滿江紅小甜甜 (已結業)

成班同事本來開開心心食飯慶生， 但最後真係食到一肚火！ 早知去返cwb個間好過 一入到去熱到死原來無冷氣，風扇又吾夠🤦🏻‍♀️有個平陰四眼啊姐服務差到一個極點首先我同事指張圖比佢睇話要半只， 佢就好無禮貌''咩半只啊''（好聲好氣小小人地都會樂意答您lol) 甘到我地再叫其他食物時佢話講咩啊😤 跟住同事問佢宜家咩態度，四眼姐話係甘嫁啦 ， 掉底本落單薄走左另外仲有位外藉人士員工（戴住耳機）我有位同事吾太食得辣， 所以拎左個碗入面有滾水過一過d辣味， 喱位員工望都吾望下張枱有d咩一野車落黎， 搞到成碗辣油倒左落我同事到， sorry都無句！ 閃人？ 係我地大聲講有無搞錯滾水加辣油淋落我同事到sorry 都無句？ 先講sorry , 又速逃 係有個應該最大既姐姐，叫做笑容禮貌好d🤦🏻‍♀️食物已經吾係好食嫁啦， 有個雲吞定餃入面d肉有陣怪味！皮蛋臭既！ 係得雞翼尖、萵筍絲好食d

作為一個無辣不歡的辣妹子，小甜甜就快變成我食堂了，就算一個人得都可以係度叫個小菜同主食。今日係就收工既時候就同同事相約一齊去食川菜，一講起辣野，我第一間就諗到小甜甜了。係大約7點就打左去訂位，通常都係宵夜時段先去既我覺得星期五晚餐時間book返會穩陣d 。大約830左右去到門口已經排滿哂人了，好彩訂左位可以即刻入坐。其實每次黎我都會試新野，但有一樣野係每次必點的，就係川北涼粉了。唔知點解今晚上菜速度會快到order完，1分內就送左涼粉上枱了。呢碗粉雖然睇落平平無奇，好似只係加左好多料，無咩特別，甘你就錯了。因為除左你肉眼所睇到既辣椒，炸蒜，花生，蔥，辣油，豉油之外，佢個辣醬先係重點呀，香氣就係靠佢既辣醬帶出黎。涼涼既粉加上會令你火辣辣既辣油，真係冰火兩重天第二樣黎到的就係一個人都食得哂既羊肉麻辣燙(中辣)。係落單個陣有得揀要金菇底定係芽菜底，唔知點解個呀姐係甘極力推介話好多人食金菇底，叫我地都叫，但明明去邊度食都係多人叫芽菜吧，所以我地好堅決甘要返芽菜底。又係好快既 2分鐘就上菜啦。睇到羊肉份量雖然唔多，但同價錢比一下係好合理既。而且呢度係有埋火係爐下要座住加熱以及保溫，大約 12塊小

朋友說因為我喜歡食辣野 所以慶祝生日來食小甜甜 所有野都係order正常辣 已經不是第一次來食 泡椒鳳爪 凍盤 好入味 第一啖食未適應辣度 感覺太辣了 但越食就會越上癮喔涼拌粉皮有埋青蔥係面 撈埋後有清新的口感外 也偏辣的 粉皮爽口 不會太淋手拍青瓜 份量都很大 很入味 蒜味很重擔擔麵 只是order小辣 已經很辣了 配上肉碎 麵質彈牙水煮魚今次冇5讚 桂花魚賣灑 轉另一款好多骨 油都很多辣子雞有微少的骨 很入味 但偏咸 如可以改進就好了椒鹽豆腐侍應推介 豆腐很滑身 外脆內滑味道賣相服務衞生價錢

