湯•米 (已結業)

之前來過這間餐廳，食過烤魚煱，今晚又想食辣嘢，一諗就諗到這間餐廳🌶🍽餐牌好多選擇，樣樣都好想食，今晚香辣牛肉鍋應該最啱我，湯底有不同香料，又有不同配菜，豆腐、嗚門卷、香菜…..牛肉好滑，很有牛肉味，枝竹，粉絲索晒啲湯汁，真係辣得好過癮，嘴唇都變了孖膶腸🥖🥖😅鹽酥雞扒必食之選，今次都冇令我失望，皮脆肉嫩，雞扒又夠厚，真係好食😋還叫了一杯時令飲品百香果，果味濃郁，感覺清新，解辣首選🥶😜

同男朋友行完海旁搵下將軍澳附近有咩食，竟然搵到有得食台式火鍋🙈即刻入去食下😚鍋都幾多款式可以揀，幾經掙扎後揀左藥膳豚肉鍋同香辣牛肉鍋再配多個小食麻辣臭豆腐。藥膳豚肉鍋 ($96)一捧上黎就好香既藥材味，一堆蟲草花見到即刻覺得成個鍋健康左幾倍😂個火一直滾住個煲，唔洗等好耐已經可以開動🤤個鍋好多香料配料，撈完落個煲之後先試左豚肉。豚肉份量好多，兩個人分都夠食，肉質唔會好肥淋淋，偏厚實質地，配藥膳湯食落去清清地唔會好肥膩。其他配料例如芽菜菇豬皮薯粉等等都好吸湯味，最後所有配料都比我地食曬😂仲忍唔住飲左好多啖湯🤣香辣牛肉鍋 ($98)入面基本配料同豚肉鍋差不多，主菜有牛肉仲驚喜地有粒貢丸🙈牛肉片同樣夠多片，半肥瘦易咬唔韌。叫左中辣但都唔算好辣，愛辣之人可以再叫高d既辣度🙆‍♀️兩個鍋比較既話會推薦藥膳豚肉鍋，個湯底真係好清甜，所以就算係食火鍋感覺都健康d無咁罪惡😜跟鍋可以揀配飯或者粉絲，因為個煲已經好多配料可以食，所以個份量咁樣啱啱好👍仲可以自助拿醬料🙈麻辣臭豆腐($44)臭豆腐嘅精髓就係聞落臭食落香。鍾意佢豆腐嘅質地唔會太淋，質感幾好。不過自己都係鍾意脆皮嘅臭豆腐多啲，下次可能都係會叫返鹽酥臭

今日收工之後同女朋友行街，突然之間想食打邊爐但係又食唔到太多，就搵到湯•米依間臭臭鍋專門店，先講佢嘅空氣管理得好好，入到店舖入邊唔會有好強烈嘅唔同鍋物味道，因為有時臭臭鍋嘅味道好濃烈影響食慾，而且環境都好衛生，睇佢嘅餐牌都有好多唔同嘅選擇，我哋就揀咗藥膳同埋麻辣味道，另外再叫咗個臭豆腐做小食。佢嘅調味料係喺出邊自己調校，有四種唔同嘅配料，而佢上鍋嘅速度亦都好快，唔需要等太耐就已經有得食，首先係藥膳，一嚟到已經聞到好香嘅藥材味而且睇到豬肉片亦都唔少，入面嘅配料亦都好豐富，已經即刻好想食而佢亦都真係好入味，整個火鍋都充滿龍龍嘅藥材味道，之後又可以講吓麻辣，其實佢有得自己選擇辣度，但因為我唔識得太辣，所以就跟返佢原本嘅兩隻辣椒嘅辣到，食完唔會覺得特別辣，但佢有少少嘅辣味會留喺口腔入面，令人一直食一路都流口水。最後講埋佢嘅臭豆腐，臭豆腐好香而且豆腐唔會散，都好推薦大家可以試吓

