漁牧 (已結業)

身為榴槤愛好者的我，得知竟有食店推出榴槤雞煲當然滿心歡喜相約朋友前來挑戰！大門前掛著一個蠻可愛的招牌，大家能猜得出「漁牧」字樣上方的3隻象形文字是代表甚麼嗎？在這裡先賣個關子回頭再開估~等候期間到處逛逛，離大門不遠處竟掛滿了大大隻的肥鴨，似是正在等待著運送到烤爐吧...再望向右邊，店方在木櫃內擺放著數個象形文字，下方還有一小牌標示了該字體的由來及意思~現在大家也應該知道招牌的字樣是代表「雞」、「魚」、「鴨」了~雖然餐廳的菜式以粵式川菜、京菜為主，但沒有一般中菜館傳統的裝修，整齊的梳化卡座配上牆鮮艷的象形文字及射燈，不知怎的，不單沒有濃厚的中國風，反而感覺有點像韓式燒肉店餐牌上的食物款式還真多，有涼菜、燒豬、燒鴨、燒魚、雞煲、主食、湯窩、麵食、甜品及飲品等，正當以為友人已決定好一嚐榴槤雞煲時，怎料臨時退縮！最後唯有改吃燒魚算了...然後再多點了一些小吃及麵食作擺黑糖竹蔗冰 $58飲品方面，選擇也不少呢，除了一般的汽水啤酒果汁外，較特別的有梅子冰、黑糖竹蔗冰、青檸柚子冰及香蘭葉青檸水等...而我們就選可消熱氣的竹蔗冰，由於加入了黑糖，外觀上似是梅子冰多於竹蔗。竹蔗冰入口冰涼，帶淡淡的蔗香，

這一間餐廳一直有關注及想嚟試的, 食評一直都好高評價, 今天終於有機會同朋友嚟啦, 我們有七個人, 訂左枱, 都幾多人喎, 餐廳的裝修及佈置也比較新穎的, 唔知食物會不真的吸引呢?竟然有榴槤雞煲, 不過我唔食榴槤的.餐牌也好豐富及吸引呀.每人都叫左飲品, 朋友叫左HOEGAARDEN, 佢地話酒味唔係好出的, 但都幾好味. 唔會好甜呀.麻醬椰菜, 都好香呀,夠FRESH. 如果麻醬再多D仲好.話梅青瓜木耳, 好味, 又開胃, 酸酸甜甜的, 青瓜好爽口, 木耳都係.黑醋排骨, 細細件的, 個味道都幾好呀, 排骨好淋身漁牧混豬, 叫左半隻, 賣相都好吸引, 豬都好香脆, 加埋唔同的醬汁一齊食, 有黃芥辣, 青芥辣同埋乳豬汁的, 唔加醬已經好夠味, 豬下面係有糯米飯的.濃湯酸菜魚, 好大窩的, 不是熱住上的, 有好多酸菜, 仲有魚肉片, 仲有薯粉呀. 都好好味的, 夠晒入味, 魚肉都好滑身的呀, 薯粉唔算好多, 不過好入味, 酸菜都好入味, 又唔會好辣, 酸酸辣辣的味道. 正呀.生油梅子冰, 好味的, 酸酸味味咁, 同埋都算大杯呀.椰青都好味, 夠晒清甜.炒白菜, 普通啦.蒸餃, 好大隻的,

