滿江紅小甜甜 (已結業)

今晚收工突然想食乾鍋，立即想起小甜甜。為復活節假期前夕開始序幕。二人起行去到小甜甜出奇地唔駛等位，可能早去關係，一去到就有位。坐低後，就開始點菜，隔離個個唔食辣野叫菜有少許難度，最後叫左買4餸1小食。第一個是酸薑皮蛋（他的至愛）呢個小食一般，沒有特別驚喜。第二樣是炒萵筍絲，這個菜是我和他每次來到必點的，萵筍好嫩吸左D上湯味再用蒜頭炒，正！第三樣是生煎包，煎得好香肉汁鎖住係包入面，第四樣雞翼尖，炸得香脆入晒味😋，最後壓軸干鍋田雞（我自己食晒一鍋😆），呢個真係好食到凡筆墨可以形容，總之一定要叫👍🏻 小甜甜我會再回來的。

這星期天氣炎熱，連日發放酷熱天氣警告， 感覺不爽！今日老朋友請食飯……問我想食乜？ 我答"辣"，因為他也吃得辣。19:05 到達，店內只有幾枱客人， 店員將我們帶到窗邊4人座。 朋友點了水煮魚(鯇魚)、 川味韮菜雞紅、麻辣雞煲及擔擔麵20:00 未到……餐廳客似雲來！ 我們離開時(20:35)……還有幾枱客在等候入座。水煮魚(鯇魚) 麻味較顯，此辣我也承受到。鯇魚不夠滑溜且較多小刺; 桂花魚該好吃一點。底層有大豆芽菜和薯粉。大豆芽太瘦弱不肥美，吸收不到麻辣精華 。薯粉太少較淋且不煙韌！川味韮菜雞紅……這個我喜歡！雞紅柔軟、滑嘟嘟，盡吸麻辣精華麻辣雞煲(半隻) 還以為是會"Gi Gi聲"、較乾身那種雞煲…鍋子下有點火在加熱。同樣麻味較突出，個人覺得不算辣。雞肉算滑(可能多數吃到雞髀和背)吸收麻辣野味，蠻不錯！四川擔擔麵…麵質爽滑有彈性，麻辣湯底還可選辣度。我喜歡這個味道，因為湯底不會太多花生醬，感覺"立"口。肉碎分量恰到好處，加點蔥花…滿足！店舖空調不足，食到中段……朋友已大汗淋漓， 儼如在烈日下當苦力

本身想食老川皇，我食開，但太多人等位，落左下一層，小甜甜都係食川菜。諗住可能差唔多!但係差太多，點左水煮魚，啲魚好多骨，仲好勁細（老川皇得冇咩骨）下面嘅芽菜好似枯死左咁，一啲都唔爽，青菜好硬。薑蔥雞冇咩味，啲雞肉好諧。擔擔面不過不失，最好食係個蒜蓉炒蕃薯葉，幾新鮮，同埋唔太油！不過唔記得影相但係真係同老川皇差太多啦不過個環境幾衛生， 啲侍應又幾好禮貌，不過啲座位坐得冇咁舒服，所以整體來講，唔會特登再嚟食！

幫襯左幾年，但今次係最後一次 無下次！ 先講出品：每次必定會點 魚春魚卜煲（中辣）今次廚房師傅對中辣有唔同既標準，即刻焗住要叫杯$30凍飲。生意手段？ 墊底既薯仔蘿白多到... 最慘係大塊 食到尾都未煲冧& 未入味 。 變相加價？拍青瓜 蒜蓉少 青瓜又有d好似雪傷左咁。失望！再講服務：原本預留左一煲魚春一煲魚卜， 無留到俾我。 平時長頭髮好醒目講普通話個姐姐唔見左。 得返d 掛住執枱 揮手都睇唔到既。 仲有個唔知係咪老闆娘既人 掛住同其他枱 吹水。 無奈！ 最搞笑係 食緊野 無啦啦響你隔離掃地... 塵埃會否隨處飄 ？

這天突然心血來潮很想吃川菜於是便來到我們的食堂自從三年前吃過一次後，便覺得這裡的性價比很高，而且味道也不錯這次兩人晚餐，能吃的不多，我們只點了三道菜，少辣的蕃茄魚、魚春煲及風沙雞翼來了這麼多次，這是第一次點蕃茄魚，更加了六十元改為桂花魚，酸酸甜甜，沒有很多骨，而且有很濃的蕃茄味，十分開胃，送飯一流！麻辣魚春煲是這裡的人氣菜式，魚春經煎炒過才放入煲中，香氣十足，而且沒有魚腥味，十分推薦！麻辣味道實在令人忍不住一食再食！最後上碟的是風沙雞翼，雞翼大大隻，而且炸得十分香口，但風沙的咸香味道不足，可以不吃。

