湘川滬 (已結業)

今晚預祝父親節,一行7人book左8點黎呢度食晚飯,叫左個4人餐$468:薑油淋雞,炒蝦仁,雲吞雞,元貝時蔬,2冷盤(燻魚及海哲),小籠包;另外,再加左2個擔擔麵$18,韭黃鱔糊$68,銀絲卷$12.基本上全部野都偏咸,而且極重味精!小籠包厚皮,擔擔麵無花生醬,吾太正宗!唯一可取之處系佢d茶,我地叫左龍井,茶味頗清香.環境方面亦算舒適(卡位十分闊落),服務就一般.埋單連加一$733,一般價錢啦!但食物方面認真"油麻地"!

係香港唔容易食到正宗好味湖南菜.湘川滬係其中一間, 水準食府.由其個士匪搶蟹,用花椒同麻椒炒得極味,蟹唧鮮味又冇流失,和味到不得了.

同老婆係新世紀廣汾睇完戲,上七樓湘川滬食, 真係幾好味,紅燒元蹄係我老婆最愛,我就怕太油.點知出菜時睇見一D都唔油,正到囉D汁去撈飯同點銀絲卷.小籠包都十分美味,下次叫多D人一齊試下其它菜.

聽新城電台介紹就去試食湘川滬飯店, 冇朋友試過,都有D險,本著試下無防心.哈好彩D又ok 囉. 小籠飽幾多汁,排骨拉麵都唔錯,最正就係個水煮魚,好香唔太辣重好軟滑.至於其它菜中上la,可以再來食過個隻囉

昨日母親節我們７大１細第一次試食這間餐廳，環境OK, 上菜方面可能母親節關係，母親節套餐的食物好快就到齊，但相反另外散叫的幾道菜投訴了好幾次，差不多四十分鐘才到齊，但食物的味道真的不錯，炒飯炒得好身，表面上無咩顏色好像淡而無味，但食落是很入味，最緊要是MOTHER & FATHER SAY "GOOD!!!"

噚日朋友請去湘川滬食飯. 我覺個茶好好飲, 茶葉名叫"人參烏龍" 同"野生普洱".人參烏龍,飲落甘香可口,甚為解渴,由其食辣,好過飲無益汽水.野生普洱,飲落好滑, 應該係十年以上茶葉.又可消解油俐.食物都唔錯.

星期六一家大細去行旺角飲茶,點知間美心要等成個鐘,就走落一層,湘川滬食上海.坐底至知都有茶飲,真係好,個個禮拜食美心,冇D新意.一店食哂南北美食.媽咪鐘意食廣東點心,我同細佬想食北方.順帶推薦個紅燒元蹄,精境是一D 都唔肥,外皮香滑,切開香氣撲鼻.加碗菜版飯就very good la.元蹄皮有膠元蛋白.姊妹們要食多D-_-

看了試食會食評,抱一試心,去湘川滬試.我地成班人加起都有15個大人2個小朋友.訂時本來安排坐兩張椅,但加姊話分唔好叫,結果就用14人,坐17人都OK架.叫番試食會果D, 加上小油,走味精,條魚加酸等.試食結果直情有85分以上.睇怕"歐陽"家飯堂有新地部La.

同一試食的朋友, 成立了試食會,一行十四人試食湘川滬飯店. 點了一個十二人套餐,再加幾碟,都好底食.冷盆選了四款花彫醉雞--酒香濃而食得出雞味.8分四川怪味雞--醬味香辣,如雞能去骨更佳.7分無錫脆鱔--鱔炸得脆身,而不乾.7分夫妻肺夫--牛肚同牛筋,爽辣味香.7分熱葷選了--清炒河蝦仁,蝦人水晶通透.8分湯類選了--砂鍋雲吞雞,如雲吞可多加幾隻更口.7分雞鴨類選--湖南土匪鴨,花椒同辣椒過鴨羶味.7分魚選了--松鼠海班,不夠酸味,但魚十分之新鮮.6分蔬菜選了--銀杏燒津白.8分麵點選了--小籠包,皮薄湯汁多.9分甜品選--豆沙鍋餅,有驚喜,餅底脆身加上芝麻香味.9分令加了:涼拌茄子--茄子做得唔錯.7分香干馬蘭頭--馬蘭頭是上海一種野菜,7分紅油抄手--雲吞加了辣油味,十分可口.7分叉子燒餅--燒餅香脆,加入肉粒,可比美鬼老漢堡飽.8分折骨魚頭--粉皮香滑,加上麻辣,份量十足.9分走油元蹄--香滑不油.9分全部食物大至滿意,只是服務生水平,還須改善.不過好在有免費泊車.

