滄浪亭

營業中

休息中

十年前，因工作關係，我常到美孚吃飯。美孚住了不少上海人，滬菜雲集，而我最喜歡的，就是滄浪亭這間傳統上海小館。我通常點上海雲吞同水餃雙拼，人手包的，相當鮮味好吃。十年後，想不到，周邊商鋪早已變得面目全非，但小小的滄浪亭就屹立在同一位置，裝修格局完全沒變，令人想起不少往事。故地重游，多情應笑我，早生華髮。今晚，水餃和雲吞都沽清了。我環目四顧，起碼一半人在吃嫩雞煨麵。於是，我也跟著點了一客；同行友人則點了獅子頭麵。嫩雞煨麵：湯底似雲吞雞一樣，用雞和金華火腿來燉的上湯。嚐一口，雞味清香，鮮甜好吃，帶有金華火腿的咸香，相當好吃。雞，是用新鮮的雞肉絲。菜，是上海菜飯的那種小棠菜。麵質也做得很好，幼細而有彈性。整體來說，這個麵是其他地方吃不到的，獨一無二的味道。獅子頭麵：友人點的獅子頭麵，也是我推介的。因為十年前吃過這裡的獅子頭，念念不忘。獅子頭，做得相當有肉香而不會太油膩，相當不錯。

美孚新村既依家小店真係有驚喜到我，本來美孚都唔多野食，意外發現依間雖然好舊但食物高質既小店！ 老闆仲好友善添 !大排麵排骨炸至金黃色，炸粉好薄，食落香脆鬆化😋肉質嫩滑，大大塊好好味！麵條彈牙有口感，係我中意既質感。嫩雞煨麵奶白色湯底鋪滿菜粒同嫩雞，賣相吸引，第一次食咁大碗，好足料，份糧十足。湯底好好味，好香奶味，香濃鮮甜，雞肉好淋，麵底一樣好彈牙，推介！

估唔到美孚都有好西食，今日探小學同學剛出世嘅bb仔，好耐都無去美孚了，呢到比我感覺都連鎖快餐店多，一啲普通茶餐廳，真無無諗過有間上海式小店都好味道，探完bb後就跟朋友落去等位，人流都多，因為店都細小要等一陣，我就叫咗個招牌嘅嫩雞煨麵，個湯底係奶白式有陣陣牛奶香，香甜奶滑仲有鹹香味道，入面仲有好多嫩滑雞肉同埋白菜粒，真係好味道，而麵質偏腍身未算爽口形，但正正因為咁掛湯力很高，吸滿湯汁特別美味，另外佢個虎皮蛋都要一試喔。

係旺區食到悶, 所以去咗美孚食上海湯麵🍜！本人一去到門口已經有4至5個人等位！係等位時候見到個香酥雞扒已經🤤🤤🤤(本人好鍾意D脆脆哋食物), 所以一定會點香酥雞扒配上海湯麵, 原本想點熏魚上海湯麵😵😵😵點知老闆話冇晒😩😩😩😩😩!💡tips💡如果想食熏魚就要早早去啦！🤩🤩🤩🤩👀下好大片雞扒😋😋😋😋😋,炸得非常脆,又入味,外脆內軟👍🏻👍🏻👍🏻👍🏻！上湯碗幼麵清清亮亮😋😋😋😋, 冇味精嘅湯👍🏻👍🏻👍🏻👍🏻, 糖醋排骨又係脆同軟, 真係好滿滿一碟😍😍,不過甜咗少少, 汁太多！正體上係好好味嘅！一定會再去的！舖入面唔係好大5-8台右左, 環境衛生👍🏻, 枱邊唔會油淋淋！ 大大片香酥雞扒清清亮亮上湯幼麵滿滿糖醋排骨平台入口

【大排麵】 HKD50【香酥雞】 HKD33黎到依座屋村平台，環境雖然殘舊，不過仍有數間小店🍴係度🈺業。而我地揀左間食上海菜嘅店舖仔。友人👩🏻嗌左嫩雞煨麵，試左少少🤏🏻，啖啖淡忌廉香久久不散，雞肉🐣仲好嫩滑，兩者加埋好夾。而我👦🏻嗌嗰個湯底就會清淡啲，彌補大排🐽嘅油膩感。大排同香酥雞都炸得有啲乾身，不過大排吸引啲，帶點甜味，香酥雞相比之下炸粉厚。但係依個價錢💵黎講已經算唔錯。

