漁火海鮮刺身火鍋

營業中

休息中

跟喜歡的人當然要食得好一點，聽朋友說這間位於銅鑼灣駱克道京都廣場內的，「漁火海鮮剌身火鍋」食物質素高，價格合理而且經 Openrice 訂座有 85 折優惠，一於去試試先。油甘魚腩 $108油甘魚腩，色澤鮮明閃閃發亮一睇已經知道十分新鮮，點一點醬油Wasabi ，越食越甘香。漁火花膠雞湯翅 $238漁火花膠雞湯翅，奶白色的花膠雞湯一看已經知道非常足料，煲滾後香味更加誘人，先來飲碗花膠雞湯一飲不得了，用了新鮮雞和很多花膠熬成，雞肉嫩滑雞皮爽脆，實在超值。鮮甜脆骨腩 $78鮮甜脆骨腩，件件切到厚薄適中入口爽脆魚油香味十足，喜歡脆肉鯇腩的絕對不能錯過。水庫大魚頭 $78水庫大魚頭，叫得大魚頭當然份量也不少，入口香甜軟滑，尤其是魚嘴部份十分厚肉，絕對新鮮。美國頂級桶蠔 $158美國頂級桶蠔一碟五隻，每隻都有差不多一部i 7那麼大，漲卜卜蠔味濃郁突出，絕對是A級貨。自家韮菜餃 $68自家韭菜餃，隻隻飽滿餡料特多，韭菜味香濃越食越想食。烏冬麵 ＄28最後來個烏冬麵，把所有精華全部吸收在烏冬麵身上，入口味道鮮甜得來充滿雞湯味，滑溜正。

天氣時熱時涼，突然嘅大雨令氣温轉涼，我就又想食火窩啦。友人知道我鍾意養生，小食辣，特登帶我嚟依間火窩店，佢起openrice 度book咗枱，仲有8折添。依度主打燉湯做湯底加上海鮮刺身，餐廳細細間但係坐得好舒服一座低就有盤沾醬料可以自由配既然今日嘅主題係養生，就揀咗個菜乾白肺燉豬骨，滋潤一啲個豬肺清潔得好好，起燉湯前仲香煎左表面，令味道更香，我地直情將佢當成本日湯品咁飲，飲飲食食咗三分二先再加豬骨湯開始打邊爐食品種類貴精不貴多，一般火鍋材料都有齊本人鍾意食丸類，手打丸係麻煩手工菜，小時候媽媽會製作，將材料打爛混合切粒材料，有彈牙口感又有材料嘅鮮味，廚師花心思，豬肉丸內包鹹蛋黃，蝦肉丸外包櫻花蝦都為味道加分。友人係牛魔皇，特意叫了牛拼盤包括牛舌心，牛邊位，和牛粒，牛頸脊，同手切Prime, 非常豐富足夠二至四人食用蔬菜拼盤新鮮，我菜類都比較嫩而帶甜總括來講係非常健康嘅打邊爐。

今天在朋友公司附近駱克道京都廣場的＂漁火海鮮刺身火鍋＂邊一邊爐🥢地點方便就腳，經OpenRice訂全單八五折，又幾抵喎，環境舒適不會太嘈吵，最驚喜就是刺身和海鮮，高質又新鮮，服務員和藹親切，真是不錯的選擇😋漁火花膠雞湯翅$238只是吃這個花膠雞湯翅鍋底都已很滿足了，奶白色的雞湯味濃烈，雞件大滾後便可食，咬了一口感覺完全不同味，雞肉緊致鮮味，一問之下原來是走地雞🤩😋落足本🎉🎉泰式生蝦$128大大隻的泰國生蝦非常肥美，厚肉彈牙又膠口，泰式辣汁已放在生蝦上，重口味的我就覺得汁少唔係太夠喉😆美國頂級桶蠔$158美國桶蠔非常肥美大隻，大滾了3，4分鐘後食得，一啖係放唔晒落個口㗎😛當咬開時，蠔汁爆在口中相當幸福，蠔的鮮味滿布舌頭令人回味無窮天天鮮魚卜$78來到的魚卜新鮮脹卜卜很肥大，店員細心心地提醒我們要吉爆才能放在鍋中，這個魚卜早少少放在鍋中滾久了也沒關係，像迷你花膠仔，膠口又煙韌鮮甜脆骨腩$78脆骨腩分量十足切得大片又厚身，質量高表皮還閃閃發光有點彩虹色，食落肉質口感豐富，脆口又充滿魚油，新鮮美味😋皇帝菜$48看似一朵大菜花的皇帝菜，很幼嫩一點渣都沒有烏冬面（2個）$28分量相當足，如果三五知