三五知己搵野食，有朋友無辣不歡，所以就去咗小甜甜😍 雖然個名係小甜甜，但唔係食甜品架，係食辣辣辣野！除咗可以打邊爐，仲有小菜😁今次食小菜先✌麻辣粉條 ※ 好似水晶粉咁，要小心啲夾，好容易夾碎😁麻辣味唔算濃，唔太食得辣嘅都無難道。蒜泥白肉 ※重點係蒜泥，味重! 溶咗嘅蒜泥混起白肉，每啖都有濃濃蒜味，蒜泥仲好滑。原味焗蜆 ※蜆真係好鮮甜，原汁原味麻辣魚卜煲 ※魚卜膠質重，黏黏的。我啲骨膠原補充中。好有咬口野山椒泡鳳爪 ※咁多碟，最辣應該係呢碟，不過我都仲可以食隻泡辣。呢碟嘅辣，係慢慢由內滲出黎，所以會越食越辣。清炒萵笋絲 ※萵笋絲唔係度度有得食，口感不能太淋，師傅煮得剛剛好總結：以上幾味都唔算太辣，睇黎我下次可以挑戰辣啲啲😎✌

有種味道並不是人人都會喜歡，喜歡的又不一定會頂得到…就係辣我正是那種很喜歡但不是可以吃大辣的人。慶幸今晚有同樣嗜辣既朋友陪我過來刺激一下。是日柯打 (所有都係點中辣)：1)   魚春魚卜煲 (佢啲煲一向都係正，而且係點住火咁上，冬天滾下滾下好爽，唔會咁快凍左杰到一舊舊)2)   辣酒煮花螺 (差不多每次都點，因為送啤酒一流)3)   麻辣土豆絲 (2個人不停咪都食唔晒，好似食極都有咁)4)   醉雞 (之前出面有食過D會比個花生味搶左啲酒味，呢個有花生喺面但唔會比佢搶味，夠辣不過酒味可以重DD)5)   啤酒X枝埋單2個人$495呢間翻CHAP指數OVER 95%，因為正是我的菜~~

前晚同我個鐵腳吃貨同事朱頭去食小甜甜，呢間我地都已經黎食過幾3-4次，感覺上都唔太差，因為地點方便，而且亦比樓上果間好食得多，所以都係食番呢間！其實我同事佢真係唔食得好辣，但佢知道我勁嗜辣，耐不耐都會陪我黎食川菜🤗所以當晚就吓佢啦！唔會全部都點大辣🤣今次得2人食，坐張細卡位😌一埋位就叫左壺烏龍茶，服務員上埋一碟醃漬，我都幾鐘意食呢啲酸酸地都幾開胃既前菜。根本唔洗睇餐牌，大概都知道有咩想食。蒜泥白肉～例牌點我超級最愛既蒜泥白肉，仲要另外要多一兜淨蒜泥，嗯😋呢個真係無得輸，啲蒜泥真係打到好容好綿，滿口濃郁既蒜味，真係超級好食😍香港既川菜我都食得多，暫時最好食既蒜泥白肉係呢間小甜甜！川北涼粉（中辣）～另外仲有川北涼粉，呢個又係必食既，涼粉本身無味道，所以汁醬先係重點，我就覺得辣度剛好，唔太辣但又唔會無味👍但我同事已經食到滿頭大汗喇😅9菜雞紅（中辣）～再黎一個9菜雞紅，呢個就一般般，唔辣！9菜太老，而且勁少，同事話雞紅好滑口，但我就覺得好潺，所以麻麻地⋯⋯辣子土豆絲（中辣）～真係完全感覺唔到邊忽辣？同之前幾次比較，今次簡直叫失敗！我夾左幾注就決定打包，攞返公司睇下有無同事食（可惜最終無人食，益

同男朋友睇完戲食飯最中意食辣野既我都係來這間食但如果唔食得辣既朋友仔都唔洗驚嫁，入邊都有好多款食物係唔辣的我係小甜甜的鍾實fans，好好味 男朋友唔食得辣，叫左個番茄湯魚煲比佢食，圖中係細份但已經好多，根本一個人食唔曬 番茄湯好濃，魚好鮮，唔食辣可以試下到我最愛既魚春魚泡煲 食到停唔到口，不會腥食飯一流如果食唔到太辣可以同佢地叫BBBBB辣的口水雞必食，肉質好滑不會老叫左半隻啖啖都係肉晚餐必揀，日日食都唔厭阿