正宗上海美食🤩，平靚正之選💵，相信好多人對呢間都唔陌生㗎啦！紅磡同美孚都有分店，好方便呀😆【嫩雞煨麵🍜】HKD50最愛嫩雞煨麵😍 真係好出色👍🏻 奶白色嘅湯底，湯頭濃郁，奶味馥郁，質感好creamy😋 上海白麵唔會過淋，幾彈牙。成碗舖滿菜粒同雞肉粒，好足料呀每一啖都食到雞粒同菜粒👍🏻 雞肉份量多仲好嫩滑🐣。加咗菜粒中和咗唔盒覺得太膩🥬 大大碗好抵食，唔係講笑呀男仔食完都夠飽🤤【香酥大排麵🐷】HKD50第二最鍾意係香酥大排麵🐷 湯頭清甜，麵條份量多，麵質幼滑，幾彈牙。主角炸排骨金黃色，香味撲鼻🤩 肉質嫩滑一啲都唔乾。【香酥雞🐔】HKD33炸雞炸得香脆，有肉汁唔會太乾身，美中不足係好薄身，厚身啲會正好多。

今日諗住入去試下有幾好食，一入去坐低，個啊叔就寫緊外賣，有幾個人排外賣，我地睇菜單既時候，有其他客都係堂食兼叫左嘢食，之後就無啦啦多左人入黎，到我地準備叫既時候，佢就一直處理比我地遲入黎既客落埋單，我地應該等左5分鐘叫落單都未過黎，之後落左單，起碼等左半個鐘！因為佢地一直處理外賣單！d單疊單咁，原本期待下都等到燥！真係冇咩時間兼肚餓就唔好過黎食！又唔係特別好食睇返食評原來都幾多人話佢優先處理外賣單！需要嚴重改善！

美孚食店選擇唔多可以encore既更少呢間係少有可encore既樓面細細 10幾個位食物有質素 就有另一個情況啦 樓面同廚房姐姐都好有火又吾係要鬧人 但習慣大大聲😟❤️嫩雞煨面十個有八個客叫因為個湯好認真湯底有奶香 材料好足啲雞粒係滑既面非常大碗每次黎都叫呢個 除非賣哂提返晚上黎食容易出現小食賣哂既情況上次虎皮蛋賣哂嚕👉🏻朋友叫獅子頭面食到一滴不漏不解釋

原本以為呢間只係好普通嘅上海餐廳🍴但係估唔到野食相當有驚喜✨-嫩雞燴麵 $50呢個麵真係色香味俱全🤩一上到枱真係嘩左一聲😍唔只好香 望落真係好豐富💓小棠菜同雞肉鋪到滿一滿‼️小棠菜好新鮮好清甜😋佢哋特登將啲配料切碎 可以撈埋啲麵一齊食 方便入口😚雞肉都勁滑 叫嫩雞真係冇呃人😝唔只配菜多 麵嘅份量都好多🤣麵嘅軟硬適中 唔會比湯浸到淋晒 一pat pat🧐最驚喜係個湯底🥰湯底好清甜 食得出係冇落味精😎最特別係佢加咗啲忌廉落去🤍所以個湯飲落好creamy好滑 仲帶淡淡嘅奶香🍼無論係配料、麵底再去到湯底 都做得好出色🥳性價比好高🤤

來到滄浪亭吃晚餐，叫了一客大排麵及一客紅燒軟排麵。大排麵的排骨十分大塊，外面香脆，不過炸得過火，十分乾和有點老，完全沒有肉汁。湯底用上醬油湯底，鹹淡適中。上海麵的分量亦十分多，軟硬適中。友人給了我一塊紅燒排骨，排骨頗腍，亦入味，比炸排骨好，但亦不算十分出色。店中有位叔叔的態度不太好，對客人愛理不理而且會催促人下單。滄浪亭的食物雖然份量多，但味道不算出色。$50一碗排骨麵價錢不算貴，但相信可找到質素更好的上海麵食店。

