湯•米 (已結業)

今日收工之後同女朋友行街，突然之間想食打邊爐但係又食唔到太多，就搵到湯•米依間臭臭鍋專門店，先講佢嘅空氣管理得好好，入到店舖入邊唔會有好強烈嘅唔同鍋物味道，因為有時臭臭鍋嘅味道好濃烈影響食慾，而且環境都好衛生，睇佢嘅餐牌都有好多唔同嘅選擇，我哋就揀咗藥膳同埋麻辣味道，另外再叫咗個臭豆腐做小食。佢嘅調味料係喺出邊自己調校，有四種唔同嘅配料，而佢上鍋嘅速度亦都好快，唔需要等太耐就已經有得食，首先係藥膳，一嚟到已經聞到好香嘅藥材味而且睇到豬肉片亦都唔少，入面嘅配料亦都好豐富，已經即刻好想食而佢亦都真係好入味，整個火鍋都充滿龍龍嘅藥材味道，之後又可以講吓麻辣，其實佢有得自己選擇辣度，但因為我唔識得太辣，所以就跟返佢原本嘅兩隻辣椒嘅辣到，食完唔會覺得特別辣，但佢有少少嘅辣味會留喺口腔入面，令人一直食一路都流口水。最後講埋佢嘅臭豆腐，臭豆腐好香而且豆腐唔會散，都好推薦大家可以試吓