漁獲浜燒 (已結業)

這次去SOGO附近覓食，記得附近有一座大廈是吃日本料理的，所以就去看看吧🤤。這家店舖有午市主餐牌7折優惠😆，另外推出了午市套餐A+B各選一款，跟餐有沙律/麵豉湯/前菜。💥鮑魚配極上北海丼 HKD$226，鮑魚爽口彈牙很煙韌，簡單配醬油味道已經不錯🤤。而丼飯材料有甘蝦/鯛魚/蟹棒/紋甲魷魚，食材新鮮挻喜歡拌飯不錯💕。💥蠔配精選三品魚生丼 HKD$176，蠔的味道挻鮮味，口感爽滑😍，這個丼飯材料有三文魚/鯛魚/油甘魚，這個組合挻喜歡吃，簡簡單單的味道也不錯😝。食物賣相不錯而且食材新鮮，吃日本料理當然要飲杯酒享受一番。我們點了巨峰提子味汽酒和乳酸味汽酒，味道容易入口☺。食物價錢中等，質素不錯😆。

真的真的好想吃浜燒，浜燒的感覺好像比較適合晚上邊吃邊喝酒，但疫情下發現只原來日間吃浜燒也不錯！上星期六就到了銅鑼灣的漁獲浜燒吃「午市定食」：午市定食有A 及 B部分，A就是各款浜燒，而B就是丼飯。套餐配有沙律、湯和前菜。在A部分三心兩意下選擇了《鮑魚 $98/隻》和《蠔 $88/2隻》；而在B部分就選擇了《上北海丼 $128》和《和牛薄燒丼 $108》。店員先遞上活生生十分新鮮的鮑魚和生蠔給我們過目，然後就會拿出去做浜燒，不用適合自己動手。生蠔大隻又肥美，連湯汁一併入口十分鮮甜！而鮑魚夠大隻，十分鮮嫩，完全不韌，都很超值。《極上北海丼 $128》小小一碗，但放滿了甘蝦、帶子、蟹棒和紋甲尤魚，款款新鮮，肉嫩清甜，輕蘸上醬油和芥末就夠提味了！《和牛薄燒丼 $108》同樣小小的放滿了和牛薄片，包著有韭菜豆芽，和肉調得惹味，而且夠薄身不會韌，加上韭菜豆芽增加口感。《京姫柚子x梅酒 $65/杯》梅酒帶點柚子香和微甜，十分適合女士口味。《淺間蘋果甜酒 $65/杯》蘋果甜味又是清香易入口之選。每人二百多元就已經享用到浜燒、丼飯和清酒，認真不錯。

疫情下好多餐廳堂食lunch都有折扣~~今日想食好少少，黎左<漁獲浜燒>到食海鮮係open rice訂座就有7折優惠 (主餐牌) ~~由於主餐牌7折後既價錢同set lunch差唔多錢所以我地都係決定散叫~試下佢D海鮮我地一共叫左5樣野~~每樣質素都唔錯1) 甲羅燒配多士 侍應會先擺低比我地影相，再拎去燒~~蟹膏味道豐富及軟滑，配上多士，口感一流2) 左口魚邊手卷雖然睇落佢個樣平平無奇但一擺低，就見到D魚油開始滴落黎，食落口滿滿左口魚既油香~~3) 燒松葉蟹腳~ 味道鮮甜  美中不足是蟹肉有點黏殼。4) 三文魚親子飯~ 賣相好靚~ 用木筒裝住D飯份量都唔少，有6片三文魚及一堆魚子~~好滿足5) 漁獲海鮮鍋共有4款海鮮 (鮑魚，蝦，蠔，魷魚)食得出海鮮全部都好新鮮~~鮑魚同魷魚十分爽口，喜出望外總結而言，海鮮新鮮而且味道不錯~~7折後共$472，食左5樣野，價錢都算合理

在疫情影響下，餐廳轉攻外賣之餘更推出各種優惠吸引客人實在司空見慣。之前不時對這間主打浜燒的日本餐廳時有所聞，但畢竟晚市堂食仍未恢復所以這段時間尚未有機會一試，反而在OpenRice看到外賣自取有八折優惠甚為吸引，所以當日午餐便提早用手機下單外賣回家享用。雖然這次未有機會堂食，但餐廳環境無疑是充滿氣氛，另外值得一提的是店員態度相當友善有禮，安排座位令我可以舒舒服服地等候外賣。A5和牛稻庭烏冬 ($268)原價$268的A5和牛稻庭烏冬折後只需$215，湯底與和牛及烏冬分開盛載相當貼心，避免令烏冬浸軟或和牛變得過熟。半熟的和牛片色澤油亮粉嫩，入口柔軟細緻並充滿豐腴油脂香。稻庭烏冬比較幼細更能吸收湯汁，口感煙韌彈牙。

