湯房 (已結業) 查看

呢間店都算新，啱啱開業兩個幾月，一路都想試下，直到見到飲食男女篇訪問就決心過嚟試下！😛睇完篇訪問我幾佩服店主嘅熱誠同勇氣，始終開燉湯店唔係容易事，店主為咗附近街坊吃得更健康而開設燉湯小店，我係非常欣賞！😂 難得店主咁有心，我覺得街坊更加要多啲幫襯！店舖都唔算大，有少量座位可以堂食，主要都係做外賣生意！店內有賣滋補燉湯&滋潤糖水。店主見我望住個Menu好苦惱咁，都好細心介紹啲燉湯同功效。對住有選擇困難症嘅我，店主算係好有耐性！所有燉湯都可以加$10轉做套餐，可配白飯/菜飯/米粉，仲送油菜一份。我最後點咗兩款燉湯，兩款湯都轉做套餐。❤️ 原個椰皇燉雞 $59 (另+$10轉套餐)呢款湯好清甜，入面有桂圓、紅棗、杞子&幾嚿雞！因為個湯係用椰水燉，所以啲雞有好濃椰皇味，好正！個湯有少少雞油，但飲落唔會好肥膩，好飲到令人回味🤤 菜飯同油菜都唔錯，加$10分量咁多都幾抵！好食度：⭐️⭐️⭐️⭐️ (4/5)❤️ 玉竹石斟燉竹絲雞 $69 (另+$10轉套餐)呢款湯係期間限定，有養陰補氣，生津止渴作用，亦有養胃效果，真係好補！碗湯非常足料，由底部撈上嚟可以見到啲料有幾多！🤩 湯嘅味道偏甘香，但無中藥嘅苦澀味，我

睇報導於烏溪沙站轉彎有家以滋補靚湯作主打的小店，原來甜品都有不少選擇，其中吸引我的是燕窩椰皇鮮奶燉蛋白，唔駛自己開椰皇就有得食，即刻去買個試試先。店員非常友善，仲教我食前放整個椰皇入爐約 7－8分鐘蒸熱，不過最後我要蒸約十多分鐘才能令蛋白中心熱透，熱度足可以提升椰皇的香濃味道。燕窩份量不少，蛋白很滑溜，甜度剛好，感覺很滋潤。等候期間望到原來有木瓜雪耳燉鮮奶，用原隻木瓜來燉，仲有杏仁茶好想試，下次吧。

今日我要介紹一下烏溪沙站新開燉湯店【湯房】因為我去開馬鞍山搵我舅母間診所驗血，順便再去埋隔離鳥溪沙站呢間網上流傳好正的湯店一試。佢呢間店仔細細，主要都係做外賣，不過都有堂食，為左影相，我梗係要堂食，但我地次次影野都叫到成檯係野，所以捉埋我partner Echo 佢去幫手影相同食野啦佢呢度有賣燉湯+糖水，我好鍾意飲燉湯架，但我唔會幫襯楊明，所以要介紹大家飲呢間，正！另外佢D糖水都好吸引，所以都叫哂黎試下～～我地兩個人本來只係叫一人一盅，不過叫完之後佢聽老細講有一個椰皇燉雞好正，於是佢又叫埋.......佢真係癲架！青邊鮑魚日本元貝花膠螺肉瘦肉 HK$89我叫呢款因為佢真係有好大隻鮑魚呀～～～～好正呀！！！！！鮑魚有成隻匙更咁大隻，好足料唔係講笑，咬落去好滑好彈牙，真係好正！但分左半隻比佢食真係好唔甘心，我下次去要自己一人食一隻！我挖起d渣，好多料，仲有瑤柱、花膠、螺片、瘦肉，勁多材料！因為係燉湯，所以d味唔會散走，會焗實哂係個盅裡面，味道好咸香好鮮甜，好濃郁海產鮮味，真係好鬼好飲！！店主話呢款湯係滋陰保養，補血養顏，補腎，好健康呀！雲水菜乾雞腳燉豬肺 HK$69呢款佢裡面有好多菜乾，原

講到食，烏溪沙選擇少得可憐，想搵碗糖水食下都難，不過終於比我哋等到啦！喺烏溪沙站一出巴士站旁邊，開咗間專賣自家湯同糖水嘅小店。鋪仔細細，主要做外賣，有少量企位可供堂食，但係選擇都幾多，服務細心，煮嘅都係老闆係屋企由細飲到大嘅湯水，最緊要係超足料、有水準嘅誠意製作。個人首選係老闆誠意推介嘅蛋白杏仁茶。佢哋冇加米漿、米粉，同出面好多其他舖頭食到嘅杏仁＂糊＂口感截然不同，用杏仁新鮮磨成，冇點加糖，食落有濃郁嘅天然杏仁香甜，啖啖蛋白，喜出望外地超高質，正！另外要介紹嘅係鮮奶紅棗燉桃膠。嗰晚去買最後一碗，返到屋企倒出嚟多料到嚇我一跳！桃膠入味有咬口，鮮奶紅棗加埋一齊滋潤香甜，可能因為係最後一碗，足料到超飽肚！最後介紹，係期間限定嘅桑寄生蓮子蛋茶。佢哋嘅做法同出邊有啲唔同，冇落紅棗，桑寄生嘅味道較出，食落去有淡淡片糖嘅香味，食完即刻暖笠笠。老闆話有時糖水會提早賣晒，如果唔想錯過咗記得預先打電話留返碗啦～

寒流直逼，一直想飲碗熱湯馬鞍山呢個沙漠終於有一間滋補燉湯，滋潤糖水店店主係年輕人，疫市下創業真係唔容易原個椰皇燉雞 $59真係原個椰皇送上，熱辣辣，每一啖湯都充滿椰香，鮮甜足料，有雞有杞子同龍眼肉，飲得出完全無落味精，燉足兩小時既湯，果然唔同，飲完好想再繼續飲，岩晒平時夜收工既人杞子藥膳燒賣 $10/5粒，未食已經傳出陣陣藥膳香氣，入口後，同普通豬肉燒賣完全係兩回事，呢粒燒賣都算係人生中數一數二好食，價錢仲要唔貴，經過都買過幾次食，不過好早售罄，想食真係要早一點

平時番工都無乜機會食到住家飯同飲湯水，屋企樓下附近亦無糖水店可以食下，最近見到樓下開左間飲燉湯同滋養糖水嘅小店，搵日放工就去買黎試下，最後揀左「原個椰皇燉雞」，「燕窩椰皇鮮奶燉蛋白」番屋企試下，店門少量企位堂食，如果想快快手嘆個糖水飲碗湯都ok。「原個椰皇燉雞」真係好多料係入面，我最中意食埋佢入面啲椰肉，有椰子嘅清甜味同雞肉嘅鮮味，飲落去好舒服！「燕窩椰皇鮮奶燉蛋白」真係好多燕窩係入面，個蛋白用左椰子水去整，清甜得黎又幾滑，本身仲想試下佢個木瓜雪耳燉鮮奶，因為太遲去，老闆話賣哂了，同埋有樣野真係小店先做到，老闆好好介紹，佢會推介你食乜食乜，又會問候你，人情味呀