湯房 (已結業)

平時番工都無乜機會食到住家飯同飲湯水，屋企樓下附近亦無糖水店可以食下，最近見到樓下開左間飲燉湯同滋養糖水嘅小店，搵日放工就去買黎試下，最後揀左「原個椰皇燉雞」，「燕窩椰皇鮮奶燉蛋白」番屋企試下，店門少量企位堂食，如果想快快手嘆個糖水飲碗湯都ok。「原個椰皇燉雞」真係好多料係入面，我最中意食埋佢入面啲椰肉，有椰子嘅清甜味同雞肉嘅鮮味，飲落去好舒服！「燕窩椰皇鮮奶燉蛋白」真係好多燕窩係入面，個蛋白用左椰子水去整，清甜得黎又幾滑，本身仲想試下佢個木瓜雪耳燉鮮奶，因為太遲去，老闆話賣哂了，同埋有樣野真係小店先做到，老闆好好介紹，佢會推介你食乜食乜，又會問候你，人情味呀