疫情期間實在另人太疲累，食好嘢才會有戰鬥力。今天午餐去食日式料理。呢間料理店主打浜燒，海鮮當然是台柱。午市套餐係A+B ，A即是選擇其中一款海鮮，店員會待勞燒烤。B是主食，魚生，熟食.....款式多，梗有一款心頭好。時令海鮮是刀貝，味道非常鮮甜，散發出海水的鹹味，鮮，美！和牛薄燒丼，牛肉燒得剛好，半成熟狀態，包裹著芽菜，蔥條，另油膩感減退。我覺得靈魂在於燒汁，調味得宜，燒汁跟牛脂溶入米飯粒，粒粒米飯充滿著脂香，好味。前菜的蛋卷不錯，有濃郁蛋香，正！麵豉湯味道恰到處，不會過份鹹膩。

上OpenRice搵到呢一間日本料理，就試一試，水準比預期好！海產非常新鮮，美中不足的就是很多海產燒物因為疫情影響而供貨不足，例如鮑魚，元貝等等。同埋刺身龍蝦都沒有貨。可以在供貨上面加多點力度！令我較為深刻的就是那個魚刺身！非常新鮮的口感！爽口嘅感覺，令人回味無窮，有機會也會再試多次！另外那個燒龍蝦亦都非常好！一食就知是新鮮的龍蝦，蝦肉彈牙！蝦肉上更很多糕！食完都舔舔脷！服務員態度亦非常好！也會提供卡片給你下次再光臨！如果係諗住食質素嘅話總括來講都係值得推介！但如果諗住平嘅話就唔適合啦！唔試過你又點知好呢👍🏻

係限聚令之前食左呢間餐廳，一睇佢個名就知道係食海鮮啦。唔好講咁多，開返一支清酒飲下先，呢支清酒味道係比較易入口但係又唔會缺少呢左大米嘅香味。首先梗係要來一個刺身盛合五款，裏面有牡丹蝦，赤身，金目鯛，海膽同三文魚。每款都好新鮮， 你淨係睇佢張相個樣已經知道啦！其中特別要講一講嘢就係赤身真係好鮮味，有可能唔郁嘅吞拿魚味，而且佢呢舊赤身嘅部位都係好靚嘅，我本人就鍾意食赤身多個食拖羅， 因為貪佢嘅魚味濃郁啲。另外就係個海膽好大舊，睇佢好似橙紅色太陽一樣嘅顏色就已經好想食啦，好鮮甜一啲都唔腥，本來個紫菜食就將海膽嘅味道更加昇華。跟住就到呢個二人前浜燒盛盒，總共有五款海鮮鮑魚好肥美好新鮮，一啲都唔會腥，十分之鮮甜大嘅扇貝又係不得了，加咗牛油同蒜蓉去燒令到成個帶子嘅味道更加香，每一粒都吸收左牛油嘅香味，同本身帶子嘅甜味混和左一齊，再加上燒過就更加之豐富 然後就到呢個長腳蟹，又係非常之新鮮鮮甜， 呢個純粹係食個蟹本身嘅海水味同埋鮮味，就已經好足夠最後唔係好夠飽就加多個和牛石鍋飯，和牛雪花好均勻，入口即溶而又帶有濃厚嘅牛味，有啲似牛油嘅香味，佢個煲夠晒熱，食到最尾嗰陣時好多飯焦喺下面令到個飯更加有咬口同

