20
3
0
等級4
108
0
女人唔補好易老,可惜我係個地獄廚神,唔識自己煮養生嘢,只好出街搵補嘢食。😢葵廣3樓,出名係垃圾食物天堂,竟然開咗主打養生嘅砂鍋雞店!因為禁堂食,晚市都無晒人~最近經過葵廣食好西,發現3樓開咗間唔錯嘅小店「#湯。雞」!主打滋補養生嘅砂鍋雞,仲要標榜湯底唔落味精!一睇就知啱晒我呢啲貪靚嘅囡囡(我唔認老嘅,咳咳...)​造訪當日,正值全日禁堂食第一日,剛好遇正在門口包外賣嘅老闆豉油哥,喺佢嘅推介下,試咗佢哋嘅招牌「砂鍋花膠雞湯翅」!(為咗影相美觀,豉油哥仲突登堂食咁上,比我影相,之後再包成外賣比我帶走,真係太貼心啦~!🤤)​等咗約10分鐘,一鍋熱辣辣嘅砂鍋雞就送上,擺上枱時仲滾緊泡泡!香氣四溢!真係齋睇都流晒口水!🤤​一鍋約有4-5件雞,兩大塊花膠,仲有少量魚翅及魚唇,蛋白質及膠質滿滿,竟然唔洗一舊水...!外賣仲有8折,真係極抵!​豉油哥都坦言咁嘅時勢,不求賺,能守住已經好好,最緊要大家食得開心,體會到我哋熬湯嘅用心。​回家後,逼不及待拆開嚟食。雖然無堂食咁新鮮滾熱鬧,但食得出個湯底火喉十足!奶白色嘅湯,幾清甜,湯頭質感適中,唔會濃到膩,飲時好順口,幾高質。​我好怕雞鞋口,豉油哥有講過佢哋
更多
砂鍋花膠雞湯翅
$78
11 瀏覽
0 讚好
0 留言
女人唔補好易老,可惜我係個地獄廚神,唔識自己煮養生嘢,只好出街搵補嘢食。😢
17 瀏覽
0 讚好
0 留言
葵廣3樓,出名係垃圾食物天堂,竟然開咗主打養生嘅砂鍋雞店!
40 瀏覽
0 讚好
0 留言
因為禁堂食,晚市都無晒人~
6 瀏覽
0 讚好
0 留言
最近經過葵廣食好西,發現3樓開咗間唔錯嘅小店「#湯。雞」!主打滋補養生嘅砂鍋雞,仲要標榜湯底唔落味精!一睇就知啱晒我呢啲貪靚嘅囡囡(我唔認老嘅,咳咳...)​造訪當日,正值全日禁堂食第一日,剛好遇正在門口包外賣嘅老闆豉油哥,喺佢嘅推介下,試咗佢哋嘅招牌「砂鍋花膠雞湯翅」!(為咗影相美觀,豉油哥仲突登堂食咁上,比我影相,之後再包成外賣比我帶走,真係太貼心啦~!🤤)​
等咗約10分鐘,一鍋熱辣辣嘅砂鍋雞就送上,擺上枱時仲滾緊泡泡!香氣四溢!真係齋睇都流晒口水!🤤​
一鍋約有4-5件雞,兩大塊花膠,仲有少量魚翅及魚唇,蛋白質及膠質滿滿,竟然唔洗一舊水...!外賣仲有8折,真係極抵!​
豉油哥都坦言咁嘅時勢,不求賺,能守住已經好好,最緊要大家食得開心,體會到我哋熬湯嘅用心。​
砂鍋花膠雞湯翅
$78
27 瀏覽
0 讚好
0 留言
回家後,逼不及待拆開嚟食。雖然無堂食咁新鮮滾熱鬧,但食得出個湯底火喉十足!奶白色嘅湯,幾清甜,湯頭質感適中,唔會濃到膩,飲時好順口,幾高質。​
74 瀏覽
0 讚好
0 留言
我好怕雞鞋口,豉油哥有講過佢哋嘅雞係自己侵熟,我食上口確係覺得唔老,而且幾嫩滑!略嫌雞味唔夠鮮甜,但以呢個價錢,我實在無得挑剔。​
整個砂鍋,我最鍾意係個花膠,每件有半隻手掌咁大!😱又厚,又柔軟,咬上口仲好爽口,真係好正!非常推薦😍​
魚唇幾高質,彈牙又堅韌!不過我麻麻地個魚翅,有少少腥,下次應該會skip,走魚翅(幾串,走魚翅...)😅。​
另外,我揀咗淮山麵底,我覺得幼麵掛湯食較好😆麵方面就正常發揮,爽爽地唔錯。​
砂鍋桃膠雪梨椰子雞
$68
34 瀏覽
0 讚好
0 留言
次日,我又試埋佢另外一個主打「砂鍋桃膠雪梨椰子雞」!呢款無花膠,個滿足感無咁大,但個湯底都唔惹少,真係勁多桃膠😱​
22 瀏覽
0 讚好
0 留言
我第一次試砂鍋雞加桃膠熬~又估唔到幾夾,湯底椰香味,同柔軟嘅桃膠好襯!​
另外椰子湯汁幾香濃,不過我覺得唔加雪梨會較好,雪梨微酸,有少少破壞咗湯底嘅溫潤口感。​
呢個椰子雞我揀咗刀削麵,亦係正常發揮~無咩可挑剔,不過個人喜歡幼身嘅麵,掛多啲湯咁食會開心啲。🤤​
28 瀏覽
0 讚好
0 留言
呢個係原本外賣嘅包裝,為咗影靚啲,我裝咗碗內影~其實我真係好唔鍾意咁快外賣盒~可怕而家疫情,我都唔敢喺街食嘢~希望快啲雨過天清啦~呢啲日子真心難熬~

P. S. 我覺得「#湯。雞」整體CP值好高~同埋無味精,湯底足料,做得靚~所以我會繼續encore~​
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-07-31
等候時間
10 分鐘 (堂食)
人均消費
$80 (晚餐)
推介美食
砂鍋花膠雞湯翅
$ 78
砂鍋花膠雞湯翅
$ 78
砂鍋桃膠雪梨椰子雞
$ 68
  • 醉乳鴿
  • 雞湯浸鑽石蜆