本身同朋友就開開心心來到依間餐廳食飯，無負評喎，一定唔差得去邊既。咁我地就叫香辣清江烤魚，同烤鴨食，見佢個烤鴨寫住無預先訂購要等一個鐘，咁梗係即刻寫左單先喇，邊食邊等，等落都無咁慘。好喇，15分鐘之後來左烤魚，食落都唔錯，香辣得來又唔會太辣，條魚無乜骨又夠滑。不過就真係好少肉食，食完都無感覺，於是又叫左個雞煲。食住等左半個鐘到喇，上埋烤鴨。落單之前以為個價錢係一鴨三食既，咁落單個時問清楚，三食要另加錢，依個價只得片皮鴨，可以後加。好，咁我地就無加另外個兩食，唔夠食都可以再叫其他。烤鴨好脆，脆得來又帶小小肥油，口感好正。不過個鴨就要襯熱食，放耐左鴨皮食落口會覺得好油，啲鴨肉乾到起楂。e....點解咁小份量既？300幾蚊很半隻鴨都唔知有無，仲要搵啲炸雲吞皮"朗 "高個底？講左咁耐，戲肉來喇。我地覺得包住鴨來食既麵皮同配菜唔係好夠，諗住叫多一套，於是睇多次個餐牌，寫住28蚊一套，叫烤鴨會免費一套，叫侍應落單。點知佢只係上左一客麵皮無配菜。我地: 點解得麵皮既？我地係叫一套架喎。侍應: 吓？我地: 指(拎住餐牌)，依度寫住一套28蚊，我地叫來一套，點解依家只係得麵皮無配菜？侍應: 無架喇，28

今晚同friend係尖沙咀行街，行行下上openrice睇下附近有咩好食啦！無意中發現有間叫漁牧既川菜，我地又未試過，所以walk in睇睇有冇位，最後唔使10分鐘就有位！餐廳設計時尚！廚房用左好多大玻璃可以見到廚師點樣煮食！朋友點左個coronarita, corona係 upside down,  我地一於手機食先, 呃LIKE都好嘛, 我係第一次飲, 配有火龍果, 士多啤梨, 啤酒慢慢灌入, 幾特別我地叫左個大漠風沙雞翼，用左避風塘方式去炒，所以食落好香口！之後我同friend都鐘意食榴槤既，見到menu有個雞煲好用榴槤黎到煮，無慮即決！果然無失望，熱既榴槤肉溶係雞肉上面，口感好好！估唔到咁夾！見到個湯底咁吸引，我地叫左d火鍋料黎打邊爐！我地點左鮮豆皮做雞煲配料,，鮮豆皮呈,格仔紋，因為食果陣有榴槤湯包圍住，有咬口得黎又好滑今次多得openrice而搵到呢間餐廳！好彩無簡錯！

新配fusion粵菜加川菜，加上新潮裝修，連隻碟都型過人。飲品非常特式，有韓式風味，鮮果加糖水配上梳打水，再慢慢流入啤酒，清爽，大杯到一個人飲唔晒。前菜海蜤爽口，帶花椒麻香，手拍青瓜亦相當美味。排骨唔太焾，有咬口，糖醋味香十分開胃。魷魚爽口且彈牙，酸辣味有點像泰式沙律風味。炒蟹用四川乾鍋式做法，帶麻辣香，配菜西芹薯仔盡吸其香濃及蟹味，不得不試。雞煲較為乾身，味道不及傳統雞煲味濃，較適合作火鍋用。甜美的紫薯餡配上煙韌糯米皮作結，值得推介的甜品。有機會會再試片皮鴨，感覺好像不俗，可惜今次人數不足。

寫了太多打氣飯，卻差點忘了手信局；今天天氣很冷，一冷就重溫早前在漁牧這頓溫暖愉快的飯聚，特別記掛著美味暖身的榴槤雞！關於漁牧，不少人認識它可能都是因為排過對面的茶木；未吃前不敢評，吃完後真的不怕說，天寒地凍，與其花時間去茶木排隊、然後又坐得逼逼的，不如來這邊舒服用餐啦！當晚4個人，除了我不太飲，其餘幾位都喜歡啤一啤，首先就來兩杯Hoegarrden Rosee。粉紅色的賣相很誘人，據說味道也酸甜清新之極，不過我最終也抵受到引誘沒點來飲。其實令我更動心是Coronarita，因為那淺紫色實在太迷人了！面層又有大量的水果，更加吸引；不過大量冰粒令我卻步，最後只取了水果粒來吃，繼續戒飲啤酒。後來發現這項堅持非常值得！前菜小吃點了兩款，川香鴨舌的鴨舌軟熟又入味、又帶微辣刺激，與之脷疊脷實在銷魂；醬油皮蛋調味相對較普通，但用的皮蛋夠溏心軟滑，我又是非常的喜歡，兩者都值得推介。也點了一份大漠風沙雞翼，成品超香脆又不油，雞翼中間甚至還吃到肉汁，也令人驚艷；特別是幾位啤酒友，邊啤邊吃雞翼，更加爽了～來到麻辣十兄妹，裡面是十款不同的食材，如豆卜、牛肉、藕片、馬鈴薯片等等，賣相與香氣都吸引，不過原來味道只

