滄浪亭

營業中

休息中

今日到美孚探朋友, 聽聞有一間上海店非常有名，就立即想同好友去探店。下午一時到達，但實在是太多人，唯有叫外賣上朋友家中食。嫩雞煨麵 $57 (爆推🌟🌟🌟🌟🌟)奶油白色濃湯，顏色令人難忘，湯頭風味十足，非常容易入口。碗中嫩雞數量不少，有雞味，配以大量小棠菜，十分正宗，而且好食。麵量更是十足，整個外賣碗有種爆滿的感覺，性價比甚高。大排麵 $57 (爆推🌟🌟🌟🌟🌟)豬扒炸衣很薄，鬆脆可口，香味十足但又不油膩。店家用大豬扒，確實份量不少，一個人吃也十分足夠。湯頭較為清甜，而麵量同樣是爆滿，爽口彈牙，整個外賣也是麵，十分滿足。水餃錕鈍雙拼 $50有大概九至十隻，份量算充足。但係相比其他菜式，表現沒有感覺很突出，有興趣的朋友可以一試。香酥雞 $40上海的香酥雞，是炸雞扒。同炸大排比較，雞扒較肥膩，吃完有種滿口油的感覺。而且香味不夠大排扒濃郁，如果要二選一，必然是選擇炸大排。現場顧客十分之多，即使叫外賣，也等了半個鐘有多。奉勸想食的朋友，預留一定時間。@Big_Big_Foodie

同屋企人去開美孚行博物館，咁啱想食上海菜，記起十幾年前食過間幾好食。去到幾乎準備落場，好在肯做埋我哋一枱。氣氛好chill, 唔憂做。雖然細細間，但座位唔太逼。茶好飲，仲有得refill。嗌咗糖醋排骨，豬扒麵，水餃雲吞雙拼，豆漿。老實講唔係我食開嘅上海味，個麵冇乜彈性、排骨有啲鞋 口、糖醋又好濃味、水餃又唔太鮮。勝在個麵湯好濃郁惹味，豆漿好飲。最開心係伙記會同你吹兩嘴。呢個時代仲可以食到啲有人情味嘅餐廳，買少見少了。

門口排隊跟次序入座，安排坐下之後又廹換枱，冷氣滴水，座位擠迫，員工冇禮貌，對客人呼呼喝喝，嫰雞煨麵太鹹，一入門口就見到死曱甴、衛生環境欠佳，座位背後就是食物，冇下次。

住美孚嘅一定識，但係區外人就好難會發現呢間開響平台嘅隱世上海麵。店舖細到放4張圓檯都勁迫，為嘅都係最出名嘅嫩雞煨麵，其實我覺得佢嘅蔥油撈麵仲好食👍 大排麵嘅豬扒就咸咗啲，不過佢嘅麵質滑嘟嘟又幼滑，大家有機會又試吓鍾意邊款麵 🫶Tiny shop in MeiFoo packed with authentic Shanghainese flavors! Tender chicken braised noodles is their signature dish. The fried pork chop is thin, crispy not greasy but salty to me. Scallion oil noodles are just cooked noodles coated with a shiny and brown sauce, topped with fried scallions. Simple but flavourful. My favorite!

呢間出名要排隊嘅平民麵店，絕對值得試一次。因為店內得三張枱，所以通常要等半個鐘頭先會入到去食嘢。獅子頭湯麵係一個必點。佢個獅子頭大過你個拳頭同埋調味條得好好。上海麵嚟講佢個湯底偏甜，同個鹹鹹嘅獅子頭好襯。獅子頭嘅肉都好腍同埋燉得好入味如果嫌佢醬油味太鹹，可以加佢哋嘅豆瓣醬，味道會即刻清新啲。另一個必點係雞絲燴麵。呢一個面比較較淡口，啱晒小朋友或者老人家。煨麵嘅棉質會比較腍，有少少食糊仔咁樣，但係味道非常好。佢嘅雞絲好腍好滑，同埋加上好多青菜喺上邊所以呢一個面非常健康。嫩雞煨麵裏面嘅湯底係奶白色，非常清甜。