今天去了銅鑼灣找朋友逛街，原來在Sogo附近都有好多東西食，我朋友平常都有來這邊上班，所以直接可以帶我食好西，他訂了這家火鍋店，在8樓，叫漁火海鮮刺身火鍋。進去發現原來地方好大，位置非常寬闊，店員服務超級好，不過一直騷擾我們。選擇材料方面，它們有兩頁紙這麼多的選擇，有好多我都沒有聽過，例如：PRIME牛肉，牛胸爽，牛黃喉等等我第一時間選擇了湯底，朋友推薦天麻白芷魚頭鍋，真的是一整個魚頭，好像煎過，一點點藥味，配上濃濃的魚湯，超級好喝。在等的時間，店員搬來一盤調味料，有9款選擇，我選擇了蒜，綠色紅色的辣椒，最特別是有芝麻，我朋友好喜歡，但我沒有下，豉油一點點甜味，好香。我們叫了一壺茶，每個人加8塊就有，食火鍋配一杯茶是最舒服的。上菜了，先來的是巧手糖心皮蛋，有一點點辣，皮蛋真的是糖心，超級好食。之後是我男朋友叫的豬粉腸，好乾淨，只要煮一下就可以食。有蝦子，超級新鮮，食下去啖啖鮮味，又爽又甜。我推薦招牌雲吞王，外面通常是包蝦跟肉，這裡不一樣，當然有蝦，可是一整隻蝦，肉是半肥廋的，最重要的是加了九王，把雲吞帶出香味來，好好好捧！！還有這個即炸鬆脆響鈴，真的是即炸，一夾已經聽到＂咔咔咔＂的聲音

今天去了位於銅鑼灣的一家火鍋店，之前是朋友帶我去食的，都食過好多次，已經對它們的食物跟服務是非常高的評價，我自己食過好食，什麼可能不帶我既男朋友去食一次啦。上去8樓，門口已經有新鮮的生蠔在等我，趕快進去吧。我給男朋友選擇湯底，要想清淡一點，所以要了天麻白芷魚頭鍋，大大的魚頭，把湯帶到濃郁的魚味，在帶有一點點天麻白芷的補身藥材味，不錯。我推薦了手切頂級PRIME牛肉，我要的是大份量的，因為真係好好食，肥瘦剛剛好，牛肉味夠重，煮個幾秒，又嫩又有口感。豬粉腸都不輸，彈牙，清爽有豬味。鮮甜脆骨腩，厚度剛剛好，不會太厚又不會太薄，煮一下就可以食，外皮好爽，腩肉好脆，食得出來是頂級貨。即炸鬆脆響鈴，新鮮炸出來，超級超級脆，放下去一下，有鮮味的湯加上脆脆的響鈴，極品美食最後還有新鮮生菜跟日本稻庭烏冬就食到飽飽了。中間我們加了一壺茶，每個人加8塊，清清腸胃非常舒服。一開始已經說了他們服務非常好，我們叫了茶，只要茶沒了，我們一次都沒有叫過，他們已經幫我加水，超高效率。

