162
64
11
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食家推介
［九龍城］排長龍必食爆汁牛肉餅成日見到有人去呢間清真牛肉館打卡 見到爆汁嘅牛肉餅真係超吸引！今次去到大概夜晚7:30 店舖出面已經全部都係人 好彩排左大概半個鐘到就入得 交台都算快！店員姐姐counter前面會有menu 好多人都係係出面睇定自己想食咩 入到去就即刻嗌 而且上菜速度都好快 所以可以即刻醫到肚🤣🥪牛肉餅💰46嗌完來嘅第一個就係期待已久嘅佢！應該係師傅一收到order就即煎 所以上到來係熱辣辣架 我一咬開就即刻爆汁 彈到半張台都係🤣 入面一大舊牛肉餅 有孜然同香蔥嘅味道令牛肉唔寡 好惹味！而牛肉餅嘅外皮都不同凡響 出面煎到脆卜卜 入面反而有糯米嘅口感 咬落口感都特別豐富 唔會越食越寡 真係推薦！！🥟羊肉小籠包💰50一籠小籠包有4件 羊肉好少見所以我地嗌左 可以見到佢個頭都好大一個 咬開個皮都會爆汁！但係個皮唔係一般嘅小籠包皮 而係上海菜個隻糯米燒賣嘅皮 口感特別唔同D～ 羊肉唔會有羶味 都係孜然味kum過左👍🏻🥠高力豆沙💰32食到最尾一定要來個甜品 同上海餐廳一樣呢度都有高力豆沙 呢度一碟係兩個 炸到金黃色嘅高力豆沙唔油膩 入面係豆沙 內餡甜甜地又幾正！不過同一般嘅高力豆沙唔同 呢度下面嘅粉末係白糖而唔係嗰隻雪沙 所以口感差左小小😩🍤芝士大蝦年糕💰138雖然望落個碟唔大 但係入面嘅年糕同蝦肉都唔少 食到最尾超級飽！我諗價錢貴係蝦肉到 D蝦應該係虎蝦 蝦肉鮮甜咬幾啖先可以食完一舊🤣年糕係上海年糕 點落D芝士度都算幾新奇 不過呢度嘅芝士應該係最常見嗰隻總統牌 有一舊舊嘅芝士結都有一patpat油 唔係特別推薦 不過就好飽肚🥘咖哩牛脷💰105見到隔離嗌咖哩牛腩我地都想試下 嗌左牛脷但係原來同想象中厚片嗰隻唔同 而係切成薄片嘅 口感會冇咁好 呢碟咖哩係炒出來而唔係煮嘅 所以咖哩味唔算特別濃 D洋蔥同紅椒反而炒得幾香口 但係覺得悶嘅牛腩可能會好味D🥺🍲片兒湯（小）💰54本身好好奇片兒湯係咩來 上左來反而就大跌眼鏡 好清淡🤣但係食下食下反而係出乎意料地多料 入面有笋 白菜仔 牛肉片 牛肚 同埋有主角-片兒（即係好薄嘅雲吞皮）牛肉片腌過孜然味好重 但係幾香口 片兒夠薄食落特別新奇 其實都幾好味！呢度客座率超高 而且返台率都好高 可能D客人都知道自己等得唔容易要比其他人快D食🤣但係個人會推薦呢度嘅點心類多過其他菜 牛肉餅係真係值得一試 分享返一個唔愉快嘅用餐經歷 因為我地嗌嘅多數都係點心 比隔離台係咁議論Dc餸都算 仲話我地應該去食點心放題😓不過唔緊要 其實我都食過 下次就介紹返一間好味嘅點心放題😎📌 清真牛肉館 (打鼓嶺道) (九龍城)九龍城打鼓嶺道33-35號地舖
繼續閱讀
