滄浪亭

營業中

休息中

2019年1月6日時間：18:00同以往一樣，未開門就已經大排長龍。🙈點知幾個大媽（職員）食完飯之後，竟然優先處理所有（記得係所有）外賣單，門口所有人排咗至少45分鐘先開始安排入座，入座後仲要等左好耐先有得食（因為都係優先處理所有外賣單）完全唔明白點解會係外賣優先，如果係咁嘅話不如淨係做外賣唔好做糖食啦！😡😡😡而且地方逼夾，五個大媽職員大聲到連朋友溝通都聽唔到。上海麵美味依舊，但係唔值得用咁多時間去等同埋受氣，而且環境等候時間非常惡劣🔥如果你有時間唔趕住，不妨黎依度浪費一下人生😂

排頭位等開門入去食野，入到去已經叫野食，之後坐低哂既人一個一個聽到話野食賣哂，因為佢地同時接左好多外賣，賣哂d野食俾人地外賣，第一批入去食既乜都冇，同佢講仲要俾佢地罵仲要堂食等半個鐘先有得食，因為做哂外賣單先，唔會再去，佢哋似住有人去食，愈做態愈差，唔建議再幫襯！門口仲要滴緊唔知咩野，滴到d衫洗唔到，同佢講，結果一樣，俾人罵囉

呢間上海菜小店裝修簡陋 空間細小 只有四張四至五人既圓枱 係一間平民小店 一啲都唔起眼 話雖如此但佢既食品令我喜出望外我大概8:10pm 左右去到 唔使等位 不過錕鈍 水餃 春卷等等⋯ 好多野都賣哂咁最後叫左嫩雞煨麵 紅燒軟排麵 同埋虎皮蛋虎皮蛋 係一隻雞蛋 用醬汁醃過再攞去炸 炸完再淋上醬汁 個汁有似滷水汁帶少少甜 蛋既質感係唔硬既 唔會似茶葉蛋個d煮左好耐 令個質感變硬雞蛋皮雖然炸過 但唔會係脆卜卜 個皮係好似煎蛋 濃邊既口感 都幾特別 配埋個汁好食嫩雞煨麵 湯底好飲 飲得出加左奶 料多 菜 咬落爽脆 唔會過熟淋哂 雞 無雪氣味 咬落有口感 好似食走地雞咁 本身煨麵既麵都係比較淋既 而佢既麵都係偏淋 但唔會夾唔起 唔會爛哂要用匙羹食我第一眼見到兩碗麵 講左句「嘩！咁大碗既！！！」成碗麵既份量比起其他上海麵店應該多左50% 一般女性應該食唔哂四十幾蚊既價錢 好抵食 真係去邊搵紅燒軟排麵 係好食湯頭美味不太濃豬軟骨有五至六件 夠淋夠入味 唔會太鹹 味道適中 每件都有連住軟骨 唔會只係得肉 不油膩幼麵 質感軟滑 吸收左湯汁 味道更加雪菜要另外收費$13 雪菜味道爽口 感覺鮮製 唔會醃到好

洗完牙又係呢到搵野食，老婆提意去呢間滄浪亭食麵話上網報導好好味，跟住我就諗起其實呢間我起碼5年前食過，因為我有同事住呢到介紹過我食，不過上次是外賣。係外面等左10分鐘左右就入到去，有位坐等還好。裝飾懷舊鋪仔細細「水餃麵」湯底唔油算清清地，味道唔太濃夠味。咬一淡水餃有痳油既味道。上海麵味道ok整體泥體幾好食，簡單但好味。「嫩雞麵」老婆叫的。應該係隔離飯香，飲左淡湯正！切碎左既應該係小棠菜（我外婆是上海人佢整既係用白菜加魚湯）但呢個湯都幾好味，有小小奶味，唔知係咪上海人整法，雞肉都係切碎，下次我都應該選呢個，食完無味精不錯。平民上海野抵食。還有不時會有lady加茶，服務不錯。

係美乎一個人食晚餐, 見到呢間小店食評幾好就決定一試.係平台上面嘅小店. 舖面面積不大. 外邊有幾個人等外賣. 明顯係做街坊生意.叫咗一個嫩雞煨面同拍青瓜. 上菜嘅時候話因為青瓜嘅份量唔夠, 碟青瓜請我食唔收錢. 其實碟中嘅青瓜都唔少. 到買單嘅時候, 始終係食咗碟青瓜, 所以決定比多D. 個麵$48, 青瓜正價$18. 我擺低$60然後走左. 點知舖頭嘅人追出黎, 堅持比番$12我, 話因為碟青瓜份量唔夠唔應該收錢. 為免爭拗同逆人好意, 收番$12 找續.今時今日, 做飲食不易, 租貴食材貴人工貴. 而更不易嘅係有高尚嘅操守同堅持. 為表支持, 係呢度留好評以示支持! 多謝你美味嘅食物同人情味.