火鍋係我既至愛，基本上一個月都會去一次，今次朋友又搵到正野，book左銅鑼灣漁火，9點半後入座，全單8折，諗落真係幾抵！餐廳環境舒服，以卡位為主，卡位闊落舒服！醬料齊全，想得出都有，不過醬料要每位$15。打邊爐湯底好重要，呢度有14款選擇之多，對於我地啲女人仔黎講，都係鐘意揀啲滋潤養顏的，今晚揀左「漁火花膠雞湯翅」$238嘩～果真有翅woo，仲幾多tim中間放有雞件及翅，外面放了個冬瓜，二話不說試下啖湯先，真係好香雞味，又鮮又甜，好濃郁，飲左幾啖覺得好滋潤，真係好想當湯咁飲！另外，雞件肉質嫩滑，亦係唔錯！冬瓜煮淋左，吸晒啲雞湯汁，非常好味！仲有花膠，都有幾舊架小食 - 鬼馬油條 $68我最鐘意食既小食之一，油條內釀住蝦膠炸得香脆，蝦膠鮮甜，配上泰式汁，酸酸甜甜真開胃！活魚刺身 $328呢盤立魚刺身估唔到有咁多，成盤上好靚，片數多，四個人都食唔晒！立魚刺身魚味幾濃，結實口感，但又唔會死實實，$328算幾抵食，因為份量真係幾多！食完刺身後，原來仲可以將魚腩、魚骨整椒鹽骨腩，一味兩食，只係加多$30，不過呢個刺身已經好多，我地唔想食唔晒，所以就冇拎去整椒鹽。漁火特選牛盛薈 $438呢個漁火

我認識既銅鑼灣係買化妝品，女人行街既天堂，今日我都黎左呢到放鬆下心情，咁行到累，當然要搵野食啦，我想打邊爐，男朋友想食刺身，咁岩就見到一間漁火海鮮刺身火鍋，正合我地心意。樓下搭電梯既人都好多，好彩佢有兩部電梯，容易疏散D人。上到去已經有店員問人數，當然時間仲早，人唔算多，但佢Ｄ位係整高左，一個一個卡位，又大好闊，都幾舒服。野食方面都幾多選擇，當然同個名一樣啦，有海鮮又有刺身，我地自己選擇左三文魚腩刺身同天麻白芷魚頭湯鍋先。慢慢睇緊其他既時間，店員一直唔會黎打擾，只會係隔離靜心係到望，又唔係望到實個隻，令我唔覺佢係到既感覺，但一有野要食，要俾紙，要搵佢，第一時間佢就會應你，為你服務，呢個係我最欣賞既地方。我既材料都慢慢黎了，我叫左招牌雲吞王，日本稻庭烏冬，手切頂級PRIME牛肉，鮮鵝腸，牛黃喉，仲有個生菜。雲吞王好大粒，每隻都會有滿滿既肉加一隻原隻既蝦，中間仲有小小韭王，又香又大又鮮甜，勁正。仲有手切頂級PRIME牛肉，肥瘦均勻，有小小厚度，食落去牛味重，有口感，比較似牛小排，但又淋D。最後出奇地停唔到手既係日本稻庭烏冬，細細條，又滑又彈牙，在配上有小小藥材味，但又好重魚味既湯，絕配呀。

前幾日同朋友去左銅鑼灣一間火鍋店打邊鑪, 事後感覺確實唔錯, 所以決定要分享.  餐廳內環境企理乾淨, 坐得舒服, 都幾適合餐聚聊天.先黎兩個小食頂下肚先. 炸墨魚餅 &  鬼馬油條 都係即叫即炸非常新鮮, 而且乾身唔會入口油淋淋.  墨魚餅外層酥脆香口, 而裡面的墨魚肉餅就好彈牙鮮甜. 再配上酸酸甜甜的醬汁, 十分開胃; 油炸鬼表層釀上墨魚膠滑再拎去炸. 墨魚膠滑口感彈牙而油炸鬼就脆卜卜, 層次分明令人停不了口.立魚刺身 (椒鹽骨腩加$30) 老闆推介我們的立魚刺身, 非常新鮮同埋抵食. 立魚好大條, 所以刺身分量都好多. 而且師父用左比較厚身的切法, 刺身食落比較有口感, 爽口得黎味道好鮮甜, 真係好正!! 食完刺身後, 剩下的魚骨魚腩原來仲可以選擇加30蚊叫餐廳整“椒鹽骨腩”, 一魚兩食, 完全食到盡. 但由於我們實在叫左太多野食啦, 怕最後會食唔哂浪費左, 所以我地最終冇叫到. 下次有機會一定要試下先~漁火花膠雞湯翅   湯料有花膠, 冬瓜, 新鮮雞件, 素魚刺, 蟹籽, 菇, 粟米等等. 影完靚相後姐姐會即場幫忙將冬瓜圈切件~  花膠數量原來都唔少而且幾大舊. 而雞