摩登中菜近來勢如雨後春筍，如飲茶、点心代表、唐宮小聚、名館等成了城中熱話，說笑道的「中國四大發明」「粥粉麵飯」可以re-define一下。這類中菜餐廳再不是老套地掛著xx聯婚作背景的酒樓格局，而是有如cafe 般的精緻裝潢，以具創意但價錢相宜的菜式作招徠。聖誕前一個星期是聚會時節，三人特地避吃西餐，打算進擊奇樂香辣雞煲。看罷某食友的食評，得知漁牧新出了榴槤雞煲，三人抱著疑惑但好奇的心態，由奇樂轉戰漁牧。知道愛榴槤者不多，我們仨卻是100%臭味相投，肯定不是一個 normal sampling。雖然已是幸福的一群，九成機會可以七時下班，但偏偏這晚卻成了那一成的例外。近八時到達，友人已坐下等著，門口堆滿了等旁邊茶木和漁牧的食客。早前有到過這茶木，只知旁邊的是有火鍋吃的地方，就是現剩下一家店的南燒北鍋。一邊茶木，一邊舊時的南燒北鍋，今時今日的漁牧，好像毫無關係吧，但其實都是太興集團旗下的餐廳。慕名而來的榴槤雞煲成了宣傳重點，但不知道有多少客人是為此而來了。沿用前身南燒北鍋的crossover 路線，由{南方燒味 x 北方火鍋} 變成了 {地 x 海}（

大約，我知道這間餐廳，是因為機遇巧合。因為郭偉亮的一個Instagram post，用英文簡單翻譯一下，"佢話佢喜歡食辣野，雖然魚唔係佢的喜好，但漁牧裡的水煮魚，佢就會覺得可以一吃"。我有時候都會相信明星的舌尖，至少如果好難食係唔會係公眾面前放低那個正面的comment ，就算係朋友的店要支持下，起碼都唔會差得太過份，始終一字一句，都有一定的影響力。我想，我沒有他喜歡辣的程度，但我喜歡魚，於是朋友提議來的時候，不用花一點的時間，我就舉起舌頭贊成了。在沒有做過功課的情況下，只知道係食辣野，原來漁牧的背後有個這樣的故事，又有水煮又有川菜又有乳豬又有雞煲，crossover到不行，我唔知道這樣是否銀河上華麗邂逅，我知道這樣有自己的concept 和故事主題還有文字的店不多，背後的心機誠意，絕對可嘉。今晚終於來到這裡朝聖，看到了這裡的裝潢漂亮得很，完全不像那些吃水煮魚的地方，或者是像川菜的格局，配合那些圖形文字，我以為自己在上Linguistic 的堂。我還是遲了一點來，菜單已準備好，我完全不用想，坐底就可以吃了。一來的川香鴨舌 $58，這個是typical的川辣菜式，那風味也算對辦，送啤酒最

