醬汁，感覺非常豐富＊鰻魚燒到外皮香脆，本身已經冇乜骨，仲保持鰻魚本身既彈性，再加上香甜既鰻魚汁，一絕最後上左呢個甲羅燒，係全餐最好之一蟹膏濃厚，再配一啖多士，味道真係Perfect Match必食推介！總括而言，甲羅燒係必食之一，中意食鰻魚丼亦都可以一試價錢親民，假日可以一試之一，我諗我如果再經過銅鑼灣都會再次去食但去之前記得Book 位