漁火是一家以中式養生湯底配合日式刺身及材料的火鍋店。事不宜遲，立刻為大家介紹此店的優秀之處！漁火的火鍋湯底有各種中式養生湯，而當中推介的是菜乾豬肺湯。湯底用料十足，而且用燉的方法制成，味道清甜香濃而不油膩，加上豬肺清理得非常乾淨，所以即使在漁火亦能嚐到家中老火湯的好味道！品嚐過老火湯，店員會為客人在湯底加入雪白的豬骨湯，進入正式打邊爐環節！漁火的火鍋材料包羅萬有，亦有時價的海鮮供客人選擇。用餐當日，老闆娘向我推介新鮮的A級象拔蚌，並提議一蚌兩味，我當然要試試！象拔蚌刺身肉質爽口鮮甜，令人引不住吃過一塊又一塊！其實新鮮象拔蚌的膽亦能生吃，但小編怕內臟的味道，所以就放到湯底灼熟才吃。蚌膽比刺身較重海水味，入口軟滑！除刺身外，小編亦點了本地鮮牛頸脊及脆鯇片。牛肉味道香濃，油脂分配洽到好處，口感彈牙夠嫩。脆鯇片非常乾淨，晶瑩通透，放入湯得10秒即熟。這塊雪白無瑕的魚肉十分嫩滑，跟煙韌爽口的魚皮成強烈對比，加上咀嚼時竟感覺不到有任何細骨，十分美味！總結，漁火的食物質素高級，而且花款眾多，小編強烈推介各讀者到漁火試試，相信各位都能吃得非常滿足！

約了久未見面朋友聚舊，大家都想找一間可以慢慢坐傾計餐廳，朋友推介這間位於銅鑼灣的漁火火鍋，一於試試！餐廳設計闊落，每張台之間都有充足空間，十分適合朋友相聚餐廳主打老火湯鍋底，每款都好吸引，我們揀了花膠響螺燉豬展湯先喝了湯再開始打邊爐，湯底真的好味到不得了！鮮甜又火候十足，湯料亦十分足料，我們一行四人喝了整煲！本地手切牛頸脊很大碟，十分新鮮，值得一點鱔片厚切上枱，質感爽口，證明是新鮮貨美國桶蠔極之大隻，入口不腥漁火四色丸為自家製作，其中蝦丸十分特別，竟然有咸蛋黃釀在裡面，食落有蛋黃香味另外還點了一些小菜，鬼馬油條是在油條上鋪上蝦膠，炸得香脆椒鹽九肚魚外皮炸得香脆，內裏肉質保持嫩滑，令人食不停口炸響鈴一淥即食，食落無油益味，食得出新鮮炸起以這價錢可以食到老火湯火鍋，實在十分難得，值得推薦！

舊同事食飯，約大家嘅中間點銅鑼灣，喺京都廣場揀咗上8樓嘅火鍋店。一坐低侍應就推介佢哋嘅招牌燉湯火鍋，仲話可以先飲湯再打邊爐，見價錢公道，我哋就揀咗花膠響螺燉豬展。揀埋其他火鍋配料，個燉湯就出現，我哋即刻飲返碗試吓有幾正，估唔到又幾鮮甜，亦冇落味精。飲飲吓，我哋竟然將個燉湯飲晒！於是就改為豬骨湯底打邊爐😅先介紹小食，叫咗椒鹽九肚魚同鬼馬油條，兩碟餸都係即叫即做，上枱時熱辣辣，夠晒香脆醒胃。牛肉方面，我哋叫咗手切鮮牛頸脊，牛肉新鮮亦好淋，滾一滾就食得！特別推介佢哋嘅自家帶子餃，雖然味道清淡，但中間真的有一大粒帶子，果然真材實料！飲品方面，我叫了自家竹庶茅根，飲落唔會好甜，夠晒消暑解渴！由於經OpenRice book位，全單有八五折，買單每位只係$500 ，以用料計真係非常抵食！

