渡邊屋

營業中

休息中

聽朋友講九龍城有日本料理小店叫做渡邊屋， 今日就來試一試。 可能時間較早walk in仲有位， 不過其實店內最多可以坐五個人。坐低店長就推介我吃是日精選原隻楚蟹配三文魚籽，啲蟹膏同蟹肉都好新鮮，配埋脆卜卜三文魚籽吃味道就更豐富。而壽司就叫咗劍魚腩和黑瀨油甘魚腩壽司，兩種都係濃厚魚油味道，肉質非常新鮮，我就比較喜歡油甘魚腩D肉比較滑身入口即溶。還有北海道刺身井，碗井飯鋪滿咗新鮮嘅刺身，啲三文魚和劍魚腩大大嚿吃落口感上非常飽滿 ，加埋鮮甜嘅海膽真係非常絕配。太好味喇！吾夠喉我再order海膽帆立貝手卷和火炙大拖羅手卷，咁嘅價錢吃到大大件新鲜帆立貝、拖羅加鲜甜海膽認真超值，大滿足。

九龍城有間日本日式小店叫渡邊屋， 我經常行過都見到滿座 ，因為餐廳只可以容納五個客人。今天早收工就碰下運氣真係有位。餐廳裝修得真係好有日本格調。在玻璃櫃見到好多食材都非常新鮮，我見到有個是日精選原隻楚蟹配三文魚籽，賣相非常精緻蟹肉同蟹膏非常新鮮魚籽有脆卜卜嘅口感。北海道刺身井，碗井飯賣相非常飽滿， 而且啲魚生 大大嚿而肉質新鮮，配埋有手指咁長嘅海膽， 啲海膽唔會有好多海水味和腥味。手捲方面我order左好幾種 海膽北海道帆立貝手捲， 北海道帆立貝手捲，火炙本鲔大拖手捲， 蔥粒吞拿魚腩手捲 ，各種手捲都好新鮮不過值得一讚就係有帆立貝嘅手捲，啲帆立貝肉質好嫩而且size都好大粒。配埋脆脆嘅紫菜簡直係絕配。壽司方面order咗兩款有劍魚腩壽司和黑瀨油甘魚腩壽司， 兩款壽司都比較油噴重少少，口感上都幾特別。

WFH 有時懶煮, 都會出街食～由於屋企樓下餐廳都食到厭，所以近近地行去九龍城搵食😂 最近黎到九龍城高級壽司店，由日本老闆渡邊先生主理。呢間小店唔大，只有5個吧枱座位，做walk-in客同外賣 ，不接受預約。一坐低，唔想諗，直接叫左個⭐️特上壽司盛合⭐️$258，入面有：三文魚、間八、油甘魚、拖羅、左口魚、甜蝦、玉子、海膽、三文魚籽、加洲卷。全部都即叩即做，真心新鮮好食, 壽司飯份量適中～當中海膽、油甘魚、拖羅、左口魚、三文魚籽都係我最愛 😍⭐️海膽鮮嫩豐腴，入口即溶，好滋味!⭐️油甘魚非常新鮮，肉質細嫩，口感滑口。⭐️拖羅油脂非常甘香，厚切，濃郁魚味，正!⭐️左口魚燒過黎，好香好爽口，必食~⭐️三文魚籽粒粒晶瑩剔透，唔會過咸!呢度仲有其他限定食物，時令食材，等下次再黎食❤️

喺九龍城嘅渡邊屋位於街角，餐廳只得5個座位，幾有喺日本食野嘅feel呢度主打壽司、刺身同丼飯，我試咗佢哋一個丼飯同手卷，真係令人回味無窮🌟本鮪赤身葱吞拿魚腩丼飯份量夠多，沾滿咗壽司醋，調味調得好好，頂頭仲有隻蛋，撈埋啲飯食一流丼飯配料新鮮，鮪魚肉質鮮美，加上葱同吞拿魚腩嘅味道相得益彰，真係一試難忘🌟日本馬糞海膽手卷手卷即時包起，紫菜仲好脆，內裏填滿鮮甜嘅海膽，一口咬落去即刻感受到豐富嘅層次同口感，而且馬糞海膽真係完全冇怪味，好正總括黎講，渡邊屋嘅野食好驚艷，鍾意食日本菜的話，絕對唔可以錯過呢個地方