湯。米放假唔想煮飯，想出去附近打邊爐見到朋友介紹話依間台灣嘅餐廳有出名嘅台灣一人一鍋當然要試吓啦泰式海鮮鍋我就叫咗依個泰式嘅湯底，佢哋用冬陰功湯底，湯底非常之有泰式嘅味道青口青蝦不特止仲有好多其他配料，一個人都好夠飽，絕對抵食，仲有一份粉絲完美藥膳豚肉鍋紅棗杞子造成嘅湯底，十分之濃郁，有養生嘅效果配上豚肉，十分之好味牛肉片海鮮拼盤食過返尋味當然就係要叫碟牛肉同埋海鮮拼盤試吓啦海鮮拼盤仲會有鮑魚同埋大蝦好抵食滿杯百香果聽個名就知佢真係滿杯百香果，百香果只加上梳打，食完火鍋必選純茶王8號老婆就叫咗個純茶飲，茶底濃郁絕對係食完濃郁嘅火鍋之後清清口氣之選

探望朋友後偶然下行到將軍澳一個屋苑商場，看到一間都幾熱鬧的餐廳，於是就入左去睇睇佢咩料見到係台式火鍋，剛好當天也想打邊爐﹑同埋見到價錢都好經濟所以就入去試下～一行兩人每人叫左一鍋，分別是招牌臭臭鍋同巴蜀烤魚鍋，因為覺得呢兩款都比較特別招牌臭臭鍋，非常之夠「臭」，同隨湯底附送嘅臭豆腐﹑鴨血﹑豬大腸簡直是絕配，令人感覺像去了台灣一樣另外仲有貢丸等配菜隨附，台味十足～另外仲有巴蜀烤魚鍋～呢個烤魚鍋令我更驚喜！烤魚非常大件，而且淥極肉質都依然保持彈性同實淨，可見魚似的選料非常不錯～而佢麻味十足的湯底也十分醒胃！湯底入面仲有好多薯粉添，就好似打邊爐同時食埋酸辣粉咁！因為見抵食～所糾仲加左個海鮮拼盤，四十幾蚊就有鮑魚等海鮮～海鮮非常鮮味～如果唔夠喉的話可以一試～另外呢度仲有好多台式飲品，我自己就試左芝士茶王8號！芝士味同茶味同樣濃郁，質素同近年大行其道的芝士奶茶店相比都絕不遜色！另外仲有麻辣臭豆腐，其實我係第一次食呢個菜式，又估唔到麻辣同埋臭豆腐兩者係意外地夾！一入口先係麻香味，然後幾秒之後就會食到臭豆腐的「臭」作餘韻，非常過癮！

今日黎到將軍澳睇下新樓朋友就建議睇完樓一齊食台灣菜呢間一人一鍋台式火鍋價錢合理又夠大份一於試下！我哋叫咗兩個鍋招牌臭臭鍋 $98我自己好鍾意呢種臭豆腐味道 令人好懷念台灣旅行火鍋好足料！包括牛肉片、鴨血、滷大腸、臭豆腐、台灣貢丸、娃娃菜等等牛肉片幾嫩，份量比我想像多😋最後落埋粉絲，吸哂啲湯，正呀藥膳豚肉鍋 $96朋友叫左呢個養生藥膳豚肉鍋一上枱即刻聞到好香既藥膳味，好啱佢。藥膳味幾濃，豚肉幾腍，肉味重用料都見到係幾有誠意。🤭另外我哋叫左份炸魚皮 $28超大碟～又香又脆果然係火鍋必點！鹽酥金針菇與冬菇 $40食台灣菜又點可以唔叫鹽酥菜式唔想食太多肉就叫左個碟雙菇竟然俾到驚喜我哋外酥內嫩，椒鹽好惹味！台灣夜市小香腸 $32飲品方面就叫左荔枝紅玉 $28、滿杯紅柚子 $36果汁味重，又夠大杯。啱曬食火鍋時飲，可以有番清新嘅感覺~

呢間餐廳位於一個好隱蔽嘅商場 個入口係兩個屋苑嘅中間 但係同區無乜食台式火鍋嘅餐廳 所以佢平日夜晚都有七成滿佢有少少台式炸物提供 但全部枱都係叫台式火鍋 餐牌上有好多湯底選擇 唔夠食仲可以加餸我哋叫咗個泰式海鮮鍋同埋韓國泡菜鍋泰式海鮮鍋入面真係又有蝦又有青口 每樣都有幾隻 個湯底酸味好足👍🏻 食得辣嘅朋友可能嫌佢未夠辣 似冬陰功湯蝦肉正正常常 有實在嘅質感 而唔係梅揼dur嗰啲 入面舊瓜仲吸晒湯好正！另外好驚喜地發現個鍋入面有少少薯粉😋韓國泡菜鍋好足料 豬肉片有六塊 仲有年糕、午餐肉等等 不過個麵就唔係韓國麵 如果有埋韓國麵就Perfect啦🤪我會推薦大家配飯 已不是配粉絲 因為啲餸全部撈飯食都好正😋