身為美孚街坊，一直都好支持呢間上海麵館，好多朋友黎美孚探我都指定要食呢間！今次12點鐘黎到門口，早鳥唔洗排就有得食，但都差唔多已經爆，好快門口已經排左條長長人龍～無食一排發現價錢比以前貴左少少，例如之前食軟排麵都係$49，而家變左$50..前菜通常都叫蜜汁烤夫，因為好少地方好似佢整得咁好食，而且呢碟野份量十足，不過食太多既話可能會好甜朋友叫左香酥雞麵，香酥雞炸得薄脆，一點都唔覺有細膩，正呀！我就叫左紅燒軟排麵，除左麵質口感軟硬適中，呢到豬軟骨更係世界級，燘得好稔但仍然食到軟骨既咬口，必點呀！

今日同呀媽途經美孚所以黎到呢間幾出名既上海鋪食佢既得意之作我就叫左佢呢間最出名既嫩雞煨麵呀媽叫左個糖醋排骨麵呢度鋪頭細細 位置唔多 未入到去差啲滿座 亦有人入黎叫外賣 應該真係幾受街坊歡迎 個日有兩位姨姨起度 兩個麪真係一落單幾分鐘就到 效率極高 但又好好味講下我碗嫩雞煨麵 落左好多雞粒同小棠菜粒 佢既湯底非常重奶味 唔知係點咁做到咁 有白湯既味道 但無白湯咁飲落令人好快飽肚頂住個肚既感覺 唔知點解雞粒同菜粒可以咁嫩滑而且可以同好似白湯咁既湯底咁配合 加上佢個麵呢麵質好滑滑得黎掛湯 正呀起充滿疑問底下 好快食曬個麵至於個糖醋排骨麵問呀媽好冇食 佢話幾好 足料香口 又抵食 之後如果有機會經過既話會再試埋其他野食

😋好耐無食了 今次係第一次食最出名既嫰雞燴麵真係值得推介好大碗🍜同好足料 睇得出啲菜好新鮮，食落口一啲都唔老🥬菜同雞肉都係切到細細舊， 方便入口雞肉都好滑麵量都好多 軟硬適中 唔會好似一pat糊仔咁個湯底都唔咸 應該無落味精飲左一啖湯 陣味好似忌廉白湯咁😂聞上去已經有陣陣既奶味😀仲有個虎皮蛋🥚真係要食!!外皮係炸過架！好酥脆同好香口 咬落去係外脆内軟因為只係外邊薄薄既一層皮炸過但又唔油個蛋黃都幾入味架一次過放入口 個口感夠曬特別個豉油仲甜甜地😋 但鋪位其實好細，入邊得四張枱每張最多坐四五個人，但已經好逼好逼放袋既位都無乜佢晚巿開六點半，六點已經有人係門口排隊到我食完，都未七點，門口又有長長既人龍所以一食完真係快啲走～

第一次幫襯這小店已經係十幾年前的事了， 一試難忘！今日是六年後的回歸，環境、人物，態度依舊，不同的是今次只有我一個人，所以不能叫太多。我最愛這裡的虎皮蛋，燻魚及嫩雞煨麵，但由於得我一人，唯有放棄燻魚。這裡的虎皮蛋好入味，蛋面薄薄一層的皮佔上豉油汁，煨得皮縐縐的，一口咬下蛋白位是爽脆的，蛋黃也很香，好味到不得了😋嫩雞煨麵好像比以前的份量多了，麵好多，湯好甜，雞湯混合少許忌廉配合得天衣無縫，小棠菜不嬲都不是我杯茶，但切碎做配料又出奇地討好，至於雞肉也是新鮮的，彈牙有纖維。幸好我12:00pm食晏，食完埋單已經見到有超過十個人排隊等位。店舖那麼小，等位需時，大家要忍耐下才可食到好野😆

雖然美孚有另一間專食上海麵舖頭，但質素同滄浪亭真係差太遠，所以要食上海麵一定去滄浪亭。滄浪亭午市同晚市經常要排隊，咁當然有原因，因為佢哋無論麵同配料都做得唔錯。我覺得佢嘅雞煨麵、雲吞麵同軟排麵最好食，因為自己本身唔鍾意食炸嘢同魚，所以無食好多人會叫嘅大排麵同燻魚麵。想幫襯要留意，夜晚8點左右好多受歡迎食物通常已經賣晒，而佢哋啲嘢賣晒就閂門，所以有心食就要早啲去排隊。另外座位比較逼，唔好諗住會坐得舒服，而且千祈唔好對服務有期望，不過今時今日$40-50碗麵，好食已經無咩投訴，仲想點😜