Japanese night at Kowloon City..好耐冇食Omakase🍣🥢，今次約左朋友去左九龍城發現一間精緻日料，地方不大小小的一間街舖，但即叫即握，食材新鮮，不過就算book 位都要等，好不容易先有位，終於可以一試！餐廳以吧枱形式設計，只有數個座位，裝修簡約但帶點和風味道，亦由日本老闆渡邊先生主理👨🏻‍🍳，算係九龍城一帶高級壽司店選擇之一。時令刺身： ll $248飛機貨既新鮮魚生限定，魚肉質感細膩有光澤，加上炙燒更帶出焦香，口感帶黏吃出新鮮。l壽司盛合]l $2488款壽司組合：三文魚、左口魚、原條海鰻、帶子、大拖、和牛、牡丹蝦、玉子l壽司盛合]l $138三文魚、油甘魚、帶子、左口魚、鰻魚、赤蝦、原條海鰻2款都以炙燒，其中和牛 (炙燒帶出牛膩香🖤)；牡丹蝦 (炙燒蝦膏味道濃🧡) 2者較為突出。等位等到9點幾先入座，想食唔怕等位既朋友仔就來一試吧！..×××××ש九龍城衙前圍道122號地下H舖..

想感受下日本地道手握壽司 不妨嚟到位於九龍城試下新開既「渡邊屋」，鋪頭細細，麻雀雖小 但五臟俱全，感覺就好似去到日本街頭 行街shopping行到攰，隨便行入去一間鋪頭就食到高質素日本菜果種興奮，簡直係鬧市之中既綠洲😆1）渡邊屋壽司盛合 $ 168三文魚/油甘魚/真鯛/紋甲/帶子赤蝦海膽2）火炙壽司盛合 $138三文魚/油甘魚/帶子/左口魚鰻魚/赤蝦/原條海鰻3）三文魚盛盒 $ 78三文魚/三文魚腩/火炙三文魚辣味三文魚/三文魚小卷📍渡邊屋 (九龍城)地址：九龍城衙前圍道122號地下H舖📞：2623 6693

這家位於九龍城衙前圍道的日本壽司店，裝修非常有日本風味，店員態度親切。餐廳的主打是手握壽司，提供了豐富的魚生品種，包括海膽、赤貝、油甘魚、三文魚、甜蝦等等。所有魚生，都是當天由日本直送，保證了魚生的新鮮程度和品質。除了主打的手握壽司，還有一些當日時令的刺身供應。我們點了一個渡邊屋壽司盛盒，裏面有三文魚、油甘魚、真鯛、紋甲、帶子、赤蝦和海膽壽司。每一件壽司都非常新鮮，讓人回味無窮。特別推薦他們的海膽和帶子，非常美味。另外，我們還點了一條梭子魚刺身，切得厚薄適中，，口感鮮美，讓人一試難忘。總之，這家日本壽司店提供了優質的食物和優秀的服務，是一個非常值得一試的餐廳。如果您喜愛壽司和新鮮的海鮮，這家店絕對不會讓您失望。