第一次跟嗜「辣」嘅「親」戚～舅母同表姐嚟食，例牌叫我最buy嘅麻辣魚春煲、辣子蝦滿滿的魚春好滿足，卟卟響，全部菜色要中級辣度，配菜薯仔同青瓜索哂辣汁，好淋好好味。辣子蝦多是急凍蝦肉質還可以，份量十足，配腰果炒更香口。涼拌土豆絲原本不辣但可以另加辣，帶有微微醋酸、爽口好吃。口水雞醬汁香濃雞肉鮮嫩又入味。酸菜魚味道調得好好酸中帶點鹹鮮，頗大份，如果叫少一、兩樣就可以連湯都飲哂。

入座時係大約6點，所以無乜人，坐坐下就越來越多人了。呢度d店員好nice，回覆都好快捷。今次食左好多野，但好多都無影，所以只係簡三樣黎講啦。首先第一道係，水煮桂花魚。其實佢有水煮魚 同 水煮桂花魚，前者當然平差唔多3倍啦，但我地就簡左後者。佢既肉好大舊，咬落好爽口彈牙，好好食。辣度黎講，我地叫左小辣，大家都接受到，佢香得黎又唔會太蓋住魚既味。雖然望落好多辣椒，但其實可以話真係唔叫辣的。另外叫左呢個，佢d肉炆得好淋，又勁入味，超好食，雖然係一班人share，但都忍唔住食多兩舊。至於個麵，係刀削麵黎，厚度適中，都幾吸湯架。至於呢個，其實比一星都多了。首先，佢叫做醉雞煲啦，但無乜酒味，爭d想倒d啤酒落去加味。加上d雞好鞋口，極度唔推介。至於野飲，叫左個珍寶凍檸茶，其實即係mega size既凍檸茶，真係好大杯，好抵飲呀，飲野勁慢既我都飲得晒，因為真係好味又解辣，我覺得自己好勁呢。

有同事生日成班同事說下午茶生日提議食四川野本來少食辣的我亦只有逢陪下午三點得兩枱客好容易找到八人大檯水煮魚好大碗，雖然有牙菜執㡳但面頭魚片算是多香料味很重辣得起上嚟都很惹味口水雞熟度剛開好，很嫩滑我都叫了兩碗飯一來頂辣，二來肚子餓全部食物叫少辣，感覺仍辣魚片食得出鮮味嫩滑泡椒鳳爪又是一個辣字與茶樓白雲鳯爪差不多總括其他食物不過不失當天天氣三十六度室內冷氣不足食到個個都滿頭大汗再加上辣到標眼水招呼算不錯，但是食物等好耐食一個下午茶等時間多過食

一間幾正既川菜餐廳，個人好鐘意食大陸式中國菜，特別係辣既野食，之前朋友帶過黎一次就食上癮，成日同朋友上黎食，咁岩女朋友都鐘意食辣野，就同佢試左水煮牛肉同夫妻肺片，唔係話太辣，味道岩岩好，夠麻，份量同味道都幾好，價錢唔算話平，但值得推介！

同朋友仔撐枱腳，大家都好鍾意食辣野，之前已經係CWB食過小甜甜，今次第一次來到旺角小甜甜，印象大好！！！ 日後旺角又多左間我會成日幫襯既飯店了 我地6：00左右食未算太們多人，但過多震就爆曬場，真係好采早點到。之後店員會比碟開胃小菜酸蘿蔔，我地點左酸辣粉條，焗蜆，魚春煲同青菜>>>（窩筍）。 大大份蜆，酒煮既香味，完全令我停唔到口，魚春煲雖然辣但配埋白飯一流 覺得可以一人食一份，實在太好吃了 窩筍清清地，食左咁辣一定要中和返，很新鮮，賣相十分好最後食埋粉條，即是類似紅薯粉，好有咬口，本人覺得不太辣，但其實可以同店員講小辣😗😗 小甜甜還有很多美食，下次同朋友一定要試下其他菜式💓

下斑後，兩名同事相約一起吃晚飯，其中一個就是吃辣吃上癮的同事，上回去過滿江紅，今回再到滿江紅的妹妹滿江紅小甜甜。手拍青瓜是不錯的，有蒜香有辣味，趁著爽脆的青瓜，自是相得益彰。焗蜆的蜆鮮甜；惟洗得不乾淨，吃到有沙，這已經是完全不能接受的一件事。試問食客給錢，豈有代蜆吐沙之理？雖說是滿江紅的妹妹，這味水煮魚亦不能說笑，辣得到位，滿口麻香，吃罷嘴會麻痺。魚肉超級的滑；勁想挑機食辣的同事試圖撥開辣椒辣油吃魚，都頂唔順！小人還是鍾愛滿江紅。