愛川菜已經愛到成精有幾間川菜還是在朋友聚會中必選的朋友一約，便會自動打電話訂位滿江紅小甜甜便是其中一間基本上只要跟朋友說約在小甜甜飯聚朋友們都不會有異議涼粉，必食的頭盤之一這裡的涼粉水準一時時剛好今天的煮得過軟了，但調味還是很好夠酸夠辣夠香選對皮蛋呢道菜已經成功左一大半呢度既係溏心皮蛋，自然無得輸堅持要食既炸饅頭依家已經唔係好多地方有得食而且呢度嘅炸饅頭無油溢味，炸到脆卜卜再加埋煉奶脂肪爆標，但真係好好味呢度嘅招牌～～魚春煲同魚卜煲魚春應該係先走過油再放落煲煮一點都不鯹，無苦味配搭煲內既青瓜索哂d汁一齊食真心好正，飯都食多兩碗！魚卜煲汁底同魚春煲一樣但口感截然不同魚卜亦處理得很好，完全無鯹味蒟蒻鴨煲初頭諗住呢個配搭會好怪點知食落啲蒟蒻反而索晒啲汁，好好味個個都搶住食d蒟蒻反而留返晒d鴨無人食😂旺角分店第一次食但反而鍾意銅鑼灣老店雖然銅鑼灣既侍應態度10分差而旺角嘅侍應服務好好但就菜色而言，還是銅鑼灣老店略勝一籌

好好好姊妹生日飯遲遲都未食，兩丁友又不能叫得太多，於是叫多另一隻辣腳姊妹幫幫口，食多幾款又開心。泡椒鳳爪一定要，脆彈外皮加鹹辣適中，骨膠之餘又好味，內外兼備。唔叫水煮乜，因為太油了，一場黎到食辣，少少辣油點都叫碟夫妻肺片啦，只可惜有某啲位置比較難咬，味道係好味的。全部菜色可以揀辣度，我地全選中辣，費事只得辣而吃不出味道來。麻辣魚春煲係全晚焦點，上層舖滿魚春、下面有薯仔同青瓜「啷」底吸收精華，熱辣辣㷫住上枱，熱辣互相衝撞，確係食得開心、辣得過癮。酸菜魚係今晚最清啖菜色，水庫魚較「鞋」身，侍應姐姐推薦轉桂花魚，當然要另收費啦(最終都無改)，被其他濃味菜色拋離左，所以只覺酸醒胃而不覺辣。超級失望辣子蝦，紅噹噹辣椒乾外觀真吸睛，可是連蝦殻都完全無味道可言～差川味茄子索哂辣味不失為惹味之選。飲品記得叫少甜，試過多次他們糖水好似不計成本，太sweet到不停加冰

今日下午3:00要去油麻地上堂，上堂前先醫飽肚，上堂地點登打士街與砵蘭街交界之間，所以就係附近搵下有咩食，原來都有好多選擇，行過商場門口有個大招牌寫住「小甜甜」，這間食市晚飯食過都不錯，望下廣告牌原本有下午茶，便入去了。我order左川椒牛𦟌龍鬚麵同O檬水，龍鬚麵原來係米線，米線口感不錯爽滑，但牛𦟌剛相反5夠淋，湯底又淡辣味不夠，而O檬水竟然無O檬味，下午茶同晚飯小菜水準相差太遠，真係好失望。

身為一個麻辣控，係有鋪癮周圍去搵辣野食！成日聽人講小甜甜，但就一次都無食過！今日我就上去一試究竟！餐廳係砵蘭街果帶，都算易搵既上到去唔洗等位就入得👍🏽我地一行三人嗌左相入面既野食包括有麻辣田雞煲，麻辣雞腸煲，麻辣炒土豆絲同埋炸饅頭，椒鹽炸豆腐同埋清酒焗蜆😋平時都好食得辣既我，對住個田雞煲真係有d投降，食到我流哂汗，但又辣得好過癮🤣另外個焗蜆同土豆絲炸豆腐都好出色呀😋♥️下次都會再黎過👏🏼

反工寫意要食，早收工要食，辛苦工作更加要食今天同同事辛苦工作了一整天，一定要好好慰勞下自己，必食清炒土豆絲、泡椒鳯爪加大檸茶(吾食吾安樂)，—路食住先，再加其他野加個辣雞、田雞煲，味道開胃醒神，田雞肉嫩，雞件都吾少喎南瓜餅都吾錯以前我食開銅羅灣，但無論食物定飲品，出品差左好多，所以我地轉埸來里間分店里度D姐姐又好人