九龍城壽司小店好耐無食Omakase廚師發辦啦，無咁多錢就平平哋係附近食壽司🙈見到呢間好多人食，即刻過嚟試吓。日本老闆渡邊先生主理，多人推介本鮪赤身蔥吞魚腩丼。餐廳以日式裝修環境為主，背景播著日文流行音樂，小店不大，有5個吧枱座位，只做walk-in ，不接受預約。平日晚上都多人食，等候1小時九點半終於有位，可見非常受歡迎。大家都可以叫外賣，會快好多。有兩個壽司師傅在你面前即點即做手握壽司 。餐廳提供熱茶、豉油、濕紙巾、紙巾等，另收加一服務費～大部份壽司都很鮮甜，壽司飯份量適中，叫個壽司拼盤剛剛好，而且可以使好多唔同款式嘅壽司。想飽肚啲可以叫兩個或者叫多個丼飯時令刺身： 原條梭子魚 $248輕輕火炙魚嘅表面，清清地食魚本身嘅味道火炙壽司盛合 $138大部份刺身都輕輕火炙，有七件壽司🍣：三文魚、油甘魚、肥美帶子、甘香左口魚、鰻魚、赤蝦、甜甜的原條海鰻極級霜燒壽司盛合 $248同樣都係火炙壽司，不過多幾款寶貴食材：三文魚、左口魚、原條海鰻、帶子大拖、和牛、牡丹蝦、玉子服務質素：6/10環境舒適度：6/10ᶘ ᵒᴥᵒᶅ個人口味評分：7/10

這家餐廳使用由日本豐州直送的材料，提供多種不同的魚生，包括針魚、大拖羅、鮮帶子，深海池魚和牡丹蝦等。我們在這裡點了一份梭子魚刺身和三色海膽井，材料包括海膽、帶子和厚切三文魚。首先，梭子魚刺身的外觀非常精美，切得非常整齊，讓人一眼就能看出它的新鮮程度。咬下去的瞬間，魚肉的細膩口感和濃郁的香氣讓人感到非常滿足。此外，三色海膽井的味道也非常出色。海膽的味道非常鮮美，口感柔軟，帶有濃郁的海洋風味。帶子和三文魚的鮮味也很突出，讓整道菜色更加豐富多彩。總體來說，這家壽司店的食材質量非常高，食物的味道和口感都非常出色。加上優雅的環境和周到的服務，這裡是一個非常值得推薦的用餐場所。如果您是壽司愛好者，不妨來這裡品嘗一下他們的美食。

有日心郁郁想自私食,於是黎左呢間小型居酒屋格局但係食物好突出新鮮既日本菜餐廳,餐廳位置唔多,只得6-7個位置,以吧台型式既座位,呢度可以望住師傅即場制作新鮮既刺身壽司,保証食物衛生,客人可以同壽師師傅傾計同埋師傅都會推介好味既食材俾客人,我叫左一客刺身拼盆,刺身有魷魚海膽,三文魚,油甘魚,帆立貝,甜蝦等等,仲有叫左一件呢度必食推介既大拖羅壽司,大拖羅每日供應有限,我好好彩食到最後一件,大拖羅油脂分佈好香口,肉質超級軟熟,入口即溶既口感,另外,仲有一件必食推介係神戶牛壽司,牛肉味香濃亦都好入口香甜同埋即化既口感。呢度既壽司真係好新鮮。

今日放假又去九龍城啦，記得呢到之前係做外帶壽司，原來而家有堂食，門口仲排晒長龍，我都湊下熱鬧先。望住師傅切刺身，食慾大增呀。北海道刺身丼 $198揀咗一款幾多刺身種類嘅丼飯。細個嘅時候鍾意食蟹籽，長大了先識得欣賞三文魚籽嘅鮮甜。配上鮮味嘅海膽同其他刺身，滿滿幸福嘅感覺。蝦蛄壽司 $18肉質鮮甜，壽司飯既份量恰到好處，唔會太多/太少。值得一提嘅係座位只有5個，想試既朋友要注意。可以盡早過去，晚飯時段都多人排隊