本人比較喜歡北方菜,由其四川菜. 星期天去花墟買花,順便到新世紀廣食晚飯,無意中發現了一間名為"湘川滬"的菜館,裹面有齊三地菜式,湖南,四川同上海菜. 味道有驚喜,沒有了老式店的油淰淰,反而油份很小,比較健康,唯一甜品方面不多.

20050414 1pm同事生日飯局, 壽星女揀呢度, 9個人.其中一個同事食齋, 所以揀菜都係多素小肉為主.一個8人餐($588), 再散叫小小o野.* 冷盤- 烤麩, 都唔錯.* 冷盤- 素鵝, 最好呢個我覺得. 香脆, 得.* 冷盤- 醉雞, 酒落得夠, 但有同事嫌勁得滯, 呢o的真係見人見智.* 冷盤- 五香牛展, 好一般.* 小菜- 糖醋排骨- 幾好, 呢o的甜酸o野好難做得唔好食.* 小菜- 開洋乾煸四季豆- 一o的都唔乾!!!!! 佢究竟知唔知咩叫乾煸? 唔係唔好食不過既然係咁改個名做蝦米炒四季豆咪算lor.* 湯羹- 砂鍋雲吞雞- 一般啦, 唔難食又唔特別好食.* 雪火桂魚- 2條, 本來個set 係食海斑1條, 個部將無啦啦話想張佢轉做松鼠wor! 梗唔得啦, 後尾折衷就係改做雪火桂魚, 雪火即雪菜粒金話火腿, 丫~ 估佢唔到又幾好食wor!* 樟茶鴨- 1隻, 食法似北京填鴨, 有塊包夾o的京荵咁, 略嫌隻鴨乾身得滯.* 甜品- 腰果露- 賣相好醜樣, 味度一般.* 散叫- 豆沙鍋餅, 味道都唔錯.* 散叫- 素餃x 1 - 4隻, 無食, 唔知得唔得.* 散叫-

令日是小妹生日, 朋友在旺角湘川滬飯店同我慶祝生日.本來聽見是中菜, 沒有太大驚喜. 但去到見個場又真的不錯. 我地15個人,食8個冷盆,10個小菜,5款面版,4款甜品.先至$1400 有找. 以為計錯數,點知又冇.個元蹄, 拆骨魚頭,同小籠飽真係好好食.

夜晚約左朋友仔o係旺角食飯見到食評大讚呢間旺角分店見佢新開張一於黎試但食完好失望比金滿庭差平價舖頭例如"好好"仲好食過佢兩個人叫左一籠細既小籠包,露筍炒牛肉,排骨菜飯同糖醋魚片但上晒時發現份量好似少左d兩個人先得一碗比屋企飯碗仲要細既菜飯記得之前葵芳總店食評有人話呢間有正宗擔擔麵於是追加一個擔擔麵試下但點知,唉........小籠包～皮薄而且多汁,而且即叫即蒸,新鮮好味,但咬開發現好多肥豬肉,唔係咁健康露筍炒牛肉～露筍好嫩口無渣,牛肉唔un而且有鮮味,無梳打粉味,亦炒得唔油,唔錯排骨菜飯～排骨好薄身,好在炸粉唔厚亦唔會成口油,唔un既但無乜肉汁,但成個菜飯得一塊豬扒,計番一件咁既扒都要20幾蚊,唔多抵食糖醋魚片～新鮮炸起再炒入糖醋汁,個汁唔太酸唔太甜,ok咁啦;魚片炸粉好在唔厚,但係d魚肉好薄身又無鮮味,唔算好好擔擔麵(見圖)～見個碗好大個,都擔心食唔晒,而個面又唔同一般擔擔麵有花生粒o係面,湯面係一d細細粒既蝦仔,同埋一d雪菜,好有期望咁食,但食完一啖已經唔想再食! 個麵似係一般生麵,湯底無花生味又鹹,連埋d蝦仔同雪菜食係鹹上加鹹,嘩,d味怪到點都食唔到,咁都叫正宗,係嚇死人就真!唔