Attention!! 愛榴槤之人留意。近日與朋友到位於尖沙咀的漁牧吃了一個雞煲，味道卻出符意料之外，令人驚喜。 首先的是：壇子花雕醉雞作為前菜，醉雞十分凍，而且酒味十足，十分入味，充滿著花雕酒的鮮味。放進口中，濃濃的酒香在口腔中溶解，相當不錯。作為愛醉雞的人，絕對不可以錯過。 成都油豆腐： 當初聽到菜名，都怕油豆腐太油膩。但結果，整個豆腐吸收了四川的麻辣香味，不太油膩外，辣味十分香，十分刺激，辣味十分有層次，不錯。 終於到主角！！ 榴槤雞煲 (利申：筆者與朋友都是嘗榴槤之人，平日都會吃上榴槤甜品）當初點上榴槤雞煲時，帶有一點恐懼，怕會又咸又點，或者整個味道不夾。但意外地，整個榴槤雞煲除了用料十足外，亦十分濃香榴槤味。 可說是有點「榴槤飄香」的感覺。 榴槤雞煲的用料十足外，當中有不少榴槤肉及雞肉。至於味道是如何？ 湯底除了是甜之外，而雞的肉身都十分甜，而味道不會奇怪。因為雞的肉身十分清甜，配上榴槤之下，令整體帶有一點椰香。 ---愛榴槤之人必點--- 蜂巢豆腐： 蜂巢豆腐的好處是可以將整體的湯底全部吸收，令將精華吸上，將整個榴槤放進口腔中。 日本蟹柳： 煮一

平安夜前夕，我們一行4人預祝聖誕節！ 相約到位於尖沙咀加拿芬廣場的 <漁牧>！這裡比預期大，一點也看不出是食中菜的地方，設計新穎時尚！ 供應新派中菜！ 大家有口福嘞！鮮榨西瓜汁 $68/酌入口冰涼，清甜解渴， 食濃味美食不能缺少的『涼』拌！爽呀！Coronarita $68以一個巨型酒杯盛載， 紫色的果汁，大量的冰塊，倒插一支細啤酒，並以士多啤梨及火龍果作點綴！賣相色彩繽紛， 大家可以開心 share，真是一大樂事！川香鴨舌 $58微辣帶嚼勁，幾開胃的餐前小食！壇子花雕醉雞 $48相信以花雕酒滲雞時間長，雞肉甚為入味！ 卻是雪得太久，完全食緊『冰鮮雞』！榴槤雞煲 $298一送上桌，榴槤飄香！以 gas 爐保溫，用上高質素的榴槤，並非預期的重口味，原來烹調過的榴槤，變得特別香甜，入口香軟滑溜！我們一行四人，每人一件榴槤！實在太少嘞！ 完全不夠喉！雞肉吸收榴槤汁精華，顯得更嫩滑鮮甜，味道真係無得輸！漁牧混豬 (例牌 1/4隻) $128等上也有好一段時間，就算久等也值得！例牌是四份之一隻，一碟八件，每人兩件，豬皮薄而甘香鬆脆，夾雜一點脂肪，豬肉鮮美多肉汁 蘸上三款清怡的茶末

一開始被它的名字吸引。原來「漁牧」是由來自北京、「世代以遊牧為生的」的Freddie和來自四川、「世代以捕魚為生的」的Fiona開的。「漁牧」這名字充分表現出雙方的家世。頭盆先來個風沙雞翼，雞肉炸得不乾，肉質嫩滑而且蒜味濃，不錯！「漁牧混豬」，名字有趣，菜單註明採用一個月大的奶豬，肉質果然很嫩滑，皮也處理得非常鬆脆，比起坊間酒樓的出品出色不少，值得一讚。跟豬有糯米飯和三種不同口味的醬料，各有風味。不過，個人認為原味（不沾醬料）最好食！可惜這次5個人只叫了一份1/4隻，每人一小件，相當不夠喉，點菜的朋友被笑太「慳家」!「榴槤 +雞煲」?這個配搭都頗有新意。端上雞煲，未食已經聞到榴槤濃郁之香，很能引起食慾。除了溶了的榴槤肉外，煲內仍然能見到一顆顆連肉的榴槤果核，真材實料。雞肉件數算多，肉質也很嫩滑，吃起來有一股淡淡的榴槤味，越吃越滋味。不錯！雞煲少不了啤酒，這Coronarita 以賣相取勝，白色碎冰加上夢幻紫色的糖槳，非常吸睛，怪不得座上不論男女都爭相拍照。飯後甜品是這「三色配」，內有豆腐花、涼粉、紅豆，這個組合也頗特別，豆腐花也算滑，不會太甜，清清淡淡，很適合吃完雞煲吃。