今日又嚟到將軍澳南搵食，近海邊風景好靚，新餐廳又多，真係好多選擇，行咗一陣，終於揀咗一間叫做《湯•米》一人一鍋試吓🤔入到去，餐廳裝修簡潔，未坐低已經聞到餐廳香辣味道，餐牌有很多不同的香鍋，有咖喱味，沙嗲味，泡菜味，藥膳等等，真係諗得出都差唔多有😱因為我鍾意食魚，最後終於揀了巴蜀烤魚煱中辣🌶️，飲啖湯沒有想像中咁辣，鯇魚份量一啲都唔細，外皮煎過有焦香，魚肉沾滿香辣汁非常夾，完全食唔到腥味，配菜亦都唔少，有雲耳、金菇菜、薯仔、炸枝竹、娃娃菜……又有爐興住，越食越惹味，越食越火辣🔥🌶️終於忍唔住，嗌了一杯，檸檬紅玉茶，佭佭溫，一冷一熱，真過癮😅

約朋友去將軍澳永遠不會怕搵唔到野食，只會怕太多選擇！😆前排就去了呢間專門食一人一鍋嘅餐廳。初初聽個名以為係食米線的，原來係主打一人一鍋+台式飲品！🍲藥膳䐁肉鍋係個人比較鍾意嘅味道，湯底係濃濃藥膳味，入面好多蟲草，薄片豬肉吸曬藥膳香，幾香口。鍋內配料都非常多，有好多種菜，仲包埋飯！（不過其實食個鍋都飽、所以我們要少了碗飯）🍲泰式海鮮鍋嘅冬陰功湯底比較辣，湯底加了芝麻同有多款海鮮。雖然第一口食落去有d辣，但辣得好過癮！海鮮方面，青口大大隻，鮮蝦彈口。火鍋仲可以加配海鮮，點了個鮑魚，厚肉且味道鮮甜！😋（有海鮮成件事upgrade了）個人都幾like鹽酥金針菇與冬菇，鹽酥味道脆口薄脆香，而且一d都唔油膩，鹹度剛剛好，下面仲有超多金菇！台式飲品方面，點了每日限定嘅芝士茶王8號，上面芝士味道香濃，配下面清香茶好match。另外滿杯百香果（$36）真係超多粒粒百香果！入面加了檸檬香，好refreshing！😋有機會再來食下一人一鍋！

依間鋪頭位於帝景灣商場，位置都算易搵，我地係星期四晚去左食dinner，好彩好快就入左去。叫左一份鹽酥雞排，超大分量好抵食，雞肉好嫩滑，十分值得一試。呢間野主打一人鍋，我地分別叫左一個沙茶牛肉鍋同埋香辣牛肉鍋。佢同出面既一人鍋唔同，一路食係會有d火係到加熱緊，好有打邊爐既感覺，慢慢食，食到最尾都係暖笠笠。兩個鍋既牛肉分量又多，配菜都好多選擇，超級抵食!另外出面既醬料同配料都有幾種，最鍾意係佢既蒜泥，鍾意食蒜既朋友一定要試，真係比其他鋪頭既好食，推薦~打邊爐又點少得飲品呢，叫左一杯檸檬紅玉，一開始仲以為係一個杯裝，點知係出面奶茶鋪既大SIZE分量，甜度適中，抵飲消暑。

係將軍澳換身分證到食晚餐嘅時候見到商場上層有呢間主打台式一人一鍋餐廳🤟🏻睇落座位環境舒適就入去試下～不過個位置都幾偏 要到帝景灣再轉入去將軍澳站可以係b1出經popwalk 2期、天晉去到帝景灣會有條柱寫住「身分證換領中心」+ 指住商場再行入去會見到扶手電梯🛗上一層就會見到餐廳🍴睇睇menu台式火鍋都有好多選擇👀呢期仲新出酸菜魚鍋🐟仲有鹽酥系列小食、海鮮🦞飲品有芝士茗茶系列、各種純茶奶茶等🧋我哋2人揀左唔同款嘅火鍋🥢沙茶牛肉鍋 SHACHA BEEF🐮（牛肉、牛肉丸、娃娃菜、椰菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷）牛肉控必選～‼️火鍋湯底濃香～亦有花生香味🥜材料極豐富‼️最讚係牛肉 一啲都唔hea牛肉肉質嫩而肥瘦適中可以配飯同粉絲揀左粉絲吸晒湯底味道好彈牙～～🥢藥膳豚肉鍋（豚肉、紅棗、枸杞、娃娃菜、椰菜、雲耳、金針菇、鮮冬菇、豆腐、豆角、粟米、炸薯仔、炸枝竹、鳴門卷）好養生嘅火鍋湯底之選～湯底清甜♨️豚肉都大舊我哋仲加左海鮮拼盤😽🥢海鮮拼盤每款都幾新鮮有好大舊嘅鮑魚x1、花螺x4、海蝦x2🦐小食🥨🥢鹽酥花枝墨魚丸熱辣辣趁熱食～大大粒丸 外脆肉嫩 食落夠彈牙配上鹽酥味好