考試前要豪一豪！ 駱克道搵好西！ 就黎jor 呢間試下！ 見網上推介要試呢個花膠響螺燉豬展 湯底！ 覺得唔錯！ 湯料好足啦！ 有好多響螺 雞腳 同埋足量豬展同花膠！ 198 其實好優惠！ 第一淡飲個湯底！ 就好似系屋企飲既湯咁~ 今次系食全牛宴！ 揀jor 個特選牛勝薈！ 裡面分別有 牛舌 牛邊位 一口牛粒 牛頸脊 安格斯手切牛肉！4個人食既話！ 啱啱好！ 食肉獸必點！ 講最滑的話, 當然系食那個安格斯牛肉啦！ 而那個牛舌都好特別！ 中意食牛舌既朋友 推介食下！ 總括黎講！ 牛肉質素唔差！呢個蝦滑真係真材實料, 匙匙出黎都見勁多蝦肉. 而食落口 好爽口！嗌個本店特色四色丸！ 睇佢介紹的確比較特別！ 右邊開始 系櫻花蝦蝦丸 咸蛋豬肉丸 咸牛肉手打鮮牛丸墨魚丸.覺得比較有新鮮感~ 而味道都唔錯！ 那個蝦丸 同個豬肉丸 味道更為特出！ 仲有個即叫即炸既響鈴，簡直打邊爐主角之一！ 吸收曬湯底精華！ 而且香脆脆的！其他配菜都好新鮮！ 而個烏冬都好贊！ 浸得耐d 都唔會爛！ 而且qq的口感！

雖然火鍋係港人摯愛，愛到一年365日都食，但呢個天氣慢慢轉熱，都要捉緊春天既尾巴，打多啲邊爐 😋位於銅鑼灣駱克道既京都廣場都有唔少火鍋店，但一早已經聽過漁火正，所以約朋友時都book左呢間試試，經openrice訂座仲有85折 🤤 因為唔算平價火鍋店，客人唔算好多，但環境好好，好靜，枱同枱之間都隔得開，方便朋友定人情侶傾下心事haha 一坐低就有人斟豉油，同放低調味架俾大家混醬！企理，服務貼心！打邊爐係湯底最重要，呢度仲正到可以飲完頭啖湯先打邊爐！鍾意飲左先又得，直接打邊爐又得。我地揀左菜乾白肺燉豬骨湯底，鐘意食內臟（尤其是肺）既我地要爭食。。。啲肺好林 ❤️ 成個湯好清，冇乜油，燉湯真係好甜好好飲！媽咪都未必會成日煲，出街食飯竟然有得飲☺️ 飲左好多湯之後仲要打邊爐點算呢？佢地會幫你加返啲自家製豬骨湯。另一種風味，好飲，不過都係豬肺燉湯最正！象拔蚌簡直係成餐精粹！ 我地超得人驚，兩個人5分鐘就食左$588 🤣 因為真係太好食，食到停唔到。肉質好爽口，味道好鮮甜，聽老闆娘講呢隻係野生最高級既蚌，真係唔怪得咁好味。果日去做緊特價$588都平左$200 ☺️脆鯇片好新鮮，塊塊都好手掌咁大塊，落左

星期五晚跟同事到了尖沙咀，他向我介紹一間火鍋餐 — 漁火。得知漁火食火鍋味道出眾，所以我地特意前往。環境方面，大部分是car位令人坐得特別舒服。服務方面也很好。這間火鍋店的醬油及水也要另外收費。胡椒白果豬肚煲：以採用胡椒做湯底，味道惹味又夠香口，加上煲內既豬肚。豬肚林口，配合埋胡椒白果湯底令整體的味道一流！鮮鵝腸：鵝腸好大碟，帶少少肥膏。但在焯的過程，鵝腸的肥膏會慢慢除去。焯後鵝腸好爽口，果然是鮮，個人十分推薦大家！雪白鮮鱔片：同樣地大碟的鱔片，師博將鱔片開邊令每片鱔片大小相同。焯後，鱔片邊超級爽口，而肉質好鮮味而不是泥味啊！雙拼丸（手打鮮蝦丸、咸蛋豬肉丸）：雙拼丸可以嘗試吾同款式既味道，的確不錯。手打鮮蝦丸口感彈牙，蝦鮮味濃郁！另外咸蛋豬肉丸是我第一次所食的，咸蛋襄入豬肉丸中，令味道很惹味，而咸蛋不會有油淋淋的口感，也是不錯的丸款。魚皮鮫：每粒魚皮鮫的size也很大隻，皮的厚度適中，內裏為鮮豬肉。食落也滲出肉汁啊！