上個月朋友帶我來食的，本身冇乜期望. 下午茶時段要排隊，但 turnover 好快，等咗一陣仔.一入去，見到menu… 同一間舖又清真，又上海嘢，甚是有趣😃👇牛肉餅. 外脆，一咬落去爆汁，OK 喎喂～👇酸辣湯. 味道深得我心，夠濃夠味，有衝動想 encore 一碗，不過忍住😂👇雞麻麻地，我食咗一舊就冇食。👇仲有碟，好似係炒羊肉？ 應該都係好味的，唔係好記得，好似係孜然啲frd👇 豆沙窩餅+ 高力豆沙 定美麗豆沙（？）都不錯的👇 咖哩牛腩， 也不錯. 估計咖哩飯會好味過咖哩麵
繼續閱讀
今日同朋友去食呢間餐廳，之前很多人話牛肉餅好食，專登排隊去食。今日點佐4樣，食到水煮牛肉片瞬間瞬間作嘔，因為有隻曱甴🪳我地叫工作人員過來，果個人未等我地講完即刻收走⋯佢只係講句幫你cancel呢個⋯到後面我地已經無曬胃口，仲買埋單（另3款食）！收銀果個人仲幫餐廳廚房搵藉口，話一般唔會有呢個問題⋯我完全啞L曬其實我地趕時間，就未打食環電話。真係唔建議大家食呢間餐廳，衛生堪憂！服務又差！宜家仲覺得範圍作嘔🤮
繼續閱讀
路過N次，都被門外人龍嚇怕。今日決定五點半突然襲擊，果然有位。點了個二人A餐288元。四菜一飲品。芝麻鷄乏善可陳，鷄肉柴而無味，至於醬汁。辣子羊肉一般水準，。咖喱牛肉粉絲湯尚可。牛肉餅係店裡熱賣爆款，肉餡爆汁皮脆肉汁稍嫌多點。難怪不少顧客都衝著這個餅過來。餐牌上寫餐廳始於1950年，就是已經有73年曆史。店內裝修陳舊，服務也是那種港式旺場店嘴臉。在香港已經成為習慣。個人認為，試過就好，沒有什麼賣點能吸引回頭光顧。
繼續閱讀
就算搬咗嚟九龍城附近咁耐，都冇試過呢間咁出名既餐廳，次次都見佢門口堆滿曬人，就唔想等🫠今晚落街搵嘢食，老公話難得見到冇人等不如就試下一坐低就好似茶樓咁俾咗兜水同埋啲餐具我洗，啲餐具都幾污糟….有層油係上面…..叫咗一個炒年糕，一個麵，同埋一個高力豆沙芹王麵其實係牛肉炸醬麵，好好食好多芹菜粒，調味唔會好鹹，不過啲拉麵煮到好腍，唔係我鍾意嘅口感牛脷濃茄湯年糕好好食，雖然係即食雞湯煲蕃茄，但又煲得幾好飲，入面仲有好多蕃茄粒。呢到個年糕唔會煮到好爛仲好有質感好煙韌，牛脷係一片片嘅，好好食，好爽口又有牛味👍🏻高力豆沙好企身，大大粒金黃色，灑滿砂糖可惜個芯係凍既，而且仲有啲未炸熟既麵粉一舊舊，紅豆餡又冇味，但係個皮係幾好食嘅，所以真係好尷尬。佢係我食過最好食嘅高力豆沙皮，但都係我食過最難食嘅餡，浪費曬唔夠飽仲叫咗個牛肉餅，睇個樣真係幾出色嘅旁邊一睇係透明，應該入邊全部都係肉汁講不然一咬爆到周圍都係，而且冇咬一啖都係咁滴啲肉汁出嚟。可惜除咗肉汁之外，亦都有1：1既油漏出嚟。呢個餅除咗去爆汁同埋熱辣辣之外，入邊啲肉口感好爛，而且調味都唔好食整體嚟講都唔錯，可以下次試埋其他嘢食，不過就唔會再嗌高力豆沙🥲
繼續閱讀