I recently had the pleasure of dining at 滄浪亭, a charming restaurant located in Mei Foo, and I must say that my experience was truly delightful. From the moment I stepped foot into the establishment, I was greeted with warm hospitality and a cozy ambiance that instantly made me feel at ease.Let's start with the star of the show—the food. I decided to try their milky chicken noodles with chopped vegetables and Chinese ramen with deep-fried pork chop, and I was not disappointed. The milky chicken n

小店位置不多，平日12:40去到已經需要等一下位置，小店貼心地在門外放置了凳給外賣/等位的食客。嫩雞煨麵是一碗令人垂涎的美食，它結合了濃郁的湯頭、淡淡的豆香和嫩滑的雞肉，令人回味無窮。這碗煨麵的份量十分慷慨，絕對能讓你滿足飢腸轆轆的胃口。如果下次去應該會叫一碗嫩雞煨麵，再加其他小食同朋友share。當這碗嫩雞煨麵端上桌時，濃郁的湯香就立刻撲鼻而來。湯頭經過長時間的熬煮，充滿了鮮甜的雞肉風味，而且還能嗅到一絲淡淡的豆香。最後，這碗嫩雞煨麵的份量實在是驚人。大量的麵條和雞肉填滿了碗底，絕對能滿足飢餓的胃口。每一口都能感受到麵條和湯頭的完美結合，讓人欲罷不能。

難得今日食滄浪亭唔駛等位，超開心！🤩久違地食佢個嫩雞煨麵，果然一如既往嘅好味。好鍾意佢個湯底好有奶香，好滑，好濃郁，但調味唔會太重手，所以食完成碗麵好舒服！ 湯入面充滿著碎雞肉同埋小棠菜，好有營養🤣。 雖然佢係煨麵，但係啲麵唔會煮到好軟爛，仲保留到有咬口，同時又可以好入味。 十分出色！

一直想試呢間滄浪亭好耐🤤但係每次經過都排哂長龍今日的起心肝😎未開門就去排隊舖頭一開門已經坐滿哂大家想食記住要早啲到試左三樣1. 嫩雞煨麵 $57呢度最岀名都係呢個雞白湯上海麵湯底有淡淡既奶香味飲得岀湯底唔重味精好舒服 唔算太濃而雞肉方面就略嫌韌左啲 雞肉全部切左做一粒粒肉質似平時呀媽煲湯啲肉咁淋身得泥好韌 同佢個名嫩雞有啲岀人😅麵方面就好啱我心水🤤麵質偏淋身軟滑 似手工麵既質地好掛湯而且份量仲好充足 食到我捧住個肚腩走2.大排 $40炸得非常酥脆香口！脆到好似食薯片咁絕對值得一戰但以價錢泥講少貴3.獅子頭 $40成個拳頭咁大既獅子頭好香醋味食落有少少似譚仔三個既炸醬再溝醋配埋個麵食一流！😋總括泥講 如果要排隊食就試一次就夠相反如果佢係正屋企附近又唔洗排隊都可以番啅既

咁啱入咗去美孚新邨度做嘢，問咗個喺美孚住嘅朋友有咩介紹好餐廳，佢就建議我去滄浪亭，超多街坊幫襯😌。咁我就同朋友就去試吓啦，禮拜六12點去到唔使等位，見到入邊嘅裝修懷舊，充滿歷史嘅痕跡，環境比較迫😗，需要同其他人搭枱坐。預先上網睇定有啲咩吸引，嫩雞煨麵同大排麵就熱門嘅🤭。嫩雞煨麵 3.5/5 $57 超大碗，米線份量都幾多，但係雞柳🐓比較嚡，牛奶雞湯🥫飲得多都會覺得飽飽地。水餃米線 3.5/5 $50 菜肉水餃皮薄肉厚，正常發揮。相反米線幾煙韌，煮得幾好食。雞絲粉皮 2/5 $40 啲粉皮啱啱煮好嗰啲湯水溝稀咗啲麻醬，搞到佢冇乜味😅😅。地點:美孚新邨二期平台，喺地下馬路要搵樓梯上平台，我哋唔識路喺地下兜咗10分鐘😂😂。環境:座位逼夾，衛生情況就一般😅。價錢:性價比低，老實說唔會特登入嚟再食。服務:店員都係一啲伯伯嬸嬸，佢哋已經做咗好耐，係老員工甚至乎係老細，叫佢哋抹枱佢哋都好求其抹。