今日再翻兜，試個大排麵，再食翻好味拍青瓜。經過上次經驗，我叫阿姐（唔係肥老闆）d麵唔要太淋，佢寸我話「得架啦，爽丫嘛，唔使特別提」⋯⋯唔特別提妳又知我想爽？好，睇下點。麵黎啦，塊豬扒香噴噴，唔算油淋淋，切好幾方便，咬落去有少許脆，沾過薄麵粉炸得剛好。如果挑剔d，肉質可以再juicy d會更正。碗陽春麵，一睇，就唔開心，所以點解我要叫唔好煮咁淋，係有原因的。夾落去都覺得淋同散，睇黎下次要叫「超爽」！有時d好食老店，要放低自己「樽鹽」，聽下d善良的意見，顧客未必永遠是對的，但聽多d意見始終無壞。

一間有態度的麵店，每人都有個性，究竟你會係邊一類型。我絕對係求食不求氣，尋日lunch來到滄浪亭食傳說中最好食嘅嫩雞煨麵，湯底好濃肉香味，好creamy ，有滑好甜，雞肉同白菜仔都好多，有一種砂鍋雲吞雞碎裂版嘅感覺。上海麵都超多，一人份量足以2人食用，大大碗，仲好熱，我冇辦法食得完同飲得晒個湯， 我真係佩服每一位食客可以乾盡一碗， 一滴不留，厲害。至於我細妹就叫了乾拌肉絲麵，天呀～肉絲是超凍的，麵是熱的，當撈均後就變暖暖的。 味道方面， 有濃烈嘅麻油香，不太鹹味剛好，麵質爽彈性，不是淋身的，肉絲都不錯，似炸醬麵的肉質，爽脆口感。整體上都是態度問題，食物全無問題，我感覺到麵店殺氣重重，有食客會爭位，麵店職員過於有性格，都係想食碗麵，有何需太執著呢～

媽媽鐘意食上海野話說其實老早就想帶媽媽黎試下經過左咁多年終於實行啦😂推介左媽媽食佢地既 「嫩雞煨麵」而自己就叫想食好耐既 「糖醋排骨麵」(以前黎成日心思思想食，但每次都比其他麵戰勝左😅)重加左2個小食 「雞絲粉皮」 同 「虎皮蛋」滄浪亭既炸物真係真係真係好香口👍超邪惡適逢呢期都keep住返通宵呢期又訓唔好，導致超級無敵訓唔夠食左1舊糖醋排骨個口鞋哂，立即就損左😑可想而知幾鬼香口呀😂(都是嘴饞惹的禍🤣)1碗「糖醋排骨麵」賣$58 (約十舊) 咁鬼多排骨份量真係不容忽視呀⚠️ 重要舊舊唔算細舊，肉多骨少。真係好鬼抵食 👍👍👍😍「🐔絲粉皮」($3x) 粉皮是薄身的粉皮，呈半透明，口感挺滑，唯獨麻醬不是很夠，而且碟底有水，撈埋麻醬味會淡左。 但粉皮是挺值得試的😍「虎皮🥚」($6隻)就即是鹵蛋再拎去炸，外層好似虎皮咁，因而得名。個人覺得冇乜特別，就係恰蛋，蛋白因為有上一層炸粉，咬起來比平常的恰蛋較硬一點點。個人認為未試過可以試下既😅「嫩🐔煨麵」($48) 呢到個奶白湯底係淡淡既奶香味，奶味唔會好重，飲得出係唔似純牛奶整出黎既，但又不失奶味😋😋其實店家既麵真係煮得不錯，尚記得小時候跟媽媽去食其他小店

店鋪細細，坐滿食客，點了一客蔥油雞絲拌麵，不需十分鐘便做好，點湯麵的就要等耐少少了。剛呈上的拌麵有三分一被油浸着，把麵和醬油撈了幾下，突然被鄰座食客叫停，原來麵裏摻了一塊膠紙😓當下覺得夾走了膠紙又是一碗好麵，而且估計店主都不會另外再做一碗給我，便繼續撈。黑色的蔥很香口，雞絲和麵正常，醬油味淡，不算特別。但由於多蔥油的關係，食完很難消化，晚餐都吃不下。總結蔥油拌麵不算必食之選，而早已售罄的煨麵和餛飩應該一試。