今天晚上同太太又想再吃日式浜烧为晚餐，便在铜锣湾选了这间渔获浜烧。这家餐厅其中一样令我们深刻的是服务员会主动问客人要否搓手液，赞，安心。因今天不用开车，便点了一支日本清酒。这清酒是冻的，好易入口，好好喝，很配合与海鲜一起吃。我们点了黑松露炙烧平目鱼边沙律。平目鱼边很滑很嫩，很配合沙律一起吃，当然沙律菜很新鲜。也点了味噌蟹甲罗烧。味噌连同鲜鸡蛋和蟹膏一起在壳上烧熟，配上一件法式多士一起吃，蟹膏的香滑与脆口的多士，是推介。跟着点了二人浜烧盛合，有活生生的鲍鱼在壳上被烧熟后肉仍是十分嫩滑，又有烧的香味，令人回味。盛合仲有帆立贝，虎虾，大大只蚝和松叶蟹脚，这些被烧熟后都十分鲜味。另外点了和牛石锅饭，这个下次再来一定要再吃。生嫩的牛肉和生鸡蛋在烧热的石锅内跟饭拌熟，肉汁完全拌入饭内。石锅的热力足以令饭成饭焦，香脆可口。最后点了甜品，是蕃薯雪糕。很好味。是先将超甜蕃薯煮熟，把部份的肉取出然后填上蕃薯雪糕。我吃了部分冷冻了的蕃薯肉，是超甜蕃薯，这雪糕真的很好味。

由於最近的疫情反反覆覆，也不知道如何回復正常，可以放鬆一下心情去旅行，但人總是要生活的，於是經朋友介紹之下來到了這間充滿了日式風情的居酒屋嘗試一下美味的日本料理.這個沙律配上新鮮的刺身令鮮味突出了不少新鮮的喜之次，加上廚師細膩的刀工，十分之美味.魚身也不會浪費用來炮製美味的湯底.新鮮的海鮮拼盤加上活生生的鮑魚簡直是美好的配搭，能夠食出各類海鮮的鮮味.最尾加上一個和牛石鍋飯所有油脂也融入每啖飯中.甜品也不能不試非常濃厚的雪吧.

月中，又想去食好野；想起逸園全層都有好野食，就訂了漁獲兵燒。一入去，即刻好放心，因為餐廳分成很多小區，而且用了很多間隔，又會主動給我們酒精消毒，洗手間都滿晒防疫產品，好放心。天祿光臨清酒🍶含較濃果香，易入口，是一種吃海鮮🦞飲的好酒🥂燒蟹膏香噴噴，濃厚細密的膏，要用塊小多士中和一下那強烈的味覺衝擊😋😋海鮮🦞真係燒得好好，保持了海鮮的海水味，水分充夠、味鮮味甜😋😋蠔🦪鮑魚嫩滑、燒到剛剛熟，水份充足，煙韌口感，好正。帶子兩食用清酒燒或者用芝士燒都好好味，各有特色，鍾意到連清酒啲汁都飲埋。和牛石鍋飯和牛真係好香好味，嗰啲肉味慘落飯粒，飯可以自己決定要唔要飯焦，要就炒耐些，香口，不用就可以食到和牛飯嘅鮮嫰濃郁。桃🍑雪葩日本海鮮餐廳甜點都有質素，今晚是好好味既桃😇

好耐冇去日本，朋友介紹呢度搵到日本味道，就黎試下。刺身盛合6款 ($618)係燒海鮮店食刺身好似好傻咁，但水準居然及得上正統日本壽司店。 三文魚、吞拿魚、赤貝、拖羅、帶子同油甘魚樣樣新鮮甜到爆，厚切又肥美，抵到爛。 比較少食到咁大隻既帶子，兩個人分都比平時食一整塊多，鮮甜難忘。二人前浜燒盛合既蠔、鮑魚、松葉蟹、帆立貝同三重縣龍蝦毫無疑問都係好新鮮，最重要成功因素係店員手勢好好，就算自己燒都拿捏唔到咁準，當晚好彩人手好夠，成晚都有同一個店員全程serve我地，食到食材最完美既狀態。 最值得一讚係燒松葉蟹，火候岩岩好，蟹汁一滴不剩入哂我個口，滑嘟嘟又香甜。 三重縣龍蝦第一次食，彈牙到幻想到前幾分鐘佢仲彈跳緊個樣。味噌蟹甲羅燒 ($78)每次燒海鮮必叫，當然底味同平時食到既一樣，不過無謂配料唔多，啖啖都係蟹肉蟹膏，配麵包好香口。番薯雪糕 ($68)估唔到甜品都係一大驚喜，超鐘意食番薯，呢個雪糕就好似成個番薯雪凍左既滑溜版咁，天然到同就咁食番薯冇分別，心滿意足。