出差經過美孚，搵下附近有咩好食，上OpenRice搵到呢間上海麵，食評唔錯，決定一試😎咁我無留意食評推介食乜，坐低睇下餐牌，本身對香酥雞麵好有興趣，但近排太熱氣🤣所以試下嫩雞煨麵，睇下有幾嫩😏結果黎到，無諗到都幾大碗下，成碗都係白湯，好特別，立即試下d湯，有啲甜同奶香，味道相當唔錯😎啲麵唔係爽同韌，不過加埋湯又幾滑，雞反而無佢咁滑🤣但整體都係非常好味！我即刻再睇返食評啲推介，原來我錯有錯著食咗好多人推介既嫩雞煨麵🤣麵好滑下😎見個麵咁好食😋即刻追加獅子頭試下，見好多人都叫呢個麵😏結果一試，獅子頭偏咸，但酒香味濃，用黎餸麵或者飯應該好味🤤但嫩雞煨麵偏清，所以獅子頭顯得有啲格格不入，不過整體來講都算唔錯😎整體黎講，值得一試既食店😎

如果買個外賣要企門口等50分鐘，咁點解要買外賣？？再講一次，千祈唔好係呢間鋪買外賣！一句“生意太多，完全冇一句“唔好意思”，如果重去幫襯，儍咗？再講一次，千祈咪係呢度買外賣！

喺美孚返工平時想食餐好嘅真係好難🥲附近冇咩好食，唯獨滄浪亭😂啲人成日都話佢個嫩雞煨麵好正，一定要試！見身邊個個都讚不絕口，但我一路都唔得閒去試，今日得閒即刻約嘛個同事走過去試咗個冬菇嫩雞煨麵/虎皮蛋/燜青菜/豆漿，又真係幾正！🍜碗麵真係好好好好大碗，如果唔肚餓或者小鳥胃建議同朋友share嚟食🥬啲菜同平時食開嘅唔同，個樣有啲似隔夜菜，但係好食！🥚虎皮蛋我估其實即係炸雞蛋，幾得意，值得一試！另外我見水餃🥟都好多人叫但我已經食唔落，大家有興趣都可以試試～

最近天氣開始凍，每日都想食碗熱笠笠嘅湯麵，是日就幫襯了1間上海菜小店。午餐～～糖醋排骨 $52蔥油肉絲拌麵 $60嫩雞煨麵 $57豆沙春卷 $22雞絲粉皮 $40糖醋排骨好好味，嫩雞煨麵湯底清甜，整體不錯

呢日難得嚟到美孚，要把握機會試試美孚嘅名物滄浪亭，係紅磡同美孚都有分店。位置唔太容易搵🤣要出地鐵站上樓梯去到美孚新村嘅平台先會搵到呢間咁街坊格局、位置較小嘅小店。呢度主打各款上海湯麵、拌麵、小食，最出名係雞煨麵，幾款枱枱都會叫，會聞到好香嘅奶味。不過呢日太熱就無試到，估唔到拌麵都唔錯的👍🏻蔥油開洋拌麵一上枱就聞到超級香🥰🥰就連搭枱嘅食客都問我點解碗麵咁香😂😂無他，主要係靠滿滿嘅蔥油同蝦米提味。香口嘅🦐蝦米加上炸到好透嘅蔥段同蔥油，令每條麵條都掛滿惹味醬汁。食到碗底剩返唔少油，會有少許油膩，麵條份量超多，但可以煮得再爽口一啲，但整體嚟講都係一個值得食嘅蔥油拌麵😛雞絲粉皮啖啖嘅麻香撈埋軟腍雞絲同晶瑩通透粉皮，夏天消暑都唔錯😗略嫌未瀝乾水，啲水會溝淡咗醬汁。人均消費：$60推介指數（10分為滿分）：7.5分