想當年係附近返工，呢間小店係我地不時開飯既堂黎。如果有留意開美乎食店的話該區的食店新開張時永遠高朋滿座，但熱潮過後人潮退去。往往租約期滿後就會消失。美乎可以被譽為冇啖好食既地方😅當年在美乎工作多年，確實眼見很多食店倒閉。呢間小店多年來都 屹立不倒，就知有好多街坊街里捧場啦個人認為美乎名物繼「多多餅店」之後就係「滄浪亭」😍店內雖小，只有數張圓枱。一間店大約只能夠坐十多人。所以黎得呢到都要有心理準備需要同陌生人搭枱。但食物質數不錯，所以我地一班同事都好喜歡黎呢到開餐。今日剛巧係美乎，有點事情要辦，做完就黎呢到食返碗上海麵懷緬下昔日既味道😋基本上我們一班同事每次黎都係食大排麵、紅燒軟排麵同嫩雞煨麵。今次黎到見到店內差不多清一式幾乎都是「嫩雞煨麵」😂人人食嫩雞煨麵，但我要與別不同，整返個昔日最愛之一既「紅燒軟排麵」先紅燒軟排其實就是豬軟骨這裡既豬軟骨 軟骨炆致呈透明狀，而豬肉就比較乾身。配埋自家紅燒汁炆，軟骨都被醃製成紅燒汁的顏色，勁入味👍濃味人士推介你試紅燒軟排麵今次加點左一客四隻既水餃，以前黎食成日都賣哂，冇次食得成，所以見今次有專登叫黎試下。(好在叫得快之後有人嗌時，肥姨姨已經話冇哂)菜

是日來到美孚看新屋裝修工程，看完後就去一個食物用家之前介紹的上海麵店“滄浪亭”試一下。 “滄浪亭”是一間只有4張圓檯的食店，有一位員工在烹麵，兩位職員在店內幫手招呼客人。座位雖然不多，但人流不斷，入座也需要等待5分鐘左右。食品選擇不是太多，煨麵較為出名，可惜當我去時煨麵已一早售罄，希望下次可吃到。今日就吃了獅子頭湯麵，湯底很香甜，我也不禁呷了半碗湯，麵是上海麵，爽滑軟淋， 獅子頭很濃味，份量十足，我差點吃不完。價錢方面算合理價，服務態度一般，但要有定心理準備要與陌生人搭枱，其也都算ok啦～

好日唔去美孚，早查過有家蘇式麵，名字跟蘇州上海的店舖一樣，就必要回味一下。嘩，店面小到放唔落長乒乓波枱，客人塞得滿滿。香氣撲鼻而出，等一下就有位，肥婆老闆娘爽爽快快，我唔覺得係寸囉！睇佢都似上海婆，味道應該蠻好。每枱都有人叫雞煨麵，我從不愛煨麵，淋bat bat爛溶溶，有咩好食？我發板點了拍青瓜、紅燒豬肉麵、蔥油拌麵、淨上海餛飩，3個人應該夠飽。拍青瓜：超入味、好淋、甜醋好味，好味過上海很多小店老字號。淨上海餛飩吞：足料、肉菜比例好、皮滑、湯好味，個湯比佐敦阿芳豉油湯好好多。蔥油拌麵：麵量夠，香蔥略淋，可以乾身d，油香可以左重手d，食上海嘢就係要油先好味，麵煮得太淋，但麵質非常好。紅燒豬肉麵：同樣麵煮淋過頭，但湯贏返d分，個豬肉似軟骨位，好味！食飽俾錢，門口已經排滿晒人，可以再來試其他冷盤、麵食！

從前我是不太喜歡吃嫰雞煨麵，因為過往經驗中，試過吃到質地是 “杰撻撻” 又或是 “碎濕濕” 的，直至多年前試過滄浪亭，令我對嫩雞煨麵改觀。美孚地鐵A出口，一出轉上平台, 再轉右行到大概盡頭位置，每每繁忙時段都會有三幾個食客在排隊。小小的食店，只有四張枱，家庭式作業，上海老闆娘企在中央指揮打點，很有氣勢看著這張字畫，細看年份，如果字畫是食店開張時掛上的話，這店大大話話都應該有十幾廿年了，勁！記得初初幫襯滄浪亭的時候，這麵只是賣$30幾蚊，不知不覺間，今日再去幫襯，原來已經賣到$48八成以上的食客都是點嫩雞煨麵，我也不例外，濃濃的雞湯，夾雜着香濃的豆香、腐竹等味道，甚至可以聯想到有陣陣的奶香，滿滿的小棠菜切得碎碎，嫩雞切粒，雞粒帶有點點的鹽粒咸香味，部分雞粒還連帶少少雞皮，湯底烹調用心，何其誘惑上海麵條煮得剛剛好，整碗麵多菜少肉，正合我意，滿滿的一碗嫩雞煨麵，簡直是美孚平台上的高手，老闆娘你確係勁

幾好食都因為服務態度差而無胃口！有炸雞賣唔比落炸雞，因為佢地唔係小食店，咩道理？真係唔明點做生意唔好賣小食啦咁，野飲都唔好賣，我都驚當咗你係士多一係你同我講你係賣態度差，咁我服你！

美孚雖然都有不少平民餐廳 但呢間隱世上海店都算係不錯既選擇 價錢適中 但食物食量絕對唔少 比一般餐廳份量多 每次去都必叫軟排麵 湯底夠濃 軟排好入味 肉質夠林 而且麵既軟硬度都好適中 係餐廳既熱門食物！但餐廳比較細 坐既時候可能會逼少少