價錢合理，食物好食，份量又大，上菜又快！適合4人或以上去食，地點都方便，weekend唔想等位可以book定台。我本身好鐘意食辣，所以特別鐘意叫d辣既菜。如果有朋友唔係好食得辣，可以叫佢地介紹唔辣又好食既菜。

冬天就最啱食辣！幾個志同道合的老友聚頭，當然要盡情食辣小甜甜向來係九龍區的嚐辣首選，好味又抵食，最重要係營業時間夠夜，啱晒夜貓族呢度的小菜好出色，尤其係青椒皮蛋，切碎的青椒和皮蛋蘸著辣油，勁好味！另外個涼拌粉條亦夠爽口，每一個小菜都係幾十蚊咋水煮魚都係桂花魚的好食，今次揀咗鯇魚，比較多刺，怕麻煩的我都係淺嚐即止，同埋上菜太快，條魚煮得唔夠辣，可惜呀！全餐飯叫咗五個小菜，唔好睇炸雞翼尖同辣魚蛋普普通通呀，係呢度的招牌菜，次次食都無失望，三個人食六個餸好滿足，埋單每人只係百五蚊

昨天去了，点了水煮鱼，大失所望，一点不好吃，价格又贵，以后再也不会到这家去吃了！鱼全是是不新鲜，都是鱼骨，鱼肉都是熬汤骨，一片鱼片都沒有。其他菜，都好普通，还收茶位，加一，都不少！

午餐份量多，有湯、菜、很大碗餸（點了蕃茄魚飯）、飯和飲品/甜品。可是⋯⋯湯淡如水、菜係凍的，熱糖水也是微暖，只有餸和飯正常。係抵食的，但沒有下次了！如果真的光顧午餐，建議3個人叫2份/4個人叫3份便可，因為份量很足，但不太好吃，無謂浪費

三人行🙋🏻‍♂️🙋🏼🙋🏻‍♂️朋友介紹即管去啦😋酸菜魚表明唔訓，來到有辣，吃不下🙄🙄豬肉沒有味道，連菜都唔好味。唯獨湯水可以一試，揀乜無乜😑😑

第一次帶男友去，我例必點泡椒鳳爪，保持水準，辣度適中鳳爪爽脆。干扁涼瓜，瓜切得大舊唔入味又唔淋、干扁料肉碎太多老薑絲，只食到薑味。原味焗蜆只用少少青椒絲焗，唔會蓋過蜆嘅鮮味，只有幾隻有沙，不過不失。酸菜水庫魚要就男友揀了少辣，湯好好味，因為少辣唔會嗆喉，好多菇菌索哂湯汁好入味，魚我就覺得可以，但男友嫌「鞋」口。整餐只有涼盤嘅泡椒鳳爪最滿意。

又約朋友gathering，朋友介紹話食川菜，就係佢屋企附近一間川菜館，但餐廳名就令我以為係食糖水裡面燈光就比較暗，佈置都好中國菜館feel，不過真係陰沈左D口水雞，肉唔太多，味道就好麻辣果隻麻，都幾辣下清炒煱旬，好食，好清爽，幾香蒜味風沙雞中翼，熱辣辣，幾香口，炸得好脆干扁四季豆，送飯一流，偏咸原味焗蜆，食左幾粒有沙，都冇咩味麻辣田鷄煲，好辣，中意食佢裡面D薯仔，吸曬D味，好濃味又好林青檸樹，朋友話一定要試，但一飲我覺得好酸，叫左店員比糖水黎，好D，好在佢勁大杯，2個人飲一杯都得，但裡面都幾個青檸乍...酸菜魚，唔好食，唔中意個酸菜味，魚就好大塊ge...南瓜餅，好好咬，但冇咩南瓜味都好大碟，要成班人食先抵食，但D店員就怪怪地lor...