最近公務繁重，生活得比較壓抑，最簡單直接紓解嘅方法就係食餐好嘢。 之前食過漁獲浜燒留下深刻印象，未食已經知道唔會失望。刺身盛合6款 ($618)三文魚、吞拿魚、赤貝、拖羅、帶子同油甘魚未食已經感覺到好新鮮，入口鮮味十足，同係日本食到有過之而無不及。 印象最深係拖羅同帶子，前者同想像中一樣咁肥美甘香，後者就更驚為天人，好耐冇食過咁厚身又甜既帶子，一開四都啖啖肉。二人前浜燒盛合 ($1038) 轉鹽燒三重縣龍蝦鐘意呢度既浜燒盛合可以自由加配時令海鮮，每次食都好有新鮮感。 店員會先拎俾客人打卡，見到食材生猛到郁郁下，然後再即席燒海鮮。燒蠔加左清酒同高湯，味道較清淡，岩岩好襯托出蠔本身既甜味。 作為本身生食已經夠正既食材，最怕就係燒過火浪費左，好彩店員燒得岩岩好，蠔依然飽滿多汁。鮑魚正常發揮，彈牙香口，有鮑魚香味，配柚子胡椒醬一絕。燒松葉蟹好有驚喜，無論日本定香港都中過幾次伏，好易燒到乾爭爭食緊柴咁。 一上台見到咁靚仔忍唔住即刻讚下師傅，一眼就見到表面仲有肉汁流淌，咬落果然嫩滑水潤，仍贏於八、九成熟既最佳狀態，單單呢一道已經值得再黎一次。燒帆立貝有牛油同清酒兩款，師傅催促要趁熱食，所以冇影到清

很久沒有去日本旅行，出了糧，決定放鬆一下，食一些久違了的日式料理，感受一下日本風情。今晚去的是位於銅鑼灣鬧市，主打浜燒及刺身的居酒屋。風格充滿日式，而服務態度亦非常好，很貼心。金目鯛刺身，新鮮肉厚，而且清爽。一魚兩味，魚骨更煮成了香濃的鮮魚湯，配豆腐、海帶及麵豉。二人前浜燒盛盒是必點之選，配有不同的海鮮，鮑魚更不停地蠕動。鮑魚最吸睛，彈牙爽口，而蝦肉亦不輸蝕，啖啖肉，爽甜。還有清甜的蠔、充滿酒香的帶子和充滿鮮味的蟹腳。最後更點了蕃薯味雪糕，食完飯，感覺好像渡完假，很開心。

我們一行7人係openrice訂位，好好彩，即日都book到位。在銅鑼灣呢個雲雲眾多既餐廳中，我選了係漁獲同我至愛慶祝生日。當中最大既原因係佢哋嘅浜燒吸引咗我，而佢哋既魚生刺身亦相當唔錯｡海膽海苔天婦羅亦非常正，是我第一次食，諗起都

今晚友人推介食漁獲浜燒，它鄰近地鐵，一出站2-3分鐘便到，地點好方便，而且裝修都充滿日式風情。我們坐到最裏面，可以見到大厨切刺身同準備燒物😆特製黑松露炙燒平目魚邊沙律，之前research 過好多人推介。原本淡淡的牛油果，加了不小的黑松露，味道強烈，灸燒比目魚邊口感爽滑。整體沙律色彩豐富，用料高質，而且很開胃。接著是刺身拼盤，有三文魚，喜之次，赤貝，吞拿魚，帆立貝及油甘魚，入口鮮甜，件件肥美。再來是浜燒盛合，有活鮑魚，鱈場蟹腳，活日本帆立貝及活日本北寄貝。員店拿出來時，鮑魚真的很生猛呢。店員說浜燒可搭配醬料來吃，有3款：海鮮鼓油／柚子胡椒／七味味噌。推薦搭柚子胡椒混七味味噌，味道很持別。首先是燒鱈場蟹腳，店員給我們時己細心的把蟹腳剪開了。我一半點了醬來吃，另一半決定吃它的鮮甜味，不想它的鮮味都給醬料蓋過呢。接著是燒活日本帆立貝及活日本北寄貝，帆立貝很大隻，店員細心為我們切粒。用了清酒及牛油處理，肉質十分彈牙，個人喜愛鮮味的清酒。生猛活鮑魚好大隻，燒的時間剛剛好，軟腍得宜，原汁原味。最後小不了甜品，白桃雪芭及柚子雪芭。賣相很特別，雪芭都放回桃子及柚子裏面。白桃雪芭口感很清甜，而柚子雪芭甜