九龍城除咗泰國菜，原來仲有好多美食。友人介紹渡邊屋，一間充滿日本感覺嘅小店。一入門口抬頭見到好精緻嘅裝修，魚型擺設係日本師傅花一個月時間用竹片砌出嚟 。呢啲細緻位就睇得出餐廳嘅用心。食物由吧枱後嘅師傅即叫即做。今日嗌咗刺身盛盒$ 248入面有三文魚、油甘魚、真鯛、甜蝦、帶子、海膽魷魚卷、𩶘魚。三文魚刺身口感綿軟，味道清甜，魚油嘅香味充滿口腔。帶子肉身豐厚，味道鮮味甘甜。海膽魷魚卷，一次滿足味蕾。魷魚味道鮮甜配合海膽軟綿質感，入口非常鮮味。簡簡單單，淺嘗日本刺身。呢到嘅店員仲非常親切有禮，食物質素好，下次一定會再同朋友過嚟試下佢哋嘅手握壽司呀。

之前去九龍城獅子石道的時候，會見到一間壽司店，幾別緻⋯⋯今日又經過，於是入去來一個快閃壽司🤪「渡邊屋」手握壽司🍣，店舖只有5個位，全部可以望住壽師傅整壽司🥰而且即叫即做巧新鮮🤭🤭 渡邊壽司盛盒，三文魚，油甘魚，真鯛，紋甲，帶子，赤蝦，海膽.. 海膽鮮甜…帶子好鮮厚身巧巧味…材料好新鮮😚😚😚 火灸壽司盛盒，有三文魚，油甘魚，帶子，左口魚，鰻魚，赤蝦和原條海鰻…渡邊師傅整緊時已經聞到好香😋😋原條海鰻，比鰻魚薄身，但是魚味一樣鮮甜🤭左口魚灸燒過啲魚油巧香巧巧味😙其他也巧巧味…果然不錯😘

《九龍城居酒屋小店》九龍城真係好多好野食啊，今次來左間新開既居酒屋，麻雀雖小，五臟俱全本鮪赤身蔥吞拿魚腩丼見好多人之前點呢個，所以跟機試吓，果然唔錯WOR~ 成個丼有滿滿吞拿魚腩，仲有隻雞蛋，食之前經理好細心咁教我地點食，成個丼撈埋D蛋汁再加蔥同吞拿魚腩，真係勁香勁鮮～～牛油果芝士三文魚卷牛油果加三文魚就食得多，估唔到加埋芝士入面係成件事昇華左！三文魚既油脂加牛油果同芝士既creamy, 食落層次好豐富啊黑瀨油甘魚＋赤貝Sashimi油甘魚由日本直送到港，非常厚切，食落有少少油脂感但一D都唔會Heavy, 而赤貝食落好有口感，鮮甜爽口，十分高質啊～.📌 渡邊屋 (#九龍城)#九龍城美食 衙前圍道122號地下H舖

今晚同朋友黎九龍城晚飯, 經過見到呢間日本壽司, 店舖好袖珍, 裡面只有5個座位, bar枱形式, 方便同師傅交流, 店員同師傅都好親切, 有禮貌, 講解食材產地等等, 有咩唔清楚都可以盡情問下佢地. 需然店面袖珍, 但係裡面食材豐富, 而且每樣都新鮮, 天天日本直送, 品質極優! 裝修非常舒適!店裡面仲有多款日本清酒選擇, 可以同店長交流心得!當日廚師推介!梭子魚師傅劏開後, 火炙外皮. 外皮經火炙後, 油脂令魚既香味更加濃郁, 肉質更鮮甜味美, 彈牙!本鮪壽司盛盒赤身, 中拖羅, 大拖羅, 蔥吞拿魚腩, 件件絕對一點腥味都無! 當然大拖羅係精髓所在, 油香味鮮!三文魚盛盒三文魚, 三文魚腩, 火炙三文魚, 辣味三文魚, 三文魚小卷, 件件厚切, 就算唔係腩位, 都同樣肥美!火炙壽司盛合三文魚, 油甘魚, 帶子, 左口魚, 鰻魚, 赤蝦, 原條海鰻帶子超大隻, 啖啖肉, 超美味! 赤蝦配上蝦頭裡面既蝦膏, 雙重鮮味, 蝦肉爽口彈牙! 原條海鰻肉質綿綿感覺, 放入口裡面超滿足!