呢間店主打食鍋，小編先來杯高質台灣手搖，有頂級茶葉作茶底！我就嗌咗芝士奶蓋四季春茶，茶香撲鼻，奶味香醇濃郁之餘又帶有少少鹹味。之後，作為沙茶醬控嘅我就叫左沙茶牛肉鍋。店主想帶到台灣夜市平平到都可以食到10幾種配料嘅體驗比顧客，呢樣嘢係餐廳一大賣點之一！

約咗朋友在將軍澳帝景灣商場嘅「湯米 」食晚飯⋯⋯ 湯米 是台式一人火鍋，店舖地方也寛闊，坐得很舒服😁泰式海鮮火鍋，每個火鍋也會跟一個白飯或粉絲，亦可以加$12 轉肉燥飯…泰式海鮮火鍋湯底是冬陰公味，酸辣適中，而且湯的味道越滾越出味😗😗海鮮有鮮蝦，肉質彈牙，又有靑口，蟹柳等😁😁沙茶牛肉鍋，牛肉份量不少，而且有厚度..配料很豐富有豆腐，炸枝竹，娃娃菜，尤其炸薯仔片有驚喜，因為我本身不喜歡吃薯仔也不會抗拒😗😗還有小吃海鮮拼盤也不錯，材料新鮮！有鮑魚，螺，蝦..魚皮夠香脆可口😁飲品有珍珠奶茶和荔枝紅肉也可以，甜度適中。

今日係將軍澳站唔知食咩好 於是同朋友決定去近海傍嘅商場望吓😅見到呢間主打台式一人一鍋嘅餐廳好似幾好 所以就去食🤣-巴蜀烤魚鍋$103我嗌左小辣 不過覺得唔夠辣🤫其實食得辣嘅朋友可以嗌中/大辣🌶🌶🌶烤魚鍋除咗有腕魚，仲有娃娃菜，雲耳，金針菇，鲜冬菇，豆腐,炸薯仔，炸枝竹，鳴門卷，香菜等我仲嗌多隻雞蛋+$8-沙茶牛肉鍋$97同樣係小辣 配粉絲除咗有牛肉，仲有娃娃菜，雲耳，金針菇，鲜冬菇，豆腐，炸薯仔，鸣門卷-鹽酥雞扒$44雞扒好香脆 炸粉好薄😍😍😍-鹽酥金針菇及冬菇$40好特別 未見過其他地方有得食 中意菇嘅朋友一定要嗌😋-芝士茶王八號$30珍珠鮮奶$30

🔎 湯•米 (將軍澳)*📍 將軍澳唐賢街23號帝景灣商場1樓40號舖.酥炸花枝墨魚丸個皮唔算好厚粉，但係一定要趁熱食。而且相當大粒，熱食係幾好味嘅。台灣夜市小香腸小食嚟講分量剛剛好，味道唔錯！好似喺台灣食嘅台灣腸感覺。而家喺香港都好難再識到台灣腸。泰式海鮮鍋海鮮唔算十分多，但其他配料勁多！我自己十分喜歡佢哋個湯底，好濃味，但會有少少辣，可能加上海鮮嘅鮮甜，所以我都飲咗幾多。唯一唔好係唔知點解我個煲好難滾起，但係十分入味，而且好大兜，好抵食！藥膳豚肉鍋藥膳味道濃郁，但又唔會over。豚肉分量亦算多，加埋其他配料真係好抵食。如果想加額外配料亦可以。順帶一提，佢仲有唔同嘅台式飲品，不妨一試！